بقلم نور ربيع
سبحان الله وبحمده 🩷
عند يوسف في السكن بتاعه
كان قاعد في غرفته ماسك الفون بتاعه
بيشوف كل ذكرى ما بينه هو ورزان وجواه حزين جدا منها وبسبب تصرفاتها وتسرعها
يوسف بحزن شديد: قد اي انتي انانيه يا رزان انانيه جدا كمان بــ معنى الكلمه والله بس خلاص اللي حصل حصل وانا ندمان ان انا اخترتك انتي الوحيده وكنت عايزك تبقى شريكه حياتي ما بين البنات دي كلها بس ازاي ما شفتش انك انتي انانيه كده ازاي ما قدرتش اثبت لنفسي انك انتي كده ازاي
كمل . يوسف لنفسه بحزن وتانيب ضمير: الندم مش هيفيدني بــ حاجه دلوقتي كفايه بقى كفايه تانيب في نفسك يا يوسف اللي حصل حصل بتعرف ترجع بالماضي تاني عشان خاطر تصلح غلطتك والله ما هتعرف كفايه بقى كفايه
اتنهد بحزن شديد جواه ثم قام يتوضا و يصلي
ـــــــــــــــــــــــــــــــــــــــــــــــــــــــــ
عند سيف
سيف كان في جيم الرجالي
كان بيتمرن وشايل حمل تقيل جدا لشد العضلات وكان سرحان وعقله مشتت. في لحظه دي
سيف لنفسه بشتات: كفايه تفكير كفايه تفكيرك ده هيهلكك دي محرمه عليك حرام حرام يا سيف كفايه بقى وانساها هي مش من نصيبك
سيف بوسيه لنفسه: يا اخي مفيش احسن من اختيار ربنا لينا ايه يا سيف هتعترض ولا ايه اصبر على ما يبتليك الله بيه
" الخير فيما يختاره الله وما يختاره الله لنا هو خير لنا حتى لو كان عكس رغبتنا وكل اختيارات الله صالحة حتى وإن كنا لا نفهم كل أسبابه فلا تكره شيئا اختاره الله فعلى البلاء نؤجر وعلى المرض نؤجر وعلى الفقد نؤجر وعلى الصبر نؤجر فالله عزوجل لا يأتي إلا بكل خير"
نزل الجهاز اللي في ايده و اخد نفس كبير بتنهيده وقال بحزن شديد مالي قلبه وعقله مشتت
سيف: ياااا الله والله راضي راضي يا الله راضي بكل اللي تديهوني راضي يارب راضي اختر لي الاحسن فاني لاحسن الاختيار
سيف بحزن شديد: مش مستاهله والله ما مستاهله لحزن ولا اكتئاب
ــــــــــــــــــــــــــــــــــــــــــــــــــــــــ في شقه رحيم
ريتال: رحيم
رحيم ___
ريتال: رحييم
رحيم __
بصت لي بغيظ انه ماسك التليفون مش واعي ليها نهائي
ريتال شالت المخده من على رجليها وحدفتها بعصبيه على السرير وقامت بايديها الاتنين خبطت على خدودو الاتنين براحه
رحيم انتبه ليها وبصلها: في اي يا ريتال
ريتال بعصبيه: التلفون اهم مني معقول بقالي ساعه اكلم فيك وانت ولا هنااا نهائي
قفل الفون وحطه جنبه بصلها بانتباه
رحيم: امم معاكي اهو اتكلمي
ريتال: التلفون اهم مني صح؟
رحيم: لا
ريتال دخلت في حضنه وسندت راسها علي صدره
ريتال بغيره وتحذير: اوعا تكون بتكلم حد و بتحب حد غيري؟؟
رحيم: هو انا مرتاح منك لما ابلي نفسي بواحده تانيه
ريتال زعلت من كلامه طلعت من حضنه
ريتال: والله يعني انت زهقت مني خلاص مش عايزني وانا اتكرهه
رحيم: ريتال اي اللي انتي بتقوليه ده وبعدين لو انتي مش ماليه عيني وانا زهقت منك ما بقتش عايزك خلاص والله ما كنتي شوفتي مني كل الحب ده و الاهتمام و خوفي ولهفتي عليكي ولا انتي شايفه حاجه تانيه مني ها؟
ريتال: لا طبعاً مش شايفه منك غير كل الحب و الاهتمام و اللي يقول غير كده ياخد بالجزمه
رحيم: ضحك: بالجزمه اهو قالتي
ريتال ضحكت بسيط ثم قالت
ريتال: رحيم عايزين نخرج في مكان انا زهقانه اوي من الشقه و الزهق ده
رحيم: الدروس خلاص بدأت هي هتملى عليكي حياتك وهتخلي الفراغ اللي عندك ده يروح من الاسبوع ده
ريتال بزهق: لا مش عاوزه
رحيم: تخرجي ها اي رايك؟
ريتال بسرعه: لا لا بلاش
رحيم بتنهيده: اللي انتي عايزه انا معاكي فيه بس اختاري الصح عشان ما تندميش بعد كده اذا كنتي عايزه تكملي كملي مش عايزه خلاص اللي يريحك
ريتال: لا عايزة اكمل بالله
رحيم: وانا معاكي في كل اللي يريحك يا اميرتي اي رايك بكره اخدك البيت الكبير تزوري حماتك واختي وسلفتك
ريتال برافض: لا
رحيم: ليه بس
ريتال:انت عارف أن محدش. بيحبني منهم و علشان كل مره اروح عندهم بيقعدو يزعلوني ويخليني اتعصب
رحيم: لا متخافيش منهم انا معاكي و اضحكي و هزاري كده معاهم بلاش تاخدي كل حاجه عل اعصابك يا ريتال ها قولتي ايه؟
ريتال: اللي يريحك
رحيم: يبقي نروح بكره اخد اجازه من الشركه و نروح انا وانتي
ريتال: اشطا بس خليك معايا
رحيم: حاضر معاكي طول العمر يا عمري
ريتال ابتسمت بحب: يديمك ليا وميحرمنيش منگ ابدا يا حبيب عمري
ــــــــــــــــــــــــــــــــــــــــــــــــــــــــــ
في شقه ياسين
وعد كانت داخله السوشيال ميديا و كانت طول الوقت قاعده علي التلفون و السوشيال ميديا و صحاب السوشيال ميديا و كانت بتحاول تخرج نفسها من حزنها واكتئابها اللي ياسين دخله في قلبها مره واحده
وعد بدموع و اكتئاب: ما استاهلش ما استاهلش منك اللي يحصلي ما استاهلش انك انت تتجوز عليا وتحب واحده غيري او تاخد هي مكاني ما استاهلش اطرد بالطريقه دي من حياتك بالسهل كده يا ياسين مستحيل اسامحك
كملت بحقد وغيره جواها: اياك ما تتهنى في حياتك ابدا يا ياسين قلبي عمره ما مسامحك نهائيا حتى لو ايه عمرك ما هتتهنى في حياتك ابدا ( فضلا يا جماعه ما تدعوش على حد لان حرام والدعوه هترجع ليك انت وما تتمنيش لحد الشر عارفه ان القلوب بتبقى شايله كتير مش بتبقى متحمله مش بيبقى في ايدينا غير اننا ندعي على اللي قدامنا بس حاولوا تمسكوا لسانكم شويه بلاش تخلي لسانك متسلط عليكي طول الوقت وخلي قلبك نظيف من جوه واتمنى لغيرك كل الخير حتى اللي قدامك ده عمل فيكي ايه وربنا يهدي قلوبنا جميعا)
ــــــــــــــــــــــــــــــــــــــــــــــــــــــــــ
في بدايه يوم جديد
واحداث جديده على الابطال
في منزل احمد
خديجه كانت لسه صاحيه من نوم
كانت مصليه فرضها صلاه ضحى وحاطه فطور قدامها في الصينيه وقاعده تفطر
خديجه لنفسها وهي تاكل: انا شكلي كده مش هعرف اعيش معاك ايامي الحلوه يا ايشان انت بعيد اوي مش عارفه اتكلم معاك ولا اخد عليك ولا زياره ولا حاجه من وقت خطوبه
اتنهدت بملل: اهه بتفكري في اي بس سيبيها على الله يمكن شركه الطيران تدي اجازات اطول من كده فيما بعد والايام الجايه محدش عارف بكره في ايه
كملت. فطارها وطلعت التفكير من دماغها تمامأ ..
دخلت الوتساب و بدات تشوف الاستوريهات بتاع زمايلها
وان كان حد بعت ليها حاجه
ــــــــــــــــــــــــــــــــــــــــــــــــــــــــــ
في منزل اهل رزان
رزان : انا مش عاوزك تاخد بكلام ماما يا وائل انا مش زعلانه علي فكره اننا سيبنا بعض
اخوها الكبير بتنهيده: بس ممكن يجي يوم و تندمي يوسف ما يستاهلش انه يتسب
رزان بصتله بهموم جواها وقالتله: لا لا مستحيل انا مش بندم علي فكره و مش زعلانه و مش هزعل حتى فسيبك بالله لاني مش عاوزه اساسا انسان زي ده
اخوها بعتاب: يا بخت اللي من نصيب ابن خالنا والله عمره ما يتعوض ابدا يوسف يا رزان ما كانش لازم تعملي كده او تسبي
رزان مبقتش طايقه سيرته نهائي ولا اي كلامه عنه و حاسه بهموم جواها وحزن لكن مش عاوزه تثبت لنفسها كده
رزان بخنقه: وائل كفايه بالله عليك
وائل بحزن وعتاب فيها: كفايه!! كفايه اي بس يا رزان انتي غلطانه اه والله لما بكره يبقي مع واحده تانيه بالله عليكي انتي ياشيخه ما تروحي لي وانتي ندمانه _ واخر جمله قالها بصوت عالي وبغضب منها
رزان بعصبيه: حتى انت كمان زيك زي ماما يا وائل _ وقامت من جنبه ودخلت غرفتها
ــــــــــــــــــــــــــــــــــــــــــــــــــــــــــ
كان في المساء الساعه 6:00 مساء
كان ميعاد اللي ايشان وصل في مطار القاهره
ايشان كان واقف في نص المطار ، و لبس القبعه بتاعته علي راسه
و مسك الشنطة الصغيره في ايده و لبس نظارته
و طلع فون تفتح ورن على خديجه
ايشان بابتسامة: حمدالله على السلامة
خديجه بسعادة جواها: حمدالله على السلامة كنت منتظره منك مكالمه دي من ايام والله يا ايشان
ايشان بابتسامة بكل حب: عارف اني وحشك زي ما انتي وحشاني يا قلب ايشان كمل بتنهيده: منعول ابو مسافات دي اللي هتبعدنا كل فتره عن بعض بالطريقة دي
خديجه ابتسمت ابتسامه كلها خجل من كلامه ثم قالت: ولا حول ولا قوة الا بالله وبعدين بقا
ايشان ضحك بحب: ولا قبلين يا ست البنات ولا قبلين
خديجه ضحكت ضحكه بسيطه
خديجه: انت عامل ايه كده
ايشان وهو مقدم خطوات لقدام
ايشان بابتسامة تعب: انا الحمدلله زي فل من بعد مع سمعت صوتك والله كنت جاي تعبان علي الاخر بس بعد ما سمعت صوتك خلاص بقيت زي فل يا خديجه
خديجه بابتسامة خجوله: ادام الله حمدك و غفر ذنبك، و حمدالله على سلامتك يا كابتن ايشان
ايشان بحب: الله يسلمك يا قمر
ايشان كان الفون بتاعه بيرن ورا بعض لكن اللي بيرن كمان بيدي لي مشغول
خديجه: احم في حد بيرن عليك من وقت ما رنيت ما تشوف مين
ايشان بص للمكالمه واتجاهل تماما لما شاف الرقم
ايشان بعدم اهتمام: سيبك مش مهم ارد
خديجه ضحكت: احسن يكون في حاجه ضروري
ايشان: لا لا سيبك مش ضروري ولا حاجه انتي عندي اهم من اللي علي مكالمه دي والله
خديجه بابتسامة: خلاص ماشي المهم مستنياك انا وماما وبابا انت جاي عندنا النهارده تمام!؟
ايشان: ابوكي قالي في الست شهور الخطوبه دي تيجي كل مره شهر وانا لسه ما خلصتش الشهر كنت عندكم قبل مطلع الرحله انا مش قد ابوكي بدل ما يفشكل الخطوبه وانا اللي ابقي طلعت من المولد بلا حمص
خديجه ضحكت جامد ع كلامه: لا لا ما تقلقش انت تعال بس وانا هبقى في ضهرك
ايشان ضحك: طيب طالما كده خلاص موافق انا جاي اهو
خديجه بضحك: مستنياك بسرعه بقى
ــــــــــــــــــــــــــــــــــــــــــــــــــــــــ
في شقه ورده
ورده حطت التليفون بخنقه شديده جواها
ورده بحزن شديد: من وقت عرفتيني كان اول واحده كان بيكلمني انا واخر مره بعتلي هديه وبعتلي فيها ..
"مفيش حمد لله على السلامه يا وردتي الكابتن" كانت احلي رساله في حياتي واحلى هديه اشمعنا المره دي يا ايشان
ورده بغيره و دموع: خطيبته دي اخدته مني وشغلت وقته عني وهي اللي كل حاجه بقت عنده وانا لا انا بقيت واحده ولا ليا اي قيمه عنده وانا مين انا ولا حاجه يا كابتن ايشان يا ابن الاكابر
كملت بغيره ونار جواها: ليه مش بترد عليا ليه بتتجاهل مكالماتي للدرجه دي انا ولا ليا اي قيمه عندك خلاص على كده نسيتني!؟؟
انا مش هسيبك يا ايشان مش هسيبك لحد غيري مش هسيبك انت ليا مش للبنت التانيه دي
مسحت دموعها بايديها وهي كلها غل ونار من خديجه وقلبها شايل منها جامد في اللحظه دي وحقدت عليها
ـــــــــــــــــــــــــــــــــــــــــــــــــــــــــ
في منزل اهل رحيم واول مره نروح ليهم
في غرفه الضيوف كان رحيم وريتال جو لبيت اهله ..
وكان متجمعين الكل ، من رحيم وريتال
والدته واخته اللي اصغر منه و اخوه اللي اكبر منه مرات اخوه وتبقى سلفه ريتال
ام رحيم بابتسامة: منور والله يا ابني اخيرا زرتنا بعد الغيبه دي كلها
رحيم بابتسامة: دا بنورك يا ست الكل والله
امه بصت لريتال من فوق لتحت
وهي كلها خنقه منها وقالت: منوره يا حبيبتي
ريتال بقرف: دا بنورك يا طنط
رحيم بصلها عشان تعدل نظراتها بتحذير
و ريتال اتجاهلتوا لانها متضايقه منهم جدا لانهم هما مش بيحبوها من وقت ما اتجوزت رحيم
سلفتها بتريقه عليها: و ياتري اتشطرتي ولا لسه يا صغيره علي الجواز وشيلتي مسؤوليه بيتك و جوزك وبقيتي شاطره كده ولا لسه ها؟؟
ريتال بغضب: وانتي مالك يا بتاعه انتي خليكي في حالك
قامت السلفه بغضب ليها: لمي لسانك يا بت انتي و احترمي نفسك بدل ما اقطع لسانك انا
ريتال قامت وقفت قصادها وقالت بعند: مش هتقدري يا حبيبتي
رحيم شدها بغضب علشان تقعد و تسكت
ريتال بألم: اهه رحيم سيبني كده انت مش شايفه هي بتعمل ايه
اخو رحيم بغضب: اي قله الادب دي انتي وهي احترمي نفسكم منك ليها
حماتهم بغضب وصوت عالي: صحيح انكم ما شفته تربيه ولا اهلكم عرفو ربيكم.أبداً اخص عليكم و على تربيتكم
رحيم قام مسك دراع ريتال بغضب: اسكتي و اقعدي مش عاوز اسمع صوتك اي اللي انتي بتعمليه ده يا ريتال
ريتال عيطت جامد وبغضب قالت: انا ما عملتش حاجه هما اللي من وقت ما جيت وهما مش طايقني نهائي
رحيم بعصبيه: طيب اسكتي طيب مش عاوز اسمع صوتك نهائي
اخت رحيم بغيظ وكرهه : ما اعرفش انت جايبها منين بنت الشارع دي يا رحيم
سلفتها بسخرية: معرفش والله جايبها من انهي داهيه دي عامله فيها نونه
جوزها بزعيق: تعرفي تخرسي و يلا علي فوق علشان مش عاوزين طولت لسان منهم
رحيم غضب جامد منه: ما انت لو ما لمتهاش وخليت لسانها يتلمى انا اللي هلمها واقولها تهدي شويه عن مراتي _ ثم وجه كلامه الاخته بتحذير ببرود تام غير اللي جواه: من ناحيتها: ورحمه ابوكي لو ما اتلميتي عن ريتال يا تالا انتي كمان وما بطلتي قله ادب ولو وجهتي ليها اي كلمه تاني انا اللي هقف قصادك مره دي صدقيني همد ايدي عليكي اللي عمرها ما مديتها عليكي وهربيك من اول وجديد الا ريتال وحذرتك مش هحذرك تاني و انا بقولك اهو( يا جماعه لا يجوز يا جماعه اننا نحلف برحمه فلان لان حرام ما بنعذبه في قبره)
ريتال بعياط شديد: ا انتوا عالم ز
رحيم قطع كلامها بغضب: اسكتي خاااالص
سكتت تماما ريتال وقطعت كلامها بخوف منه و فضلت تعيط بصامت من كلامهم اللي وجهه ليها
اخوه بغضب معمي: انت زودتها بما فيه الكفايه بقا انت تجي علي اهل بيتك عشان خاطر واحده زي دي جايبها من الشارع و تقولي لم مراتك و تلمي يا تالا همد ايدي عليكي لا انت ولا هتقدر تعمل حاجه من دي كلها عشان تبقى عارف بس يا رحيم مين دي علشان خاطر تجي علينا كده
مراته بعصبيه: بقا انت يا رحيم تعمل كده معانا علشان خاطر دي
امه بغضب: رحيم خد مراتك و امشي من هنا مش عاوزه ولا اشوفكم نهائي طالما انت كل مره هتعملو مشكله كده بسبب الاتنين دول
اخته بعصبيه بتوعد: والله العظيم يا ريتال الايام هتيجي وهتجمعنا مع بعض وهاخد حقي منك علي اللي اخويا بيعمله ده فينا بسببك
رحيم حس انه في وسط هدومه في لحظه دي وحزن من جواه من تصرف اهله مع مراته حب عمره
لكن جوه متضايق جدا وجوه نار شاعله من الغضب انهم جايين عليها بالطريقه دي وانهم بيكرهوها ومش بيحبوها وهنوها وقللو منها كده
وانهم باكوها
ريتال بعياط وكسره: انتوا ناس وحشه اوي كده ليه؟ بس بجد عمر ما رحيم ما هيسيب حبيبته ريتال حتى لو اي كده
سلفتها بغضب: يلا يا بت انتي من هنا يلا يا زبالة يلا
ريتال انهارت من كلامها: انااا مش زبالة انتي اللي زبالة ياااا حيوااانه يا حقوده
جت تقرب منها تضربها
رحيم شد ايدها بسرعه وبعدها عنها
اخوه بغضب وصوت عالي: خد مراتك دي من هنا و يلا مع السلامه يلااااا
رحيم مسك ايد ريتال وقال وهو باصص ليهم بكرهه
وقال بنبره حاده: حطوا في بالكم كل كلمه اتقالت لامرأتي وجعتها انا مش مسامح حد فيكم . ومش هفرد في ظفر من أظافرها كده...
و اخد ريتال و راح تجاه الباب
و ريتال كانت منهاره في العياط بسبب قسوتهم دي عليها
اخته: يلا في داهيه يا غبيه
امها بغضب شديد: اخرسوا بقى اسكتي انتوا عايزينها تبقي الدنيا متدمره ولا ايه على اخوكم
مرات ابنها بغل: البت دي من وقت ما دخلت علي حيات رحيم رحيم اتغير خالص معانا
الاخ زقها بغضب وقال: كفايه بقا كفايه يلا علي شقه فوق كفايه اللي عملتي انتي سبب كل ده
مراته بعصبيه: في اي يا مازن مالك
حماتها بزعيق: حسبي الله ونعم الوكيل فيكي انتي يا حربايه انتي سبب كل ده
ــــــــــــــــــــــــــــــــــــــــــــــ
كان داخل المساء و بقا بليل
ايشان كان بعد ما راح علي شقته راح لخديجه بالفعل زي ما طلبت منه
احمد بابتسامة: منور البيت والله يا ابني يا ايشان
ايشان بابتسامة لي: منور بوجودكم والله يا عمي
احمد: تسلم يا بني
ايشان بص لخديجه اللي قاعده حطه عيونها في الارض و ابتسم وقال لنفسه: علي امتي مكان واحد يلمنا انا وانتي يا خديجه بعد الايام بالعافيه والله
ليلي بضحك لايشان: عارفه بيدور في دماغك ايه يا ايشان والله بس الله يكون في عونك بقي معاها كلها ايام و هتبقي معاك بس انت اتحمل بس خديجه
ايشان بحب: خديجه علي عيني و علي راسي والله يا حماتي _ ثم كمل بضحك: بس الايام تعدي بس و تروح بسلامه بسرعه علشان زهقت
ليلي ضحكت: لا شكلها خديجه عملتلك غسيل مخ خلاص
خديجه ضحكت بسيط بخجل
خديجه بضحكه: بحس انك عاوزه تخربي عليا الجوازه منه مش عارفه ليه مش كل ما يجي تعملي كده فيا بقا
احمد بضحكه: ما تخليكي محضر خير. بقا يا ام خديجه
خديجه: لا محضر خير ازاي يا بابا ازاي قولي
ايشان ضحك: لا اطلع منها انا بقا
خديجه بضحك: انا اعرف انا الام ستر وغطا علي أولادها وانتي ماشاء الله فضحني قدام خطيبي ( معليش يا خديجه مش انتي بس والله حتى انا والله امي خلتني جبت اخري من الفضايح بتاعتي قدام خطيبي الله يسامحهم الأمهات دي بقى " قال ستر وغطاء قال" 🥲😂😂😂😂)
ليلي بضحكه: في اي يا بت مالك انتي هتضربيني ولا ايه
وضحك الكل علي خفه دمهم وبقى قاعدين في جو هدوء وكل ضحك وهزار مع بعضيهم و ايشان كان مبسوط جدا معاهم وكان الوقت بيفوت عليه وهو قاعد معاهم كل مره وسعيد معاهم
خديجه جابت ليها لب وسداني وبيبسي وطبق فاكهه كبير وقعدت
خديجه بضحكه و بابتسامة: يلا عشان قاعده تحلو كمان
ايشان ضحك جامد: انتي اي حكايتك مع الاكل ده غير اللي احنا اكلناه كمان يا بنتي
خديجه ضحكت: يلا يلا بالف هنا على قلبك مش خساره فيك . ما انت بتجبلي شوكولاته. لازم ادلع عرشك😂
ـــــــــــــــــــــــــــــــــــــــــ
في شقه ياسين
وعد كانت خرجت من الحمام بعد ما اخدت دش
وراحت علي الدولاب بتاعها
طلعت فستان سهره لونه كشميري
وراحت لبست قدام المرايه و الفستان كان جميل جداً و كان لحد بعد الركبه وبحملات رقيقه
عملت شعرها استشوار و فردته علي ضهرها لورا وحطت ميك اب خفيف يناسب بشرتها وفستانها
ولبست على الفستان سلسله من الذهب كان هاديها ليها و رشت برفان اخر حاجه
وكان شكلها جميل جدا وعد
وعد لنفسها بتنهيده: اخر محاوله معاك صدقني بس مش عاوزه ربنا يغضب عليا او اشيل ذنبك يا ياسين
سمعت صوت باب الشقه بيتفتح
قامت بابتسامة مرسومه على ملامحها رغم الهموم اللي باينه في عيونها وفي ملامحها
طلعت الصالون كان داخل ياسين في الوقت ده
وعد بابتسامة: حمدالله على السلامة يا حبيبي _ و قربت منه و دخلت في حضنه و باست خده بحب
ياسين بصلها ثم طلعها من حضنه
و داخل الغرفه
وعد بغل جواها: استهدي بالله يا وعد استهدي بالله اهدي كده
و راحت دخلت ورا
وعد وهي ع باب الغرفه: ياسين اي رايك نروح بكره العياده و نطمن علي نفسي و نشوف موضوع الحمل ده يمكن في جديد ولا حاجه
ياسين بيأس: شفنا كتير اوي مفيش نتيجه
وعد بحزن: ليه بس اليأس ده اوعا تيأس. لعله خير ان شاءلله تعال بكره نروح مفيش مشكله ان اخدت يوم اجازه قول لاخوك رامي و يامن بكره اخد اجازه مش هيقولوا حاجه والله
ياسين: ملهوش لازم لكل ده مفيش جديد في حياتنا فانسي
وعد بدموع تلمع في عيونها: صدقني والله العظيم بكره هتشوف ربنا يرزقنا ازاي بالعيل اللي احنا عايزينه وطالبين منه هي خلاص هانت بس نستنى شويه كمان مش نخسر والله
بصلها ياسين وقال بحزن: هي فعلا هانت وهجيب العيل اللي انا عايز بس مش منك انتي من واحده تانيه لان مش هستنى اكتر من كده عليكي
وعد بدموع وعصبيه: هو ده كلام يا ياسين وانا ذنب اهلي اي قولي ذنبي اي مش يمكن اصلا تكون انت عندك حاجه مش بتخلف يا ياسين
ياسين بغضب: انتي عاوزه ايه يا وعد ليل نهار تقرفي فيا ليه ها .
وعد بدموع: بقرف فيك اه يمكن
تنهدت بحزن و مسحت دموعها و غيرت الكلام تماما
وعد بابتسامة كلها حزن: يا ياسين انسي الموضوع ده دلوقتي و انسي النقشات اللي فيها خناقات والحوارات دي ما بينا _ و لفت نفسها وبصتله بابتسامة كسره جواها: قالي بقا اي رايك فيا و فستان الجميل ده
ياسين بحزن شديد وسخريه: الاسف مليش نفس نهائي يا وعد اني اقعد و احب فيكي زي زمان عايزك انتي اللي تنسي لان عايز اغير واجيب واحده غير اللي قدامي دي
ودار ضهره وراح خرج من غرفه
و من شقه تمامأ
حطت ايدها على صدرها وعد وشدت السلسله وحدفتها في الارض وهي كلها غيظ وغضب منه بسبب تجاهلوا ليها
وعد بعياط وغل: والله لا ندمك يا ياسين
ــــــــــــــــــــــــــــــــــــــــ
في شقه يامن
اسيل بملل: يا ماما انتي ليل نهار نايمه وسايبه عليا الولد الغبي ده انا زهقت قومي بقا الله
ليث اخوها الصغير بعصبيه: اسكتي يا ام لسان طويل
اسيل بزعيق وصوت عالي: اناااا اللي اللي بــ لسان طويل يا حيوااان
ليث الطفل بعصبيه: اهه انتي يا اسيل
اسيل بزعيق فيه: طيب اخرس بدل ما اضربك والله
ليث بعند فيها: مش هخرس اخرسي انتي
اسيل بعصبيه: ولاااا انت اخرس بدل مضربك يا غبي
ليث: مش تعرفي
اسيل: انت عيل مش متربي كده والله
جرس الشقه رن وكان ابوهم
اسيل بخوف: بابا ده اكيد اكيد سامع صوتي وانا عماله ازعق كده هيزعق ليا علشان صوتي العالي ده بسبب الواد البارد ده و راحت تفتح
ليث: انتي اللي بارده يا ام لسان طويل
يامن داخل بعصبيه فيها: صوتك جايب لاخر الشارع يا ست اسيل
اسيل بتوتر: يا بابا كل من ليث اصلا
يامن: عامله عقلك بعقل عيل صغير
اسيل بزعل: اسمع بيقولي اي بالله عليك ها
ليث: بابا هي اللي مش راضيه تعملي اكل
اسيل: بابا انا عاوزه اشوف مذاكرتي وماما ليل نهار نايمه وانا اللي قاعده بيه انا زهقت بقا
يامن باستغراب: انا كل ما اجي الاقيها نايمه نايمه بدري كمان
اسيل بزهق: اه يا بابا مفيش غير النوم والله قالت تعبانه ادخل انام من العشاء علي الحال ده ادي
و راح داخل يامن الغرفه
ليث: يلا يا ام لسان طويل ادخلي اعملي الاكل لينا كلنا بقا
اسيل بغيظ: منه غور نام يلااا غور يلا
و راحت دخلت المطبخ تعمل العشاء بزهق شديد جواها
ـــــــــــــــــــــــــــــــــــــــــــ
كان رحيم وريتال ، راكبين العربيه مروحين على شقتهم
ريتال بدموع لنفسها: هو انا ليه ما حدش بيحبني ليه الكل بيكرهني ليه الكل بيحقد عليا اهلي والغريب وكله حتى اهل رحيم اللي من اول مره شفتهم لقيتهم متمسكين ببعض فرحت جدا و قالت الحمدلله الناس دي هتحبني جدا وهيتمسكوا فيا بس للاسف ما حدش فيهم حبني مع اني ما اذيتهمش في حاجه وما اعرفش عملت ليهم ايه عشان خاطر يكرهوني كده بالطريقة دي
بصت لرحيم بوجع وحزن: مفيش غيرك انت اللي مسك فيا مش عاوز تسيبني وبتحبني ومتمسك فيا جامد حتى لو ما بتأذيني بكلمه كده بتيجي وبتصالحي وقلبك ابيض ، بيكون حنين عليا انت بس ، بس خايفه يجي يوم واخسرك يا رحيم ما فيش حد في حياتي غيرك انت وبس انت وبس يا رحيم حتى ما سمحتش لاهلك انهم يأذوني بكلمه واحده كده و جيت عليهم علشاني
بصلها وهو بيسوق راحت دارت وشها الناحيه الثانيه و مسحت دموعها
رحيم انتبه للسواقه وتنهد وقال: امسحي دموعك مش عاوز اشوفك طول ما انا معاكي و جنبك مكسوره يا ريتال انتي فاهمه
ريتال بصتله بعياط وحزن: اسفه يا رحيم انا سبب كل ده
رحيم وقف العربيه على جنب
و قرب منها و مسح دموعها بحنان
رحيم: ريتال انتي شكلك برضو متعرفش و مش قادره تفهمي و لا تستوعبي انك انتي حاجه كبيره اوي عندي انتي جوهره يا ريتال بنسبه ليا و اللي حصل ده مش بسببك مراته هي اللي لسانها طويل يا ريتال و عارف انها بضيق فيكي
بعياط شديد: معرفش ليه محدش بيحبني يا رحيم
رحيم: علشان شايفين انك احسن منهم اوعي اوعي تقلي من نفسك او تحسي انك وحدك انا معاكي دايما و مش هسيبك او ابعد عنك كده مفيش حاجه تبعدنا عن بعض غير الموت
ريتال بعياط: اوعا تسبني يا رحيم
رحيم ابتسم بحب: اسيبك؟ اسيبك ايه بس في حد يسيب روحه تروح منه ده مستحيل يا قلب رحيم
ريتال دخلت في حضنه و ابتسمت بحب و بمجرد ما رحيم بيهون عليها في وقت حزنها بتنسي هموم الدنيا في لحظه
ريتال طلعت من حضنه جت تتكلم
ريتال: ا _ و قطع كلامها حاجه صدمتها جدا رعبت قلبها
ريتال بصدمه ورعب: رحيييييم
و الصدمه كانت
يتبع…
" إبـتـسـمـي دائـمـاً يـ وصـيـة الـࢪسـولﷺ، عـسـى الـقـادم جـبـراً لـكـل خـيـبـاتـك "