بقلم نور ربيع
استغفر الله 💜
عند خديجه
خديجه بزهق: يوههه مش بترد ليه بقا انا غلطانه اني برن عليك اصلا
ليلي دخلت: خديجه تعالي يلا علشان ناكل
خديجه بزعل: مليش نفس يا ماما
ليلي: ليه بس مالك؟
خديجه: ماما برن علي ايشان بــ يكنسل المكالمة
ليلي بهدوء: انتي زعلانه علشان كده؟ خلي ياخد حريته يا خديجه يا بنتي بلاش كده
خديجه بحزن جواها: ماما انتي متعرفيش انا قلبي اتعلق في الانسان ده ازاي او اوصفلك ازاي حبيت حاجه اسمها ايشان انا خايفه فرحتي مش تكمل و مش يكون ليا بعد كده
ليلي بدهشه: لا بعد الشر احساسك غلط صدقيني بلاش تخلي الشيطان يضحك علي عقلك و يعمل فيكي كده يا حبيبتي
خديجه بتنهيده: حاضر يا ماما بحاول بحاول والله العظيم اني اطلع الافكار الوحشه دي من دماغي خااص
ليلي: اه كده صح علشان هتتعبي والله
ــــــــــــــــــــــــــــــــــــــــــــــــــــــــــ
استغفر الله العظيم واتوب اليه 🦋
عند ايشان و ورده في الكافتيريا
ايشان ابتسم بسيط: اهلا يا ورده
و سلم عليها و قعدو
ورده بابتسامة كلها خجل: مبسوطه جدا اني اخيرا شوفتك
ايشان اكتفى بابتسامة ظهرت علي ملامحه ليها
ايشان بفضول: مالك يا ورده انتي فيكي حاجه رجلك مالها
ورده اتكسفت جدا من السوأل وظهر علي ملامحها الحزن
ايشان فهمها وقدر: خلاص لو مش عاوزه تقولي بس بسال عادي مش قصدي حاجه
ورده بهموم وحزن جواها: لا لا عادي بس انا وقت حادثة ماما وبابا الله يرحمهم و احنا ماشيين العربيه عملت حادثة ماما و بابا راحو مني انا واختي وعد وانا اللي حصل حصل ليا بقي زي ما انت شايف
ايشان بحزن عليها: الله يرحمهم يارب _ كمل بابتسامة جبر خاطر: وبعدين طيب والله انك جميله انا اول مره اشوفك و اقبلك فعلاً بس طلعتي حاجه تانيه خالص يا ورده
ورده ابتسمت بكسوف: شكرا
ايشان بابتسامة: امم والله انتي مش مصدقه طيب براحتك بلاش تصدقي يا ستي
ورده ضحكت بسيط: الله انا قولت حاجه بقولك شكرا عادي
ايشان بضحكه: ماشي المهم تشربي ولا تاكلي
ورده: اللي يريحك
ايشان: خلاص نبقي ناكل بقي
ورده لنفسها بابتسامة:قد اي انت طيب يا ايشان قد ايه انت اللي جميل من جواك _ بحزن وغيره: انا عاوزك ليا ليا لوحدي مش عاوزك لحد تاني يارب تبقي ليا انت يارب و تسيب البنت دي يا ايشان
(خلينا متفقين ان اللي انتي مرتبطه بيه ده بقي ليكي و جاه اليوم اللي كنتي بتحلمي بيه يا حبيبتي!!
طيب هل هتعيشي سعيده؟ هل هتكوني مرتاحه معاه باقي العمر؟
هل شايفه ده المناسب ليكي اللي هيكون اب للعيالكم؟!
هل ده اللي يريحك بجد؟
تمام طالما شايفه كده طيب وربنا ربنا فين في لحظه دي؟؟ ربنا مش في نظرك أبداً مش حاطه ربنا قدام عينك نهائي مش خايفه من ابتلاء ربنا ليكي في اللي جاي
اللي انتي بتعصي ربك معاه عمره ما ربنا ما هيخلي ليكي ابدا عمره ربنا ما هيكون راضي عن علاقه محرمه دي ابدا عمر ربنا ما هيكون راضي ان يخلي الشخص ده مناسب ليكي لانه عارف ان معاه التعب ليكي والمعاناه وهو شايفك وعارف انتي بتعملي ايه في اللحظه دي وشايف الشخص اللي معاكي فرجعي من اللي بتعمليه فضلا عشان ما تندميش بعد كده وخليكي عارفه ومتاكده ان اختيار ربنا ليكي الاحسن مش الاختيار بتاعك انتي)
ــــــــــــــــــــــــــــــــــــــــــــــــــــــــــ
في شركه رحيم
رحيم كان واقف قدام المكتب بتاعه اخد مج القهوه بتاعه وراح واقف في شباك مكتبه وسرح في ماضي ريتال
فلااااش بااااك
من حوالي سنه
سيف كان واقف بيصلح في العربيه
سيف: رحيم دور كده العربيه
ركب العربيه وشغلها بالفعل رحيم
رحيم بتنهيده: ياااه اخيرا اهي اشتغلت يا عم بقالنا ساعه حاجه ملل بالله
سيف قفل العربيه وقال: الحمدلله
و طلع منديل بقا يمسح ايديه بيها
رحيم: الحمدلله اطلع يلا علشان نمشي
رحيم و سيف سمعو صوت صريخ حد
سيف اتخض من صوت: رحيم في صوت حد هنا معقول في حد موجود هنا في المكان ده فى الليل ده كمان
سيف جاه يبص ورا لاقي اللي خبط ضهره جامد
سيف بضخه: يا نهار ابيض اي ده
بص ورا بخضه بسرعه
رحيم نزل بسرعه: في اي يا سيف
" هي برعب: الحقوني في حد عايز يموتني بالله عليكي ما تسيبونيش هنا
سيف اتخض منها جامد: بسم الله الرحمن انتي بني ادمه!؟ في حد يخبط حد بالطريقة دي و يبقي موجود في المكان ده لوحده في نص الليل
رحيم اتخض شد درع سيف: يلا نمشي من هنا
" البنت قالت بسرعه: لا لا والله العظيم انا بني ادمه زيكم بس انا هربانه من واحد عايز يخطفني ومش هيسيبني غير لما يموتني ما تسيبونيش انا خايفه منه ما تخافوش مني انا زيي زيكم والله بشر
رحيم بعدم فهم: عايز يخطفك ازاي وليه؟ وبعدين بتعملي ايه لوحدك في اليل ده
سمعو صوت جاي عليهم يجري
" بعياط شديد: هقولكم بس خدوني من هنا رجعوني الاهلي بالله عليكم
سيف بسرعه: طب اركبي اركبي بسرعه ونزلي راسك لتحت عشان ما اشوفكيش
وركبت بالفعل البنت واستخبت لتحت في العربيه عشان ما يشوفهاش
والبنت دي ريتال
الشخص ده واقف قصادهم وقال وهو بينهج وبيبص شمال ويمين بيدور عليها
" بقولك يابا ما شفتش بنت بتجري من هنا
رحيم: احم لا ما شفناش حد ليه هو في حاجه
سيف بتمثيل عليه: بنت بنت ايه بس في الليل ده في بنت هتمشي لوحدها في الليل ده يا جدع_ باستهزاء: دي مين البنت دي بنتك هربت منك يعني
الشخص بغضب: لا بنت اخويا يا ظريف منك لي ملكش فيه خليك في حالك… و راح كمل جري وطلع يجري يدور عليها واختفى عن مكان
رحيم راح تجاه العربيه فتح باب العربيه اللي ورا
رحيم: انزلي يلا ماشي من هنا روحي شوفي انتي كنتي رايحه فين
" ريتال نزلت بسرعه وقالت بدموع: شكرا شكرا بجد مش عارفه اشكركم ازاي والله
سيف: لا ولا شكر ولا حاجه _ بفضول: بس هو عايز منك اي برضو و هربانه منه ليه
"ريتال عيطت جامد: دا انسان زبالة زبالة كده عايز يتجوزني غصب عني
و راحت مشيت وثابتهم وهي بتعيط وميته من الرعب
سيف بقلق عليها: رحيم نوصلها لاهلها بدل ما نسيبها دلوقتي لوحدها وهو يلاقيها
رحيم بتنهيده: سيف انت شكلك في وشك بلوه ولا ايه عايز تجيب لينا مشاكل الله و اعلم حكايتها اي سيبك منها
سيف مقتنعش بكلامه وقلبه ما طوعهوش انه يسيبها لوحدها
سيف: لا يا صاحبي انا ما هسيبهاش تمشي لوحدها وخصوصا ان في حد عايز ياخدها غصب عنها تخيل اختك مكانها وشوف شعورك ايه لو واحد
لحقها وعايز يخطفها في اللحظه دي كنت هتتجنن وانا عندي ولايه ومش هسيبها لوحدها انا اوصلها لاهلها وانا افتكرش ان حد يمد ايده ليك وانت تسيبه فتعال معايا يا صاحبي وانا عارف ان جواك عايز تساعد
رحيم ابتسم ابتسامه حلوه لي: طول عمرك راجل يا سيف ربنا يحفظك يا رب معاك اكيد يا صاحبي ربنا يسترها عليها
رحيم بصلها ونادي عليها بسرعه: يا انسه استني ما تمشيش لوحدك في الوقت ده هيلاقيكي في اي مكان علي فكره مش هيسيبك هو
سمعت صوته بصت وراها وهي بتعيط
سيف راح راكب العربيه
رحيم: تعالي نوصلك لاهلك متخافيش
و راح راكب هو ايضأ
ريتال وقفت قدام شباك العربيه: بيتي في منطقة فيصل
سيف بصلها بدهشه : يااه انتي اي جايبك هنا وانتي من هناك بس دا انتي في اخر الدنيا
ريتال بهموم جواها و دموع: شغلي هنا
رحيم: اركبي اركبي طيب
ركبت بالفعل و راح طلع بالعربية سيف
( اما تلاقوا حد محتاج المساعده ساعدوه ما تسيبهوش في وقت زنقه يا جماعه لان برضو اقرب حد ليك هيتحط في نفس الموقف ده في اي وقت وهيبقى محتاج المساعده فساعد عشان تلاقي اللي يساعدهم)
ــــــــــــــــــــــــــــــــــــــــــــــــــــــــــ
وكان ماشي سيف بالعربيه باقوى سرعه عشان يوصل بسرعه لان الوقت اتاخر وكانت أمنه والدته بترن عليه
سيف: انا جاى فى الطريق اهو بس حصل حاجه كده وانا جاي وفي حد محتاج المساعده وانا اكيد مش هسيبه يعني وامشي
أمنه بقلق: سيف الوقت اتاخر اوي يلا تعال يا حبيبي كفايه كده انت و رحيم
سيف: حاضر كلها ساعه و هكون عندك
أمنه: تمام خد بالك من نفسك في امان الله
ريتال بحزن: يا جماعه انا مش عاوزه مشاكل ليكم انا ممكن انزل هنا و اكمل انا لوحدي خلاص ممكن توقف
رحيم: لا كمل يا سيف خلاص هانت اهي
سيف: انتي اسمك ايه؟
ريتال: اسمي ريتال
رحيم بفضول: عايز يتجوزك غصب عنك ليه يا ريتال و ليه مش عاوزه توافقي عليه
ريتال بكسره: انا حكايتي حكايه
سيف: سيبيها علي الله مفيش مشكله و ملهاش حل قولي يارب ربك مش هسيبك أبداً
ريتال بتنهيده كلها هم: ونعمه بالله
وبعد وقت طويل كانو وصلو
ريتال نزلت بسرعه لقيت اخوها ادم
ادم بغضب شديد: ريتال كنتي فين كل ده
ريتال بعياط شديد: ادم انا كنت هموت انهارده
ادم: في اي يا ريتال كنتي فين كل دهن ابوكي متحلف ليكي انه مش هيرحمك
دخلت في حضنه ريتال و فضلت تعيط جامد
سيف نزل وقال: خد بالك منها انت عارف الساعه كام دلوقتي مش تبقي قاعد في البيت و تخلي اختك تشتغل
ادم طلع ريتال في حضنه وقاله بغضب
ادم: انت بتقول ايه يا جدع انت وبعدين انا مكنتش اعرف انها بتشتغل غير دلوقتي وانتي يا ريتال كده تشتغلي من غير ما تقوليلي
سيف باستغراب من حالهم: ربنا معاكم خدي بالك من نفسك يا انسه ريتال
و راح راكب العربيه و راح ماشي
ارض الواقع
رحيم خبط المج بغل جواه و اتنهد وقال
رحيم: كانت اصعب ايام حياتي معاكي يا ريتال مش عايز الايام دي ترجع تاني
ــــــــــــــــــــــــــــــــــــــــــــــــــــــــــ
عند ياسين
ياسين في بيت نسايبه الجداد
وكانوا بيتفقوا هو ونسايبه
ياسين بهدوء: انا ما يهمنيش كلامهم محدش ليه كلمه عليا انا قراري انا اللي واخده يا جماعه وبعدين مفيش مشاكل زي ما انتوا فاكرين انا زي ما قولت كده انا عايز اكتب الكتاب اليله علي فرح
ابو فرح: تمام يا استاذ ياسين بس انا مش عاوز اي مشاكل بعد كده لابنتي لاني مش بحب المشاكل والله ولا عاوزين نسبب مشاكل ما بينك انت و مراتك ولا حد من اخواتك
ياسين: لا ربنا ما يجيب مشاكل مفيش كده
ابو فرح: تمام اللي انت عايز
ياسين: كمان ساعه تكون جاهزه فرح اكون اديت خبر لايشان و جبت المأذون
ــــــــــــــــــــــــــــــــــــــــــــــــــــــــــ
وعد طلعت من المنزل
مشيت وهي مهمومه و منهاره جدا جواها و حاسه بالضياع والشتات
و فضلت ماشيه و كان طريقها طويل جدا وحاسه بلخبطه في حياتها ونفسها جواها تنتقم من ياسين و ايشان بأي طريقه وجواها كارهاهم جدا على غرورهم وكبريائهم عليها وعلى اختها
وعد حست بالالم في رجليها وهي ماشيه لانها مشيت كتير جدا
قبلت قدامهاجنينه فيها كراسي راحت قعدت علي كرسي
وعد بجنون جواها وقهره: انا ضايعه ضايعه اوي اه والله العظيم انا بقيت شبه الضايعه المجنونه ما بقتش حاسه بنفسي قرار ياسين هيجنني مش قادره ارجعه مش قادره اخليه يرجع من اللي هو فيه يا رب يا رب دلني على الصح يا رب
حاوطت راسها بايديها الاثنين وميلت دماغها على الترابيزه بقت تعيط وقلبها وجعها جدا
قرب حد منها وراح قاعد على الكرسي اللي قدامها وقال
" ممكن اعرف مالك كل لما اشوفك الاقيكي بالحاله دي
رفعت راسها بخضه وعد وبصيتله
وعد بخضه وعصبيه: انت تاني تاني انت عايز مني اي عايزة اعرف
حمزه بعصبيه: اه انا اهدي انتي اي ده انتي كل مره كده يا بنتي
وعد قامت بغضب: وانت مالك يا بارد وبعدين انت عايز مني ايه انت كل مره تقعد تطلعلي هو انت حد مسلطك عليا ولا ايه
حمزه: لا بس انا عايز اتكلم معاكي ممكن تخليني اتكلم
وعد: تتكلم معايا بصفتك مين انت اصلا
حمزه: بصفتي مين؟
وعد: اها بصفتك مين ان شاءلله؟
حمزه: طيب ممكن تهدي علشان نعرف نتكلم
وعد: يوووهههه كان اوحش يوم في حياتي يوم ما شوفتك و خليتك تقف علشان توصلني تصدق بالله انا غلطانه اصلا
حمزه بابتسامة: بالعكس كان اجمل يوم في حياتي علشان قبلت حد زيك جميل كده انا من اول مره شوفتك وانا معجب بيكي اوي
وعد بصدمه منه بعصبيه: تصدق انت واحد مش محترم اساسا _ راحت مشيت
حمزه قال بسرعه: اقسم بالله انا معجب بيكي بجد و عاوزك تكوني ليا
وقفت وعد و سرحت في شئ
ــــــــــــــــــــــــــــــــــــــــــــــــــــــــــ
عند ايشان ورده
وكان طلب ايشان اكل من الجرثوم وكانوا اكلوا وبعدها طلب مشروب ليهم هما الاتنين
ورده بحب: شكرا علي الاكل الجميل ده
ايشان بابتسامة: شكرا على ايه بس مفيش ما بينا شكر تمام
ورده بابتسامة: حاضر _ ورده بتوتر: وكسوف: ايشان انت عارف اني بحبك صح كده: ممكن تبقي معايا خليك في حياتي والله بحبك اوي
ايشان بجديه: ورده قولتلك و هقولك لسه انا مش بحب غير واحده بس وهي اللي في قلبي وهي خديجه خديجه خطيبتي
ورده بحزن وغيره: خديجه! اسمها جميل اوي
ايشان بابتسامة: فعلاً
ورده بغيره: هي حلوه بقا
ايشان: اجمل ما تتخيلي كده حرفيأ هي اميره
ورده بقت غيرانه جدا: يعني اجمل مني مثلا
ايشان: مثلا!!؛ ضحك: مفيش حد اجمل من حد يا ورده بس هي جمالها حاجه تانيه هي ماليه عيني بــمعنى كلمه فعلاً كده اجمد بنت في الدنيا
ورده من كتر الغيره منها حاسه انها خلاص هتعيط: ممكن اشوف صوره ليها
ايشان فتح الفون وطلع صور ليها اللي علي الوتس اب ورده شافتها
ورده بحزن وغيره جواها: ماشاءالله تبارك الرحمن سوأل يعني انا لو كنت حلوه زيها كده و كان جمالي كان كامل كنت ممكن تتجوزني انا
ايشان جاه يتكلم
ورده قطعت كلامه: هو انت رفضتني ليه يا كابتن ايشان
ايشان بهدوء: عادي مفيش سبب بس كان في كده معين في دماغي و فعلاً لقيتها وهي خديجه بس
ورده بدموع: هي خديجه دي فيها اي احسن مني يعني علي فكره انا حبيتك بجد من قلبي و قبلها كمان وانا عرفت قبلها
ايشان: يا بنتي مش قصدي جمال او قلبها او غيرها بس هي دي مواصفات شريكه الحياة اللي انا عايزها
ورده بقت مخنوقه جدا جواها دموعها بنزل منها بوجع منه جدا
ايشان: ورده انسي ايشان يا ورده انا وافقت ان اقابلك عشان انهي الارتباط ده على كده عشان مش هاين عليا اكتر من كده اني اخون خديجه
ورده بدموع: ايشان انا عاوزك مش هسيبك
ايشان بعصبيه: كفايه بقا يا ورده لحد هنا و كفايه
ورده بضعف جواها: خلاص ممكن تهدي علشان نعرف نتكلم انا وانت
ايشان: مفيش ما بينا كلام لحد كده و ابقي امسحي رقمي من عندك يا ورده
ورده بدموع وحزن: يا ايشان انا بجد بحاول معاك وانت بتعمل معايا كده عارف انا كان نفسي فعلاً تكون ليا كان نفسي انا وانت نتجوز و نروح نتبنى ماسة من الملجا و نروح نشوفها ونجيب ليها حاجات كتيره في اليوم ده بس انت مصر تعكنن عليا والله
ايشان مش فاهم كلامها: انتي بتقولي ايه مش فهمك خالص بالله ورده بالله عليكي ما عايزك في حياتي اكتر من كده انا فضلت معاكي علشان خاطر فعلا كنت حاسس بالذنب من ناحيتك مش عاوز بعد معلقتك فيا اسيبك فقلت افضل معاكي فتره وفعلا فضلت وخلاص علي كده بقا كلها كام شهر وانا و خديجه هنتجوز
ورده حاولت تهدى: ايشان خلاص خلاص اللي انت عايز بس ممكن خمس دقايق نفضل مع بعض
ايشان اتنهدوقال: اللي عندك قوليه يلا كفايه كده
ــــــــــــــــــــــــــــــــــــــــــــــــــــــــــ
حمزه: ممكن تشيلي البلوك علشان اعرف اتكلم معاكي لو سمحتي ممكن؟؟
وعد جت في دماغها حاجه بعد كلامه ده ليها
حمزه راح ماشي
وعد راحت قعدت وقالت لنفسها
وعد: معجب بيا!؟
وعد بتفكير: انت طلعت ليا منين دلوقتي __ اتنهدت راحت قامت مشيت
ــــــــــــــــــــــــــــــــــــــــــــــــــــــــــ
ورده مسحت دموعها وقالت بغل: ممكن اخر حاجه ناخد صوره ذكريات حلوه معايا يا ايشان بلاش ترفض ليا الطلب ده
ايشان بزهق: ياربي تمام يلا يا ورده
فتحت الكاميرا ورده
و رسمت الابتسامة علي ملامحها رغم الحزن لكن ناويه علي شر لايشان زي ما وعد قالتلها
و تصورت كام صوره هما الاتنين
ايشان قام: متزعليش نفسك يا ورده صدقيني مش قادر اني افضل معاكي اكتر من كده ربنا يعوضك بــ ابن الحلال قريب خدي بالك من نفسك سلام متنسيش تمسحي رقمي من عندك سلام
ورده بتوعد: سلام يا كابتن ايشان
ايشان دار ضهره بصلها باستغراب من البرود اللي هي في و استغرب جدا منها ثم راح ماشي
ورده بعتت بسرعه الصور لوعد وكتبت
" انتهت حكايتي معاه بس بايدك تنهي خطوبه ايشان و الست خديجه يا وعد
ــــــــــــــــــــــــــــــــــــــــــــــــــــــــــ
داخل المساء عليهم
في شقه رحيم و ريتال
ريتال كانت بتذاكر من الوقت
جت لمت الحاجات في الشنطة بتاعتها و راحت نامت علي السرير بألم في بطنها
ريتال بوجع: بطني وجعاني ليه كده بس دلوقتي ياربي استغفر الله العظيم يارب
في البلكونة عند رحيم
رحيم كان في مكالمه
رحيم بعصبيه: يعني اي مختفي
يعني معقول مش لاقيين نهائي الارض اتشقت وبلعته مثلا
"الشخص اللي معاه: والله زي ما بقولك يا رحيم باشا احنا مش لاقيين اي اثر لي لفينا عليه الدنيا وسالنا في المنطقه مش موجود أبداً
رحيم بغضب جواه: تمام تمام اقفل دلوقتي و اكمل اللي بدات فيه
و قفل رحيم و الغضب مالي قلبه
رحيم: ازاي مختفي كده ازاي محدش عارف يوصل ولا الحكومه ولا اللي الشباب اللي بعتهم طب وبعدين
" ريتال: رحييم
رحيم سمع صوت ريتال بتنادي عليه راح داخل ليها
♡♡♡♡♡♡♡♡♡♡♡♡♡♡♡♡♡
استغفر الله العظيم واتوب اليه 🌼
رحيم قاعد جنبها علي السرير
رحيم: اي يا ريتال
ريتال بوجع في بطنها: رحيم بطني وجعاني اوي
رحيم بقلق عليها: من اي بس يا ريتال
ريتال: معرفش خايفه يكون البيبي في حاجه
رحيم بهموم جواه منها: لا مفيش حاجه ان شاءلله يا حبيبي قومي خدي العلاج و نامى بكره ان شاءلله هتروحي لدكتوره نطمن عليكي
ريتال: رحيم عايز اعزم ادم يوم عندي خلي بكره يجي كده كده انا عندي درسين بس
رحيم: طيب ابقي رني عليه قوليله احسن انا مش هيرضي عليا انتي عارفه اخوكي
ريتال: طيب رن دلوقتي طيب عاوزه اتكلم معاه
رحيم: حاضر هرن عليه
ريتال بحزن: رحيم محدش عارف حاجه عن جواد
رحيم: للاسف لا يا ريتال مختفي مختفي خالص حتي الشرطه مش عاوزه توصل لي
ريتال بدموع: انا عاوزه حق بابا كده يا رحيم منه نفسي اشرب من دمه اقسم بالله علي كل حاجه
رحيم بتنهيده: هيجي كده كده حقو بلاش تقلقي ولا تحطي في نفسك اهدي علشان صحتك يا ريتال
قام علشان يجيب العلاج يديها
ــــــــــــــــــــــــــــــــــــــــــــــــــــــــــ
ياسين كان كتب الكتاب علي فرح عروسته الجديده
و كان ما بينهم هما بس و معاه ايشان
ايشان بابتسامة: مبارك عليك العروسه الجديده يا خويا
ياسين بابتسامة: الله يبارك فيك عقبالك يارب يا غالي
ايشان: تسلملي يا حبيبي
ابو فرح بابتسامة: خدي بالك من فرح يا ياسين
ياسين بصلها بابتسامة: دي في عيوني طبعاً
فرح قالت لنفسها بخبث: يااااه اخيرا ربنا عوضني بــ واحد زي ياسين بيه دا انا زهقت من القرف اللي كنت فيه الحمدلله ربنا عوضني ربنا عالم بيا حقيقي والله
ياسين مسك ايد فرح: طيب نمشي احنا بقا
فرح حضنت ابوها بابتسامة: خدي بالك من نفسك يا بابا
ايشان خرج برا شقه و بعدها ياسين و فرح مشو
ـــــــــــــــــــــــــــــــــــــــــــــــــــــــــ
في شقه أمنه
سيف لوعد: مراتي عمي دا عمي ليله راح يكتب الكتاب علي الست اللي قال عليها من كام يوم
وعد بعصبيه: اه عارفه في اي انت كمان يا سيف كنت راحت معاه
سيف بهدوء: وانا اروح معاه ليه ازاي يهون عليا ازعلك بس و ارضي علي هبل معاه انتي اصبري و تحملي و شوفي عوض ربنا هيكون جميل ازاي والله
أمنه بزعل عليها: متزعليش نفسك والله لا يندم باللي بــ يعمله ده
وعد بدموع وكسره: والله العظيم ما مسامحه على اللي بيعمله ده ابدا حرام عليك يا اخي عملت فيك اي علشان تعمل كل ده فيا
امنه اهدي ي حبيبتي ما تعمليش في نفسك كده وبعدين احنا ما رضيناش نقف معاه ولا نتفق على اللي بيعمله علشان خاطرك والله كلنا جينا ضده علشان خاطرك انتي احنا مش عاوزين في حياتنا غيرك عايزك انتي ام لعيال ياسين
اسيل: متزعليش نفسك يا مرات عمو خليها تجيب العيل و عمو يطلقها
وعد بغضب شديد: ان شاءلله متخلف ابدا كده كده مش هتجيب عيال اصلا
سيف بدهشه منها: ولا حول ولا قوة الا بالله استهدي بالله يا وعد وبعدين حرام تدعي علي حد بالطريقة دي
وعد بعصبيه وعياط: عايزني اعمل ايه يعني يا سيف قولي عمك بموت في التراب اللي بيمشي عليه و صبره علي ابتلاء ربنا و بقول هيجي يوم و اجيب بدل عيل اربعه بس عمك شوف اخرتها عمل فيا اي اتجوز عليا
سيف حزن وفتكر خديجه: فهمك والله و عارف ان محدش بيحس باللي قدامه بس اللي حصل بقا عيشي و حاولي تطلعي من دماغك فاكره ان اتجوز بقا وبعدين يا وعد صراحه انتي مش بتصلي يمكن ربنا حرمك من الخلفه لحد دلوقتي بسبب انك بعيده عنه في حاولي تقربي منه ورد ربنا عشان يرضى عليكي
وعد بهموم و ندمانه من جواها : فعلاً عندك حق يا سيف عندك حق ربنا يهديني
ايشان رن جرس و داخل
ايشان: السلام عليكم
الكل رد السلام
ايشان بسخرية لوعد: اي هو حد مات ولا اي يا جماعه
وعد بعصبيه وتوعد: تريق تريق حلو يا سيلفي ايامك قربت معايا
ايشان ضحك باستهزاء: تصدقي خوفتيني يا ام موسي
سيف مضايق جدا من ايشان بمعني كلمه بعد عنه تمامأ قام
سيف: بعد اذنكم؛ راح داخل الاوضه بتاعته
أمنه: كنت فين كل ده يا ايشان انهارده
وعد: هيكون فين يعني كان بيتسلى البنات العالم
ايشان بصلها بتحذير وغضب منها
أمنه:بعدم فهم:انتي بتقولي ايه بيتسلى ببنات العالم ازاي مش فاهماكي
اسيل بصدمه: انت بــ تقابل بنات كمان يا عمو دا انت طلعت مش سهل حرفيأ
وعد قامت: بلاش تاخدي في بالك عن اذنك هطلع انام
ايشان بسخرية: لا وليكي نفس كمان تنامي و جوزك اتجوز عليكي اليله يا ام موسي
وعد بعصبيه: ايشان عدي ايامك معايا
أمنه: بس بس اهدو في اي
ايشان: بعد اذنكم انا طلع احسن هي مش ناويه علي خير
و راح طلع شقته وعد ايضأ
أمنه بتنهيده: مش عارفه اللي بيحصل بس ده معاهم ربنا بهديهم يارب
اسيل اتنهدت وقالت: يارب يا مرات عمي
ــــــــــــــــــــــــــــــــــــــــــــــــــــــــــ
عند خديجه
خديجه كانت نايمه و التلفون بيرن ورا بعضه كان ايشان
بدات تقلق خديجه
خديجه بنوم: مين اللي بيرن ده بس دلوقتي _ مسكت الفون شوف مين لقيت ايشان
خديجه بحزن شديد منه: لسه ما انت فاكرني كنت فين طول اليوم
راحت عملت كتم الصوت و نامت وهي جواها حزينه منه بسبب انه مش بيرد عليها طول اليوم
♕♕♕♕♕♕♕♕♕♕♕♕♕♕
ايشان: مش بتردي ليه يا خديجه بس
ايشان: زمانها نامت طول النهار ترن وانا اكنسل انا برضو غلطان
قام يغير هدومه و رن تاني مكنش في حد منها
ــــــــــــــــــــــــــــــــــــــــــــــــــــــــــ
عند وعد في شقتها
وعد كانت قاعده تتفرج علي الصور وجواها مغلوله جدا من ايشان
وعد بغل: والله يا ايشان ما اخليك تفرح في حياتك بيها
دخلت بعتت وتس اب كام صوره ليهم وبعتت رساله
لانها خديجه متعرفش رقم وعد
واخدت رقم خديجه من أمنه علي اساس تتكلم معاها
حطيت الفون جنبها وقالت بحقد: اشرب بقا يا كابتن ايشان من اللي جاي علشان تبقي تعمل كده معايا انا
افتكرت وهي قاعده مره واحده حمزه
وعد لنفسها بتردد. كلامه: معجب بيا!! اممم؛ بسخرية: دا جوزي اللي هو جوزي مش شايفني نهائي ازاي معجب بيا بقا
شالت البلوك بتاعه بعد تفكر كبير في دماغها
وعد بتفكر شيطاني و مالو معجب معجب نتسلي هي جت عليك يا ياسين بيه انت مش احسن مني علشان تروح تتجوز عليا يا حبيبي
(خليكي عارفه كل خطوه اخدتيها غلط هتندمي عليها وقتها تحاسبي عليها حساب كبير وبعدك عن ربنا وتفكيرك وشيطانك اللي بيلعب بيكي ده هيجي يوم وهيدمرك ما تسيبيش مشاعرك ونفسك للشيطان وكل ما تحس انك عايزه تعصي ربنا روحي وقربي منه و قوليله يارب. احسن من اللي انتي بتعمليه ده "ومش معنى انك انتي بتردي الاذيه يبقى انتي كده اتجدعنتي وعملتي حاجه حلوه لا غلط الاحسن انك تشكي همك لربنا يا حبيبتي بدل كده ")
ــــــــــــــــــــــــــــــــــــــــــــــــــــــــــ
في بداية يوم جديد علي الابطال
في منزل احمد
خديجه قامت من النوم بنعس
بصت في ساعه: ياااه كل ده نوم يا خديجه
خديجه بكسل ونعس: الجامعة راحت عليا انهارده الساعه 12:00 الظهر هيأذن ربنا يسامحني علي صلاة الضحي اللي راحت عليا
قامت دخلت الحمام علشان تغسل وشها و تتوضي لصلاه الظهر
وبعد شويه كانت الظهر أذن بالفعل و صليت فرض بتاعها و قرات الاذكار بتاع الصلاة ورد القراني بتاعها
طلعت في الجنينة و في ايدها التلفون
ليلي: كل ده نوم شبعت تصحي فيكي
خديجه: والله يا ماما ما كنت واعيه نهائي
ليلي: يلا حصل خير بقا نامي بدري بعد كده
خديجه: حاضر يا ماما ان شاءلله
ليلي: هروح اعملك الفطور
خديجه: لا يا ماما خليكي انتي هعمل انا
ليلي: لا خليكي بس
و سمعو صوت الجرس ليلي قامت تفتح
خديجه فتحت نت و دخلت الشات لما لقيت رساله من رقم غريب
و اتصدمت جدا من الصور و الرساله من رقم مش مسجل
خديجه بصدمه و دموع: اي ده ازاي ايشان؛ وقطعت كلام من صدمتها وصوت حد وراها وكان ايشان
" خديجه
بصت وراها بسرعه بصدمه من اللي في الفون و منه هو
خديجه بدموع وصدمه كبيره: ايشان
يتبع ...
٣ حاجات تخلي يومك ناجح بكل المقاييس!
فروضك الخمسة، أذكار الصباح والمساء، ورد قرآني
. و دول اهم حاجه في حياة كل انسان فينا 💗🫀..