رواية كراشي المستفز الفصل الاول 1 بقلم شذى عبدالمكرم
كنت راقدة وشغالة بتلفوني📱 ومليت فكرت امشي للبست بتاعي مكارم اخت الكراش بتاعي
ريم: امي انا ماشة لكروم
امي: دي متين حاجة جديدة م انتي يومي عندها
ريم: للمعلومية بس😌. لبست عبايتي وطلعت لقيت اخوي الصغير بلعب في الشارع
ريم: محمود الليلة امي بتقتلك شوف اتوسخت كيف
محمود: حتغطي لي انتي
ريم: انا طالعة واصلا حرشتها ليك جاهز الليلة شيل شيلتك
محمود: امشي يا بايرة . وقام جاري😂😂
ريم: بايرة حبوبتك . وفنيتو بحجر جا في نص ضهرو قام يتململ يستاهل المعفن 😂😂 وصلت بيت ناس مكارم وقعدت ادق الباب بسرعة فجأ فتح لي سليم " الكراش ذاتو "
سليم: بالراحة حتقلعي الباب بالراحة دا شنو الهمجية دي
ريم: همجية في عينك زح كدا من الباب عامل لي وشك الواحد دا
سليم: الله يشفيكي
ريم: شايفني مجنونة
سليم: غلطان انا الواقف لسع وبرد ليكي كدا طيري من وشي
ريم: طايرة . دخلت انا بنبز ليهو 😂😂 لقيت مكارم
مكارم: مالك بتتكلمي مع روحك 😂😂
ريم: اخوكي العولاق دا رفع لي ضغطي
مكارم: انتو من بتين بتتفقو الموضوع عادي بالنسبة ليكي
ريم: عامل لي وشي الحلو دا
مكارم: والله يا ريم يشفيكي بتتشاكلي معاهو بهناك وتجي تنبرشي لي فيهو بجاي😂😂
ريم: كدا خلينا منو الليلة عملتو شنو للغدا اصلا هربت من عصيدة امي دي
مكارم: نفسي يوم تجي مالية بطنك جاهز
ريم: ما حصل ولا حيحصل. دخلنا المطبخ واكلنا زين واتونسنا شوية هي تلفونا اتصل وكان زولا باعتني العولاق 😂😂مشيت اتونست مع خالتو ابتسام امهم انا و هي لو لمينا شمارات وقطيعة😂😂 عشان كدا صحبتي شديد جا داخل سليم حمر لي ومشى قعدت شوية وطلعت رجعت البيت
امي: اها كملتي صياعتك
ريم: امي مشيت لناس مكارم بس
امي: طيري جوا . لقيت محمود في الصالة
محمود: واااع هرشوكي 😛
ريم: يهرش رأسك الليلة ما بخليك . وقومنا نتشاكل ونتخابط جا داخل محمد اخوي الكبير
محمد: دا شنو . جينا نجري الاتنين بس مسك محمود من فنيلتو وانا من شعري ووقع فينا خبط 😂😭😂😭 لمن بكينا الاتنين حتى خلانا
محمود: واااع دقوكي اكتر مني
ريم: وااع انت لمن عمل ليك ورم في رأسك. وبقينا نحاشي في بعضنا 😂😂😂
محمد: نجيكم تاني 😠
الاتنين: لالا خلاص 😨 . اي زول مسح دموعو ومشى غرفتو . طبعا انا بت وسط ولدين محمود مقرب لي مع انو دايما بنتشاكل بس حنين علي اكتر من محمد وطبعا محمد ما بحب الهظار ابدا دايما جادي ودايما صاري ومخوفنا الاتنين ودايما بخبطنا انا ومحمود😂😂 بعد شوية ما قدرت اقعد براي مشيت لمحمود في غرفتو
ريم: محمود
محمود: عاوزة شنو
ريم: تعال نلعب بلايستشن
محمود: قدام
ريم: برشونة
محمود: ريال مدريد . وقعدنا نلعب كدا لمن جا محمد هرشنا للصلاة و قفلنا البلايستشن
الصباح كان ماف موضوع كالعادة بعد الفطور قاعدة براي امي مشت بيت الجيران ومحمود بمشي بلعب ومحمد مشى الشغل وانا مأجزة اجازة سمستر اتصلت لمكارم وجاتني قعدت معاي لمن امي جات لبست توبي اقدمها قدمتها ولمن راجعة لقيت سليم جاي من الفرن عاينت ليهو بغرور كدا😎😎 وهو عاين لي بأستفزاز كدا🤨 بس انت يالتوب قول لا للغرور عترني وجيت منكفية بوشي قدامو والبرستيج ضاع😂😭😂😭 ضحك فيني ومشى حتيت توبي ورفعت نخرتي فوق يا جبل ما يهزك ريح وواصلت مشي ذي ما حصل حاجة😂😂 وصلت البيت ووشي كلو تراب
امي: ليه وشك كدا
ريم: وقعت يا امي قدام الكراش وقعت يا امي
امي: الكراش دا شنو
ريم: يعني قدام الخور
امي: ايوااا امشي غسلي وشك . دخلت وانا بنبز فيهو اتصلت لي مكارم وهي بتضحك 😂😂
ريم: مالك بتضحكي
مكارم: سليم قال وقعتي قدامو 😂😂😂
ريم: متين وصل ليكي الشمار قاعد للسواطة بس
مكارم: هو ما بفوت فرصة عشان يشمت فيكي 😂😂
ريم: عارفة انو ما بطيقني وبكرهني
مكارم: ما تقولي كدا
ريم: شنو ما اقول كدا دي الحقيقة ونحنا الاتنين عارفين بس اه ما بأثر فيني
مكارم: اي يا جبل ما يهزك ريح
ريم: دقيقة احكي ليكي الحصل. انا بحكي وهي ماتت ضحك😂😂😂.