رواية كراشي المستفز الفصل الثاني 2 بقلم شذى عبدالمكرم
روتيني ثابت يوم مع مكارم ويوم هي معاي نحنا الاتنين بنقرأ نفس الجامعة ونفس التخصص ويوم الانا معاها لازم اتشاكل مع سليم الا هي تحجزنا في يوم قاعدة معاها في المطبخ وبنضحك جا داخل سليم
سليم: انتي ما عندكم بيت
مكارم: سليم
ريم: انت لمن دا يكون بيتك افتح خشمك ثم ثانيا دق صدرك واعمل ليك بيت ما عيب للان قاعد مع ابوك . طبعا ما باقي الا يخنقني😂😂
سليم: في بيت الناس وبتتلائمي . طلعت ليهو لساني
ريم: ذي دا بس 😛😛
سليم: غبية
ريم: اهبل . قام طلع مكارم ماتت ضحك😂😂
ريم: انتي يا كريهة بدل تقيفي معاي
مكارم: انتي بعد شوية بتمشي بس انا قاعدة معاهو يمكن يقتلني
ريم: خوا وسخانة ماشة بيتنا ذاتو
مكارم: قولي تميتي شمارك وطالعة اصلا
ريم: معفنة الزفتة اطلعي قدميني . وطلعنا قدام الباب لقينا سليم قاعد
ريم: مكارم انتي عندكم غفير صح . مكارم قامت تضحك😂😂
سليم: مكارم المرة الجاية انتبهي في مشيتي يمكن تكسري سنك
ريم: اخوكي دا برفع الضعط ورح . قدمتني ورجعت اصلا بيتنا الشارع الورا بيتهم بس
بعد يومين خالتو ضربت لامي قالت اجي اساعدهم مع مكارم في النضافة اهم ابوهم جايين مشيت ليهم وشيلنا حاجات النضافة
مكارم قالت نبدأ بالصالة الرئيسية ودخلنا الصالة لقيت تلفون برو ماكس موصل في الشاحن طبعا عندي غرام مع التلفونات دي يومي ببكي لابوي دايرة ايون ان شاءالله 7 بس رفض مشيت فصلتو ومسكتو وختيت الجردل المليان موية تحت
ريم: مكارم دا تلفون منو
مكارم: حق سليم الليلة بقتلك ما بخلي زول يهبشو
ريم: رهيب بس نهائي ما بشبهو 😂😂
فجأة سليم جا داخل
سليم: القال ليكي تهبشي تلفوني منو . من الخلعة فكيت التلفون من يدي ووقع جوا الجردل😳 عاينت بخلعة للتلفون ورجعت عاينت لسليم المخلوع
ريم: سليم دقيقة افهمك والله ما قاصدة . وكل مرة برجع لورا😂😂 وطبعا مكارم صنت ساي بعد استوعبت الحصل جرت خلتني براي الحيوانة😂😂
سليم: دا شنو دا . وهو لسع مخلوع😂😂عاين يمين عاينت معاهو تاني عاين شمال وثبت نظرو على تلفوني القاعد في الكرسي عاينا لبعض وقومنا جارين عليهو هو سبقني وشالو
سليم: الليلة برمي تلفونك جوا الجردل ذي تلفوني
ريم: سليم الله يرضى عليك لا والله ما كنت قاصدة
سليم: لا قاصدة بس . وانا بحاول اشيل تلفوني وهو رافع يدو فوق وانا بنط عشان الحق بس ما قادرة بسبب فرق الطول 😂😂 بس فجأة انا بلز فيهو هو اختل التوازن بتاعو وجا واقع فوق السرير وانا جيت واقعة بفوق منو وهنا وقف الزمن بينا هووي بهظر معاكم نحنا ما في مسلسل هندي😂😂😂 بسرعة قومت منو وعدلت ملابسي وخلاص دخلت في ضفوري🤦♀️
ريم: اسفة . مد لي التلفون لانو هو ذاتو اتحرج شيلت التلفون منو
ريم: وقع بالغلط مني ما قاصدة
سليم: ما تخافي هو مضاد للموية
ريم: احلف
سليم: والله 😂😂بس كسرتي لي ضهري يا سمينة . فتحت خشمي كبير
ريم: سمينة حبوبتك 😑😑
سليم: الحمدلله حبوبتي ما سمينة وين ليكي انتي . وقام ماشي فنيتو بالمخدة في ضهرو التف علي
سليم: معليش بس الحقيقه سمينة😂😂😂طلع تلفونو من الجردل ومشى وانا هنا رفع لي ضغطي 😫😫 مشيت افتش لمكارم لقيتها في غرفتها
مكارم: عمل ليكي شنو . وقعت فيها خبط 😂😂😂
ريم: بياعة الكلبة
مكارم: سلامة روحي اهم حاجة سليم ايدو تقيلة 😂😂😂ما قولتي لي عملو ليكي شنو
ريم: ما عمل لي حاجة جات سليمة بس بسألك هل انا سمينة
مكارم: لالا صحتك كويسة ما للدرجة ديك مالك
ريم: ماف حاجة . نضفنا البيت وبنات عمها جو مع امهاتهم والبنات يتخاففو قدام سليم عشان مغترب وكدا 😂😂😂 طبعا هو مغترب السعودية ما تضحكو لاني دايما بشمت فيهو😂😂😂 ليهو زمن برا جا هنا للاجازة واجازتو طويلة عشان كدا وكان اسوء اجازة عشان لما فيني انا ونحنا الاتنين مأجزين وقضيناها شكل ما بطيقني ولا بطيقو بس مكرشة عليهو ما تستغربو😂😂
هبة: سلوم كيفك مشتاقين . انا رفعت حاجبي اجي يا المشتاقين الما بتخجل🤨 طبعا زولكم تقيل وكدا رد بطريقة بايخة وطلع عجبني ليها الخفيفة اللفيفة لمن خلاص راجعة كنت حارسة مكارم جنب الباب تلبس عبايتها جا سليم طالع
ريم: هاي سلوم 😂😂😂 قولتها بطريقة البت ديك . رفع لي حاجبو 🤨
سليم: غيرانة ولا شنو
ريم: حيلك حيلك طويل ذي سلم الشياطين يغيرو عليك في شنو
سليم: كدا زحي دا امور البايرات اصلا
ريم: سليم انا بايرة😳
سليم: ما عارف . كان طالع مسكتو من يدو وعضيتو شديد ودايرة اجري بس مسكني من طرحتي والله ولا بهظر فكيت الطرحة وقومت جارية اهم حاجة سلامة روحي😂😂🏃♀️🏃♀️ ما وقفت الا جوا غرفة مكارم وانا بتنفس بسرعة
مكارم: مالك يا بت كدا بالراحة ووين طرحتك 🤨
ريم: مع سليم
مكارم: كيف يعني . حكيت ليها الحصل هي ماتت ضحك😂😂 وخلتني خايفة من سليم الليلة بقتلني😭😭🔪🔪
ريم: مكارم انا ما طالعة
مكارم: الليلة حيقتلك حيقتلك 😂😂
ريم: ما شاء الله طمنتيني الله يطمن قلبك 😭😭
قعدنا شوية طلعنا لقيت الطرحة في الصالة وهو ماف مشيت معاها سريع سريع ما صدقت وصلت بيتنا متين اصلا....