رواية سنيين الضياع الفصل الثامن 8 بقلم جمانه السعيدي
هاشم....كل الي بداخلي مجرد احساس احساس اهلي هنا
بهاي الولايه
بس مجاي اوصل الحل شلون اعرف وين ساكنيين
شلون اوصللهم
هاشم...ليلى خلفت وعدها وياي وقررت تحجي الابوها
قصدها الشيخ يمنعني ادور على اهلي
خاف ارجع الاهلي واعوفهم
ليلى....بويه اريد اكلك شغله بس هاشم حلفني مااحجي
الشيخ....كولي هاشم بي شي
ليلى....لا مابي شي اسم الله عليه بس هاشم جاي يدور على اهله
سكت الشيخ شويه
الشيخ.....هو يعرف مكانهم
ليلى...لا بس جاي يدور عليهم هو مايقبل احجي كدامك
بس اني مااريدك تتفاجئ احتمال يوصل الهم
الشيخ....مااعتقد وين بعد كل هاي السنيين
شلون يوصل الهم
ليلى....جاي يجمع معلومات ويسئل اذا لكاهم
ايجوز يعوفنا ويرجع عليهم
الشيخ....لا لا تكولين هيج انشاء الله ما يعوفنا
احنا اهله الي ربينا وتعبنا وزوجنا ما معقول بعوفنا بين يوم وليلى
ليلى....اذا وصل بيت اهله وأمه وابو عايشين ااكيد كبار بلعمر مستحيل يعوفهم لا تنسى هو الولد الوحيد
على اربع بنات
الشيخ....انشاء الله ما بعوفنا ويبقى ويانا
الشيخ ضاج لان هو معتمد علؤه أعتماد كلي خاف صدك الكا اهلي وارجعلهم واعوفه
هاشم...لازم لكه طريقه اعرف بيها مكان اهلي
اجانا ضابط من مركز الشرطه عنده شغله بدائرتنا
سلم عليه كعد خلصتله اوراق
شويه تجا اتصال ولد ضايع واهله مقدمين بلاغ على اختفائه اتصلو على الضابط يرجع للمركز لان يشكون واحد من أقاربه خاطفه
الضابط...ولله بلوه اذا صدك أقاربه خاطفه بلوه
هاشم...وشنو مصلحة أقاربه يخطفه
الضابط...الله اعلم عداوه علمود فلوس
هاشم....اذا طفل ضاع من اهله من زمان وهسه كبر ويريد يدور على اهله شلون يوصل الهم
الضابط...من زمان يعني شكد كم سنه
هاشم....عشرين سنه
الضابط...وكلشي مايعرف عنهم ابد
هاشم...يعرف بس الولايه الي جان بيها بس ما يعرف اهله وين ساكنيين
الضابط...بسيطه يروح المركز الشرطه وينطي السنه الي ضاع بيها ونفتح السجلات ااكيد اهله قدمو بلاغ
وهذا البلاغ ويا عنوان بيتهم
هاشم...يعني ااكو سجلات من عشرين سنه
الضابط....ااكثر من عشرين سنه كل السجلات محفوضه بارشيف المركز
هاشم...يعني اذا اجي وأقدم طلب اطلعلي اسماء الاولاد الي ضايعين
من عشرين سنه وعنوان ببتهم
الضابط....اذا اهل الولد قدمو بلاغ بختفاء الطفل بذاك الوقت جمانه السعيدي
هاشم...ولله لو تساعدني بهذا الموضوع اكون ممنون منك
الضابط...تدلل بسيطه تعال وراح اساعدك
هاشم...طلبت اجازه وطلعت ويا الضابط للمركز
وصلنا اول بدايه خلص كم شغله بعدين اخذني
للارشيف كبل طلع سجلات المركز سنة ٨٥
حدد المنطقه طلع السجلات
بدينا ندور اني ويااا ساعه وكلشي ماكووو
بعدين هو طلع لان عنده شغل وبقا وياي ضابط مسؤل
عن الارشيف بقينا ندور اني ويااا
تعبت كلش وكلشي ماكووو كال هاي هيه السجلات خلصت
هاشم...بلكت اكو واحد باقي بلرف
الولد رجع يدور لكه ملف باقي ما منزلينه
نزله وبدينا ندور اني ويااا
لكيت اسمي ويا اسماء الأطفال الي مختفين بهاي الولايه
هاشم محمد عواد من قريت اسمي ماصدكت نفسي
معقوله راح الكه اهلي بعد كل هذا العمر
اخذت ورقه وقلم وسجلت العنوان كامل
اتشكرت من الضابط الي بلارشيف ورجعت اتشكرت من الضابط الي ساعدني
اخذت العنوان وطلعت كبل
احس كلبي يدك مليون دكه بلدقيقه هلكد ما متوتر مااعرف اعبر عن احساسي
بهاي اللحظه فرح على توتر على خوف على رهبه
شعور عجيب
فرحان وخايف وحزين بنفس الوقت
افكر بردة فعل اهلي
شلون اذا شافوني راح يعرفوني لو لا
بطني توجعني وضغطي صعد معقوله بعد ااكثر من عشرين سنه راح اشوف امي وابوي مره ثانيه اشوف خواتي
كلبي يوجعني حيل
احس مثل النغمه بكلبي
يمكن ماالحك اوصل واشوفهم متوتر حيل
حراره تطلع من جسمي حتى عيوني يوجعني
وصلت للشارع اي هو هذا شارعنا صح متغير بس هو هذا
شفت نفسي شلون جنت اللعب بلشارع
من جنت زغير وصلت البيتنا
طبكت السياره بلباب
دموعي نزلن خايف
نفس البيت بعده مثل ما هوووو
اديه ترجف كلبي يركض مااكدر اسيطر جسمي كله يرجف
وصلت للباب مسحت دموعي
دكيت الباب بلبدايه محد رد عليه
تخيلت امي راح تفتحلي الباب
رجعت دكيت حيل احس نفسي راح اوكع بلشارع
طلعت عليه بنيه جبيره لابسه دشداشه مدلعه واكفه كدامي بدون حشمه
ازهار...نعم شكو فلشت الباب خير انت منو
شصار اجانا غزو دك الباب هيج
هاشم...انتي منو
ازهار...انت مخبل انت الي دكيت الباب
هاشم...اني هاشم اني هاشم محمد عواد ابنكم الي ضاع قبل عشرين سنه
احجي ودموعي تنزل منا ومنا
باوعت عليه بستغراب وماردت اجت وحده ثانيه
علياء......منو هذا وليش يبجي
ازهار....يكول اني هاشم اخوجن
علياء...وشنو الي يثبت كلامه
جمانه السعيدي
هاشم...وين امي وين ابوي اريد اشوفهم
ازهار.....يمكن صدك هوووو
علياء.. امك وابوك تعيش انت بس شنو يثبت صحة كلامك
هاشم...اني راح احجيلج
امي جانت تحوك سجاد وابوي عسكري واني طلعت ورا ابوي
بيوم راح الفاتحة الشهيد صديقه وضعت
التفتن وحده الثانيه ما فرحن ولا تفاجئن بيه
ازهار...وهسه يله اذكرت وين جنت كل هاي السنيين
هاشم...امي وابوي ماتو صدك تحجين
كمت ابجي بصوت عالي قبل بس دموعي تنزل
بس هسه ابجي مثل بجي النسوان
امي وابوي ماتو ما لحكت اشوفهم
علياء....ادخل فرجت الناس علينا
دخلت للبيت الأثاث متغير هواي اشياء متغيره بلبيت
كمت ابجي بصوت أعلى
شميت ريحة امي بلبيت
دخلت جوه امسح دموعي اريد اسئلهن بس ماكدر احجي
معقوله امي و ابوي ماتو وما لحكت عليهم
ازهار....شوف بالمختصر ابوي استشهد بحرب إيران
وامي ضربها سرطان مدري من كد الشغل
وهذا الصبغ الي تشتغل بي كل كيمياوي مدري من قهرها عليك بقينا بس احنا بلبيت
بنات اربعه لا معين ولا والي
راتب ابوي مايكفي عيشه
هاشم...وين سماح ونور اخو اتجن
ازهار...سماح ازوجت ونور بلشغل شويه وتجي
انت وين جنت كل هذا الوقت
هاشم...جنت عايش يم ناس وماعرف شلون ارجع
تخرجت وزوجت عندي اطفال ثنيبن
علياء.....وهسه انت تشتغل كاعد
هاشم...موضف بدائرة الري
علياء...خاف الك نيه تجي تشاركنا بلبيت ترا ماكو مكان
هو خرابه احنا عايشين بي بلكوه
هاشم ... شلون عايشات
علياء.. نشتغل حالنا حال الناس
هاشم... اباوع عليهن لبسهم ماعجبني والمكياج وطريقة كلامهن وحركاتهن
ابد ماحسيتهن فرحن بيه بلعكس اكو خوف بعيونهن مني ليش مااعرف
ولا وحده حضنتني ولا شفت حنيه بعيونهن
عبالك دخل عليهن عزرائيل
هاشم...كملتن دراسه
ازهار.. اي دراسه واحنا ماكلنا الفكر
هاشم...شنو تشتغلن
ازهار....لا تدخل بشغلنا قابل تريد تصرف علينا
شكد راتبك وشكد راح تنطينا ما يكفي مالك شغل بينا
شويه ودخلت نور
بقيت اباوع عليها وين شايفها
لبسها كلش ضيك والمكياج فول
نور.. هذا منو احنا مو كلنا ماكو شغل بلنهار
اني شايفتك قبل
بقيت اباوع عليها مدري وين شايفها
حسيت اكرها من زمان اكو شي بيها يخليني اكرها
من سمعتها تحجي وتعوج بحلكها ما عاجبها وجودي بلبيت
ركزت عليها
من حجت اذكرت هاي الي شفتها بلعياده
بس ليش هيج لابسه وشنو الشغل الي مايصير بلنهار
كمت اشك يمكن يشتغلن شغلات موزينه
جمانه السعيدي
هاشم.. شنو شغلجن احجن
ازهار..وانت شكو جاي تصير رجال براسنا
نور...هذا منو وشعنده بيتنا
علياء.. هذا هاشم اخوج اليوم اذكر عنده اهل وراجع علينا
نور... عشتو شذكره بينا ووين جان
هاشم...جاوبن شنو شغلجن
ازهار...شوف خويه مالك شغل بينا انت ماعشت العوز الي عشنا بي ولا جعت ولا تبهذلت مثلنا
مو جاي بعد عشرين سنه تريد تتحكم بينا
اصلا انت مالك مكان بهذا البيت
انت بلنسبه النا ميت ميت من زمان
روح كمل حياتك وانسى عندك خوات احنا مانريدك بهذا البيت فهمت لو لا
ولا تحاول تفرض نفسك علينا لان نكدر نلبسك مصيبه
وندخلك السجن روح عيش حياتك وخلينا نعيش
لا تستعرض نفسك كدامنا راتبك الي تستلمه مايكفي عيشه بنات اتلاثه وزوجتك وجهالك
احنا مانريد منك شي بس ارجع منيين مااجيت
الله وياك
هاشم....فتحت الباب وكالت تفضل ارجع منيين مااجيت
هاشم...معقوله ذني خواتي وذوله اهلي الي جنت ذابح نفسي عليهم
هاشم....اني اخوجن ومسؤل عنجن
مالجن شغل باي شي اني الي راح اصرف مو انتن
ومن هاي اللحظه
اني رجال البيت واي وحده تعترض او ترفض
الي تصرف وياها بعد ماكو طلعه من البيت فهمتن لو لا
نور...شنو شنووو لايكون صدكت نفسك
امشي اطلع برا لا اعيط والم الناس عليك
خوش ولله جاي بعد عشرين سنه يريد يتحكم بينا
لا انت ولا عشره مثلك
فهمت لو لا
امشي اطلع امشي
هاشم...التمن اتلاثتهن ودفعني طلعني بلشارع
وطبكن الباب
من ورا الباب صوتهن شعلاته الغلط والفشار عليه عبالك طالع من بيت دعاره مو بيت اهلي
من كد ما انصدمت بقيت واكف بمكاني
صدك جذب
اني بحلم لو علم معقوله ذني خواتي
اتوقعت ياخذني بلاحضان يبجن من يشوفني
ااكيد اني غلطان هذا مو بيت اهلي
مشيت شويه شفت واحد عنده محل طلع على صوت عياطهن يباوع عليه
شافني وهز ايده ما عاجبه الوضع
مشيت علي اريد اسئله كم سؤال محيرني
وصلت يمه اريد اعرف ليش هيج اتصرفن وياي
هاشم....سلام
.....انت منهم هههههه
هاشم... منو
.....الزلم الي يجون يتونسون وما يدفعون فلوس
هاشم.....شقصدك
......ليش طردنك وزفنك مادفعت فلوس
هاشم....فلوس مال شنو
....انت مو جاي تتونس
هاشم.... لا شنو اتونس
...انت .مبين ابن ناس ومحترم شرجعك على ذني
ك...ح...ا...ب محد يكدر عليهن شغلهن علني ما يخافن ولا يستحن
هاشم....هنا يشتغلن بهاي السوالف
... اي من زمان من ماتت امهن وابوهن انت شو تسئل
شعندك جاي اذا ما تعرف هنا شيشتغلن
هاشم... اني مضيع ناس اقاربي
...جان سئلتني قبل لا تدخل هذا البيت المشبوه
هاشم...حسيت واحد كفخني على راسي شفت الدنيا سوده
ماكدرت اوكف اجيت اوكع
محد يكدر يتحمل كل هذا الحجي على خواته
....الله الله شبيك تعال اكعد على الكرسي
هاك ماي اشرب انطاني بطل ماي انت منيين اني ماشايفك قبل
هاشم... كمت من مكاني وكتله شكرا
صدكوني اريد اوصل السيارتي مااكدر
رجليه عبالك خيوط
مااكدر اسيطر على جسمي رفعت بطل الماي ونزلته على راسي
اريد استوعب الشي الجاي يصير وياي
وصلت للسياره دخلت وطبكت الباب
اباوع على باب اهلي انهضمت كمت ابجي وينج يمه تعاي
اني هاشم رجعت وينج تعالي شوفي بناتج سودن وجهنا كدام الناس
ياريتني ماطلعت بذاك اليوم
ياريت رجلي انكسرت قبل لا اطلع
يمه صح متي من وراي اني قهرتج
اعذريني ياحنينه ولج يمه اليوم مصيبه وكعت على راسي يمه بناتج يمشن بطريق موزين
شبعت بجي مقهور حيل
ياريتني مالكيت بيت اهلي ياريتني مادورت
ياريتني نسيتهم ياريتني فقدت الذاكره
ياريتني متت قبل هذا اليوم وماشفت خواتي بهاي الحاله
مستحيل اعوفهن يسودن وجهنا
اجيب سلاح واكتلهن كلهن
ذني عار عليه
العوز ما يخلي اي وحده تطلع عن الطريق
اكو شغل ويشتغلن
مراح اعوفجن تكملن بسواد الوجه
لو تبطلن وتكعدن وتسكتن
لو موتجن كلجن على ايدي
اني هاشم الكل يحترمني ويقدرني ذني خواتي
مع الاسف اي ولله مع الاسف
شغلت السياره وطلعت بسرعه رايح اجيب سلاح وارجع عليهن
انتظرونا........