رواية سنيين الضياع الفصل الرابع 4 بقلم جمانه السعيدي
الشيخ....شلون نسجله بلمدرسه وماعنده جنسيه
ام مهند....شوف بلكت واحد من معارفك يطلعله جنسيه
الشيخ...صعبه حيل صعبه
ام مهند....فدوه حاول بلكت اصير اني علمود مهند
اريده يدرس هو ذكي ويفتهم
اذا ويا هاشم مااخاف علي
بعدها بدا الشيخ يدور ويسئل معارفه
حتى يكدر يطلعلي جنسيه
شهر تقريبا يسئل الحد ماا اكو واحد عرف كاله بسيطه اني اطلعله جنسيه
بس قدم بلاغ بلمركز ونطلعله بدل ضايع
فعلا الشيخ نزل للولايه وقدم بلاغ بلمركز
كاللهم اقاربي ويتيم وضاعت جنسيته
اخذ البلاغ وكدر يطلعلي جنسيه بسم
هاشم محمد واسم الجد ضافه من يمه مو اسم جدي الحقيقي
صار اسمي هاشم محمد عليوي
وطلعتلي جنسيه صرت مواطن عراقي
وعنده جنسيه حاله حال اي واحد
جمانه السعيدي
سجلني الشيخ بلمدرسه
نزل الشيخ للولايه جابلي ملابس مدرسه اني ومهند
شكد جنت فرحان اسجلت بلمدرسه
وفرحان ااكثر بطريقة تعامل الشيخ ام مهند وياي
يعاملوني احلى معامله
حتى احسن من معاملة اهلي اليه
مراح اكول نسيت اهلي نهائيا اا اذكرهم
بس ما حاس بلمصيبة الي نزلت عليهم
مادام اكو مكان أأمن ساكن بي واكل وشرب ولعب
ليش افكر بيهم
بدينا نروح للمدرسه اول ايام الشيخ ياخذنا بسيارته
يوصلنا ويدخلنا للمدرسه ويرجع
لان مهند نهائيا ما يمشي رجلي ما يتحركن
وضعيفات كلش بس يحرك ادي عادي
كعدنا اني ومهند بنفس الرحله
بلبدايه الجهال كلها تباوع على مهند مستغربين شكله
ولأن محد.شايفه هو مايطلع من البيت
اول مره يشوفون هيج طفل كلها تباوع علي
ااكو جهال يضحكون علي على شكله
حسيته ضاج من عدهم تعرفون هو ما طالع ابد
ااكيد يضوج من يشوف الجهال يباوعون علي ويضحكون
بس اني ما قبلت لان اني احبه كلبه طيب وحنيين
وكفتلهم وكفه بنص الصف
هاشم... ااي واحد يحجي لو بس يفتح حلكه
لو يضوج مهند اني اوكفله اذا مااكسره تكسر شبيكم
ماشايفين
وواحد رد عليه وكال اي ماشايفين وواحد هيج
من فوك سمين ومن جوه ضعيف شكله يضحك
قصده لان جسم مهند من الخصر وفوك طبيعي
ومن جوه رجلي ضعاف
هاشم...واني هم ماشايف واحد مطي مثلك
لافهم ولا علم
راسا الولد طفر عليه بس اني موته تموت لان صدك حرك كلبي
اجا المعلم على الهوسه واكو جهال راحو للاداره يصيحون تعاركو
جمانه السعيدي
دخل المعلم
المعلم...ليش تتعاركون مو عيب
هاشم...هو الي بدا مسحت وجهي اكو دم وجهي مجروح والولد هم انجرح وجها وملابسه توصخن
لازم ايده لان اني لويتها حيل
المعلم....ليش تتعاركون انتم صحبان يله اعتذرو وسلم واحد على الثاني
هاشم...مااسلم علي ليش يحجي على ابن عمي
المعلم...وينه ابن عمك
هاشم...هذا
المعلم...انت حجيت علي
الولد دنك ما حجه شي بس الطلاب كلهم كالو ااي
المعلم...اعتذر منه مو عيب تحجي على صديقك بلصف
رد علي بعصبيه اعتذر من مهند بس هذا مااعتذر منه
المعلم...بعد مااريد مشاكل اول يوم وتتعاركون عيب
انتم اخوان
اعتذر الولد من مهند
هاي المشكله كانت درس الكل الطلاب بلصف
اي واحد يقرب من مهند اني اوكفله
خلص الدوام والشيخ دز واحد من جماعته يرجعنا للبيت
بس دخلنا وشافني الشيخ وجهي مجروح
الشيخ....خير شكو شبي وجهك بسلا تعاركت بلمدرسه
مهند....اي واحد يعيب عليه ومهند ضربه
الشيخ...يعني هاشم تعارك علمودك
مهند....اي بس كتل الولد وهو هم تعور وجها
الشيخ...عفيه ابني السبع الي ماعاف اخو وحده
هاشم...الشيخ كام يهوس هلكد مافرح بيه لان ادافع عن مهند
الشيخ......هااا هااا احنا مخاوين البي زود والمر يومه
احنا مخاوين البي زود والمر يومه
عفيه ابني عفيه بهاشم
ام مهند...مهند هم ضربوك
مهند...لا محد ضربني
هاشم...حضنتني ام مهند وباستني فداوي الهاشم الماعاف اخيه
هاشم...رغم وجهي يوجعني بس كنت احس بلفخر
من كلام الشيخ وزوجته لان دافعت عن مهند
ثاني يوم الشيخ أخذنا للمدرسه ووصا المعلمين علينا
وخاصه مهند لان معوق
من بعد هاي الحادثه محد قرب علينا اني ومهند
والشيخ خله سايق ياخذنا ويرجعنا للبيت
بلنسبه للدروس مهند حيل ذكي ويحفظ الدرس من اول مره حتى خطه بلكتابه حلووو
طبعا امه تفتهم من صممت يدخل مدرسه
نروح للمدرسه ونرجع ونكعد ندرس سويه
صرنا اني ويا مثل وواحد وضله ما نفترق ابد
ناكل ونشرب ونلعب وندرس سوه
بطل الشيخ يحجي قصتي كدام الناس اصلا مايريد احد يعرفني كان يعتبرني ابنه الثاني
هاي المشكله بلمدرسه فتحت موضوع قديم الشيخ كان يحجي بي من بعد ما ام مهند ما حبلت بعد ليلى
الشيخ يريد يزوج وحده ثانيه علمود يصير عنده ولد
الشيخ يريد ولد لان مهند معاق والمعروف بلعشاير
الشيخه تتوارث بعوائلهم
لازم اكو وريث من بعد الشيخ
ابنه يصير شيخ من بعده والا الشيخه تروح منهم
ومستحيل العشيره تقبل مهند يكون شيخ من بعد ابو
لان معوق شلون يروح مشيات وشلون يحل مشاكل العشيره
طبعا الشيخ كم مره يفتح هذا الموضوع ويا ام مهند
بين فتره وفتره يتعارك وياا زوجته لان يريد ولد
ام مهند توقف عدها الانجاب الأسباب غير معلومه
يعني هيج بدون سبب مجاي تحمل
هلمره الشيخ شد سنونه يريد يزوج
وخاصه من سمع الجهال تتنمر على مهند وتضحك علي
بلمدرسه وماعنده اخ يدافع عنه
يريد يزوج قبل لا يفوت الوقت
دز على أخته وكللها اريد مره اريد ازوج
شوفيلي وحده بت حموله بت اصول
اخت الشيخ ماتكدر ترفض طلبه اخوها الجبير
وكلامه نافذ على الجبير والزغير
بيومها ام مهند كعدت بغرفتها تبجي
البيت كله انكلب كلها ضايجه على ام مهند
اني الي مالي علاقه بهذا الموضوع ضجت من شفتها تبجي
ماتستاهل خطيه
جمانه السعيدي
طبعا الشيخ عنده شروط مايزوج اي وحده
لازم بت عائله ومتربيه بت اصول
معروف بعائلتهم الانجاب يعني امها وخالتها
وعماتها كل وحده اقل شي مخلفه عشره
حتى يضمن تخلف وجيبله ولي العهد
الحزن حل على البيت ام مهند بطلت تكعد ويانا على الاكل
زعلانه وضايجه
ليش تتعاقب على شغله مالها ايد بيها
هذا رزق رب العالمين قابل هيه بكيفها
ولأن هيه اصلا تحب الشيخ وتموت علي ما تتخيل تجي وحده ثانيه تاخذه منها
تخاف يتغير عليها
شهر بلضبط ورجعت العمه على بيتنا
بعد ما لكت وحده بت حلال واصل وفصل
حتى يزوجها الشيخ
طبعا ام مهند ما طلعت عليها اصلا ودها تموتها خلاص
بس الشيخ فرح من اجته بهذا الخبر
بدا الشيخ يحضر نفسه حتى يروح يخطب
مااحجيلكم البيت صار لا يطاق بسبب هاي الزواجه
لان ام مهند ليل نهار تبجي
فعلا الشيخ راح وخطب هاي البنيه ودفع المهر
بعد منتظر بس الزواج
ام مهند شرطت علي ما تجي بيتنا تسكن بيت بعيد عنا
ماتريد تشوفها
اكو بيت الشيخ محصار قديم جان بي حلال بعدين الشيخ نقل الحلال للكاع بنا محصار ونقل الحلال هناك
الشيخ قرر يبني غرفه ومطبخ للعروس بمكان المحصار
ويعزلها عن بيته يكون بابها وحدها
فعلا طلع عمال بنو غرفه ومطبخ بلوك للعروس
وجاب غرفة نوم
تحدد يوم العرس والشيخ سووا عرس ضخم
ذبايح وعزيمه شكبرها
بهذا اليوم ام مهند مابطلت تبجي وتدعي على الشيخ
لان فرط بلعشره الي بينهم
تم الزواج ثاني يوم الشيخ من الصبح بلمضيف
مثل كل يوم
يحجي ويا ام مهند ماترد علي
كلما يريد شي ام مهند عناد ما تسوي زينب تركض
تنفذ اي طلب يطلبه
البيت الي كنت فرحان بي صار مزعج من كد المشاكل
صح هما ما تغيرت معاملتهم وياي
بس قبل جانت الأجواء حلوه
من ازوج الشيخ صار البيت ضوجه
رجع اجا الدوام ورجعنا اني ومهند ندرس والتهينا شويه عن المشاحنات الي تصير بلبيت
هاي السنه ليلى اسجلت ويانا تروح ويانا المدرسة البنات
نوصلها المدرستها ونروح احنا المدرستنا
ومن نرجع نجيبها ويانه
تكعد ويانا ندرسها ادروسها
فات ٣ اشهر على زواج الشيخ وماكو اطفال
الشيخ بدا يقلق من هذا الموضوع
ليش اتاخرت بلحمل ليش ما حملت متوقع بس يزوج يجي الولد يركض
خلصت هاي السنه وزوجت الشيخ الجديده ما حملت
انطاها فلوس حتى تروح للدكتوره تشوف شنو الأسباب الي تمنع الحمل
بلعهد القديم اي مره ما تحمل يذبون الصوج بيها
لان برائيهم مستحيل اكو رجال ما يخلف الخلفه
مرتبطه بلمره الرجال ماله علاقه
طبعا اني اسمع ام مهند تدعي عليها طول الوقت
كون ما تخلف ولا تشوف الخلفه بعينه
رجعت زوجته من الدكتوره كالت الدكتور تكول ماكو سبب يمنع الخلفه
الشيخ من سمعها صار عصبي
هاي الدكتوره ما تفهم اني مخلف اتلاثه قبل يعني مابيه شي ااكيد السبب منج
شوفي اذا ما تحبلين بهاي السنه ترجعين بيت اهلج
فهمتي لو لا
هاشم...يمكن فعلا السبب من الشيخ بس هو رافض يقبل هاي الفكره
رافض اصلا يروح للدكتور
المهم السنه هاي كلنا نجحنا ونتقلتا المرحله ثانيه
وزوجت الشيخ ماكو حمل
وهاي السالفه خبلت الشيخ شلون يفوت كل هذا الوقت وماكو حمل
فات سنتين وماكو حمل
قرر الشيخ يدزها للدكتوره مره ثانيه
رجعت وياها تحاليل تثبت مابيها شي
دزها للسيد يقرأ عليها نفس الشي
دزها للعلويه تسبحها وتقرا عليها ماكو فايده
مرن ٣ سنوات وماكو حمل
الحد ما قرر الشيخ يروح يعرض نفسه على الدكتور
حتى يقطع الشك بليقين
قرر يروح بدون ما يكول اني رايح للطبيب لان بلنسبه اله
زيارة الدكتور علمود هيج موضوع عيب بحقه
لكن بلطريق صارت المفاجئه الي محد متوقعها
انتظرونا......