رواية سنيين الضياع الفصل الخامس 5 بقلم جمانه السعيدي
هاشم....الشيخ بطريق الرجعه من الدكتور تعرض الحادث
السياره انكلبت بي
ونقلو للمستشفى رجله انكسرت وضلعين من صدره انكسرن صار عنده التواء بلحوض
صح اتاذه هووواي بس الحمد لله رب العالمين لطف بي
وما مات
تعالو نعرف الدكتور شلون شخص عدم الانجاب
عنده
طلع السبب الحقيقي بعدم الانجاب عند الشيخ
الشيخ قبل كم سنه تقريبا ٣ او اربع سنوات
وكع مريض بسبب ضربة شمس قويه
ضربت الشمس سببتله مرض التيفو
بسبب قوة ضربة الشمس المرض سيطر على جسمه
سببله صخونه عاليه
من كد الصخونه صار عنده حالة اغماء
بمكان مايروح للدكتور ويسوي تحاليل وياخذ العلاج المناسب
لا جابوله وواحد عارف عارف يعني طبيب عرب
طبيب اعشاب
الطبيب اكتفى بأن يشعل شعله من قماش بازه
ويطفيها براسه بااماكن معينه الأماكن الحسيه بالدماغ
وهاي الطريقه كانت شائعه حيل بذاك الوقت
تعتبر افضل وأسرع طريقه التعافي المريض
بس الشيخ ما تعافى بعد هذا العلاج
ولأن اخوانه يخافون علي
نقلو للمركز الصحي بلمدينه
الدكتور انطا ابر خاصه بهذا المرض
بقا بلمستشفى ٣ ايام يله استعاد وعيه
ااثر ارتفاع حرارة جسمه الارتفاع الي سببله حالة اغماء
هذا الارتفاع سبب احتراق مصنع الحيامل بجسمه
يعني بعد ماكو حيامل
ومستحيل يصير عنده اطفال بعد هذا المرض
طبعا هو ابد ما متوقع ممكن يكون السبب بعدم الانجاب منه ظلم زوجته وحرك كلبها
وظلم بنت الناس العروس الجديده شكد تحملت منه
كلام وعصبيه وبهذله
وهو متوقع السبب منها
بس بلحقيقه السبب منه
من رجع بلسياره يمشي سرعه ضايج من التحاليل
وكلام الدكتور
وضايج اكثر لان مراح يحصل الولد الي يحلم بي
انكلبت بي سيارته
سبحان الله شكد جان سعيد ويا عائلته
وعنده خير من الله ولد وبنات ثنيين بس ما مقتنع برزقه
عدم القناعه وصلته يفقد صحته اغلى شي يملكه البشر الصحه وهو فقدها بسبب طمعه
نقلو الشيخ للمستشفى والقريه كلها راحت ورا
نسوان وزلم كلها تسئل عنه وعن صحته
كلها تسئل شلون الشيخ انكلبت بي سيارته
وليش مااخذ ويا السايق وشلون طلع وحده
راحن ورا للمستشفى ام مهند وزوجته الثانيه وابوها
اما احنا بقينا بلبيت لان زينب جبيره ١٣ سنه
واني بوقتها ٩ سنوات
اسبوع وطلع الشيخ رجع البيته
بيتنا صار عباره عن ناس طالعه وناس راجعه
اني المعزب بلبيت
اني الي اضيف الناس واستقبلهم واني الي اساعد ام مهند
حتى تحرك الشيخ
وادخله وياها للحمام واغيره الضماد
واغير ملابسه واطلع بلشمس شويه
زوجته الثانيه كلما تجي للبيت
ام مهند تتعارك وياها وتطردها تكله انتي فكر
كله من وراج الرجال تكسر
هاي المسكينه شعليها هذا قضاء وقدر من رب العالمين
جمانه السعيدي
صارت كل المسؤليه عليه
لازم اروح للكاع اشوف الفلح واراقب المحصول
واكعد بلمضيف ويا الشيخ
لان مايكدر يلاكي الناس الي تجي
وأقدم الجاي اروح ويا السايق اجيب مسواك
اجا الدوام والشيخ شويه صار عنده تحسن
ااكيد مراح يرجع مثل قبل
بس الحمد لله وضعه شويه احسن
كان يحس بلذنب الان ضلم ام مهند
وخاصه بهاي وكعته شكد اهتمت بي ودارته
دز على زوجته الثانيه هيه وأم مهند
وحجا كلشي صار ويا تقرير الطبيب عن وضعه الصحي
خير زوجته الثانيه تبقى ويااا
لو تطلب الطلاك اذا بقت وياا راح تبقى بدون اطفال
طول عمرها
واذا تريد تنفصل ماكو مشكله مستعد يقدملها مهرها
الغايب وتروح بسبيل حالها
لان هيه كلش زغيره عمرها ٢٢ سنه
والشيخ عمره ٣٨ سنه
زوجته سكتت ماردت علي جانت محرجه ترد علي
بس هيه حقيقتا ماارتاحت وياا ولاكدرت تتحمل طبعه
من غير ام مهند الي كلما تشوفها تغلط عليها
بعدها بأسبوع كعدنا الصبح لكينا باب بيتها مفتوح
ماخذه ملابسها وراجعه بيت اهلها
وهذا التصرف ماله غير معنى واحد
تريد تنفصل عن الشيخ
الشيخ لادز عليها ولا سئلها شهر تقريبا ودز على ابوها
حتى يتفق ويا على تفاصيل الطلاك
ابوها بقا يعتذر من الشيخ بسبب تصرف بنته
بس الشيخ ماحجه اي شي
سلم ابوها الغايب وطلكها وكلمن راح الحاله
هذا اليوم اسعد يوم بحياة ام مهند
جابت جكليت وحامض حلوووو وزعت علينا
بس بسكوت من الشيخ
شكد جانت فرحانه
شكد الشيخ كان ضايج بيومها
مو لان يحب زوجته الثانيه بس صعب على الرجال
يحس بلرفض
وخاصه وهو شيخ وعنده نفسه وبس ماكو منه ابد
بعد ماازوج كدام العالم وعرس ضخم الناس كلها تحجي
بي هاي تاليتها
ااكيد الناس راح تسئل عن سبب الانفصال
واكيد زوجته راح تحجي قابل تعوف الناس تحجي عليها
ااكيد الناس راح تلومها
ااكو وحده تاخذ الشيخ وتالي تعوفه
مستحيل تسكت وتعوف الناس تحجي عليها
هذا الشي كان مااثر بنفسية الشيخ حيل
و جسمه الي تأذه بسبب الحادث
عبالك الدنيا تمشي عكس ويااا
لو تركض ركض الوحوش غير رزقك ما تحوش
جمانه السعيدي
هاشم....مسؤلية البيت كلها صارت براسي
الشيخ مارجع مثل قبل ومهند معوق
ماكو غيري يشيل مسؤلية البيت كله
الي يتربى بمضيف الشيخ ااكيد تربية شيوخ
اني احس نفسي تربية شيوخ
كمت اعرف كل قوانين العشاير
من الزغيره للجبيره هلكد مااكعد بلمضيف ويا الشيخ
الشيخ حيل معتز بيه ويحترمني ويعاملني اجمل معامله
وكانما ابنه الي ماخلفه
صار عمري ١٥ سنه كملت متوسطه وهنا ليلى كملت ابتدائيه بعد راح تكعد لان ماكو مدرسه متوسطه
بلقريه
اما اني ومهند قدمنا للاعداديه بلولايه
راح ادرس بلولايه الي ضعت بيها الي بيها بيت الشهيد
مدرستي الاعداديه هناك
ندرس اني ومهند الشيخ يخلي السايق يوصلنا ومن يخلص الدوام يرجعنا
اول ايام المدرسه
من ارجع الكا الشيخ منتظرني على نار
شكو شغله تمر علي يكول لمن يجي هاشم ويحلها
اي شغلها محتاجيها بلبيت
لمن يجي هاشم يخلصها
سعيد بهاي المسؤليه سعيد لان شما أقدم البيت الشيخ قليل بحقهم
عشت بينهم وما فرقوني عن ابنهم وبناتهم
بس ما نسيت اهلي ودائما افكر
ياترى شلون صار شكل ابوي بعد كل هاي السنيين
وامي بعدها تحوك واديها كلهن صبغ مشتاق الريحتها
وخواتي اكيد كبرن
ياترى بعدهم يذكروني لو بعد كل هاي السنيين نسوني
لو اعرف هما بيا ولايه جان رحت شفتهم ورجعت
لا شنو ارجع اكيد مراح يقبلون ارجع هنا مراح يصدكون لكوني مستحيل يقبلون ارجع بيت الشيخ
اذا لكيت اهلي الشيخ يقبل ارجع الهم
بس اني مااكدر اعوف الشيخ
مايكدر بدوني وشلون افارك مهند اخوي حبيبي
مااعرف اذا لكيت اهلي شلون راح اتصرف
جاي افكر واجتني ليلى
لابسه ثوب وردى وحجاب على راسها
تعرفون احنا عايشين بنفس البيت بس بعمري ما انتبهت
عليها
وخاصه من يوم الحادث لليوم
لان صرت اني والشيخ ما نتفارك ابد اني ايده واني رجله
جمانه السعيدي
سمعتها تكول هاشم اني كاعد بلهول وحدي
التفت عليها هاااا
ليلى....اريد اطلب منك.طلب
هاشم...كولي
ليلى....اريدك تحجي ويا ابوي اريد اروح وياكم للولايه
اسجل بلمتوسطه
هاشم....صدك تحجين
ليلى...اي ولله اني احب المدرسه ابوي يحبك ويسمع كلامك
انت تكدر تقنعه اروح وياكم بلسياره وارجع وياكم
فدوه هاشم احجي وياا
واني اخلي امي هم تحجي ويااا
هاشم...... .بسيطه اني احجي ويااا
دخلت للمضيف لكيت الشيخ كاعد وحده
الشيخ...وينك بويه جكايري خلصن اريد جكاير
هاشم...هسه اروح اجيبلك واجي
الشيخ... خل زينب تخدر جاي
هاشم...رحت اشتريت جكاير ورجعت لكيت زينب مخدره الجاي
دخلت علي بيد الجكاير وبيد الجاي
هاشم. تفضل
الشيخ ...الله يحفظك ويبارك بيك
هاشم...اريد اطلب منك طلب
الشيخ...كول مااردلك طلب
هاشم....ليلى تريد تكمل مدرسه
الشيخ...وين تكمل تعلمت قرايه وكتابه هاي هيه تكعد وتسكت
اول وتالي تعرس وتكعد بيت رجلها
هاشم....واذا اكلك الخاطري اني اخذها وياي ارجعها وياي
بمسؤليتي
ليلى تحب المدرسه خليها تكمل
الشيخ...ماكو بنيه بلقريه كملت دراستها
هاشم.....واحنا شعلينا بنات القريه يجوز صير
دكتوره وتفتخر بيها
الخاطري اول مره اطلب منك طلب
لاتردني شيخنا
الشيخ....بس تأخذها وياك وترجعها وياك
وانت تسجلها بلمدرسه
هاشم....لا تخاف عليها مراح يقرب عليها احد واني موجود
الشيخ...اعرفك زلمه معدل
وكلمتك وحده
هاشم...مشكور شيخنا
طلعت لكيت ليلى تتسنط علينا
بس شفتها ضحكت
ليلى....شكرا هاشم
هاشم...تدللين
انتظرونا.......