رواية سنيين الضياع الفصل الثاني 2 بقلم جمانه السعيدي
هاشم...بقيت امشي واني متأكد هذا طريق الرجعه
مشيت هواي
اطلع من فرع ادخل فرع اطلع من شارع ادخل شارع
منا لمن تعبت حيل تعبت
حسيت نفسي امشي بطريق غلط
مو هذا الطريق نفسه الي اجيت منه
هواي اشياء متغبره مو نفش الشوارع الي اجيت منها
واني امشي ورا ابوي
عرفت نفسي ضعت بهاي اللحظه بلذات خفت
الصبح جنت امشي واني ماأمن ابوي وياي
رغم هو مجان يعرف اني جاي امشي ورا
بس كلبي مطمن
بس هسه شلون خايف اني ضايع
قررت امشي بغير اتجاه حتى اوصل الاهلي
ادخل من شارع اطلع من شارع
نفس الشي امشي ومااعرف وين رايح
وشلون راح اوصل الاهلي
قبل أذان المغرب بشويه فتت بشارع
بي جهال يلعبون بلبدايه مجانو منتبهين عليه
بعدين انتبهو وعرفو اني غريب مو من هذا الشارع
وواحد اشر للثاني اجوني
اطول واحد بيهم كام يصيح عليه انت منيين انت ابن منو
هاشم...خفت منهم لان هواي واكيد راح يضربوني
اني هاشم
...ابن منو وشعندك جاي بشارعنا
هاشم..اني ضايع
....لا انت جذاب جهال ذاك الشارع دزوك تتجسس علينا
لان البارحه تعاركنا وياهم
هاشم...لا محد دزني اني ضايع
صاح عليهم تعالو اضربو
اجمعو عليه كلهم وبدا يضربوني
شلون احمي نفسي منهم مااعرف لان هما تقريبا سبعه
واني وحدي وتعبان من المشي
وجوعان وخايف بداو كلهم يضربوني وكعت بلكاع وهما مستمرين يضربوني
كمت اعيط بصوت عالي
جمانه السعيدي
جان يجي رجال ويخلصني منهم
كومني من الكاع وهو يعيط عليهم
الرجال...كوم عمو انت وين اهلك
يحجي وياي وينكت ملابسي
هاشم....اني ضايع بس اندل بيت اهلي
الرجال...شلون ضايع شلون تندل بيت اهلك
هاشم...اني اجيت ورا ابوي للفاتحه وضعت
الرجال....انت بعدك زغير شلون تجي وحدك
هاشم...ابوي كال ارجع للبيت
الرجال...ابوك شسمه
هاشم....محمد
الرجال...منطقتكم شسمها
هاشم...مااعرف
الرجال...بيت عمك بيت خالك
هاشم.. مااعرف
اخذني الرجال من ايدي وبدا يفتر بلشارع
ويسئل اي واحد.يصادفه اذا كان يعرفني او شافني قبل
بس الكل كال مااعرفه
اخذني للشارع الثاني بس محد عرفني
بدا الاذان يأذن وهو لازمني من ايدي ويفتر
عسى ولعل احد يشوفني ويعرفني
محد كدر يتعرف عليه
وحنا جاي نمشي وكفت سياره تيوته حمل
بيها رجال جبير سلم على هذا الرجال الي لازمني
ويدور على اهلي
السايق....هااا شلونك
الرجال...هله ابو حازم شلونك
ابو حازم...منيين هذا الطفل
الرجال...مااعرفه لكيت الجهال يضربونه وجاي ادور اهله
ابو حازم....مدري وين شايفه
الرجال...اي فدوه اذا تعرف اهله بلله ذوله اهله هم اكو براسهم عقل شلون عايفين طفل زغير وحده
ايكول اجيت ورا ابوي للفاتحه وضعت
ابو حازم صدك مدري وين شايفه شكله مو غريب عليه
الرجال ..اذا تكدر وصله الاهله اللك ثواب
ابو حازم...انت ابوك شسمه
هاشم...محمد
ابو حازم هذا يمكن من بيت شويع من القريه
بس شجابك هنا
الرجال.......... يكول ابوي اجا للفاتحه واجيت ورا
اخذه وياك لهله الف رحمه على والديك
هاشم...السايق ابو حازم كان مشبه عليه
لان اني اهلي بلولايه مو بلقريه وهو شبهني بناس ساكنيين بلقريه
يعني اني هيج صرت ابعد ااكثر عن اهلي
رحت ولايه ثانيه وهسه راح اروح للقريه صرت بعيد عن اهلي ومستحيل يفكرون اني صرت بلقريه
صعدني ابو حازم وياا حتى يوصلني الاهلي بلقريه
جمانه السعيدي
مشت السياره بينا تقريبا ساعه كامله
يله وصلنا
نزل اول شي ابو حازم باب اهله
نزل المسواك كاللهم شويه واجي
رجع صعد بلسياره واخذني البيت شويع الي هما مو اهلي ولا اعرفهم حتى
وصلنا دك الباب طلع ولد شاب
ابو حازم...الله يساعدك عمي
...هله هله عمي شلونك
ابو حازم ...ضايعلكم ولد هاشم اجا عليه ابو حازم نزلني من السياره
الولد باوع عليه وكال لا هذا مو النا
ابو حازم ...اتاكد يشبهكم
الولد...لا يشبهنا ولا ابنا اصلا ماعدنا ولد هيج عمر
ابو حازم.. ادخل اسئل اهلك
الولد...عمي ابو حازم شني مااعرف اخواني
هذا لا اخوي ولا اعرفه ولا واحد من كرايبنا
وحتى مو من جهال الشارع
ابو حازم. هاي شلون ورطه ورطت روحي بيها
هسه وين اخلي شلون بيه
ابو حازم.. عمي اذا واحد يسئل علي دلي على بيتنا
الولد..صار عمي تدلل
صعدنا بلسياره
ابو حازم...انت ماتعرف اهلك وين
هاشم...اي اعرف بس مااندلهم ضعت عنهم
ابو حازم ...شسمها منطقتكم
هاشم...مااعرفها
ضاج ابو حازم وحس نفسه تورط ورطه مايكدر يطلع منها
رجعني ويا البيته
بيتهم هوسه ساكن هو واخوانه ثنيينهم وجهالهم
البيت عباره عن انفجار سكاني
ماكو مكان تخلي رجلك
كلها تحجي وكلها تعيط البيت عبالك سوك
دخل ابو حازم واني دخلت وياا
سلم على زوجته
زوجته ...هذا منوو
ابو حازم....تورطت ورطه
زوجته...شكووو احجي
ابو حازم...هذا الطفل لكيتها بلولايه يم بيت
سعدون وكالو ضايع
اني من باوعت علي شبهته على بيت شيوع
وهو كال اجيت ورا ابوي للفاتحه وضعت
هسه اخذته الهم يكولون هذا مو ابنا ولا نعرفه
زوجته...يااا خطيه الله يساعد امه تلكاها مفرفحه علي
ابو حازم...باجر اني التحق للجيش وين اودي
مااكدر ارجعه البيت سعدون الطريق ساعه
شيرجعني
شلون وين اخلي
زوجته...ولله لو اله مكان حان خليته هنا بيتنا
بس الجهال يلعبون بي طوبه
اصلا البيت ما ناقصه نفر زياده
ابو حازم....خطيه اهله يدورون علي
زوجته ...اي صدك الله يساعدهم
ابو حازم....صبي عشى خل يتعشى مبين جوعان
زوجته...لكيت فكره
ابو حازم...كولي شني الفكره بس لاتكولين رجعه
منيين ماجبته
زوجته....لا خل يتعشى وخذه البيت الشيخ
ابو مهند
ابو حازم.....عود ليش
زوجته....الشيخ الناس طابه طالعه علي حتلو ما يعرفونه
يمشون ويحجون بي
منا لمن يوصل خبر الاهله ويجون ياخذونه
اذا بقى عدنا هنا محد راح يعرفه وحتى اهله مراح
يعرفون مكانه
بيت الشيخ كل الوكت ناس طالعه وناس داخله
من واحد الواحد الخبر يوصل الاهله
ويجون ياخذونه
ابو حازم...اي ولله خوش فكره حلوه
هاشم...كلش تعبان وجوعان ميت جوع
جابولي ااكل مركة طماطه بدون كلشي
مابيها غير البصل وماعون تمن
بس كمت ااكل بدو الجهال يلتمون عليه
كل واحد ااخذ لكمه
اكلت لكمتين والثالثه مديت ايدي لكيت الماعون فارغ
بعدني جوعان ما شبعت
كعدو الزلم ياكلون ووحد والجهال والنسوان وحد
زوجت ابو حازم كالت تعال اكل ويانا
استحيت منهم
اسمع ابو حازم يسولف عني الاخوانه
كاللهم راح أخذه للشيخ كلهم ايدو الفكره
شربو جاي ابو حازم ااشرلي يله تعال
ميت نعاس اريد بس اخلي راسي بلكاع وانام
اجا ويانا اخو ابو حازم الجبير
اني بلسياره غفيت بعد مااتحمل ااكثر
من وصلنا البيت الشيخ ابو حازم شالني غافي
ودخلني بيت الشيخ
جمانه السعيدي
اني مااعرف شنو الشي الي صار بينهم لان جنت رايح بسابع نومه
الضاهر الشيخ قبل ابقى عنده منا لمن
اهلي يعرفون اني ووين
الشيخ ضاري شيخ فنده وليس شيخ عام
يعني شيخ على جماعته شيخ عشيره وحده
اما الشيخ العام يكون شيخ على ااكثر من عشيره
من سبع إلى عشر عشائر او اكثر
الشيخ ضاري عنده بنات ثنيين وولد مقعد
شلل ولادي زينب الجبيره
اكبر مني ٣ سنوات وابنا مهند بعمري
اما ليلى ازغر وحده ازغر مني بسنتين
كعدت الصبح لكيت نفسي نايم على فراش ومتغطي
بس الناس الي اني يمهم
مااعرفهم ولا شايفهم قبل
لان وصلت للبيت بليل نايم
وماتعرفت عليهم
بس فتحت عيوني الشيخ كال اسم الله
باوعت علي وكعدت على حيلي
الشيخ.. شسمك
هاشم.... هاشم اسمي
الشيخ. عاشت الاسامي تعرف اهلك وين
هاشم...اي اعرف بس مااندلهم
الشيخ....شلون ماتندلهم
هاشم....اذا اروح للشارع البي بيتنا اندل بيتنا
الشبخ...اي ياشارع
هاشم..مادري
صاح الشيخ ام مهند وين الريوك
ام مهند..خل يجي يتريك ويا الجهال
الشيخ...تروح تتريك وياهم
هاشم....اي لان اني جوعان
انتظرونا أحداث مشوقه.