﷽
ـــــــــ
جاك كان قاعد بيتأمل مايا ومايا لاحظت ده.. What is with you "مالك؟"
جاك بإعجاب.. I don't know "أنا لا أعرف" ماذا أقول ولكن مر وقت طويل على رؤيتك مايا لقد تغيرتي كثيراً عن آخر مرة التقينا بها هنا في كندا وقبل دخول أحد إلى حياتك وتعكير صفوكِ أصبحتي The most beautiful "أجمل" بكثير من السابق.
اتعدل في قعدته على الكرسي وحط إيده على الترابيزة ونظرات الإعجاب مش مفارقة عيونه..
مايا اتكسفت ورجعت شعرها لورا..
جاك اتعمد إنه يخليها كدا عشان هو بيحب يشوفها كدا.. مايا لدي مفاجأة لكِ يوم العرض استعدي لها جيداً.
مايا بفضول.. إيه هي؟
جاك رجع بضهره لورا وبصلها باستفزاز.. يوم العرض مايا ليس الآن.
مايا بتصنع الزعل.. جاك قول وبطل رخامة قولي دلوقتي وأنا هنبهر يوم العرض مش تسيبني لفضولي.
جاك باستفزاز.. no "لا"
مايا كشرت في وشه وهو ضحك على شكلها.
وشاور للجرسون عشان الحساب وعشان يلحقوا يكملوا الفسحة.
جاك حاسب وخرجوا ومايا لسه زعلانة من بروده.. وفي سرها.. أخلص من برود مراد يطلع المستفز ده يا رب أنا عملت إيه وحش في حياتي 🥹.
جاك.. أين تريدين أن نذهب أولاً؟
مايا.. عاوزة أروح حلبة التزلج.
جاك.. okay. "أوك"
ركبوا العربية وجاك بصلها بابتسامة.. ومشيوا.
مايا كانت مستغربة جاك هو فعلاً متغير عن قبل كدا ده مش جاك اللي هي تعرفه أو ممكن بيعاملها بلطف عشان يخرجها من الحالة اللي هي فيها بس هي حابة طريقته دي.. جاك طول عمره المنافس الأول لمايا وعملي جداً مش بتاع خروجات ولا اللطف اللي هي شايفاه ده هو صحيح مستفز بس طلع عنده شخصية حنينة فعلاً.
مايا في سرها.. فوقي يا مايا أحيه أنتِ بتفكري في إيه ده جاك نفسه اللي آخر مرة كنتي هتخسري بسببه ومعاملته دي ما تنسيكيش مين جاك وجاك برضو شخص مش سهل.
جاك بابتسامة.. I know I'm handsome "عارف إني حلو"
مايا فاقت.. ليه بتقول كدا؟
جاك.. باستفزاز.. أنتِ تنظرين إلي منذ زمن أعلم أنني وسيم وجميع الفتيات يقعن في حبي.
مايا بصتله بقرف.. اتنيل وسوق وأنت ساكت قال بيقعوا في حبك قال.
جاك بعدم فهم.. يعني إيه اتنيل...؟
مايا ببرود.. مش ناوية إني أفسرها لأني مش عارفة معناها أصلاً.
جاك ضحك بسخرية.. تقولين أشياء لا تعلمين معناها Foolish "حمقاء"
مايا بغضب.. وأد أنت اتلم وبطل شتيمة عشان مش أشد شعرك اللي فرحان بيه ده.
جاك حط إيده في شعره عشان يستفزها أكتر وغمز ليها وهو بيضحك.. في يوم من الأيام سوف تلعبين لي في خصلات شعري هذه.
مايا بعدم فهم.. ألعب في شعرك ليه؟
جاك بضحك.. حين تصبحين كبيرة سوف أقول لك.. لقد وصلنا اهبطي هيا.
فتح الباب ونزل وهي ما كانتش فاهمة قصده إيه بالكلام ده.. وكل اللي في بالها.. جاك ما بيسمحش لحد يقرب منه ولا لشعره حتى أمه نفسها أشمعنا هيخليها هي تلعب في شعره أو بيخليها تقرب منه الأسئلة كانت كتيرة في دماغ مايا.
جاك بصلها من الشباك.. باستفزاز.. مولاتي ماذا دعاكِ ألا تهبطي هل تنتظرين مني أن أقوم بفتح لكِ الباب هيا يا فتاة لا تكوني كسولة.
مايا بغيظ.. في حاجة اسمها جنتلة ما مرتش عليك قبل كدا.
جاك باستفزاز.. No.
فتحت الباب ونزلت ورزعت الباب وراها بغيظ وهو شاور ليها إنها تدخل.... ودخلوا واتفاجأت مايا.
ــــــــــ
*عند هند.*
هند وهي بتطلع في الروح.. ارحمني ده أنا كنت في يوم من الأيام مرات أبوك.
مراد بشر.. كنتي يا هند أما دلوقت لا هاخد حقي وحق عيلتي وحقها مش هسيبك عايشة يا هند بس ده أنا هخليكِ تتمني الموت كل يوم وما تطولهوش.. يا مجدي.
ونادى لواحد من رجالته.. خدها وحطوها في المخزن دي طليقة أبوي برضو ولازم نقوم معاها بالواجب كله.
هند قربت على رجل مراد وباستها.. برعب.. والنبي عشان خاطر مايا ارحمني.
مراد بقرف وجمود.. زقها من على رجليه.. ما تجيبيش سيرتها على لسانك الوسخ ده وزي ما أنتِ عملتي فيها هعمل أكتر فيكِ محدش هيرحمك مني يا هند.
وأخد هند وهي كانت عمالة تصوت إن حد يلحقها بس محدش قرب.
مراد دخل جوه وهما دخلوا وراه.
حسناء بفرحة.. تستاهل أحسن آخرة الشر وحشة.
مازن بصدمة.. ما كنتش عارف إنها بالوحاشة دي كلها.
حسناء بسخرية.. والله أنا من أول ما شوفتها ما حبتهاش أصلاً.
ورد بحزن.. برضو اللي مرت فيه وحش أوي يعني هي عملت ده كله عشان كانت شايفة الكل مبسوطين وعيالهم حواليهم والنقص اللي عندها هو اللي خلاها اتوجعت الوجع وحش برضو ربنا يهديها.
سكر بحزن.. فقدان الابن صعب أوي.
كايا راح أخد سكر في حضنه.. بحنية.. أمال أنا أبقى مين يا سكرتي ما أنا ابنك.
سكر بحنية.. أنت حتة من روحي يا كايا أنا اديتك أغلى حاجة عندي وش ابني اللي كنت زمان بقوله خليك هناك مستقبلك بره مش في مصر حياتك كلها بره هو من يوم ما اتولد وهو بره ويوم ما خلاص هحضنه وهيبقى معايا راح.
وقعدت تعيط الكل زعل عشانها والبنات عيطوا.
بلال راح عندها وقعد قدامها على الأرض.. كمال عند اللي أحسن مننا الرحمة حلوة ليه وبعدين مش هنسيب حقه أبداً ولا حق عمو.
عمر بعدم فهم.. حقه ليه؟
كايا بحزن.. العربية اتزقت من على جبل.
مراد بحزن.. فعلاً أنا سمعت بالحادثة دي بس قسم بالله ووعد الحر دين عليه لأجيب اللي عمل كدا رقبته تحت رجليكِ وده وعد من راجل.
كان بيتكلم بجدية وشر.
سكر بدموع.. أنا مش عاوزة أدخلكم في مشاكلي أنا في الآخر واحدة غريبة عنكم.
جليلة بحنية.. غريبة ما تقوليش أكيد أنتِ حماتي ليا ولولدي طول السنتين دول واديتيه اسم ووش ولدك أنا لو مكانك ما كنتش هسمح إن حد ياخد حتة من ولدي حتى لو هو بعد الشر ميت أنتِ عملتي اللي محدش كان يقدر يعمله وأصل أنتِ أختنا.
جاسر بجدية.. جليلة معاها حق أنتِ أختنا وبعدين مشاكلك إيه اللي بتتحدثي عنها كفاية إنك أنتِ اللي عرفتينا إن ولدنا لسه عايش ورجعتي الفرحة لينا من تاني.
سكر.. يا جماعة أنا مش عارفة أقول ليكم إيه ده كايا ابني برضو.. وملست على وشه بحب.
كايا بحب.. أنتِ هتعيشي معانا هنا أنا مش هسيبك في القاهرة تاني لوحدك.
جاسر.. ده الصح.
حسناء بضحك عشان تلطف الجو.. شكل عمو جاسر الصنارة غمزت معاه هه.
الكل ضحك وجليلة بغيرة.. اتلمي يا بت ما تلم مراتك يا مازن ما صدقت إنه طلق الحرباية دي ويرجع ليا لوحدي من تاني.
الكل ضحكوا.
شوق بضحك.. تلاقي طنط كان قلبها بيرقص وقت ما قالها هند أنتِ طالق بالتلاتة حسيتها شوية وهتقوم تبوسه.
جليلة بفرحة.. وحب.. تصدقي يا بت صح كنت عاوزة أعمل كدا ده أنا ما صدقت إن حضنه بقا بتاعي لوحدي من تاني.
عمر بغلاسة.. أحم أحم احنا هنا ليكم أوضة فوق حبوا بعض فيها براحتكم ههههه.
ورد كانت واقفة بعيد.
سكر مدت ليها إيديها.. تعالي.
ورد قربت ليها وسكر قعدتها جنبها.. أنتِ جميلة أوي يا ورد ليه حق إنه يكنسلني عشانك.
ورد اتكسفت وهو ضحك.. أنتِ أجمل يا طنط.
بلال..بحزن.. كله بقا مرتبط وأنا الوحيد اللي سنجل إيه الظلم ده.
جليلة بضحك.. ما تزعلش هجوزك شربات.. إنما هي فين صحيح.
حسناء.. بغيظ.. افتكر لينا حاجة حلوة وبعدين بلال غلبان مش زي شربات دي حرباية زي هند بس على أصغر.
جليلة.. والله بت غلبانة بس هي اللي دماغها مسوحاها.
بلال.. حلوة دي.
شوق.. أمم بس الجمال مش كل حاجة.
بلال.. المهم إني أتجوز وبعدين أنتِ لو ما كنتيش اتجوزتي عمر كنت زماني رايح لأهلك وطالب إيدك.
لقه في بوكس 👊في وشه من عمر.. بغيرة.. اتلم يا ض أحسنلك وشيل عينك عن مراتي.
الكل قعدوا يضحكوا.
مراد كان قاعد سرحان وهو شايف عيلته رجعت تضحك من تاني كان في شبه ابتسامة على وشه وبيلعب في إيده.. كان قاعد في عالم تاني مش معاهم أصلاً
تفكيره كان معاها هي.. في سره.. يا ترى بتعملي إيه دلوقت يا مايا؟
حسناء كانت متابعة هي ومازن وزعلانين عشانه حسنـاء بصت لمازن بغيظ.
مراد.. أنا بستأذن عشان تعبان وهطلع أرتاح بعد إذنكم.
ومشي والكل بص عليه بحزن.
وأولهم جليلة اللي بصت عليه بكسرة وندم.
جاسر.. الكل يطلع عشان ترتاحوا أنتم ما نمتوش من زمان أكيد تعبانين.
الكل طلعوا على أوضهم.
ـــــــــــ
*عند عمر وشوق.*
شوق.. عمر أنت ما كلتش؟
عمر.. هروح أطمن على ورد وأجي ناكل سوا وغمز ليها.
شوق بصتله بصدمة.....
عمر ضحك ومشي.
شوق.. متحرش.
ـــــــ
*عند ورد وكايا.*
كايا.. بحب.. أخيراً مفيش مشاكل تاني.
ورد بابتسامة.. أه يا ابن عمي.
كايا.. بصدمة.. وبعدين رجع لوعيه تاني.. أه صحيح أنتِ طلعتي بنت عمي وأخت الواد الرزل اللي اسمه عمر.
ورد بزعل.. ما تقولش عنه كدا عمر عسول وطيب حتى من قبل ما يعرف إني أخته طول عمره حنين معايا.
كايا بغيرة.. بت أنتِ ما تجيبيش سيرة راجل تاني غيري على لسانك حتى لو كان أخوك.
ورد.. فتحت عيونها على الآخر.. هو ما يقصدش يا عمر.
كايا لف وشه عشان يشوف عمر.. وورد فطست ضحك.
ورد.. جبان.
كايا بغيظ.. بقا بتعملي فيا مقلب ماشي يا روح أمك.
كايا لقى اللي بيحط إيده على قفاه.. بتعمل إيه عند أختي يا ض؟
كايا ببرود.. بحب فيها.
ورد اتصدمت من جرأته..
عمر ببرود.. ما لمحكش هنا أنت فاهم.
كايا ببرود ورفع حاجب.. ما تروح يا عم تشوف مراتك هي سايباك ليه وبعدين أنت عريس صح امشي بقا وسيبني أحب براحتي أنت عيل غت.
عمر.. جاي أشوف أختي وبعدين ابعد عنها يا ض عشان ما شلفطش وشك.
كايا بسخرية.. متشلفط لوحده مش ناقصك يا روح أمك.
عمر.. طيب يلا عشان ما كملش عليه.
ورد كانت بتضحك عليهم.
عمر.. وأنتِ ادخلي جوه يلا الوقت اتأخر وأنت ما لمحكش قدامي يلا يا ض واخده من قفاه قدامه.
ورد دخلت وقعدت تضحك عليهم وعلى غيرتهم عليها.. وفرحت إنها رجعت لعيلتها تاني هي كانت حاسة في رابط بينها وبينهم.
راحت أخدت حمام وصلت وأخدت المخدة في حضنها وهي مبسوطة ونامت.
ـــــــــــ
*عند كايا عمر أخده ودخلوا أوضته وقفل من بره عليه عشان ما يروحش لورد تاني وبعدين دخل يضحك أوضته على منظر كايا وهو كان شوية وهيضربه.*
اتصدم من شوق قرب منها وهي رجعت شعرها لورا كانت لابسة ترينج هو ابتسم ليها بحب وبعدين قرب......
ـــــــــــ
*عند مازن وحسناء.*
حسناء بعتت الفيديوهات لمايا بس ظهر ليها صح واحدة.
مازن كان في الحمام وخرج.
مازن بتساؤل.. بتكلمي مايا.
حسناء.. قافلة نت تلاقيها نايمة.
مازن.. طيب لما ترد عليكِ ابقي قوليلها مازن بيتأسف ليكِ على اللي حصل كله.
حسناء بسخرية.. على إيه ولا إيه بالظبط مازن روح نام أحسن أنا تعبانة وعاوزة أرتاح.
وراحت نامت وهي زعلانة منه بص لها بحزن وراح نام جنبها وقفل النور.
ـــــ
*عند مراد*
كان قاعد في البلكونة بتاعت الأوضة وبيبص للسما وسرحان طلع فونه ورن عليها نت بس ما اداهاش إشارة بعت ليها برضو اداها صح واحدة فكر إنها عملت ليه بلوك.
اتدايق أكتر وفضل باصص للسما من تاني.. واتدايق أكتر وأكتر لما افتكر إنها هتكون مع الواد الملزق اللي اسمه جاك.
ــــــــــــ
مايا لقت الساحة فاضية مفيش غيرهم فيها.
مايا.. فين الناس؟
جاك بابتسامة.. لقد حجزت القاعة بالكامل لنا.
مايا.. عملت كدا ليه؟
جاك.. كي نبقى على راحتنا لا أحد يزعجنا هيا اذهبي وارتدي الحذاء كي نلعب.
مايا راحت لبست وهو كمان ونزلوا على الساحة وفضلوا يلعبوا ويرقصوا سوا.
جاك شاور لحد إنه يشغل أغنية وراح لمايا ومد إيده برومانسية إنها ترقص معاه ومايا في الأول اترددت بس هو سحب إيديها ورقص معاها.
في سرها.. أحيه لو مراد عرف باللي بيحصل ده هيشرب من دمي.
جاك بلطف.. مايا ابقي معي.
مايا بصدمة وويتبع.
ياترى هند مراد هيعمل فيها إيه وهل هيسيب مايا لجاك وجاك قصده إيه باللي حصل ده؟