﷽
ـــــــ
مايا بصدمة.. What؟ "ماذا"
جاك ابتسم.. أقصد يا حمقاء الانتباه معي لا تشردين.
مايا بغيظ.. بطل طريقتك دي.
جاك قرب من مايا ولف إيده على وسطها ومايا فتحت عيونها بصدمة
جاك بلطف.. اقتربي مني كي لا تسقطي.
وبدأ يقرب منها وهي كانت بتبعده عنها بس جاك همس في ودانها.. اهدي يا فتاتي أنا لا أريد منكِ شيء سوى الرقص فقط.
كان صوته كفيل إنه يخلي جسمها يترعش.
فضلوا يرقصوا سوا على الجليد وكان بيشيل مايا وبيرفعها فوق وبيضحكوا سوا مايا كانت حاسة بإحساس غريب بس أهم حاجة إنها كانت مبسوطة معاه.. وكام مرة الاتنين يقعوا ويقوموا تاني الضحك كان مالي الصالة.
"مراد هيعمل منك شاورما أنتِ وجاك وشكلها وقعت في الحب أحيه 😂🙆🏻♀️"
بعد ساعة من الرقص تعبوا الاتنين وراحوا يقعدوا مايا.
مايا بضحك.. بجد مبسوطة أوي مضحكتش كدا من زمان.
جاك بغيظ.. ماذا مايا لا أعلم أنكِ ثقيلة جداً إلى هذا الحد لقد كسرتي ظهري يا فتاة.
كان بيستفزها.
مايا بغيظ.. قامت عليه وفضلت تضرب فيه وهو كان بيضحك.
جاك باستفزاز أكتر.. كان بيطلع لسانه ليها وبيكرر..fat "سمينة" .
قام وبقا يجري في القاعة وهي بتجري وراه عاوزة تضربه وهو بيستفزها وبيضحك.
مايا بغيظ.. والله لأمعرفاك مين السمينة يا معصعص أنت خد يا ض.
جاك بعدم فهم.. استوب ماذا تعني coarse "معصعص"
مايا بغيظ.. يعني رفيع.
جاك.. أنا لست رفيع ولا سمين مثلكِ يا فتاة My body is athletic "جسدي رياضي"
مايا بغرور.. وأنا مش سمينة أنا عود فرنساوي.
جاك باستفزاز.. لو علمت فرنسا أنكِ تتشبهين بعارضات الأزياء هناك لأغلقت جميع أبوابها في وجهكِ مايا.
مايا بغيظ.. ولاا هضربك.
جاك كان هيتكلم بس فونه رن.. رد.. Welcome "مرحباً"
.....
جاك.. Okay "أوك"
...
قفل جاك ومايا كانت واقفة وعاوزة تضربه.
جاك.. مايا استعدي سوف نذهب، جاي لي عمل طارئ ولابد من الذهاب.
مايا.. أوك.
خلصت ومشيوا سوا..
مايا في سرها.. كانت حاسة إحساس غريب مش كانت أول مرة تحسه بس هي مش فاهمة كانت مشاعرها ملخبطة.. ربنا يستر من اللي جاي.
جاك وصل مايا..بلطف.. لقد وصلنا يا فتاة Sorry I can't go with you. Give my regards to Aunt Jamila. "آسف مش هقدر أنزل معاكِ سلميلي على خالتو جميلة"
مايا بابتسامة.. أوك.
كانت هتنزل بس هو مسك إيديها واتكلم بحنية.. مايا Don't be upset with me for what I said to you today. "مايا ما تضايقيش مني على كلامي معاكِ انهاردة" أنا فقط قلق عليكِ أنتِ تعنين لي الكثير يا مايا يمكن طريقة حديثي كانت معاكِ قاسية لكن من قلقي عليكِ أريد أن تبدئي من جديد ربما قصتك الجديدة أجمل بكثير من القصة القديمة غادرتي مصر وجئتي هنا إذن اتركي ذكرياتك هناك وابدئي من جديد وأنا معاكِ لن أتركك.
خلص كلامه وباس إيديها بحنية.
مايا اتكسفت.. تصبح على خير جاك.
ونزلت جري ودخلت على جوه.. وهو فضل يبص عليها بشرود وبعدين مشي.
عند مايا فوق طلعت على أوضتها وكلامه لسه في دماغها وقلبها بيدق بسرعة حطت إيديها على قلبها.. أنت بتعمل إيه اهدي بقا.
اترمت على السرير والابتسامة مش مفارقة وشها.. بداية جديدة.
مسكت فونها وفتحت نت ولقت حسناء باعتة ليها فيديوهات ورسائل كتيرة: بت، مايا، زفتة، فينك
فتحت وهي بتضحك.. وردت عليها.. خير يا مصيبة.
وفتحت الفيديوهات واتصدمت منهم كانت مش عارفة تزعل ولا تضحك عليها.. لكن صوت ضحكة مايا كان عالي وجميلة كانت خارجة تطمن عليها لما سمعت باب البيت بيتفتح وبيتقفل.
خبطت ودخلت..بحب.. الجميلة لسه جاية.
مايا.. أه يا ماما لسه داخلة أهو صحيح جاك بيعتذر منك إنه مقدرش ينزل لأن جه ليه شغل.
جميلة بابتسامة حب.. شكلك مبسوطة ابسطيني معاكِ يا قلب ماما.. قوليلي عملتوا إيه؟
مايا حطت الفون جنبها حتى ما انتبهتش لرسائل مراد ولا إنه رن.. وقعدت تتكلم وهي فرحانة.. روحنا اتغدينا سوا وبعدين المستفز ده أخدني وروحنا ساحة التزلج وقعدنا نرقص حتى اتصورنا وإحنا واقعين كان بيختل توازني كتير أقع وهو يمسكني ونقع سوا بجد منظرنا كان يفطس ضحك.
جميلة بابتسامة.. ربنا يفرحك يا قلب ماما.. أسيبك بقا تنامي تصبحي على خير يا قلبي.
مايا.. وأنتِ من أهله يا قلبي.
جميلة سابت مايا وهي بتدعي من جواها.. إنها تفضل مبسوطة ويبعد عنها الشيطان اللي اسمه مراد ده.
مايا قامت دخلت الحمام وبعدين راحت تنام وكل شوية تضحك لما كانوا بيقعوا الاتنين وهي بتجري وراه وعاوزة تضربه وإنه حجز القاعة كلها عشانها واعتذر منها هي حبت شخصية جاك الجديدة مش حبت جاك هي بتقنع نفسها بكدا بس القدر شكله مخبي ليها أسرار جديدة.
ـــــ
*الصبح.*
جه على الكل.
*عند حسناء* كانت قاعدة وماسكة الفون وجات ليها رسالة من مايا.
حسناء بغيظ رنت عليها.
مايا كانت نايمة وصحيت على الرنة.. مايا بنوم.. مين؟
حسناء بغيظ.. كنتِ فين يا بت طول اليوم امبارح بعتلك كتير وما ردتيش عليا فكرت فيكِ حاجة وخوفت أكلم خالتو تضربني كنتِ فين يا زفتة؟
مايا بغيظ.. ده كله إيه اسكتي شوية وأنتِ تعرفي خليني أتكلم حتى لوك لوك أنتِ.
مازن كان في الحمام وخرج لقى حسناء بترغي مع حد.
حسناء بغيظ.. أبو معرفتك معرفة سودة ومطينة بطين كنتِ صايعة فين يا بت امبارح.
مازن عرف إنها بتكلم مايا.
مايا باستفزاز.. مش هقولك.
حسناء بغيظ.. وحياة أمك هاجي أجيبك من شعرك يا بت.
مايا بضحك.. هه خلاص هقولك كنت مع جاك.
حسناء بصدمة.. جاك.
مايا.. أه جاك مالك اتصدمتي ليه هو مش أخوكِ يا متخلفة أنتِ وأخويا برضو.
حسناء بزعل.. كنتوا فين يا واطيين.
مايا باستفزاز.. روحنا اتغدينا سوا وبعدين روحنا ساحة التزلج هبعتلك الصور بتاعتنا.
حسناء بتأثر وزعل.. أأأععع هعيط ليكم هنا بجد يعني أنتم هناك صايعين وأنا هنا قاعدة في وش مازن.
مازن بصلها بصدمة مضحكة.
مازن سحب الفون ونام جنبها وفتح الاسبيكر.
مايا باستفزاز.. مش أنتِ اللي فضلتي جنبه خليكي أصلاً جاك وعدني بمفاجأة.
حسناء بفضول.. مفاجأة إيه.
مايا.. معرفش لسه أنتِ عارفة جاك ما بيقولش لحد على حاجة بيصدمك على طول.
حسناء.. فعلاً دي عادة مستفزة فيه أوي.
مايا.. فعلاً امبارح كنت هضربه أصلاً قعد يستفز فيا وطلعت أجري وراه وهو يجري ويطلع ليا لسانه.
حسناء بصدمة.. جاك عمل كل ده؟
مايا بضحك.. أيون والله أنا مستغربة برضو زيك كدا بقول الواد ده فيه حاجة ممكن سخن.
حسناء بسخرية.. جاك ما بيعملش كدا غير لما يكون وراه مصيبة أنا عارفة أخويا.
مازن بسخرية.. الحمدلله إنك عارفة أخوكِ.. وبعدين كمل.. إزيك يا مايا عاملة إيه؟
مايا بحزن.. لما افتكرت طريقته معاها آخر مرة.. تمام.
مازن بندم.. حقك عليا يا مايا ما كنتش أقصد اللي قولته ليكِ بجد أنا قولت كدا بس من العصبية.
مايا بحزن.. مازن الإنسان بيقول الحقيقة في حالتين اتنين لما يكون متعصب ولما يكون بيضحك أوي وأنت قولت الحقيقة يا مازن أنا هلاك ليه وبعدي أحسن حاجة وأهو عشان برضو ما يخسرش أهله عشاني أنتم ما صدقتوا اتجمعتوا من تاني ومش عاوزة أكون السبب في تفريقكم من جديد على رأي جاك لازم أنسى وأبدأ من جديد.
حسناء بصدمة.. هو جاك عاد بيدي مواعظ وربنا أقطع دراعي من الغل لو الواد ده وراه مصيبة.
مازن.. ما تظلميهوش يمكن عاوز مايا تتخطى عشان ما تفضلش معلقة نفسها بقصة مستحيلة.
حسناء بصتله بصدمة.. أنت بتقولها إيه.
مازن بجدية.. بقولها الحقيقة مايا أنتِ أختي الصغيرة وطبعاً عارفة معزتك عندي إزاي مايا جاك معاه حق ابدئي من جديد يمكن الحكاية لسه ما بدأتش ليكِ مرات عمي عمرها ما هتقبل مايا ومراد يومين وهينسى ويشوف حياته من تاني مرات عمي مش هتقبل بنت بحري تكون مرات ابنها لو كانت عاوزة كدا لكانت قبلتها من زمان وقت ما كانت مراته عيشي حياتك يا مايا ما توقفيهاش عشان حد حتى لو كان الحد ده أخويا مراد قوي ومفتري ومايا غلبانة هسألك سؤال وردي بصراحة.. مش أنتِ كنتِ مبسوطة مع جاك امبارح؟
مايا سكتت ودموعها كانت بتتكلم..
مازن بحزن.. عارف إنك تعبانة وكلامي قاسي عليكِ بس أنا عاوز مصلحتك مايا فكري المرة دي بالعقل سيبي قلبك على جنب وفكري بعقلك المرة دي أنا بجد عاوز مصلحتك ومصلحته مش قادر أشوفكم كدا ما أنتوش قادرين تكونوا مع بعض ولا قادرين تبعدوا عن بعض عارف إن الحب صعب بس دي مش مايا اللي أعرفها الضعيفة مايا قوية وأنا لو مكانك أربي مراد من جديد وأعرفه قيمتي.
مايا بدموع.. إزاي وأنا لسه بحبه يا مازن.
مازن.. هقولك.......
حسناء كانت بتسمع عيونها بتتفتح أكتر من الصدمة.
حسناء بصدمة.. يالهوتيني 🙆🏻♀️.
ـــــــ
*عند عمر وشوق*
عمر صحي من النوم وابتسم وباس راس شوق وقام براحة ودخل الحمام وأول لما الباب اتقفل هي صحيت وبصت على الباب بتاع الحمام.. كانت بتضحك بكسوف
ولما سمعت إنه خارج عملت نفسها نايمة من تاني.
عمر خرج ودخل لبس وخرج لقاها نايمة وبتضحك قعد جنبها.. بابتسامة.. صباح الخير يا عروسة.
شوق.. فتحت عيونها ولما شافته غطت وشها بالبطانية وهي مكسوفة وعمر قعد يضحك.
عمر بضحك.. يلا قومي عشان ننزل بدل ما نلاقي مرات عمي جايبة الكل يفطروا معانا هنا.
شوق.. قوم انزل وأنا هاجي وراك.
عمر بضحك.. مكسوفة يا ك.
شوق وخدودها حمرا.. عمر انزل واتلم.
عمر بضحك.. أوك نازل يلا.
وقام من جنبها وفتح الباب وقفله وهو لسه جوه.
شوق قامت لما سمعت صوت الباب وشدت التشيرت بتاعه من على الأرض ولبسته وكانت قايمة لقيته واقف وفطسان عليها ضحك.
شوق بغيظ.. بتضحك على إيه.
عمر.. هههه عليكِ ورثتيني بالحيا وأخدتي التشيرت بتاعي.
شوق بغرور.. هو بتاع جوزي ولا بتاع جوزي أنا.. ورجعت شعرها ورا بغرور.
عمر.. فعلاً وجهة نظر تحترم ههههههههههههههه.
شوق.. يلا من هنا بقا عاوزة أغير بدل ما مرات عمك تشنقنا احنا الاتنين.
وزقته لبره وهو بيضحك.
وقفلت الباب ووقفت ورا الباب وقلبها بيرقص وبصت للأوضة وضحكت.
ــــــ
*عند كايا* كان واقف وبيخبط على الباب بيرزع وعمال يزعق ويشتم ويتوعد لعمر.
مراد كان صاحي من النوم ولبس وكل شوية يبص في الفون برضو لسه صح واحدة.
لبس وهو متضايق وأخد الفون ونزل وهو ماشي سمع كايا.
مراد باستغراب.. في إيه بتزعق كدا ليه وبتخبط.
كايا بغضب.. افتح لي الزفت ده الحمار قافل عليا من بره.
مراد فتح ليه وكايا سابه وراح مسك في عمر.
كايا بغضب.. بقا بتقفل عليا يا زفت.
عمر ببرود.. أه.
كايا كان ماسكه من هدومه بغضب..
مراد فكهم عن بعض وزعق للاتنين.. إيه شغل الأطفال اللي أنتم فيه ده اكبروا شوية.
وسابهم ومشي.
*تحت* الكل نزلوا وكانوا قاعدين بيفطروا سوا.
ومراد كل شوية يبص في الفون بأمل إنها تكون فتحت نت مش مرزوع بلوك منها.
جاسر باستغراب.. أنت مستني حد يكلمك يا مراد.
مراد.. أه مستني مكالمة مهمة.
جليلة.. من مين يا ولدي؟
مراد.. ها عميل يا أمي.
مراد في سره.. حتى لو ابعتي نقطة.
حسناء كانت بتبص عليه بحزن.. وبصت لمازن بغضب.
مازن اتجاهل ده.. وقعد ياكل.
جاسر.. مراد كايا هينزل تدريب معاك في الشغل أنتم الاتنين هتمسكوا الشغل هنا وترجعوا من تاني.. ومعاكم مازن وعمر.
مراد هز راسه بمعنى ماشي بس عيونه على الفون.
خلصوا أكل
مراد خرج وقعد في الجنينة بره وكل شوية يبص في الفون.
جات سكر وقعدت جنبه وهمستله.. وحشاك.
مراد بصلها.. بحزن.. أوي.
سكر بحنية.. طيب ما تكلمها.
مراد بحزن.. شكلها عملتلي بلوك.
سكر حطت إيدها على شعره بحنية.. ما تزعلش هي بتحبك.
مراد.. أنا معرفش فين أراضيها أصلاً حتى لما سبتلي الرسالة قالتلي ما تدورش عليا.
سكر بحزن عليه.. طيب وأنت إيه الحكاية معاك.
مراد.. مش فاهم حكاية إيه؟
سكر.. يعني خلاص سبتها كدا طيب كلم حد يكون هي بتكلمه.
مراد حط إيده على وشه بحزن.. ومسح على وشه.. معرفش حتى حسناء مستحيل إنها تقولي مكانها فين.
سكر.. طيب فكر كدا مش تقعد ساكت كايا كان بيحكيلي عنك كتير وإنك مش بتسيب الحاجة بسهل هتيجي عند مايا وتسيبها.
مراد.. أنا ما نمتش من امبارح من كتر التفكير يا طنط أنا بس عاوز أعرف هي بخير ولا لا أسمع صوتها بس.
سكر بتفكير.. أنا لقيتها وويتبع.