﷽
ــــــ
مازن بغضب.. دي بتخوني.
الكلام وقع على حسناء زي جردل ماية ساقعة.
حسناء بصدمة.. إنت بتخرف بتقول إيه؟
مازن بوجع.. بقول الحقيقة يا ست حسناء بتخونيني مع واحد أنا سمعتك امبارح وإنتي بتقوليله وحشتني واقفل عشان مازن جه وميحصلش مشاكل وانهارده اتبعت ليا تسجيل وإنتي بتكلميه وبتقوليله وحشتني أدام هو وحشك كدا وأنا مش مالي عينك قاعدة على ذمتي ليه؟
كايا بجنون.. مااازن اعرف إنت بتقول إيه كويس ما تسيبش الشيطان يلعب في دماغك وتخرب بيتك.
مازن بقهر.. بقول الحقيقة وأدي التسجيل أهو الكل هيسمعه يا حسناء ويعرف حقيقة حبك ليا إزاي كنت مخدوع كدا فيكي تلاقيكي وأنا مسافر كنتي بتبقي معاه.
قلم نزل على وش مازن من عمر.
حسناء وشوق وورد مسكوها كانت هتقع.. من الصدمة.
عمر بغضب.. مازن فوق اللي بتتكلم عنها دي مراتك وشرفك إزاي تتكلم عنها كدا إزاي دي حسناء اللي وقفت قدام الكل عشان تتجوزها وهي برضو إنت مش أحسن منها ولا ليك فضل عليها حسناء وقفت قدام أهلها عشانك برضو كانت مفكرة نفسها إنها هتبقى في حضن راجل متخليش الغيرة والشك يقتلوا أي حاجة بينكم.
كايا بغضب.. إنت اتأكدت من الكلام ده قبل ما تتهمها ولا إنت جاي تعك الدنيا وخلاص.. أحمد ربنا إن أبويا مش هنا كان زمانه دبحك.
مازن بغضب.. يدبحني ليه أنا المغفل اللي بينضحك عليه من واحدة بتنام في حضني آخر الليل وهي في حضن واحد تاني.
حسناء بقهر.. قطع لسانك ولسان أي حد يقول عني كلمة زي دي دلوقتي عرفت الحقيقة وعرفت ليه جاك مكنش بيحبك هو قالي مازن بيصدق أي حاجة من غير حتى ما يتأكد إذا كانت الحاجة دي صح أو غلط وطلع معاه حق هو حذرني منك كتير وحذر مايا من مراد وإحنا الاتنين مسمعناش كلامه وأدينا اتوجعنا لو مفكر إن مليش أهل وإنك عادي تخبط فيا تبقى غبي يا مازن أنا ليا أهل.
مازن بسخرية.. أهلك فين أهلك دول اللي ماشوفتش حد فيهم رفع السماعة حتى وسأل عليكي.
حسناء بقهر.. ودموع.. لا عندي أهل يا مازن يسألوا عليا عارف أهلي مين أهلي عيلة جاكرام من أكبر عائلات كندا وعاوز تعرف مين كمان جاك أكيد عارفه كويس أوي وعارف قد إيه أنا وقفت قدامهم عشانك وحاربت الدنيا كلها عشانك حتى لما رن عليا امبارح هو كان وحشني وقالي هو عارف باللي بيحصل هنا ومش سايبني لوحدي وهيجي ياخدني من هنا طلقني يا مازن.. وكملت بسخرية ووجع.. ما هي مش أول مرة تنطقها خلينا نخلص من الجوازة دي بقا.
عمر بجنون.. لو مفكر إنها ملهاش أهل تبقى غلطان حسناء أهلها موجودين هنا وفي كندا حسناء أختي يا مازن ومش هسيبك تغلط فيها حتى لو كان إيه السبب.
كايا مسكته من هدومه.. أنا وحسناء صحيح ما بنتفقش كتير مع بعض بس ميمنعش إني أقف ليك عشانها وبعدين إنت متأكدتش عشان تحكم.
مازن بصدمة.. يعني اللي كان بيكلمك امبارح ده جاك.
شوق بسخرية وقرف.. أه جاك أخوها وقالتله اقفل عشان ميحصلش بينه وبينك مشاكل كانت بتخطط عشان تصالحكم على بعض بس إنت بجد ما تستاهلهاش يا مازن.
ورد بحزن.. يا أبيه الكلام ده فعلاً حسناء قالته كانت بتقوله لينا أنا وشوق من شوية بس كانت بتتكلم عن جاك مش حد تاني وإنت اتسرعت بجد حسناء مستاهلش ده كله منك.
مازن بندم.. راح عشان يمسك إيد حسناء ويعتذر منها بس بعدت إيده عنها بقوة.. ابعد إيدك عني يا مازن من انهارده أنا وإنت انتهينا.
مازن بندم.. حسناء أنا عارف إني غلطان بس غيرتي عمتني.
حسناء بسخرية.. إنت كل مرة بتقول نفس الكلام بتوجعني وترجع تقول سامحيني بس خلاص المرة دي إنت شكيت فيا وفي شرفي وكمان مش هتهان أنا لوحدي إنت اتكلمت عن أهلي وأنا بجد هخليك تعرف مين أهلي.
عمر بهدوء.. حسناء إحنا أهلك هنا ومازن لو عاوزة يسيب البيت هخليه يسيبه بس إنتي روقي.
حسناء بقوة.. لا يا عمر أنا المرة دي اللي هسيب البيت كل مرة أسامح عشان بحبه بس هو المرة دي جاب سكينة غرزها في قلبي المرة دي انتهينا بجد وهطلع ألم هدومي وهستنى ورقتي يا ريت ما تتأخرش.
وسابتهم وطلعت وهي بتعيط ومازن تحت مصدوم بيته اتخرب خلاص المرة دي مفيش سماح أو إنها تفضل في البيت.
عمر تعبير وشه اتغيرت ولبس مازن بوكس 👊 في وشه من كتر الغضب.. متخلف حقير قولتلك متتسرعش اعرف الحقيقة الأول وبعدين احكم إنت عارف دلوقتي هتواجه مين يا متخلف إنت عمره ما هيسيب حقها كدا بالسهولة دي لو أنا مكانه وحد ضايق أختي لنسفه من على وش الأرض وبصراحة إنت تستاهل كدا إنت والمتخلف التاني.
بق مازن جاب دم من قوة البوكس....حط إيده على بقه.
مازن بندم.. عارف إني غلطان بس أنا من حبي فيها عملت كدا.
كايا بسخرية.. حب حب إيه اللي تأذي حبيبك عشانه يا أخي تنكسر ضلوعك كلها ولا تنزل دمعة من عيونها.. وكمل بغضب.. إنت متخلف يا مازن بجد يوم ما تيجي تشك تشك في البنت اللي حاربت عشانك كلنا عارفين إن أبوها حرمها من الورث والكل قطع علاقته بيها عشانك واستحملت كدا برضو عشان بتحبك دلوقتي لما تروح ليهم هتقولهم إيه ها اللي بعته عشانه باعني وشك في شرفي عشان كنت بقول لأخويا وحشتني.
وزق مازن بغضب.
مازن طلع على فوق جري وفضل يخبط على الباب بتاع حسناء عشان تفتحله ويعيط بس لا حياة لمن تنادي.
ــــــــــــــــــ
عند حسناء اترمت في الأرض وقعدت تعيط وسندت راسها على السرير وحطت إيدها على بطنها.. سامحني يا حبي إنت من قبل ما تيجي وإنت شايف أمك بتعيط بس خلاص معتش هيبقى في دموع 🥲 تاني هبعدك عنهم وعن ده كله هخليك تعيش في أمان ومسكت فونها ورنت على أخوها.
ـــــــ
عند جاك كان خلصوا وراح وصل مايا وراح بيته عشان يرتاح جاك عايش لوحده بعيد عن أهله.
وصل واترمي على الكنبة وكان بيبتسم كل ما يفتكر اللي حصل طول النهار.
فونه رن وكانت حسناء فتح من غير تردد سمع صوتها وهي بتعيط اتخض..
جاك بخضة.. حسناء لماذا تبكين..؟
حسناء بدموع ووجع.. تعال خدني من هنا بليز يا جاك.
جاك بغضب.. ماذا فعل لك ذلك الوغد؟
حسناء.. بدموع.. لما تيجي هتعرف جاك بالله عليك تعال خدني مش عاوزة أفضل هنا.
جاك.. بحنية.. حسناً اهدئي أختي سوف آتي إليك حسناً لا تبكين.
حسناء.. ما تتأخرش.
جاك.. أوك.
معالم وشه كلها اتقلبت لشر وغضب.
طلع فونه.. أريد تذكرة سفر إلى مصر حالاً.
.. سيدي الوقت قد تأخر كثيراً.
جاك بغضب.. قفل في وشه ورن على واحد من رجالته.. أريد طائرة خاصة الآن.
.. حسناً، سيدي.
قفل معاه.
جاك بغضب.. عما قريب ستكون نهاية كل من تجرأ على المساس بهم جميعاً قد استهانوا بي ولا يعلمون من هو جاك جاكرام.
بعد ساعة كان جاك واقف قدام الطيارة الخاصة وعيونه كلها شر ركب الطيارة.
الكابتن.. إلى أين سيدي؟
جاك بشر.. مصر.
الكابتن.. حسناً.
الطيارة أقلعت.
ي جاك أحيه جاي مصر 🙆🏻♀️🥲
ـــــــ
عند مراد
صحي من النوم على رنة الفون وكان كايا قام واتكلم بنوم.. في إيه؟
كايا بغضب.. مازن.
مراد وهو بيفرك في عيونه.. ماله مازن؟
كايا.. خرب الدنيا بينه وبين حسناء وبدأ يحكي ليه اللي حصل.
مراد بغضب.. هو اتجنن ده ولا إيه إزاي يقول ليها كدا متخليهاش تطلع من البيت غير لما أرجع كايا.
كايا.. المرة دي مصممة إنها تسافر.
مراد.. بغضب.. كايا إنت سمعت أنا قولت إيه قولها مراد قال متطلعش من البيت غير لما أرجع ومحدش يتكلم مع مازن عشان مازن المرة دي عاوز ليه علقة موت ومحدش هيديها ليه غيري.
كايا.. تمام يا أخوي هحاول أقنع حسناء تفضل مع البنات.
مراد.. مش تحاول أكيد متطلعش من البيت والحيوان ده حسابه معايا أهم حاجة إن أبوك عندك ولا مسافر مع أمك.
كايا.. لا مع أمي الحمدلله إنه مش هنا كان زمان الدنيا مولعة أكتر.
مراد.. خليها تفضل لحد بكرة كايا وأنا إن شاء الله هكون نزلت أهم حاجة حسناء متطلعش من البيت يا كايا اتصرف إنت وعمر.
كايا.. ماشي يا أخوي سلام... وقفل.. دلوقت هعمل إيه أنا مش عارفة أقولها إيه هي معاها حق في كل حاجة.
ودخل جوه يشوف هيعمل إيه؟
عند مراد..
مراد بغضب.. غبي يا مازن أوي هتضيع كل حاجة عشان تسرعك ده للأسف غلطت نفس غلطتي وأنا أهو لحد دلوقتي مش عارف مكانها فين ولا بيحصل فيها إيه ولا هي مع مين غلط غلط يا مازن.
مراد كان متعصب أوي من مازن ولو كان قدامه كان زمانه كسر ليه دماغه.
ــــــــــــــــ
كايا دخل جوه لقى البنات قاعدين على السلم وعمر قاعد على الكرسي وبينهج بغضب وكان سرحان وبلال كان زعلان عليهم بجد وإن اللي حصل ده مكنش لازم يحصل.
كايا.. عمر مراد قال متطلعوش حسناء من البيت هو جاي بكرة إن شاء الله لازم تفضل في البيت ومحدش فينا يكلم مازن.
ورد بحزن.. بجد صعبانة عليا الكلام صعب عليها أوي صعب أي واحدة تسمعه وبالأخص من الراجل اللي هي بتحبه.
شوق بحزن.. معاكي حق دي مش أول مرة مازن يغلط كدا وبعدين وجعني أوي لما عايرها بأهلها.
عمر بشرود.. أصلاً المشكلة في أهلها دلوقتي أهم حاجة ميعرفوش.
بلال.. أنا أسمع عن جاك جاكرام ده إنه جبار ومش سهل الغلط معاه الغلط معاه بفورة.
كايا.. هو فعلاً كدا جاك صعب أوي تتعامل معاه مراد أخويا بجبروته مقدرش يقف قصاده اللي هدا جاك عنه إن مايا كانت واقفة في صف مراد.
عمر بسخرية.. يعني الاتنين غلطوا مع اتنين بيخصوهم يستاهلوا فعلاً ردت فعله.
ورد.. هو لدرجة دي مرعب.
شوق.. إنتي مش سامعة أخته كانت بتقول عليه إيه؟
ورد.. بصراحة فكرتها بتبالغ.
كايا.. لا ما بتبالغش جاك شخصية بيتعمل ليها ألف حساب دول رجالة المافيا بتعمله ألف حساب وممنوع الاقتراب من حاجة بتخصه.
عمر.. ربنا يسترها من اللي جاي لأن قلبي مش مطمن.
ـــــــــــــــــ
عند مازن كان قاعد قدام الباب بتاع حسناء وبيعتذر ليها وهي مفتحتش ليه وكانت بتعيط جوه.
كل ده والابتسامة مفرقتش شفايفها كانت بتبص عليهم بخبث وشر.. تستاهلوا إنتوا اللي عملتوا في نفسكم كدا.
ــــــ
كانت الساعة 5 الصبح.
والكل قاعد مستني إيه اللي هيحصل لحد ما وويتبع.
ييييي جاك برأيكم هيعمل في مازن إيه وهل العقاب هيشمل مازن بس ولا العيلة كلها ومراد ناوي على إيه 🙆🏻♀️.