فتح الفيس بوك شاف اخته فتحة لايف و بشعرها
سحر بحزن و الدموع في عينيها :- اد اي صعبة لم الخيانة تيجي من اقرب الناس ليك ممم حاا انا بقا اتخنت من اهلي
رفعت ايديها و بقت بتعد على صوابعها:- اخواتي الى المفروض سندى..... اخويا الكبير مقاطعني بمجرد ما الهانم مراته الى هى بت خالتنا زعلت و اتقمصت و كل دا ليه علشان طلعت اقعد معاها انا و اختي الله يرحمها
دموعها نزلت بوجع كملت
و كل دا ليه علشان شوفت رقم غريب على تليفونها.... ببساطة قفشناها بتخونه و لم وجهناها انجننت و قلت ادبها علينا الهانم الى عايشينا في دور السهتانة الفاشلة ام ثانوية عامة يلا الله يستر على وليانا حقيقي لغية شخصيته و دوره.... كل دا علشان عرفته حقيقة مراته ف الهانم انتحرت و و لم فاقت قالته له الحق يا حبيبي اخواتك عايزين يموتوني و يموتو ابنك.... مع ان يعلم ربنا اننا بنعملها بما يرضي الله والله العظيم امي بتعملها احسن ما بتعملنا مليون مرة و رحمة اختي لم تنزل يعني لم تتكرم و تنزل امى متبقش عارفه تعملها اي ولا اي.... امى متخلينا نطلع نعملها الشقة و هى حطة رجل على رجل و المبرد في ايديها يعني متجوز واحدة خاينة و كدابة و فاشلة و يعلم هى حامل فعلا و بتضحك عليه و يعلم ابنه ولا لا بلاش نتكلم في الاعراض نيجي بقا لاخر العنقود عمور حبيبي حبيب قلب اخته... الى اول ما شاف مراته و هو راميينا وراء ضهرو..... مراته الى مشافتش ربية ولا تفهم في الأصول.... بنت ملجأ بقا مع احترامي لى الأيتام بس دى الكلاب ارحم منها اااه والله
سكتت شوية اكنها بتفكر
دى تقول لشيطان قوما و انا اقعد مطرحك... الزبالة الواطية.... بتسرقنا و لم عرفنا بجحت و اول ما شافت عمرو تجري عليه تعيط ما دى برضو نفس صنف الى اخويا هارون متجوزها ربنا يستر على وليانا حقيقي محدش يامن للستات اه والله ..... و مش بس كدا دى يا عيني سحرله كويس انكم سالتو ليه.... و ازاي اولا لان عمرو كان بيحبنا جدا بس اول ما دخلت البيت فرقتنا عن بعض لدرجة انه طرد اختي بسملة و عايرها انها أجهضت بعد ما راضية هانم وقعتها من على السلم بتقول من غير قصد الله اعلم بالحقيقة ....... خلود برضو سحرة لهارون انا شوفتها و هى طالعة من عند الدجال و شوفتها و هى بترش السحر في هدومه خلود دى بجد اقذر حد شوفته في حياتي هو بعيد عننا علشان سحرله هى اصلا واخده علشان فلوسه بس هو مش فاهم و قاطعنا علشان عرفناه الحقيقة بس مش مصدقنا دى عقربة...... راضية بقاا شايفة نفسها على الفاضي مع انها مش حلوة اوى وقعت بينا وبين اخر العنقود في الولاد ...... ضربت نفسها و اتهماتنا اننا احنا الى ضربنها و يعلم ربنا اننا ما جايين جانبها ولا كلمنها... بالليل لقينا البوليس عندنا ممم زى ما فهمتو بالظبط اخواتي باعونا بارخص سعر علشان مرتاتهم بلغو عننا و كل دا ليه علشان مرتاتهم... نيجي بقا لخويا عامر عامر ابن مراته مممم عمله غسيل و مكواة دا بقا لا بيقعد معانا ولا بيكلمنا خايف من الهانم لتقلب عليه..... هديرو بتاعت الكوافير قولولي بقا ازاي دكتور اد الدنيا يتجوز كوافيرة دى دى ست مهملة والله العظيم شقتها تارف الكلب سوري يعني في اللفظ.... بس حقيقي ست لا تطق ولا تتعاشر دى بقا مناعته انه يساعد في جهاز اختي... بعد ما ابويا باعنا و راح اتجوز من زمان امي الى شقيت علينا و اشتغلت لحد ما عمرها راح و صحتها في النازل و البيه فين مع البرنسيسة والله العظيم انا بابا ميعرفش شكلي ولا عندي كام سنة اتجوز و سبنا حتي مش بيصرف علينا امى ربتنا بطولها ..... هدير خلت عامر يطرد امو من بيته تخيلوا الجبروت كل دا علشان امى طالعت تحوشها عن العيال الى هيموت في ايديها... اصلها ملبوسة عندها جن عاشق.... عامر بخيل لينا و كريم مع معاها دا جيبلها شقة ١٠ مليون و كتبها باسمها دا غير الدهب الى هيقع من ايديها من كترو بتصرف بالهبل و لم امى تكلمه يهب فيها و يقولها ملكيش دعوة لم ابقا اصرف من جيبك ابقي انطقي ايوة زى ما بقولكم والله العظيم دا الى حصل دا مرة موتني من الضرب بسبب مراته كانت ماما في الشغل فجأة نزل من شقته هو و مراته و نول فيا ضرب مع ان اكبر منه بسنة و مراته واقفة ايديها في وسطها و بتضحك دا غير العرسان الى طفشهم بأمر من هدير هانم عامر قدامها معندوش شخصية التلاتة عند مرتاتهم الشخصية ميح صفر صفر عقل صفر كرامة..... اختي بقا الى قطعت علاقتها بينا علشان جوزها عايزها تورث امها بالحياء... البححة قليلة الربية... بتفول على امها بتقول عايزة ورثي فيكي علشان خالد الى واخدة غسيل و مكواة و مسح بكرامتها الارض الى ان شاء الله يتجوز عليها يعني مش مكفيها الى اخدته دا جهازها لسه بنسدد في حقه..... ما عامر الى معاه فلوس على قلبه اد كدا رفض يساعد ف امي كتبت على نفسها وصلات امانة علشان تجوزها هتعمل اي انا و امي الى بنصرف على البيت تلات راجل بس ولا ليهم اى لازمة......... نيجي بقا ل جوز صاحبتي الى في الأصل كان خطيبي تخيلو اعرف انه سبني و اتجوز من الفيس بفتح الفيس لقيته متجوزها ملك هانم الى خيري عليها مغرقها من فوق لتحت و زمان الى رضيت بيه من غير شبكة و قولت معلشي يا بت تعالي على نفسك و اخرتها خاني هو و الزفتة و اتجوزو..... خدو بالكم الخاينين حواليكم كتير.... انا هقول كلمة واحدة بس حسبي الله ونعم الوكيل فيهم و في كل ظالم
سحر قفلت اللايف عمرو كان مصدوم و متنح دخل على التعليقات قعد مكانه الفيديو عليه كومنتات كتير جدا الفين كومنت و اربع تلاف لايك و للاسف التعليقات دعوات عليهم و شتايم فيهم و في مرتاتهم و مازن و ملك حتي ابوها
عمرو حاس بدورن و ان حد دلق عليه ماية ساقعة نن عينيه بيتحرك شمال و يمين اما في شقة عامر
رما الفون بجنون الفون وقع على الارض و اتكسر مليون حته هدير خرجت من اوضة جنة على الصوت قربت منه بقلق وقفت قدامه:- عامر مالك انت كويس و
هدير عينيها جت على الفون الى على الارض رفعت راسها و بصتله:: مالك يا ابنى اي الى حصل مخليك متعصب كدا
عامر مسح على وشه بغضب:- مفيش... هغور اتخمد يارب الواحد ينام ما يقوم
هدير حطت ايديها على كتفه:- طب اهد و قول مالك
عامر اتنهد بهدوء عكس غضبه:- انتي مش كنتي عايزة تعملي شعرك
هدير:- مانا غيرت رايى مش لازم المرة دى
عامر بجدية و اصرار:- طب والله العظيم لتعملي شعرك انا قولت كلمة
عامر طالع محافظته و عطها الفيزة:- خدي دى اعملي الى انتوا عايزينه
هدير بصتله بصدمة حطت ايديها على جبينه:- انت سخن ولا حاجة مالك يا عامر
عامر اخد الفيزة منها:- انا غلطان
عامر طالع فلوس من المحفظة:- دول تمن الكوافير.... و دول علشان لو حد من العيال عاز حاجة
هدير:- انت مش قولت الفلوس لجهاز سحر و
عامر بعصبية:- سحر على الى جابوها اي حد قال انى خلفتهم و نسيتهم و بعدين الجنية الى اطلعوا ليهم عيالي اولة ولا دول مش منحقهم يعيشوا.... شوفي لوازم البيت علشان نجيبه و لو الديكور مش عجبك نهده و نعملوه من جديد
هدير مصدومة من كلامه لان واضح انه مش بيهزر ولا بيتريق هى مش بعيدة عنه قالت بقلق و خوف عليه:- عامر انت اي الى بيحصلك
عامر بجدية و حزن:- الى بيحصلي انى فوقت يا هدير... اه و من بكرا هنتابع عند دكتورة مفيش اهم من صحتك. تصبحي على خير
في ثانية كان اختفا دخل اوضته و نام و كلام سحر مش طالع من راسه و بيفتكر الى عملو معاهم بص لسقف قال في سره:- دا انا حرم نفسي و عيالي من كل حاجة علشان خاطركم.... مكنتش بعمل حاجة غير انى ارضيكم خصوصا انتي يا سحر عمري ما حوشت عنك حاجة بس خلاص بقا انا هعيش لمراتي و عيالي عيالي الى ملهمش ذنب ان ابوهم ماشي وراء كلام اخواته و امو هعيش لاهل بيتي و بس
اما عند خلود و هارون في العيادة كان في صمت رهيب
هارون و خلود بصو لبعض بذهول و بعدين بصو لدكتورة الى بتغني
خلود حكمي ابتسمت غصب عنها دموعها نزلت:- بتتكلمي بجد يا دكتورا ولا بتهزري
الدكتورة بحدة خفيفة و غيظ:- و انا اعرفك علشان اهزر معاكي صحيح ١٥ سنة معايا و رشقين في حياتي بس برضو مش سبب ان اهزر معاكي ..... ولا قليلة اصل..... روحتي و جيتي و في الاخر رجعتي عندي من تاني بس معلش الطيب احسن.... و اقولك اي انا قلبي هو الى هيكسب لو يحصل اي ترررر تررررر
هارون:- يا دكتورا بعد اذنك ارجوكي افصلي الالبوم دلوقتي و ركزي معايا معلش تعالي على نفسك شوية...... يعني اي حصل تهنج في الجهاز و يعني اي تلات ولاد انتي شايفنا عيال صغيرة علشان تلعبي بينا
خلود بابتسامة باردة:- اهد يا حبيبي مش كدا
الدكتورة قامت ضربت ايديها على المكتب؛- جرررا اي يالا هااا جرا اي قولت الجهاز هنج يبقا هنج متقوحش كتير لانى مش بحب الصداع لو مش عجبك الدكاترة مفيش اكتر منهم
خلود بارتباك:- لا لا دكاترة اي بس يا دكتورا هو حد بيستحملنا غيرك ولا فهمني غيرك هو مش قصده مش كدا يا هارون
هارون بعصبية:- انا الغلطان حقك عليا يا دكتورا ممكن بقا بعد اذنك تفوقي و
الدكتورة بعصبية:- اي تفوقي دى قصدك اي انى مسطولة ولا واخدة حاجة مانعة الوعي ما تظبط و يلا بقا من هنا لان دحروج عايز يتعشا دلوقتي
هارون:- انتي فكرك هخاف من سي دحروج بتاعك العفاريت دى تضحكي بيها على عيال صغيرة مش انا
الدكتورة حركت رقبتها يمين و شمال بصت لسقف:- عيب يا دحروج دا عشرة برضو و مراته غالية عليا سماح النوبتي حقك عليا يا حبيبي
خلود جريت مسكت ايديه بخوف:- يلا نمشي نجيلك وقت تاني يا دكتورا ربنا يخليكم لبعض
هارون ضغط على ايديها بغيظ و عصبية و خرجوا من العيادة الباب اتقفل الدكتورة قعدت و بقت بتضرب كف على كف و هى ميتة من الضحك:- يا ولاد المجانين فعلا مش بالسن المجنون مجنون و لو عدا سنين.... مش كدا يا دحروج احنا في المكتب
اما في بيت عمرو راضية قعدة جانبه مصدومة لانها كانت قعدة على الفون و شافت اللايف بتفرك في ايديها بتوتر و ارتباك رفعت ايديها بطبطب على كتفه :- عمرو ممكن تهد اكيد في حاجة غلط ممكن
عمرو رفع شال ايديه من على وشه رفع راسه بعصبية و وجع:- ممكن ااي.... اي Ai ولا حد مفبرك ليها فيديو ولا هتقولي صغيره و مش فاهمة ولا يا حرام موت حنين جننها هتقولي اي فيهم لا يا راضية انا مش هسكوت تاني ساامعة مش هسيب حقي
قال كدا و راح البلكونة شوية و خلود و هارون رجعو البيت لكن محدش منهم فتح الفون ولا شافوا حاجة رجعو من عند الدكتورة ناموا أما في شقة عمرو راضية قعدة على الركنة بتعمل ضوافيرها بغضب مفرط و دموعها بتنزل من كلام سحر و تعليقات الناس و دعواتهم عليهم و على ازواجهم
رمت المبرد في الارض بغضب دخلت اوضتهم سندت على الباب دموعها نزلت بوجع و قهرة لان كل كلام سحر مش حقيقي ولا صح :- ا انا يتقال عليا بنت حرام... انا واحدة مش كويسة... لا انا مش هستحمل مش هستحمل ان ابني يجرله حاجة انا ماذيتش حد منهم والله العظيم ما اذيت حد فيهم هما الى اذوني
قالتها و هى حطه ايديها على بطنها و بتدعي ان دعواتهم عليها مش يستجيب قالت بقهرة و وجع:- حسبي الله ونعم الوكيل حااا حسبي الله ونعم الوكيل فيكم
اما في بيت ابراهيم طبعا اتحسن كتير
ابراهيم بعصبية:- مش عايز اسمع صوت ولا كلمة.... البت دى هربيها لو معرفتش اربيها زمان ف لانى كنت مشغول و مفكر انى سايب ست تحافظ على عيالها للاسف ياريتني كنت موت قبل ما اشوفها و اتجوزها
نعمة بلهفة :- بعد الشر عليك يا ابراهيم اي الى بتقوله دا
ابراهيم:- الموت عمروا ما كان شر يا نعمة الموت راحة و رحمة من الاشكال الى عشت معاها
نعمة:: من منظرها شكلها مش في وعيها
ابراهيم ابتسم بسخرية:- فعلا مش في وعيها انتي طيبة اوى يا نعمة طيبة لدرجة الساذجة سحر دى اخبث اخواتها هى و حنين و التانيه شربين من امهم لما قالوا يا بس خلاص انا فوقتلهم كفاية الى راحت بسببها ماشي يا سحر انا بقا هوريكي قسوة الاب الى على حق و حقيقي
تاني يوم عامر قرر هو الى يودي العيال المدرسة قرر انه يعيش لعيالو و مراته و بس هدير خرجت من البلكونة و هى مستغرباه قلعت الطرحة بتفكير من تغيره :- الواد ده فيه حاجة و حاجه مريبة كمان ميكنش اتبدل.... ولا عنده جن و برضو راضية متغيرة هطلع اشوف مالها
هدير اتجهت لباب الشقة اخدت المفتاح و طالعت لراضية
راضية فتحت الباب:- تعالي يا هدير
هدير باستغراب و قلق:- مالك يختي انتي كمان
راضية بوش حزين و عيون حمراء من العياط:- ادخلي
هدير دخلت و قعدت راضية قفلت الباب :- مالك اوع تكوني اتخنقتي
راضية هزت راسها بنفي:- خالص
هدير بصتلها بذهول و تسال:- اومال اي
راضية دخلت المطبخ اخدت الفون فتحته و ادته لهدير الى بصتلها بعدم فهم اما تحت كانت خلود بتحدف اى حاجة قدامها بغضب و جنون بعد ما شافت الفيديو :- بقا انا خاينة يا زبالة الزبالة يا مجنونه اااااااع
الفون رن راحت اوضتها اخدت الفون من على التسريحة شافت رقم عفاف نفخت بضيقه و اختناق حاولت تباين صوتها طبيعي:- الو مين معايا
عفاف بسخرية:- لا والله سلامة السمع يا مرات ابني
خلود:- اهلا يا خالتي
عفاف ببرود:- مالك بتتكلمي من تحت ضرسك كدا اي الحمل جنانك
خلود شدت شعرها لوراء بعصبية:- معلشي بس تعبانة شوية.. خير
عفاف باستغراب بعدت الفون عنها:- لا دى اتفرعنت زيادة ادى الى كنت اقصده يا ابن بطني انها كتر الدلع فيها هتمسخ و جاه كلامي
حطت الفون على ودنها بابتسامة:- سلامتك يا حبيبتي انا بس قولت اطمن عليكي
خلود اتنهدت بمرارة و عصبية:- شكرا
عفاف:- بقولك اي يا حبيبتي اي رايك بعد ما تولدي تيجي تقعدي عندي و اهتم بيكي اصلك كبيرة و هتبقي بطلعي في الروح و صعب تخدمي نفسك
خلود بسخرية و تريقة:- والله و دا من امتي الحب دا ولا قصدك اجي اخدمك و اخدم بنتك ما هو دا الى ناقص
عفاف شهقت بعصبية:- هاااا والله و طلعلك صوت ما كله من الى عملك قيمة طبعا بعد ما كنتي ارض بور طبيعي تعلي حسك يا ام البنات انتي مش مكسوفة من نفسك تلات بنات مرة واحدة انا لو منك ادفن نفسي و اعمل عزاء يعني مش مف كفاية ثانوية عامة و كنتي مش بتخلفي و دلوقتي حامل في بنات و بتبجحي يختي اتكسفي على دمك
خلود ببرود:- صح بس دا لو هيكون زي عمتهم اااسمعي بقا انا سكت كتير لكن لحد كدا و كفاية اوى سبوووني فى حالي بقا عايزة مني اي تاني كفاية عمري الى سرقته
عفاف:- بتعلي صوتك عليا يا
خلود بعصبية اكبر:- اه بعلي صوتي عليكي مش عجبك انتي حرا قولي لابنك بقا انا خلاص مش فارق معايا حاجة
خلود قفلت الفون في وشها دخلت غرفة الملابس طالعت اسدال لبسته و طالعت لراضية أما عند عفاف
عفاف بتوعد :- بقا بتقفلي السكة في وشي طب والله لوريكي
عفاف فتحت الفون تاني و اتصلت بهارون
عند هارون في المدرسة كان في الفصل و بيشرح الدرس
هارون بتركيز:- و كدا
الفون رن هارون بص لرقم بقلق:- لحظة واحدة.... الو يا امي انتي كويسة
عفاف بعصبية:- كويسة ازاى و انت عايش مع عقربة يرضيك مراتك تزعقلي و تغلط فيا
هارون بعد الفون عنه استغفر و رجع يكمل:- عملت اي العقربة
عفاف بعصبية:- الهانم مش عجبها انى قولت تعالي اقعدي عندي لم تولدي دا جزاتي ولا هو خير تعمل شر تلقي و انا الى بقول بنتي
هارون بص لسقف ملل:- يا حبيبتي هى مش قصدها انتي عارفه خلود عصبية بس طيبة
عفاف بعصبية::- متقولش طيبة قول سوسة عقربة تعيبان افعي هو لو انت مش عارف تربيها سبني انا اربيها دى بترد عليا
هارون:- حقك عليا ليكي عليا اول ما اروح هقتلها
عفاف قفلت الفون في وشه شوية و خلود اتصلت:- عجبك الى امك بتعملوا يا هارون ااانا اتشتم ليه جارية ولا جارية انا بنت ناس و عايلة
هارون بهدوء:- اي يا خلود هو احنا مش هنخلص من الصداع
خلود بعصبية:- صداع علشان بحكيلك واحدة مش عايزة تسيب بيتها اي قلت الادب في كدا انا مغلطش فيها ولا كلمتها
هارون:- عارف يا حبيبتي انتي عارفه امي من ساعة حنين و هى عصبية اعذريه اعتبريها امك يا ستي
خلود:؛ و انا مين يعذرني بقولك شتمتني و الا اي عايزة تسمي عيالك على اسم اخواتك عامر و عمرو و عمار على اسم ابن عمك انا مال اهلي في كل دا اسمع لو مشوفتش حل ا انا هسيب البيت ولا اولع في نفسي و اريحك
هارون:- حقك عليا يا حبيبتي والله هى مش قصدها انتي لم تسيبي البيت انا مش هعرف اجيبك و بعدين انا معرفش اعيش من غيرك يا امي
خلود ابتسمت غصب عنها:- و انا كمان بحبك.. كمل شغلك
خلود قفلت معاه هارون قفل الفون كانوا متنحيين و فاتحين بؤهم
هارون بحدة:- نركز بقا ولا اي
سارة :- مستر هى بنت حضرتك فين
هارون:- مممم..... بتجيب حاجة و جاية في الطريق
ريهام:؛ طب اول حرف من اسمها طب ابن حضرتك اسمو اي
هارون:- ياااارب.... بصو انا بحاول اكون هادى و لطيف معاكم
سارة:- اعتقد ان اسم ابن حضرتك يونس
رحيم:- او نوح
عمر:- و ممكن زين
طلب تاني:- أو رؤوف
رحيم بغرور مصطنع:- و ممكن اسمو يكون زايى رحيم
هارون ضرب بالعصاية على التيسج الى قدامه :- نفوق بقا ولا نسقط و نجيب ملاحق
الكل سكت هارون بقا بيشرح و هما بيسمعو باستمتاع و تركيز اما في شقة عامر
هدير بلوم:- مكنش ينفع تقولي كدا
راضية:- صح عيب يا خلود
هدير بحدة خفيفة و غيظ:- اتلهي يا راضية
خلود بعصبية:- انتوا لو كنتو مكاني كنتو عملتو اكتر من كدا دى بتتهمني في شرفي قدام الدنيا كلها انا قدام الناس واحدة مش كويسة و بيدعي عليا ان الحمل ميكملش و انا مشوفش عيالي لاااا و لو شافتهم اشوفهم في مصايب دا غير الحسبانة
هدير:- و على اساس ان الناس دول حقيقيين يا ستي كله في الشاشه عامل المصلح الاجتماعي و هو ما يعلم بيه الا ربنا
راضية بدموع:- بس الكلام صعب اوى انا مش متخيلة كمية الشتايم و الدعاء عليا و على عمرو
هدير:- مانا اتشتمت معاكم بس البت دى فيها مش مظبوطة ولا على بعضها
خلود بصوت عالي:- ربنا يخدني خدني يارب و ريحني من الارف دا اغور فين تاني طيب قولولي اغور فين تاني سبتنلهم البيت اعمل اي تاني
راضية رغم الحزن و العياط بصت لهدير بتسال و فضول:- الا صحيح يا هدير اي الى يخليكي مكملة مع عامر مع انه جلدة اسفة
هدير اتنهدت بابتسامة حزينة:- لان مش عايزة عيالي يكبروا يلقو كل واحد مننا في ناحية.... انا امي و ابويا أطلقوا و انا صغيرة.... طبعا الخناق كان على المصاريف امي طبعا اتجوزت بعد العدة على طول مبقتش تشوفني الا اي جوزي مش عايزني اشوفك.... ابويا تعب و بعدين مات الكلام دا و انا في ابتدائى ..... بقيت عايشة مع خالي و مراته الى برضو اوقات بتحسسني انى عباء عليهم حقها برضو
قالتها بوجع و دموع:- الى خلي امى مش مستحملني الغريبة هتستحملني..... بقيت بعمل معاها في البيت كبرت على كدا و بعد زن كتير اوى على خالي وافق انى اشتغل كنت ساعتها في المعهد بقيت اشتغل علشان اصرف على نفسي حياتي بين الشغل و المعهد و شغل البيت. مرات خالي تعبت و كانت محتاجه علاج طبيعي ساعتها روحنا مركز عالج الطبيعي و هنا شوفت عامر لاول مرة اول حاجة شدتني ليه ذكاه و شطرته... و لم تخيلت ان ممكن يحبني أو يتجوزني استكترته على نفسي و مع الايام و تكرر نفس الحدث... في الكوافير شوفت عفاف و سحر كانوا اول مرة يجو المكان الى بشتغل فيه الى هو الكوافير اد اي كانت كويسة و حنينة
خلود بتسال و ذهول:- عفاف
هدير هزت راسها:- فاكرة اول كلمة قالتها انتي بنتي
خلود:- عفاف
هدير بصت لفراع:- ساعتها رفعت راسي لسماء و قولت يارب انت بتعوضني عن امي و ابويا بى الست دى .... اتخطبت لعامر و كانت باللسم..... حنية الدنيا فيها
خلود :- عفاف
هدير بصتلها بحزن:- مكنتش اعرف وراء الحنية دى ست مفترية ميقدرش عليها غير ربنا و الى كسرني اكتر بعد ما اتجوزت و كشفتها على حقيقتها هو جوزي الى المفروض سندي ولا مرة كان معايا ولا سندي دائما رضايا من رضا امي اسمعي كلامها خالي مات و مراته مش هتستحملني فضلت ساكته و ساكته ..... علشان عيالي ملهمش ذنب يا خلود ملهمش ذنب يا راضية
خلود حضنتها و بقت بتعيط بانهيار معاها هى و راضية
اما في الفيوم في بيت عفاف
عفاف بزهق:- ايوة ايوة يالي على الباب يوه ما تصبر يالي بتخبط
عفاف راحت فتحت الباب كانت صابرة الى الغضب و الشر بيتطير من عينيها دخلت و قفلت الباب:- سحر فين بنتك فين
عفاف باستغراب و قلق:- في اوضتها
صابرة اتجهت لاوضة سحر فتحتها كانت سحر بتتعطي الهيروين صابرة دخلت مسكتها من شعرها:- بقا يا بت***** طالع على العلاني بتتبلي و تفتري على اسيادك
سحر ملحقتش تتكلم صابرة عطتها كف على وشها سحر وقعت على الارض صابرة بقت بتضرب فيها عفاف بعدتها عنها بالعافية و هى بتقول بحدة و غضب:- انتي بتمدي ايدك على بنتي يا ام ال
صابرة ضربتها كف:: انا بنتي اشرف من بناتك و منك على الاقل مسببتش لينا فضيحة
صابرة فتحت شطنتها الى في ايديها طالعت الفون و فتحته:- اتفرجي يختي و ملي عينيكي بأفعال و قذرة اكبر بناتك
عفاف حطت ايديها على قلبها عطت الفون لي صابرة بصدمة و كسرة :- اه يا بنت الكلب دا انا هشرب من دمك
سحر مكنتش في وعيها عفاف قلعت الشبشب و بقت بتضربها و تشتم و الدموع في عينيها رمت الشبشب على الارض و بقت بتضربها صابرة بقت بتحاول تحوشها لكن مش عارفه عفاف بعدت عن سحر حطت ايديها على قلبها و هى حاسه بدوران وقعت على الارض و غمضت عيونها.......
#يتبع