عامر وقع على وشه اغمو عليه
عمرو قام بخضة و فزع:- الحق عامر يا هارون
هارون قام شال عامر هو و عمرو قعدو على الكرسي و بيفوقو فيه :- ولا فوق يلا
عمرو:- انادي دكتور
عامر فاق و فتح عيونه لم سمع صوت عمرو و هو بيقول دكتور:- اي دكتور اي حرام عليكم مش كفاية الفلوس الى دفعتها في المستشفى علشان الهانم كمان عايزينا ادفع فلوس لدكتور علشان اغمو عليا عايزين تجيبو اجلي
هارون:- طب اجبلك عصير
عامر:- انت عارف العلبة بكام هنا لو على حسابك موافق
عمرو قعد على الكرسي بياس و غيظ هارون قعد مكانه
عامر بص لهارون:- طب ما تحاول تفاصل مع صاحب العمارة و كمان خلي مدير المدرسة بتاعتك لم اقدم لعيالي عندهم يقللو الفلوس شوية و يقسطوها
هارون رفع ايديه لسماء:- يارب انا عقلي على تكة ارحمني من حديقة اللطافة الى عايش فيها دي
عامر و عمرو سكتوا عد شوية
عمرو بص لهارون:- هارون اي رايك اعمل مشروع جديد
هارون بص له:- تاني يا عمرو مش كفاية المحل الى اشتريته في المول و ماجره ارحم شوية
عمرو:- طب مانت مشتري عربية و مشغلها في اوبر دا غير المراجعات الى بتدييها للعيال في السنتر غير البنك بسم الله ماشاء لله
عامر بصلهم بذهول:- محل في مول و عربية في اوبر و بنك اااه يا خاينين بتشتغلوني كل دا من ورايا ما طبعا ناس عايشة في البطيخ و ناس عايشة في الطين
هارون:- انا اتذليت اصحي اروح المدرس ارجع اروح اشتغل في الكافيه اخلص اروح اشتغل مع ابوك في المحل..... انا مش عارف ازاى خلود وفقت عليا وانا كنت على الله بدرس و معييش اجيب شبكة بصراحة البت شافت معايا سنين سودة
عامر:- حد قالك اتجوز صغير
هارون؛- لا كنت استنيت لحد ما تتخطب و تتجوز و بعدين خالتك كانت بتحاول بتوظ الجوازة و ابن عمها عايزها و مش عايزها يعني كنت عايزني اسيب البت تروح مني و تتجوز غيري
عامر بعفوية و ملل:- لا يا ناصح اخطب و ازنق نفسك و كونا نفسك و هى معاك يعني بدل ما تتجوز جوازة عز و هنا تطلع عين البت معاك في واحدة عاقلة تقبل تتخطب بدبلة بس
عمرو بسخرية:- بلاش انت يالي كنت بتستلف مننا حق الخروجة و الشبكة و الهدايا اول مرة اشوف دكتور علاج طبيعي يستلف من اخواته و ينفضهم علشان يفسح خطيبته أو مراته انت انا مشوفتش اعجب منك هارون صحيح ازاى مكنش معاك فلوس و من رغم كدا صممت ان خلود تفصل فستان الفرح مع ان التاجير كان ارخص وقتها
هارون:- انت الى بتقول كدا يا عمرو اشحال انك بتحب و عارف الى بيحب بيعمل اي مكنتش طين اوى خلود من النوع الى بتحب حاجاتها اوى ف قولت لنفسي ليه أجار فستان لم ممكن تفصله و يقعد معاها العمر كله الفرق حاجات بسيطة و بعدين لا شبكة ولا شقة عدلة ولا عفش عدل و اختارتني عن تعليمها و حلمها اقل حاجة اديها عمري و برضو قليل على جدعنتها و وقفتها جانبي واحدة زى خلود عايشة في بيتها ابوها في الهناء تسيبه و تختارني اقل حاجة اعوضها بجزء بسيط من الى شافته مني انا في الاول كنت زفت معرفش كانت طيقني ازاي
عمرو:- طب بالنسبة سحر و حنين الى كانوا هيموتو خلود و راضية اي نظامهم
عامر بصلهم بذهول و عصبية:- انتوا هتبلغو عن اخواتكم الى عايشين معاكم عمرا علشان بنتين م
هارون بحدة و اختناق:- عندك انا معشتش عمرا مع حد زى ما عشت ما اخواتك ف انا عشت مع مراتي شوفت ملامحها الحزينة بسبب امك و اخواتك شوفت اهانتهم ليا زمان و تقليل امك مني شوفت قهرتي مراتي و حسرتها من معايرة امك و اخواتك على حاجة مش بايديها عايز تعرف شوفت اي منهم تاني ولا كفاية انا خلاص واحد بايع الدنيا و الى هياذني هاذيه حتي لو كان من دمي سامع
هارون قام بغضب و مشي عمرو قام راح وراه عامر مسح على وشه بغضب و جنون قام ضرب الكرسي برجليه بعصبية
هارون و عمرو خرجو من المستشفى اما في اوضة راضية
راضية:- مينفعش نخليهم يقفوا قصاد اخواتهم احنا بقينا كويسين
هدير بذهول:- لا انتي اتجننتي و خلود هتبقا مجنونة
خلود بشرود و تفكير:- انا مشكلتي اكبر اولا بنات خالتي مينفعش احطهم في الحبس ولا ادخلهم اقسام احنا مش وش كدا و في الاول و الاخر احنا اهل و كمان مش عايزة يبقا في بيني وبين هارون حاجة بعد العمر دا لانه مهما حصل احنا اهل هيبقو عمات ابني
راضية:- و انا رايى من راي خلود
هدير ضرب كف على كف بغيظ أما راضية ف مسامحة في حقها لكن خلود بين نارين نار عايزة حقها و نار العشرة و الاصول اما في بيت نعمة
نعمة:- مينفعش تغيب عن البيت كتير مراتك هتشك و بعدين البيت محتاجلك
ابراهيم ابتسم بسخرية و حزن:- محتاجييني في اي بقا هارون و عمرو ربنا يرضي عنهم كمان و كمان عارفين هما بيعملوا اي عامر و ماشي وراء امو لحد ما تغرقو البنات و مش قادر عليهم لا زمان ولا دلوقتي اخر قلت ادب محتاجيين في اي
نعمة طبطب على كتفه بابتسامة:- ربنا يخليك لينا و دايما حسك بالدنيا و بعدين البنات مضغوطين لكن هما غلابة اوى والله
ابراهيم:- تعرفي تسكوتي طلاما متعرفيش حاجة تسكوتي دول بنات كلب متربوش ولا شافوا تربية عفاف ربتهم على سمها الى بتبخو في ودنهم لحد ما بقو بياذو اى حد مش عجبهم يا نعمة انا مخلفتش غير هارون و عمرو ربنا يستر و ميتغيروش مع الايام و السنين
عد يومين كانت راضية و خلود اتحسنو و خرجو لكن خلود قررت تروح عند اهلها علشان تهدي امهم و اخواتها عفاف بتحاول مع عمرو انه يسامح اخواته و فعلا سامحهم لكن في دماغه حاجة تانية خالص بسملة خالد مطلع عينيها و حقيقي ذليلها و كل يوم تضرب منه و من امو
عفاف:- لا مبدهاش بقا
سحر قامت:- رايحة فين يا امي و انتي رجلك وارمة
عفاف:- ان شاء الله تتقطع المهم الحق المصيبة قبل ما تحصل و احنن قلب هارون عليكم علشان يرجع معانا من تاني
عفاف لفت الطرحة و خرجت من البيت قررت تروح لهارون بيته الجديد بعد ما عرفت العنوان من عامر نزلت من البيت ركبت تاكسي عطيته العنوان و اتحرك بعد وقت وقف التاكسي قدام العمارة حسبته و التاكسي مشي بصت على البيت :- اش اش و كمان ورد و خضرا بيت دا ولا جنينة دا المدخل لوحده اد شارعنا بمرتين تلاتة
دخلت المدخل بصت لمرايا الى في الحوش و الاسانسير و الزرع
البواب:- على فين يا ست
عفاف شهقت؛- حاااا مش تكح ولا تنحنح
البواب:- بقولك على فين
عفاف بعصبية:- هو اي الى على فين طالعة لابني عندك اعتراض ولا هو ممنوع
مرات البواب:- حقك عليا يا ست الكل بس قولنا ابنك يبقا مين علشان يكون عندنا علم دا شغلنا يا هانم
عفاف:- طالع لاستاذ هارون
البواب:- مين هارون
مرات البواب:- ااااه قصدك الساكن الجديد و بالإمارة المدام بتاعته اسمها خلود و صوتها مسرسع
عفاف؛- حكم ساكن في الدور الكام
مرات البواب:- خليك يا عبدالله هنا احرص العمارة و انا هوصل الهانم لدور ٤
عفاف:- لا ياختي خليكي انا عارفة طريقي كويس و كمان اسانسير ليه حد قالكم علينا مشلولين هم اي دا بس ياربي
البواب:- ثانية واحدة اكلم الاستاذ اديلو خبر
عفاف بعصبية و زعيق:- انت عايزني استأذن و انا طالعة لابني هم اي دا هو انت شايفني ااي ما تفتح يا فندي اوع كدا من خلقتي جتكم الهم
عفاف اتجهت لسلم و بقت بتطلع واحدة واحدة:- و الحيطان كمان رخام و محفورة بقا بت صابرة ام ثانوي تسكن في العمارة دى ليه بنت وزير و انا معرفش و اي المريات دى كلها عيني عليكي يا بسملة يا بنتي عيني عليا و على حظي طب كان جبلي شقة فوقيه اه يا رجلي ياني يما ياني و اي الهدوء دا هو مفيش سكان في العمارة ولا اي
وصلت لدور الرابع بصت لشقة اتنهدت بغيظ:- و كمان عمل ليها باب حديد على الدور ليه هتتخطف ولا هتتخطف حاااا حيكم
اتفجت ببات الشقة بيتفتح هارون فتح الباب
بقلق:- ماما انتي كويسة
عفاف طالعت و دخلت الشقة:- طب قولي عاملة اي الاول
عفاف قلعت الشبشب و دخلت
هارون :- انفضلي
عفاف بتبص حواليها لشقة:- اي الصحراء دى
قعدت على الكنبة و هارون جانبها صح هو فتح الباب اول ما البواب اتصل بيه
عفاف بتبص حواليها مطت شفايفها:- عشنا و شفنا .... دى اجارها كام على كدا
هارون اخد الريموت من على التربيزة:- دى تمليك يما مش اجار
عفاف ضربت على قلبها:- نهارك اسود انت جايبلها تمليك يا ابن العبيطة صحيح مغلطش لم قولت عليك زمان دلدول مراتك دى خليتك ولا الشبشب في رجليها يعني بدل ما تروح على بيتها تروح لامها انا ربيتكم على كدا اي غسيل و مكواة
هارون بيسمع بهدوء و ثبات بيحاول يكون هادى :- هو انا لازم يعني امد ايدي عليها و كل يوم علقة علشان اثبتلك اني ممشي البيت و انها غلبانة و على الله حكايتها
عفاف:- بسسس دى سحرلك يا ابن بطني والله سحرلك مدم بتشخط و تنطر في امك يبقا سحرلك و السحر على ودنه انا لازم افك العمل دا من اول ما دخلت بيتك و انت متغير اووى معايا هى بت صابرة تعرف حاجه غير الاسحار و الاعمال و انا اقول مسخوطة ليه ما هو من عمايلها السودة و غضب ربنا عليها
هارون:- و انتي تعرفي ربنا غضبان عليها ولا دى توقعات من عندك..... انتي امى على عيني وراسي لكن كلمة كمان على خلود تنسي انكي ليكي ابن اسمو هارون و اه سحرتني بجمالها و روحها
عفاف مطت شفايفها بغيظ:- صحيح السنيورة هتولد فين عندي ولا عند امها
هارون اتنهد بياس:- لا يا امي الطب مطور ف طبيعي تولد في مستشفى و لسه مفكرنش في الموضوع بس اطمني هتكون مستشفى خاصة و أعلي مستوي باذن الله متقلقيش عليها
عفاف شهقت بصدمة:- حااا خاصة يا ابن العبيطة خايف عليها اوى مانا ولدت في البيت و حماتك كمان و مرات اخوك و انت بتقولي خاص ليه فلوسك حرام ولا حرام ولا لقيها في الارض
هارون ببساطة:- انا مراتي غيركم مع احترامي ليكم بس انا ابنى هيتولد في مكان نضيف عند دكتورة فاهمة و بتتقي ربنا في شغلها الفلوس مش مهم المهم ان خلود تكون بخير
عفاف:- يا ابني يهديك يرضيك خاف على قرشك مش كل حاجه تبذير كفاية الشقة و لبسها والله يا ابني ما حد هيخرب بيتك غيرها بمصاريفها و لبسها الى بتشتري على الفاضي و المليان
عفاف عينيها جت على المطبخ قامت و دخلت المطبخ الى يعتبر في الصالة:- هااا مكنة قهوة و غسلة طباق يا ولاد المفترية ... و ميكرويف الله الله و اتش فرير ليه يا هارون متجوز الاميرة دى حايلا بنت ثانوي اخدتها بالعافية حاااا و اي كل الازايز دى كمان جيبلها تلاجة لشكولتات و الحلويات يا ابن العبيطة
هارون في سرها بزهق:- مش هنخلص بقا من التقطيم
عفاف:- بتوجاز خمسة شعلة هى محتاجة بتوجاز هى شعلة من غير حاجة اه ماركة
عفاف خرجت من المطبخ و هى بتتحسر على الفلوس الى ادفعت في الشقة بسبب خلود الباب خبط هارون راح فتح الباب
المندوب بصوت عالي جدا لدرجة ان عفاف سمعت:- حضرتك دى شقة هارون ابراهيم
هارون:- ايوة انا
المندوب:- انا المندوب.... مدام سيدك طلبات الأردل شوية حاجات يعني مسكات على كريمهات على شامبو حاجات من دى
هارون باستغراب:- المدام طلبات كل دول
المندوب و هو بيبص على الورق علشان يتاكد:- مدام حضرتك اسم الاكونت بتاعها خلود محمود
هارون:- ايوة
المندوب:- طب هتستلمو الأردل ولا اي
هارون طالع المحفظة:- كام كل الحاجات دي
المندوب ببساطة:- ١٠تلاف جنية بس احنا اسعارنا هاينة و غير اى حد
هارون بص لكراتين بذهول
عفاف قامت ضربت على قلبها بصدمة؛- نهارك اسود يخرب بيتك يا هارون يا خسارة تعبك و شقاق الى راح على الارض دا انا عمري ما جبت لنفسي عباية ولا شبشب ازيد من ٢٠٠ ادي اخرة دلعك ليها اشرب بقا
هارون سابه راح اوضته طلع خرج لباب الشقة عطاء المندوب الفلوس الباقي ليك
المندوب:- طب مش هتشيك على الحاجة أو المدام مش هتطمن ان كله مظبوط
هارون:- مش اول مرة المدام تشتري من عندكم
المندوب مشي هارون دخل الحاجة حطهم على جانب و قفل الباب عفاف رفعت راسها لفوق لمحت صورتين جانب بعض صورة ليهم يوم فرحهم و صورة ليهم من قريب و صورة كل واحدة لوحده نفخت بضيقه هارون قعد جانبها:- نعم يا امى
عفاف:- اخواتك حنين و سحر
هارون؛- مالهم
عفاف:- الدم عمره ما كان ماية يا حبيبي دول اخواتك سندك و انت سندهم ميصحش تقطعهم لو مش علشانهم ف علشاني
هارون بهدوء:- و لم مراتي كانت بتموت مقولتيش ليهم الكلام دا ليه و لم كانوا بيزعلوها و غيرو
عفاف بغيظ و حادة:- هى حكيتلك دى كدابة
هارون ابتسم بحزن:- ياريتها كانت اتكلمت من زمان مكنش حد اتاذ انا مش هسامح ولا هصالح حد.... اه و بالنسبة الفلوس ف هى مش بتاخد حاجة من حد دى فلوس جوزها الى هو انا وانا راضي و من كل قلبي
بالليل في الشارع
راضية مربعة ايديها:- عمرو العربية دى بتاعت مين
عمرو بابتسامة:- بتاعتنا
راضية:- انت بتهزر بتاعتنا منين و من كام شهر الدنيا كانت مزنقة معاك
عمرو مسك ايديها ركبها العربية لف الناحية التانية ركب جانبها شغل العربية و اتحرك
راضية بصرخ خفيف:- يختيييي
في البلكونة سحر كانت بتتفرج لفت وشها بملل:- و بعدين بقا لا انا لازم اتصرف مش هى و البرنسيسه ام ثانوية عامة يفرحو و انا و اختي يتنكد علينا
ابتسمت و دخلت اما في بيت خلود
خديجه قعدة جانبها مربعة رجليها:- يعني انا لو بحب مجنون اروح مستشفى المجانين علشان الى بحبه ازاى معملتيش فرح سؤال من صغري هموت و أسأله
نورهان نايمة على السرير:- صح انتي سلبية جدا يا خوخة
خلود رمت نفسها على السرير بابتسامة:- اولا الفرح مش كل حاجه اي لازمتها اعمل فرح بالشئ الفولاني و في و اغاني و صداع و نزنق نفسنا و في الاخر هيتنكد عليا و على اهلي و اسمي اتجوزت يا جماعة الفرح مش زغريط و فرح و ناس تيجي تقيم فرحي و فستاني و يعلم بعد الفرح الكبير هكون مبسوطة ولا لا ..... انا بقيت مبسوطة جدا من غير فرح ولا تكاليف ملهاش لازمة... عارفين انا عمري ما زعلت منه أو نمت زعلانة بسببه
خديجه سندت ايديها على خدها:- و اي كمان
خلود:- بس عنده ام تكفر الواحد و تخرجه عن شعوره للاسف عرفت دا بعد تاني اسبوع جواز
صفاء:- دا انتي شايلة في قلبك بقا
خلود:- اوى اوى يا صفاء تكة كمان لو مكنتش عزلت كنت ولعت فيهم.... تعالوا شوفوا شقتي الجديد
خلود قامت مسكت الفون فتحته و بقت بتفرجهم على الصور بعد شوية
خلود:- صحيح يا نونو هقبض امتي
نورهان:- ب
خلود:؛ لا بصي انتي الله يرضى عليكي انا كام شهر و هولد و مش هينفع اخد الاخير زى كل مرة لمي الدنيا معايا الله يباركلك
خديجه بضحك:؛ تعالي يا حاجة صابرة شوفي بنتك المبذرة بقت موفرة
خلود:- انتي رخمة اوى.... بس لازم اشيل حاجة لزمن
صفاء بمزح و هى بتبص لايديها الاتنين إلى فيهم الاساور:- اكتر من كدا هتختفي من كتر الاكسسوارات دول دهب صح
خلود بسخرية؛- لا بلاستيك يا خفة
الباب اتفتح كانت لميس مرات يوسف اخوها الصغير قالت بمرح و مزح:- ليا مكان في النميمة الحلوة دي
خلود قامت قعدت:- تعالي جانب اخواتك
لميس جريت تقعد جانبهم شوية و الفون بتاعها رن كان هارون قامت بعدت شوية قعدت على الكنبة الى في اوضتها قبل ما تقول الو
هارون بعصبية و حدة:- وحياة امك بتضحكي عليا يا خلود حد قالك ان فلوسي حرام ولا انى قعد على بنك فلوس عشر تلاف جنية فى حبة مكياج و صابون
خلود بعدت الفون عنها بعصبية و غيظ:- دا الى عملو مدرس ظلمه اه والله اي الجهل دا
قربت الفون منها:- اسمه ميك اب بلاشر كنتور كانسيلر ايشادو روج و شوية شور
هارون:- انا مالي هل مالي امي ليه المندوب يجي و امي موجودة
خلود شهقت بصدمة سكتت شوية:- نهار اسود دا بجد اكيد قعدت تشتم فيا لحد ما روحت.. انا هفهمك
هارون:- سلام لان لو قعدت بحبك
خلود بابتسامة:- و انا بموت فيك
خلود قفلت مع هارون و قامت تقعد مع مرتات اخواتها اما في عمارة هارون
عمرو فتح باب العربية لراضية:- انزلي
راضية بصت حواليها باستغراب نزلت مسك ايديها و اتجه لعمارة طالعو على السلم و هما بيجرو راضية مش فاهمه حاجه وصلو الدور السادس عمرو فتح الباب:- اتفضلي ادخلي
راضية بصت له بتعجب و دخلت
عمرو قفل الباب و فتح النور:- يارب بيتنا الجديد يعجبك هو ناقص له شوية حاجات بس مش هسيبك هناك اكتر من كدا
راضية لفت له:- قولت شقة مين
عمرو ببساطة:- بيتنا
راضية:- اجار
عمرو:- هو انا وش اجارت يا راضية تمليك طبعا
راضية حست بدوران اغمو عليها من الصدمة اما في بيت ابراهيم و عفاف
عفاف:- كفارة يا ابراهيم فينك يا راجل عشمنا شافك
ابراهيم:- جيت اشوف الهنا الى بناتك عملو
عفاف:- متكبرش الموضوع بقا انا حليت كل حاجة و روحت رضيت هارون
ابراهيم كان هيتكلم سمع صوت خبط قوي جدا على الباب خرج من اوضته فتح الباب كان البوليس
الظابط:- دا بيت ابراهيم صالح
ابراهيم:- ايوة انا خير
الظابط:- الحقيقة احنا مش عايزينك انت احنا عايزين بناتك الانسة سحر و حنين مطلوب القبض عليهم شروع في قتل موجودين
عفاف خرجت و هى بتضرب على وشها:- يلهوى يلهوي مين الى اتجر قدم البلاغ
الظابط:- عمرو ابراهيم صالح و اخوه هارون ياريت يتفضلو معانا بدون شوشرة
سحر و حنين خرجو كانت سحر ايديها ملفوف بالشاش و اللزق الطبي على جبينها و حنين الشاش الطبي ملفوف على رقبتها:- حضرتك دا رد فعل هما الى بدو انا عايزة اعمل اثبات حالة و محضر عدم تعرض يا باشا........
#يتبع