قالتها و هى منهارة في العياط ايديها بتترعش هارون قام صرخت في وشه بقهرة:- ااابعد
هارون بيصلها من فوق لتحت بصدمة من دموعها الى مغرقة وشها ايديها الى بتترعش من العصبية و الزعل عيونها الحمرة من العياط :- طب اهدي يا خلود .... اهدي و هعملك الى عايزاه بس روقي علشان خاطري و حياة
بقت بتضرب رجليها و في الارض :- و غلاوتي عندك فين... فين وعودك ليا سنين ساكته علشان غلاوتك طب انت فين من كل دا انت بتشيليني فوق طاقتي لدرجة ان مش مستحملة كفاية يا هارون علشان خاطري والله العظيم مبقتش مستحملة امك ولا معايراتها فيا هى و اخواتك وخدني تسلية و تريقة ترضها لمراتك.... اتكلم ترضا الاهانة و المعايرة ليا
هارون الدموع اتجمعت في عينيه بمرارة غصب عنه قرب منها و حضنها خلود بقت بتعيط بانهيار و قهرة غصب عنها كانت فاكرة خالتها هتعتبرها بنتها عمرها ما كانت تتخيل ان خالتها تعايرها بحاجة ملهاش ذنب فيها و بتعملها أسوأ معاملة أما تحت في شقة عامر في المطبخ كان في صمت رهيب هدير بصتله بصدمة بعدت عينيها عنه و اخدت الحلة منها فاق من سرحانه :- هدير انا مكنش قصدي والله ما اعرف عملت كدا ازاى
هدير ولا اكنها سامعة حاجة بقت بترتب المطبخ بكل برود
عامر مسك ايديها هدير سحبت ايديها بغضب:- ما كفاية بقا انا و انت عايشين تحت سقف واحد علشان العيال... احنا منفصلين من زمان... بس انا الى مش واخدة بالي .... ارمي طوبتي زى ما انا رميت طوبتك يا عامر رمتها من زمان.......
هدير بعدته عنها كانت هتخرج لفت له:- صحيح الى يعوزو البيت يحرم على الجامع اختك مش فقيرة ولا يتيمة ربنا يدي لاهلك طولة العمر... عيالك اولة بكل قرش دلوقتي لسه في إعدادى و ثانوي و جامعة جنة و حمزة هيتعلمو احسن تعليم امك توافق ترفض دول عيالي و انا الى هحدد مصيرهم حتي لو هشحت...كله الا مستقبل عيالي
قالت كدا و خرجت من المطبخ راحت التواليت رزعت الباب و قفلته من جوا سندت ايديها على الحوض دموعها نزلت بوجع حطت ايديها على دراعها الى تقريباً اتحرق حطت مرهم الحروق اتجهت لتواليت غطته و قعدت تعيط اما في شقة عمرو و راضية عمرو كان قعد على الكرسي جانبها حاسس ان قلبه انكسر مليون حته كلام هدير و خلود مش طالع من دماغه ولا تمثيل امو و اخواته البنات فاق من سرحانه قبل راس راضية و قام راح البلكونة رفع عينيه لسماء دموعه نزلت بحسرة و خذلان عد الليل ببطء و حزن على التلاتة
تاني يوم في شقة ابراهيم و عفاف على السفرة كانوا الجميع بيتناولو الفطار
عامر بهدوء:- معلش يا حاج بس انا مش هقدر اساعد في جهاز بسملة
عفاف و بسملة بصو لبعض
عفاف بعدم تصديق و اسرار:- ليه يا ابن بطني معكش ليه بتودي فلوسك فين ولا اتجوزت من ورانا طب ياريت على الاقل تكون ا
هدير بهدوء و بصوت و وش خلين من التعبير:- طب والله ياريت يا عامر حتي القي الى تشيل عني و على رايى المثل الى خدته الهانم تاخدو مساحت السلالم
هارون ضحك علشان ينقذ الموقف قبل ما يتخنقو:- و احن لقي زيك فين يا هدير ولا نلقي زى لسانك فين... و بعدين يا امي هى مش بسملة جبت الجهاز ناقص اي تاني
عمرو:- ملهاش اى لازمة الفشخرة الكدبة ميجرش حاجة لم تجيب على ادها
ابراهيم هز راسه بفخر ابتسامة:- هو دا الكلام كل مدة بتبهرني بيك يا عمرو
عفاف بحدة:- يعني اي
بسملة بعصبية:- بس دى الموضة و انا كدا هبقا اقل واحدة يرضيكم اتجوز اقل بنت في العيلة و في اصحابي و بعدين يا هارون ما خلود جايبة اد طلباتي عشر مرات
خلود بتشرب الشاي و حطيته مكانه:- اه بس برضو شوافة بمعنى انى لا شيلت ابويا فوق طاقته ولا زنقت اخواتي انا اتصدمت نمت و صحيت لقيت الحاجة جانبي
سحر:- سبحان الله يدي من هنا و ياخد من هنا زوج بيحبك و اى طلب قبل ما تحلمي بيه يجيلك بس في نفس الوقت يعيني عليكي و على بختك الى في سنك عيالهم طولهم
ابراهيم بص لسحر بصة مرعبة قبل ما تكمل كلامها:- كفاية قلت ادب و اطفحي من غير كلام و انتي يا بسملة انا شايف ان جهازك الى مش عجبك و مستقلية دا غيرك يتمني نصه احمدي ربك ممم احمدي ربك انكي مستورة و بصحتك عايزة اي اكتر من كدا
حنين ضيقت عينيها بصدمة و بصت لعفاف الى اتجمدت مكانها لم شافت هارون بيقبل ايد خلود قالت في سرها بغيظ و غل:- لا بقا اكيد سحرله
عمرو و هو بثبات:- صحيح... جلي عرض حلو هسافر اشتغل برا مصر
سحر:- مستحيل و هتسبنا
عفاف:- سافر يا ضنايا و متخافش على راضية دى بنتي الرابعة و في عينينا
راضية اتصدمت قلبها على وشك الوقوف معقول اكيد هيسبها و يسافر
عمرو مسك ايديها ضغط عليها و هو بيبصلها:- راضية هتسافر معايا هو مكان الست فين مش مع جوزها و بعدين انا مقدرش يوم يعدي مشوفهاش فيه
عفاف ضربت على التربيزة بغضب:- انت اتجننت عايز تسبنا و تسافر مع مراتك عايز تقطعنا يا عمرو اخص عليك اخص عليك و على البطن الى شلتك
ابراهيم بحدة:- عفاااف اكتمي دا مستقبله اي اتجننتي علشان تقفي قدام مستقبله
عفاف:- دا لو سافر مش هيرجع انا عارفه
ابراهيم:- ملناش دعوه
ابراهيم بص لعمرو برضا و هدوء:- سافر يا عمرو سافر قلبي و ربي راضيين عنك... بس اوع الغربة تنسيك اهلك
حنين و اخواتها بصو لبعض و بعدين لراضية
هارون كان بياكل في هدوء و فرحان ان عمرو هيسافر:- اخوكي كلمني... مش تقولي انه حدد معاد فرحه
خلود:- مكنتش اعرف يوسف مكلمنيش بقله فترة
هارون:- اكيد زعلان و لازم تصالحيه
عفاف سندت دقنها بايديها بتابع الحوار:- اه تقريبا بعد شهرين
ابراهيم:- الف مبروك يا بنتي عقبال ما نفرح بخديجة اخر العنقود
خلود بابتسامة:- الله يبارك فيك يا عمي شكرا
هارون:- و علشان كدا تطلعي تلمي هدومك و تجهزي علشان اوصلك يلا علشان الطريق طويل
خلود:- بتتكلم بجد
هارون:- هو انا بهزر في الحاجات دي هتقعدي عند اهلك لحد ما مكبورت الافراح الى عندكم يخلص يلا بقا قبل ما ارجع في كلامي
خلود قامت بفرح:- خمس دقائق و هكون جاهزة
خلود طالعت جري حضرت شنطتها و نفسها و نزلت هارون قام مسك ايديها و نزلو و عامر و هدير راحوا يودو عيالهم المدرسة لاول مرة في تاريخ عامر اول مرة يعمل حاجة في حياته عمرو اخد إجازة و قرر اليوم دا خروج و بس ف اخد راضية و خرجوا و ابراهيم قام
عفاف بتاكل بغل و غيظ هى و بناتها عدا تلات شهور في قاعة فرح بسملة كان كل واحد من ولادها ببرقص مع مراته عمرو و راضية هارون و خلود الى بتبتسم رغم التدمير الى جواها و التلات بنات فستاينهم نفس اللون اوفيت طبعا كل واحد مش شايف غير مراته
عفاف:- اه يا ناري اااه يا ناري
سحر:- يا ماما روقي الناس هتاخد بالها و خالتي جانبنا
عفاف؛- هموت هموت شايفة شايفين مسكها ازاى اي المسخرة دى ولا التاني الى فاكر نفسه في فيلم العاشق بصي بيلف بيها ازاى لا و التلاتة لابسين نفس لون فستان العروسة الى مبقتش ظهرة
حنين:- يا ماما هما بيرقصو مع مرتاتهم و عادي احنا في فرح
عفاف بصتلها و قالت بعصبية:- خدي البت دى من وشي اومال فين الشملولة التلاتة
سحر:- البيه خدها و راح الحمام تظبط طرحتها ف طبعا مينفعش تعدي لان في شباب ف قال يعمل مسلسل العشق الممنوع و راح معاها
عفاف قامت:- العشق الممنوع و انا موجوده والله لنكد عليها بس يصبرو عليا.... بقا دى الى من غير اهله اهل خطيبك بيحسبوها العروسة ماشي انا هفرجها بس اخلص من الفرح الاول
سحر صقفت بفرح:- ايوة بقا ارجعي مامتي الى اعرفها وريهم العين الحمراء هما فاكرين نفسهم مين
عفاف قامت و خرجت من القاعة حنين سند ايديها على خدها و بتتفرج :- اوعدنا يارب... بس شكلهم حلو والله
سحر قامت:- طب قومي ياختي ولا هنسيب البت لوحدها
حنين قامت برا القاعة
هدير خرجت من التواليت بعد ما ظبطت طرحتها و مكياجها
قعدت على الكرسي و قلعت جزمتها:- يغور الزفت
عامر :- هدير مش وقت هزار
هدير بثبات:- انا مقولتش ليك تجي معايا تقدر ترجع لفرح
عامر :- هنبدا
هدير:- استاذ عامر احنا لا هنبدا ولا بتاع روح الفرح و سبني في حالي..
عامر بسخرية:- استاذ
هدير:- مانت عرفت الى فيها و مفيش حد شايفنا علشان نمثل
عامر اتنهد بحزن و ركع قدامها مسك ايديها:- هدير سبق و قولت انى ندمان و اعتذرت و فهمت غلطي و انا لو مكنتش بحبك اكيد مكنتش هكمل معاكي طول العمر دا
عفاف:- نهارك اسود انت بتهبب اي
عامر ساب ايديها بسرعة و قام هدير ابتسمت بسخرية و مرارة
عامر:- ما تتهببي البسي الزفت هو دا وقت استراحة ست تافهة و قليلة عقل صحيح
هدير خرجت و الجزمة في ايديها دخلت القاعة بعد ما لبست جزمتها و رجعت مسكت ايديه علشان تعرف تعدي عفاف وراهم و على اخرها هدير كانت هتقعت لكن قامت:- اقولك اي يا حياتي تعال نرقص لحسن انا وحشني الرقص معاك عامر بصلها بهدوء و استغراب لكن قال بابتسامة هو مش مصدق نفسه:- يلا يا حبيبي حاج العيال في امانتك
ابراهيم:- في عينيا
عامر راح يرقص مع هدير تحت غضب و ذهول عفاف و سحر
عد اليوم بحزن على عفاف لاول مرة بسبب زوجات عيالها
تاني يوم بالليل في شقة عمرو في اوضة عمرو
راضية في التواليت و الفون بتاعها رن
عمرو اخد الفون من التسريحة شاف رقم غريب فتح الفون
ايوة يا حبيبتي كل دا غيبة عليا قلقتيني عليكي يا رورو... راضية.... انتي معايا هو جوزك معاكي ..........
اما في شقة هارون و خلود
خلود في المطبخ
هارون الفون بتاعه فجأة جاله رسالة من رقم مجهول على الواتساب
هارون بص لرقم باستغراب:- مين الرقم دا
هارون فتح الرسالة شاف فيديو لخلود و هى بترقص.........
تتوقعو هيحصل اي في البنات و هل حد ليه دخل بكدا
#يتبع