رواية احببت متلازمه داون الفصل العشرون 20 بقلم نوسه حمد
بقيت اقرا في رسايل علي وابكي كان كاتب لي انو حسام اشترا ليهو بيت لي مرتو ورحل ورحل امو معاهو وحسام بي خشمو قال انو مطلقك ي اريج لانو امو عرفت حقيقه حملك البي الحرام وكلام كتير.... و في رسايلو كان كاتب لي اريج م تزعلي انا قاعد بشيل همك
وانا بقرا و ببكي وهو ف الخط علي قال لي اريج اهدي ممكن قلت ليهو م قادره انا خسرت اي شي قال لي الا انا قلت ليهو علي انت عارف البينا اصلا انتهي وانا م بوعدك بي اي شي وانا هسي بمر بظروف م يعلم بيها الا ربنا انا ولدت ي علي وجبتا ولد والمشكله م هنا محمد ولد حسام ابوهو م جاهو واهلي كل يوم اتكلمو في موضوعو وفوق دا كلو اخواتي واخوي جو عشان اعيدو الضحيه هنا ومحسسني انو مضايقاهم علي قال لي اريج ممكن تهدي البكا م بجيب فايده قلت ليهو البكا حالي بقا وانا استاهل ي علي لاني كنت مفتريه شديد علي قال لي اريج انسي الماضي وتعال نبدا حياه جديده انا وانتي قعدت اضحك قلت ليهو بتهظر صاح قال لي لا م بهظر انا وزي م انتي مظلومه انا كمان مظلوم قلت ليهو كيف قال لي انتي عارفه اني واحد عند امي وامي قبل شهرين جاتا جلطه ف الراس وبقت راقده ف السرير وثويبه كلامها كتير وم محترمه امي نهاي وانا بمش الشغل بجي القا امي بحاله لا يعلم بيها الا ربنا وهي قاعده في غرفتها واليوم كلو تتكلم مع ضرتك وانا تعبت معاهَا قلت ليهو يعني انت عاوز تتزوجني عشان ابقا خدامه لي امك علي قال لي لا انتي فهمتي غلط انا امي بقدر عليها واشيلها في عيوني بس امي تكون مجدوعه في غرفه براها شينه في حقي وم بقدر اجيب لي خدامه ليها لاني م بضمنها وم بقدر اخليها بالحال دا لانو حالتها الفيها دي العلاج النفسي اهم وم نفسي امي تحس بالاهمال ان شاء الله لو ونستيها ساي بتكوني خدمتيني وانا م اكذب عليك فكره الزواج التاني في راسي وحاسي اني بحبك انتي وم قادر انساك الدنيا بعدتنا عن بعض بس حبي ليك ولا يوم م قلا وانتي م عارفه ثويبه دي اتزوجتها كيف قلت ليهو كيف قال لي اتصلت هي علي وانا الزمن داك بعد انتي بعدتي عني قلت ح اتزوج لانو بقيت ملتزم والعلاقات م بتنفع معاي اتجاهي واحد وكل يوم كانت بتتصل هي ويوم سألتها عن سبب الاتصالات الكتيره شنو قالت انها معجبه بي قلت ليها انا م علي الزمان انا اتغيرت وطريقي واحد لو انتي جاده انا مستعد اعرسك وم صدقت قالت لي موافقه وحصل الحصل بس ولا يوم م كنت سعيد معاها ولا حسيتا انها محترماني همها كلو الدنيا والناس زيها زي مرت حسام قلت ليهو معليش ي علي كل الحصل دا نصيب وانت اخدتو وانا كمان اخدت نصيبي قال لي وافقي وانا بوعدك نكون سند لبعض وانا صراحه نفسي امي تشوف اولادي وثويبه لسه م حصل ليها حمل قلت ليهو ان شاء الله ربنا برزقك بالذريه بس م مني ي علي انا ح انتظر حسام م عشان انا بحبو لا عشان ولدي م اعيش بدون ابوهو قال لي كلامك ع عيني وراسي وم بقيف قدامك بس انا م ح اغصبك ولا ح اتسرع نهاي ومنتظرك وقفل الخط انا بقيت مخلوعه من الدنيا وقساوتها م ممكن انا حياتي تنقلب لجحيم للدرجه دي حسام بعد اتعلق بي معقول انساني اكيد في حاجه رجعت لي علي قلت ليهو علي ممكن طلب قال لي طوالي قلت ليهو اديني عنوان بيت حسام قال لي طيب ووراني رحلو وين وقال لي انتي والده ي اريج م تطلعي قلت ليهو لا لازم اطلع انا اهلي ودوني للولاده وم قصرو مني وانا م عاوزه احسسهم انو حسام م عاوزني عاوزه امش اترجاهو يجي البيت ويسمي لي ولدو ويوم السمايه يطلقني لو عاوز عشان انا اهلي ح يشمتو علي وبالذات اخوي قال لي م تشيلي هم ي اريج انا بجيب ليك حاجات السمايه قلت ليهو لا ي علي انت م فهمتني انا عاوزه امثل زي زمان انو لسه هو راغبني وم يجدعني علي قال لي اريج انا خايف عليك وعلي نفسياتك والتمثييل كتر عليك قلت ليهو اعمل شنو دي عمايلي قاطعني في الكلام قال لي انتي براك م ناسيه الماضي عاوزه الناس تنساهو كيف المهم انك توبتي واتغيرتي قلت ليهو الحمد لله بس عقاب الدنيا لسه مواصل معاي قال لي معليش دا امتحان والدنيا كلها لو بقت ضدك انا معاك وانتي هسي م تتحركي انا زي م جبتا حسام اتزوجك ح اجيبو ليكم بكره ان شاء الله وقفلت منو وزهجت شديد معقوله حسام يتغير كده
تاني يوم علي جا ومعاهو حسام َجابو كل حاجات السمايه وحسام شكلو م ياهو اتغير شديد انا لمن قلبي موجعني ولا قال لي حمد لله على السلامه ولا سال من محمد ولدو ابوي فرح لمن حسام جا بس اخوي سمعو فارغ وكانو حسام م سامع وعلي اشيل واهدي في اخوي قلت لي ابوي عاوزه حسام دقيقه حسام جاني وكاني م كنت مرتو 😭قلت ليهو حسام مالك انت وكانت دموعي في عيني م ردا علي شلت محمد جبتو ليهو شالو بس كانو م شايفو وجبتا ليهو ولدنا برضو كانو م شايفو انا بقيت متجرسه وابكي قلت ليهو حسام مالك فشنو رد عليك الله برضو م ردا علي حسيت انو م طبيعي قلت ليهو حسام فيك حاجه نوديك لدكتور برضو م اتكلم علي جا داخل قلت ليهو علي حسام مالو قال لي دا نفسي سؤالي لي ثويبه وكان ردها انو دا حسام الزمان و حسام الفات كانت كاتباهو اريج قلت ليهو انا اكتبو لشنو قال لي خلاص ي اريج م تتعبي نفسك نحنا ح نمشي وابقي ع الاولاد ديل عشره واداني قروش قلت ليهو علي انا م دايره منك قروش انا دايراهن من راجلي وفايده القروش شنو وراجلي م واعي لي ولا لي اولادو قال لي ربنا يخفف عليك وساق حسام وفات انا حسيت نفسي ح انشلا اكيد حسام حاصل عليهو شي بس هو شنو م عرفتو.
يتبع..