رواية احببت متلازمه داون الفصل السادس والعشرون 26 بقلم نوسه حمد
بقيت افتش لي ولدي زي المجنونه وقلبي دقاتو زادت فجاه سمعت صوتو وهو بردد كلمه ماما ماما انا اتلفت عليهو لقيتو ماشي مع راجل وم كنت شايفه وشو وهو بحاول افك فيهو وهو مصر يسوقو وانا بقيت بكورك في الراجل عشان افكو ووصلت محمد ضميتو علي شديد المفاجأة الراجل الكان سايقو طلع علي ابوهو وعلي م شاف ولدو لانو خلاني حامل ولا محمد شاف ابوهو لانو كان بسالني منو بقول ليهو بابا مسافر علي لمن شافني انخلع شديد قال لي اريج انا انهجمتا وختيت يدي في قلبي لانو ضرباتو علت شديد عسي ولعل يدي الدافيه تخفف ضرباتو بس من غير فايده قلت ليهو كيفك قال لي كويس انا انتي كيف ودا منو البشبهني دا عاينت لي محمد وعاينت لي علي وسبحان الله شبه مبالغه انا كنت شايفه انو بشبهو بس م افتكرت اكون نسخه منو علي دموعو جرت وشال محمد ولدو وبقا ابكي زي الشافع محمد ولدي خاف شديد بقا اقول لي ماما ماما وانا حاولت افك محمد منو بس م قدرت علي كان متجرس شديد وبقول لي محمد انا بابا ي ولدي ومحمد ببكي شديد قلت ليهو علي فكو الولد ح يجن قال لي لا م ح افكو دا ولدي وانا غلبني ارد علي اي كلمه قالا عشان ولدي بفهم الكلام واقول شنو زاتو اقول ليهو انت اتهمتني وقلت دا م ولدك ولمن جا اشبهك حتي صدقت انو دا ولدك وم ح اقدر عشان محمد م ح ينسا اي كلمه بقولا وبالذات هو ذكي شديد هنا اتمنيت تحصل معجزه وعلي اكَون م حقيقه بس للاسف علي كان تصرفو تصرف زول مشتاق اشوف جناهو وهنا جاني احساس انو علي م ولد لسه بحاول افك في ولدي منو دكتور محمد واختي جو جارين افتشو لينا اختي لمن شافت علي لمن دمعتها جرت دكتور محمد قال لي اريج مالك فشنو ودا منو الماسك محمد دا علي اتلفت عليهو وكان معصب شديد قال ليهو انا ابوهو انت منو دكتور محمد بقا مخلوع قال ليهو رد انت منو انت الاتزوجت اريج صاح انت الكسبت جنه الدنيا وانا الخسرت كل شي وكان بتكلم كلام انسان كانو كان ضال ووعا للدنيا دكتور محمد قال ليهو قول بسم الله وكدي جيب الولد لانو خايف وعاوز امو علي بي نهره قال ليهو لا م ح افكو دا ولدي البهبشو ح اكتلو وبقا يسال فيني قال لي اريج الله يرضا عليك ردي م تخزليني م تكوني خونتيني واتزوجتي وم يكون نسبتي ولدي للراجل دا قلت ليهو علي ممكن تهدأ انا اخر راجل لمسني انت ودا دكتور محمد والباقي ممكن تهدأ ونبعد محمد من جو الحزن دا واحكيهو ليك دكتور محمد قال ليهو اريج كلاما صاح ادي الولد لي خالتو دي اتفضل معانا البيت نحنا اصلا ماشين وهناك تتفاهمو انت واريج علي م صدق كلام دكتور محمد انا قاطعتو قلت ليهو لا ي دكتور امش معانا بصفتو شنو دكتور محمد قال لي اريج ولا كلمه انا اخوك وولي امرك وامرك بهمني والحمد لله انو الصدفه جمعتكم وعلي شاف ولدو وانتي زي اختي ح تردي علي كلامي بالرفض قلت ليهو اكون قليله اصل انا م لقيت زول سندني بصدر رحب وباخلاص زيك قال لي العفوووووو عشان انا عندي دوام بكره يلا نرجع البيت وسال علي قال ليهو نحنا ف الطايف عندك مانع تمشي معانا قال ليهو انا من ايدكم دي لي ايدكم دي بس م تحرموني من ولدي دكتور محمد قال ليهو دا اسمو كلام مستحيل دا ولدك ويلا ارح عشان نحنا اتاخرنا اختي شالت ولدي من علي ومشينا لقينا اهلي منتظرننا بخوف لمن شافو علي لمن انخلعو وسلم عليهم وعلي كان ببكي زي الشافع وابوي بحترمو شديد بقا اسكت فيهو ويشجع فيهو بالكلام وكل الناس دي وقفت جنبو وم كانو عارفين انو علي اتهمني في ولدو انو جبتو بالحرام وصدق كلام مرتو ثويبه والقصدها كان تخرب بيتنا اصلا دكتور محمد ساقنا البيت ووصلنا بليل اولادي كانو تعبانين نامو الاتنين ف حضني وعلي كان بعاين لي ولدو بي لهفه وكان مركز معاهو شديد بس ولدي نهاي م حسيتو عاوزو لانو كل م يمسكو بفك يدو حتي وهو نايم مسك يدو فكاهو ومسكني بي يدو المسكها بيهو علي شديد كانو كان بقول لي انا عاوز احساس ماما بس ليهو حق لانو من هو في بطني احساس ابوهو جنبو فقدو من بدري وصلنا البيت ورقدتا اولادي في غرفتهم وأولاد دكتور محمد كانو محتارين في علي وكل واحد يغمز لي براهو قلت ليهم دا علي طليقي بقو مخلوعين وبصوت واحد قالو لي دا ابو محمد لانو يشبهو شديد قلت ليهم اي دكتور محمد رحب بيهو وطلب مني اكرمو مسافه استحما ودكتور محمد راقي شديد جاب لي علي غيار وقال ليهو غير مسافه اريج تحضر لينا الاكل هنا علي حسيتو اضايق من كلام دكتور محمد قال ليهو اريج لي تحضر الاكل مرتك وين دكتور محمد قال ليهو معليش م قصدي شي بس قصدي انها كانت زوجتك واكيد ح تكون عارفه البتاكلو شنو والما بتاكلو شنو انا هنا قاطعت كلام دكتور محمد قلت لي علي ويعني شنو لو حضرتو قال لي لا م تحضريهو انتي مالك خدامتهم قعدت اضحك واتزكرت انو هو جدعني وانا حامل ولمن جا لقا ولدو بفضل دكتور محمد كبير وبصحه وعافيه قلت ليهو علي انت م جادي طبعا انت مفتكرني ح اقعد مع زول ويصرف علي ساي انا كان لازم احلل اي لقمه دخلت خشمي وخشم اولادي واي انا خدامه علي من غير م يشعر قال لي لا ي اريج م بسمح ليك قلت ليهو انت منو عشان م تسمح لي انت البتسمع كلام واحده جاهله لي ربها وتعليمها كان في الفاضي انت البتطردني انا الاحتويتك واحتويت امك انت الكسرتني بعد الدنيا كسرتني الف مره وانا خدامه ي علي وح اخدم دكتور محمد دا طول عمري عارف ليه لانو دكتور محمد اتكفل بي ولدك وبي ولد حسام بي اي شي وم قصر منهم وانت مفتكرني ح ابعد منهم وانا راجل وزواج قنعت منو واحمد ربنا عندي راجلين علي ومحمد ديل ممكن ابيع نفسي عشان سعادتهم وانت ي علي ربنا يعدلها عليك علي اتوتر شديد وبقا اكورك قلت ليهو علي انت في بيت ناس ودكتور محمد تعبان وماشي ينوم ممكن تستحما وتمشي تنتظر معاهو لمن اجهز الاكل علي حمر لي وهنا حسيتو بغير علي شديد بس بعد شنو انا م ح انسا انو طردني
مشيت المطبخ وعملت الاكل والشاي بعد خلصو الاكل دكتور محمد ناداني قال لي اريج ممكن لو بتحترميني تقعدي قلت ليهو طيب ي دكتور وابوي كان قاعد سأل علي قال ليهو انت كيف ي ولدي اها ان شاء الله ربنا رزقك بي ولاده وثويبه كيفها طبعا ابوي ع نياتو هنا علي بقا ساكت وغلبو ارد وفهم اني انا م حكيت ليهو سبب طلاقي قال ليهو ربنا م قسم لي قال ليهو بركه في ولدك محمد بسندك وبشيلك وم تزعل ي ولدي ان شاء الله مرتك تحمل علي دموعو بقت في عينو قال ليهو ان شاء الله دكتور محمد قاطعو ف الكلام قال ليهو ي علي انت عندك مشكله ترجع اريج انا رديت عليهو م تابعت كلامي قال لي اريج معليش م تتكلمي لانو م سألتك علي ردا ليهو قال ليهو عندي استعداد والليله قبل بكره دكتور محمد قال ليهو جميل قال لي اريج عندك استعداد ترجعي لي علي قلت ليهو لا ي دكتور انا كده مبسوطه وسعيده وعايشه حياتي ولا انتو زهجتو مني قال لي لا والله بس انا سعادتك بتهمني اكتر قلت ليهو عاوز سعادتي خليني معاكم م ح ارجع لي علي ابوي قال لي اريج م تكسري خاطر الدكتور داير اطمئن عليك وانا زاتي داير اموت مرتاح اشوفك مع راجلك وولدك في حضن ابوهو وابوي دموعو جرت قلت ليهو يابا م تبكي عليك الله كفايه دموع نزلتهم خوف علي قال لي لو عاوزه عفوي ورضاي ارجعي لي راجلك ولو عاوزه تخليني اموت م مرتاح م ترجعي ليهو ولو م رجعتي ليهو نحنا بكره بنرجع السودان ابوي ختاني في خيار صعب جدا قلت ليهو اديني فرصه افكر واستشير اولادي علي قال لي م عندي مشكله ح انتظرك قلت ليهو طيب ومشيت حضنت اولادي وبقيت برجع في زكرياتي كلها وببكي صحيت الصباح صليت الصبح وصحيت اولادي صلو محمد قال لي ماما ماشين نصلي مع بابا محمد قلت ليهم طيب امشو صلو وتعالو طوالي عشان ترجعو تنومو م تعملو ازعاج قال لي حاضر ولبست الاسدال بتاعت الصلاه وبديت الصلاه فجاه اسمع ليك صوت محمد بكورك باعلي صوت تميت صلاتي وجريت عليهو لقيتو ببكي بكا شديد قال لي ماما الراجل جا هنا كان بقصد علي انا هنا قلبي انقسم قلت ليهو محمد دا بابا ومحمد بقا يبكي وعلي زاتو يبكي ويتحسر دكتور محمد مسك محمد وقال ليهو محمد دا بابا وخلاص تاني ح تعيش مع بابا ويا ريتو م قال ليهو كده محمد زاد زياده قال ليهو بابا دا م حلو م ح يجيب لي شكولاته زيك دكتور محمد قعد اضحك قال ليهو انت يعني بتحبني عشان انا بجيب شكولاته قال ليهو انت ابوي علي قعد اضحك قال ليهو دا ابوك وانا ابوك وم ح تتحرم منو وطلع ليهو قروش قال ليهو بكره نمشي نشتري شكولاته كتير محمد قعد اضحك قال ليهو شكرا وعاين لي ف وشي نظام اشيلهن ي ماما وانا م رديت عليهو وانفقع بالبكا وجدع القروش ابوي شال القروش من الأرض و بقا يحنس فيهو قال ليهو مالك بتبكي قال ليهو ماما قالت لي م تشيل القروش انا قعدت اضحك قلت ليهو محمد م تكذب انا اتكلمت قال لي لا لا م اتكلمتي بس عملتي لي كده😒 وبقا احاكي في صرت وشي قلت ليهو لا لا ي حمودي دا بابا شيل منو قعدت اضحك قال لي بصوت دلع ماما انا احبك وشال القروش ومشا فرحان جاب لي علي ود حسام من يدو قال ليهو دا بابا واداني قروش وانت م عندك وعلي ولدي بقا يبكي بكا وانا هنا اتمنيت اموت ولا اشوفو مكسور ومحتاج لي ابوهو علي ضماهو عليهو قال ليهو انا بابا وانت ولدي الكبير وبقا علي ولدي حاضن علي شديد حسيتو كانو بقول ليهو انا محتاج ليك يابا ومن هنا اخدت قرار ورديت عليهو قلت ليهو علي انا موافقه وعلي كان طاير من الفرحه اهلل واكبر وصحا البيت كلو وعمت الفرحه المكان ودكتور محمد قال لي بكره ح اشيل اذن من الشغل واعقد ليك قلت ليهو كويس واليوم داك اولادي مبسوطين بي علي اكتر مني وم اتكلمت معاهَو في موضوع ثويبه نهاي ولا سألتو وابوي ودكتور محمد عقدو لي وعلي جا وبارك لي وشال ولدو وضماهو عليهو واتصور معاهو صوره سيلفي وقال لي اريج عندك فيس قلت ليهو اي قال لي عاوز اعلن زواجنا عشان اهلي يفرحو معاي ويشوفو ولدي واتاقيك وريتو حسابي وكتب في حالتو متزوج وتاقاني وختا صورتو وهو حاضن محمد ولدو وكتب فيها اجمل حاجه ف الدنيا انك تتولد ثاني مره وقبل م ازح منو اول لايك جاهو من ثويبه وتاني لايك من حسام........
يتبع.