رواية احببت متلازمه داون الفصل الثامن والعشرون 28 بقلم نوسه حمد
اولادي كل واحد فيهم مشا رقد مع بنات دكتور محمد وعلي جا معاي غرفتي وم قعدنا سمح تلفون علي ضرب وكان المتصل حسااااام علي عاين للشاشه ورفع راسو عاين لي قلت ليهو دي ثويبه صاح قال لي لا لا اخوها قلت ليهو حسام قال لي في غيرو قلت ليهو قاعد يتصل عليك قال لي م بتزكر اخر مره سمعت فيها صوتو متين وغريبه يتصل علي احتمال زعل عشان انا رجعت ليك قلت ليهو لا لا م ح يزعل لانو انت اتزوجتني بعديهو وم زعل قال لي م كان عارف قلت ليهو ويزعل بصفتو شنو هو بالنسبة لي ماضي وابو علي ولدي وبس ولو م خايفه ع مشاعر ولدي كان كرهتو وم جبتا سيرتو من اساسو علي عاين لي بي غيره قال لي يعني انتي م بتكرهيهو قلت ليهو علي بطل غيره حسام بالنسبه لي ابو علي واسمو زاتو تاني م ح انطقو وحفاظا ع مشاعر ولدي ح احترمو وانت زوجي اي مشاعر حلوه تاني م ح احركها لي زول غيرك علي بقا اعاين لي بي رومانسية لمن وترني وبقيت ارجف قلت ليهو علي رد ع حسام ولا ارجع ليهو ضروري قال لي طيب علي رجع لحسام وحسام صوتو كان كئيب وشكلو كان ببكي ولا حزين ولا عيان م عرفتو قلت ليهو علي افتح الاسبيكر حمر لي شديد وفتحو حسام قال ليهو مبروك عليك والبركه الرجعت لي مرتك ومبروك ولدك ما شاء الله اشبهك قال ليهو اي والله شايف عاميل اختك كان طول الفتره دي مكذبه علي ومحسساني اني عقيم وبتنظر لي نظره استحقار وانا الغبي صدقتها وضيعتا عمري معاها حسام قاطعو قال ليهو انا م اتصلت عشان اعرف الكلام دا انا عاوزه اشوف ولدي علي قال ليهو والله ولدك م شاء الله كويس وبصحه وعافيه واحسن ي حسام تبعد منو عشان م تفقدو وانت عارف مرتك ومصايبها حسام بقا يبكي زي الشافع انا غلبني البعملو حسام قال ليهو علي انا م عندي غيرو وانا لازم اشوفو واحتويهو علي قال ليهو ماف مشكلة بس م اكذب عليك علي ولدك السودان م ح ينزل وكفايه عذاب لي اريج قال ليهو وانا كمان م برضيني ليها لكن دا ولدي ي علي حس بي انا لمن شفت صورتك مع ولدك اتمنيت انو ربنا م يفقرقكم من بعض واتمنيت الدنيا تجمعني بولدي زي م جمعتك انت بولدك قال ليهو ان شاء الله انا دموعي بقت نازله اتزكرت منظر علي ولدي وهو ببكي لمن عرف ابو محمد جا وهو م شاف ابوهو ومشتاق اشوفو ومن غير م اشعر بقيت ابكي وقلت ليهو تعال ي حسام خلي ولدك شوقو يبل بي شوفتك وحسام بقا يبكي ويبكي باعلي صوت خشمو م فتحو معاي واظن اهلو جو مخلوعين بقو يسألو فيهو وهو م ردا عليهم وبقا يردد كلمه انتو السبب وبالذات انتي ي مني حرمتيني من ولدي محمد وولدي علي ونحنا نسمع ف كلامو ثوييه قالت ليهو انت مجنون علي شنو الولدك انت واثق فيهو انو يكون ولدك وزي م غلطت معاك قبل م تتزوجها ح تغلط مع غيرك مني مرت حسام قالت ليها شنو شنو قالت ليها زي م سمعتي وم تعقبي ع الكلام النشوف الفضيحه الاحنا فيها دي وبقن ينهرن فيهو زي الشافع انا العبره خنقتني علي بقا يعاين لي ويسمع داير يقفل الخط قلت ليهو لا عليك الله قال لي دي اسرار اسريه قلت ليهو دا ابو ولدي علي بقا صاري وشو وساكت وحسام شكلو بقا جايط فيهم قال ليهن اريج اشرف منكن وانتن العملتنو اخير منو قله الادب ياخ انتي ي ثويبه م بتحسي مشيتي من هنا وخططتن عشان تفرقن المسكينه دي وبعد دا كلو عوض ربنا جميل لقت ناس احتووها وربت اولادها احسن تربيه وكفايه حدي هنا وانا وعيت ي مني ولا اقول ليك تقدري تقولي العمل العملتي لي فكا وعلي الطلاق تاني تفتحي معاي خشمك دا دقيقه م تقعدي ف البيت دا وبتي دي بجدعا زي م جدعتا غيرا وانتي ي ثويبه م ليك دعوه بي ولا بي مرتي وكل واحده تلزم حدها انا هنا حسيت فعلا انو دي خصوصيات قفلت الخط قلت ليهو علي معقوله امتحانات الدنيا وعذابا اجينا من نسوان قال لي وهو غير النسوان العذاب وين قلت ليهو انا راجل يعني قال لي انتي كمان م تنسي انك كنتي عاصيه بس اتعلمتي من أخطائك وبقيتي احسن من اي انسانه عاشت حياتها شريفه رغم انو كلامي زعلني بس حسيتو بضرب لي مثل في اصناف النسوان وفعلا كلامو صاح قلت ليهو انا الحمدلله ربنا يتوب علي قال لي ان شاء الله وتاني م ح افارقك ي روحي وعلي بقا رومانسي شديد انا الكنت شيطانه الكلام راح لي كلو كلو بقيت اتبسم زي الاول مره اشوفو وكانو م كان حب عمري ❤️❤️❤️❤️❤️
مرت الايام والشهور وعلي رحلنا من ناس دكتور محمد وانا قلبي مقطوع ع فراقهم بس قالو لي عشان سعادتك نحنا بنتحمل فراقك واجر لي قريب ليهم وهم متعودين علي شديد من علي يطلع الشغل خالتو احلام بتجيني ونقعد نتونس انا وهي وامي وابوي اولادي كانو مالين عليهو البيت وكان مبسوط شديد واخوي جا عمره هو ومرتو ونزلو معانا وكانو مبسوطين بي اولادي شديد ❤️❤️❤️
حصل لي حمل تاني مره من علي وكانو تؤام وعلي كان خايف عليهم شديد وم بخليني انزل من السرير وخالتو احلام وبناتا م قصرو مني اطبخو لي وانظفو واغسلو لي وحسستني كانها بترد لي ف الدين وانا م كنت خدامه معاهم وباخد راتب ولا دكتور محمد كانو ابوي وفعلا الناس معادن✋ ❤️❤️❤️
ومرت الشهور وولدتا بت وولد البت سميناها علي المرحومه ام علي سعاد والولد احمد علي ابوهو ❤️ واولادي كانو مبسوطين بي اخوانهم ولا علي الطاير من الفرحه💓💓💓💓💓
علي نزل صوره اولادو وكتب عليهم وتاني اجمل مافي الدنيا انو حبك الأول يهديك امك وابوك سعاد واحمد وتاقاني 💓❤️❤️
وعلي م كان جنبي كنت بعاين للتعاليق ومبسوطه والبوست اتملا تباريك وعلي كان برد ع الناس وانا زاتي بقيت ارد ع اي زول بارك لينا حتي اصحابي ناس الثانوي وشهد صحبتي كانت مسجله بورده الياسمين وانا م كنت عارفاها هي منو الا من التعليق كتبت( اجمل اتنين واجمل علاقه حب من الثانوي وقصه زواج رغم المعانا بس كانت ناجحه جداااا وانا فخوره بيكم اروجه وعلوش) وقالت لي علي تاقيها لي ف الكومنت دا عاوزاها تخمن انا منو علي تاقاني اول م قريت التعليق قلت ليها شهوده هل يخفي القمر رسلت لي ملصق ضاحك وكتبت لي ردي خاص ي اريج فاقداك وانا عرفت انك في المملكه وانا زاتي جنبكم عشان نتلاقا دخلت صفحتها وقبلت الطلب وكان اول منشور ليها صور اولادها ودخلت الرسايل ورديت عليها وبقينا نتونس ورجعنا زكريات زمان وكتبت لي رقمها وانا كمان وقالت لي انا ح اكون حاضره السمايه باذن الله ❤️❤️
رجعت للمنشور ولقيت اشعار لايك عملتو ثويبه عرفتها انها بتكون ناويه لي نيه كعبه وم سرحتا بي فكري سمح جاني اشعار بدردشه جديده لقيتا ثويبه وكاتبه لي رساله ( واعدم امي ي اريج م اخليك تتهني بي علي ولا بي اولادك الفرحانه بيهم انا ح ادمرك وادمر اولادك واحد ورا التاني) .
يتبع..