رواية احببت متلازمه داون الفصل الخامس عشر 15 بقلم نوسه حمد
حسام نزل من العربيه وكنت خايفه م يمسكني من يدي ومنظري ح يبقا شين شديد وحسام وسط اصحابو يبشرو فيهو واهلو كلهم مندهشين في العروس السايقا حسام ماف زول عارف الحقيقه غير علي واصحاب حسام وعمو العقدو علي وبقيت منتظرا حسام وجا نزلني وبقا ماسكني من يدي وانا قلبي وقف ودي كانت من اجمل اللحظات رغم اني عارفه انو حسام مجبور علي بس حسسني قدام الناس انو راغبني والناس كلها واقفه ومنططه عيونهم والمعازيم يتغامزو وثويبه لمن شافتني انخلعت قالت لي اريج قلت ليها مبروك ليك وكنت عاوزه احضنها بس رده فعلها نافره كانت وبقت تعاين لي وعاوزه تهيج بس علي قال ليها صوت المرأة عوره اوعك تعلي صوتك واختصر علينا نقه
امها قالت ليهو حسام دا منو قال ليها دي اريج مرتي امو كانت تقع من طولها قالت ليهو جنيت انت ي حسام مرت شنو انت متزوج وبي مرتك قال ليها الشرع حلل اربعه يمه وم تكتري كلامك دي مرتي باركو ليها ولو م عاوزنها اصلا م فارق معاي رايكم واصلا م ح تعيش معاكم وقعدني في الكرسي وثويبه زعلت شديد بس علي منعها تتكلم والناس جو اباركو لي ام حسام بقت قاعده وممحنه ومرت حسام اظنها كانت ف الكوفير وجات قاشره وجايه من بعيد تبارك لي ثويبه لقت حسام قاعد جنبي قالت ليهو حسام دي منو قال ليها دي مرتي التانيه البت بقت تكورك وتجوط ودايره تضرب حسام لمن حجزوها منو وقبلت علي انا دايره تدقني مسكتها ليك من شعرا قلت ليها قسما عظما ي بت الناس تلمسيني الا اكتلك ونرتاح منك انت مكشوفه حال ولا شنو راجل اتزوج فيك بتكوركي مالك ع الاقل خليك انثي اصدمي ادلعي لكن تمسكي راجل وتقولي دايره تضربيهو والله انتي مسترجله والناس بقو مخلوعين حسام قال لي جنيتي انتي فكيها قلت ليهو تقعد ساكته م تمد. يدها مرتو قالت لي استني استني انا عرفتك انتي منو وقبلت ع ثويبه قالت ليها ياها دي الكانت...... طوالي ثويبه ختت يدها في خشمها عشان الناس م يعرفو انو انا كنت حبيبه علي ومرت حسام. كانت بتتصرف بي زعل الناس بقو جايطين لمن جو الرجال سكتوهم وفرقو الناس علي ساق مرتو وفات وانا حسام كراني من يدي ودخلني غرفه قال لي دا شنو انتي جنيتي اقسم بالله تاني تكرريها الا اطلقك قلت ليهو طلقني لكن م بسكت لي زول انا استحملت مشاكل اهلي ونقتهم وانت كنت السبب في كده ودايرني اسكت تاني م بسكت خلي اهلك يصمو خشمهم انا م بسال زول امو جات داخله قالت ليهو مرتك دي تسوقا تاجر ليها انا م عندي ليها محل ولا تسكن جنبي قال ليها اسكنها وين م بقدر ااجر انا قدر البشتغلهم بصرفن عليكم وم بقدر اصرف ع بيتين وحق ايجار قالت ليهو وقت م بتقدر معرس تاني ليه قال ليها قسمه طلعت منو ولحقا قال لي اريج لو سمحتي اقعدي بهدؤ م تعملي مشاكل قلت ليهو حاضر عشانك بس وبقيت قاعده منتظرا اشوف مصيري شنو
بعد ساعه حسام جاني قال لي قومي قلت ليهو وين قال لي ح اوديك بيتكم قلت ليهو شنو شنو م بمش والله داير اهلي اقولو شنو قال لي اريج م توتريني كفايه ضغوطات علي انتي من جهه وامي من جهه ومرتي وبتي من جهه انتي اعمل شنو راسي ح ينفجر وكان متوتر شديد وزهجان قعد ف السرير وبقا خاتي يدينو في راسو انا اتاثرت جيت قعدت جنبو قلت ليهو حسام معليش م ردا علي فكا يدي وقام قال لي ارح بتاع العربيه دا منتظرنا قلت ليهو بس ي حسام شينه ارجع بيتنا خلينا نمشي اي محل ع اساس ماشين شهر عسل قال لي انتي مجنونه شهر عسل شنو قلت ليهو حسام نحنا بنمثل خلينا نمثل للنهايه ومنها تطلع من جو التوتر دا قال لي انا بكره شغال م بقدر امش محل قلت ليهو م ضروري نمشي محل بعيده اجر لي شقه هنا ف الخرطوم وبكره امش شغلك قال لي اخليك براك عشان تجيبي ليك راجل ف الشقه قلت ليهو الله يسامحك ي حسام مالي الدرجه دي والله قال لي اريج نسيتي انك حملتي مرتين ولا كل مره اقعد اذكرك كده قلت ليهو انا م نسيت ولا ح انسا ودفعت التمن قال لي دفعتي براك هدا انا متورط معاك قلت ليهو خلاص البقا بقا وانت السبب عشان بنات الناس م لعبه قال لي اسكتي وارح نمشي نبيت في بيتكم قلت ليهو طيب
طلعنا ومشينا البيت وحسام نزلني وقال لي شوفي الوضع واتصلي علي عشان م اخجلك قدام اهلك دخلت ولقيت امي معاها النسوان وخالاتي اتونسو لمن شافتني لمن انخلعت قالت لي سجمي ي اريج طلقوك.