رواية احببت متلازمه داون الفصل السابع 7 بقلم نوسه حمد
وعيت وانا ف المستشفي وحاولت افتح عيوني خوفت من ابوي وهو كان واقف جنب امي ويشاكل فيها وشكلو عرف الحمل وامي كانت تبكي قال ليها دي تربيتك بتك تحمل وانتي كنتي وين ي استاذه قالت ليهو بتك انت الدلعتها انت الطلعتها لينافي راسنا واي شي تعملو ليها قال ليها احساسي اتجاها انو م احساس خمج دي بتي الحتاله وم كنت شايفها كبيره ولا كنت ح اشوفها كبيره وكل م اعاين ليها بشوفا طفله محتاجه ابوها يجيب ليها الدايراهو وم عندي غيرا اخواتا عرسو وكل واحده في دوله اتصال م بتزكرونا وف السنه مره اخوها هاجر وطبعو زيو وزي اخواتو وهي الوحيده الجنبي دايراني اعاملا كيف وريني واللوم عليك انتي امها ليه م وريتيها ووعيتيها م فاضيه ليها تلفونك مع جاراتك واهلك م بنزل من اضانك وبعد تكملي بالتلفون بتمشي ليهن عديل وفوق دا كلو تحضري ليك في مسلسلات هنديه كلها كلام فاضي وكم مره حزرتك قلت ليك البت دي في طور مراهقه م تخليها تحضر معاك المسلسلات دي قالت ليهو مسلسلات شنو الكعبه دي عاديه قال ليها عاديه بالنسبه ليك لانك متزوجه بس هي بت في طور مراهقه كيف تحضر المناظر الكل م اجي داخل بلقا لي منظر شين قالت ليهو بتك زاتا م بالحيل ع المسلسلات شوف غيرا ولا اقول ليك اتزكر ماضيك ابوي طاخ اداها كف انا قومتا مخلوعه قلت ليهم عليكم الله كفايه ابوي قبل علي وبقا اضرب فيني لغايه م الدم طلع بي خشمي ونخريني والدكاتره اتلمو فينا قالو ليهو دي مشاكل عائليه حلوها بعيد من هنا وطلعونا من المستشفى وكنت خايفه من ابوي شديد
بس اعمل شنو الله انتقم من حسام دمرني انا كان مالي ومال الحب ي ريتني قريت قرايتي ودخلت الجامعه واتخرجت وسيد النصيب ح اجيني بس حلمي ضاع الوحيد الكان نفسي اتكلم معاهو علي نفسي افضفض ليهو انا تعبت وابوي منعني المدرسه وثويبه ووعد نهاي م جوني وعد عرفت بي حلمي وخافت وثويبه حسام بكون منعا مني ومرت الايام وزميلاتي نزلو الامتحان وانا اتحرمت منو وابوي بقا من البيت م بطلع وامي زاتا انا كنت بشوف منظر الطلاب وهم شايلين كتبهم ومتجهين ع الامتحان كنت ببكي وبتحسر وبراي جبتو لي روحي وكل مره بطلع اتاوق بالحيطه عشان المح علي لغايه م يوم امي وابوي جاتهم وفاه في حله تانيه وفاتو وحزروني م اطلع انتظرتهم طلعو ولبست لي عبايه ونقاب ومشيت مركز امتحانات الاولاد ووقفت انتظرت لمن علي طلع شفتو من بعيد كوركت ليهو كانو معاهو اصحابو وعلي اتغير شكلو بقا ملتزم حتي نبره كلامو اتغيرت قلت ليهو علي انت ليه قفلت تلفونك قال لي اريج انا م عاوز تلفون نهاي انتي كيف قلت ليهو م كويسه ي علي محتاجه ليك قعد اضحك قال لي انتي نسيتي كلامك الرسلتيهو لي وعلاقتنا تنهيها بي مرسال م تتصوري انتي كسرتيني كيف قلت ليهو علي م قاصده اعفي لي قال لي انا عافي ليك لمن اموت بس تاني زي زمان مستحيل نرجع قلت ليهو انا م عاوزاك تحبني انا محتاجه ليك جنبي قال لي ان شاء الله تلقيني اخ ليك قلت ليهو م قصرت ي علي بس ح تفضل حبيبي الاول قال لي وانتي كمان ومبروك النقاب اخيرا التزمتي قلت ليهو لا م التزمت لبستو من الناس قال لي الناس وهم متين الناس بفرقو معاك قلت ليهو اتغيرت انا ي علي قال لي م شاء الله الحمد لله انك اتغيرتي والامتحان جا كيف اها ماشه بي وصيتي ولا كالعاده مطنشاني قلت ليهو علي انا م امتحنت وكانت دموعي عشره عشره ورفعت النقاب وكان وشي باهت ومعالم وشي البريئه كلها راحت علي انخلع قال لي اروجه مالك بتبكي ومالك فشنو المات ليكم منو ولا مالك انتي عيانه ولا فيك شنو قلت ليهو انا م كويسه محتاجه ليك جنبي وم نزلت امتحانات ابوي منعني قال لي كيف ابوك امنعك وفشنو ي اريج قلت ليهو في حاجات كتيره حاصله وانا عاوزاك جنبي انا ح اموت ولا ح اكتل نفسي قال لي ي بت تفي الكلام دا من خشمك م تقولي كده والطريق قدامك انتي بس اتفائلي خير قلت ليهو انت بقيت انصاري ولا مالك قال لي انا الحمد لله التزمت ي اريج ادعي لي اثبت علي كده قلت ليهو ان شاء الله ي علي قال لي انتي مالك احكي فيك شنو ي بت الناس قلت ليهو م كويسه ونحنا ف الشارع والكلام العاوزه اقولو ليك ف الشارع م ينفع ارح مكان م فيهو زول قال لي طيب انتي اسبقيني ع البحر انا بجي وراك وم تتكلمي مع اي زول قلت ليهو طيب ومشيت قعدت تحت البحر وانتظرتو جا قلت ليهو اقعد ي علي انا غلبني البعملو ومن غير م اشعر ولأول مره اترميت في حضنو وهو حاول يفكني بس انا كنت موجوعه قال لي اروجه اهدي ومسح لي دموعي قال لي دموعك دي غاليه ي اروجه م تبكي في شنو احكي لي انا ممكن اساعدك قلت ليهو انت اقيف جنبي بس قال لي طيب اها احكي لي قلت ليهو قبل احكي ليك ي علي توعدني انو الكلام البقولو ليك م يطلع مننا الاتنين ولا تغير وجهه نظرك مني قال لي اوعدك والله احكي وقولي م تمسكي في قلبك انا معاك ووعد م ح اخزلك واعتبريني اخوك ي اريج اها فشنو قلت ليهو زي م قلت انت هسي اخوي ووريني اتصرف كيف قال لي فشنو وريني قلت ليهو علي انا حامل......
يتبع..