رواية احببت متلازمه داون الفصل الثامن 8 بقلم نوسه حمد
*الحلقه دي بالذات ح اكشف فيها احداث حصلت حقيقيه م خيال 👌👌👌👌*
قلت ليهو علي انا حامل 😭قال لي اروجه بطلي هظار قلت ليهو دي حاجه م بهظرو فيها جد انا حامل علي بقا مخلوع وم قادر استوعب الكلام القلتو ليهو نهااااي قال لي اريج قبل اقول ليك دا منو العمل كده بس دا الخليتني عشانو غشا عليك واكل مخك قلت ليهو علي أقسم بالله انا كنت م واعيه هو ختا لي حاجه ف العصير قال لي والكلام دا كان وين قلت ليهو في بيتو قال لي كمان مشيتي ليهو في بيتو انا كم مره نبهتك م تطلعي من البيت انتي م بتسمعي كلامي ودا منو ي اريج اقسم بالله اكتلو انا انخلعت قلت ليهو لا لا م بوريك قال لي لازم توريني لانو انا خلاص فاض بي قلت ليهو علي بدل تكتلو هو هدي انا جنبك اكتلني انا موش انت قلت لي اعتبريني اخوك انت هسي في اللحظه دي اخوي وانا غلطت غلط انزل راسك الارض اكتلني ي علي وارميني في البحر دا انا والله دايره اموت قال لي انا لو اخوك م بكتل لي روح ممكن اكتل نفسي عشان قصرت في حقك وخليتك تطلعي بمزاجك وم بفرق معاك شي وانا حزرتك ي اريج بس الحمد لله قال لي وريني ي اريج الزول انا م بكتلو بخلي اجي يعقد عليك قلت ليهو رفض وشاكلني وقال لي تنزلي الفي بطنك وانا دي روح م بكتلا قال لي اكيد الفي بطنك م عندو ذنب انتو ح تشيلو ذنبو ي اريج ولا حول ولا قوة الا بالله العلي العظيم قلت ليهو شوفتا ربنا بحبك كيف بعدني من طريقك عشان انت م تستاهلني قال لي ي ريتك كنتي معاي م كان خليتك غلطتي كده كان نفسى تكوني حبي الوحيد وبعد ننجح اخطبك واسوقك من يدك الجامعه وتكون قصه حبنا احكو بيها بس للاسف احتمال اكون دا نصيب الفي بطنك دا قلت ليهو انا م سعيده عشان الدنيا تفرحني كنت مفتريه وم متواضعه وانكسرت لاني ياما كسرت ناس بابسط الكلمات 😭😭😭💔💔💔
قلت ليهو علي قوم علي قرايتك وان شاء الله ربنا يوفقك انا كان نفسى الاقيك عشان افضفض ليك قال لي ي ريتك م لاقيتني نفسي انسدت من الدنيا قال لي اهلك عرفو قلت ليهو اي قال لي شعورهم شنو قلت ليهو امي قالت نطلع الجنين انا رفضتا قال لي دا م حل وابوي بقا يشاكل في امي كل دقيقه عشان اهملت فيني وم ربتني قال لي م نعيد الماضي بس انا كنت ملاحظ علي انك م عندك مشكله مستعده اليوم كلو تكوني برا البيت وانا الولد دا امي مرات لمن اتاخر بتلحقني ودا م بعني انو انا صغير انا كبير بس في نظرها لسع صغير وخايفه علي من الزمن واولاد الزمن والتعاطي والزمن اتغير ي اريج محتاج ام مفتحه وفاهمه الدنيا بساطه ناس زمان والاطمئنان للمجتمع فاتت مع الناس الكبار هسي الزمن دا فيهو خساسه م طبيعيه بس ف النهايه دي قسمتك قلت ليهو الحمد لله وقومتا منو قال لي اروجه ممكن طلب قلت ليهو شنو قال لي الفي بطنك م تنزلي م عندو ذنب قلت ليهو ان شاء الله ومشيت منو وقلبي مقطوع علي العملتو خليت انسان بحبني وسلمت نفسي لواحد داير العب بي وانا م ذكيه كيف اقول لي تعالي البيت نتونس لو داير اتونس كان بالتلفون اتونس بس دا داير يدمرني والحمد لله ع القسمه ومشيت البيت زهجانه شديد قريب للبيت لاقتني اريج ووعد من شافني عملن نفسن م شايفتني وانا دا اصعب احساس عشتو في حياتي انو صحباتي م اتقبلني ومن حقهن لاني انا في نظرهن قليله ادب والله اجازي الكان السبب دخلت البيت لقيت ابوي منتظرني بالخرطوش ولما فيني ضرب لمن روحي دي طلعت قلت ليهو ي ريتك عملت كده من زمان ابوي كان متوتر شديد خوفتا عليهو تجيهو حاجه قال لي امي جهزي نفسك ماشين الغرب قلت ليهو لشنو قال لي شارد بالفضيحه العملتيها لي امي قالت ليهو دي منو البتسكن في الغرب قال لي ولا كتر خيرك وانا م بستشير فيك انا كلمتكم عشان تجهزو بس وعندي شغله في العربيه دي ح اعملها لانو ح نسافر بيها امي زهجت من كلام ابوي خلتو طلع وقبلت علي شي ضرب ونهير وانا احساسي مات بقيت م بفرق معاي شي
تاني يوم قومنا اذان الصبح ومشينا الغرب والبلد نهاي م راكبه لينافي راسنا رغم انها فيها طبيعه جميله شديد ابوي اشترا لينا بيت وامي قالت لي الجيران بتي دي عرسها ود عمها وجنو سكر وبنقو وفاضحه في الحله لمن جاتا نفسيات ابوها قال احسن نمرق نخلي ليهو البلد وجينا هنا الغرب
مرت الايام وكل زول ف حالو ابوي وامي الاتنين دا كرهان دا وانا كنت سبب في تفريق قلوبهم وانا زاتي كرهوني
مرت الايام والشهور وولدتا جبت لي بت وكانت روحي تطلع فيها بس ابوي حرمني منها اداها لي مره كبيره تربيها واداها قروش ودفع ليها البيت الاشتريناهو وانا كنت ببكي علي بتي دايره ترضع ومنعوني منها وكل م اشوفا تبكي قلبي يوجعني والمره كانت همجيه خوفتا بتي تموت لي بتي قلت لي ابوي خليني هنا في الغرب اربي بتي م بخليها وراي قال لي م علي كيفك ومرت الايام ورجعنا البلد واتخلصنا من الحمل وانا نزلت مدرسه ودفعتي بقو في الجامعه وحسيت بنفور من اغلبيه زميلاتي لانو كلهم عرفو اني كنت حامل كان نفسي اشوف علي بس شكلو خلاص مشا الجامعه وشقا طريقو وانا قلبي بقا ميت وكنت م بفرق معاي شي واتعرفت علي استاذ جابو لينا جديد حسيت بيهو مهتم بي شديد قلت خلاص دا الحا يطلعني من جو النكد دا وكنت مبسوطه انو في زول بهتم بي وابوي كان محرص علي من البيت للمدرسه والمدرسه للبيت والاستاذ اسمو شاذلي وكان بطلب مني الاقيهو بس م بقدر وكان بدينا حصص نهايه اليوم عشان اخلي البنات اطلعن واقعد اتونس معاي وانا حبيتو شديد وهو رومانسي شديد وكان طوالي بقرب مني وانا كان م عندي مانع لقايه م يوم حصل نفس الحصل لي مع حسام وشاذلي كان مخلوع قال لي انتي متزوجه حكيت ليهو بالحقيقة وحسيتو انبسط قال لي انا م ح اخزلك ح اتزوجك بس عشان م نقع في نفس مشكلتك ح اجيب ليك حبوب منع حمل.............
*ي جماعه الروايه دي م خيال الاحداث الفيها حقيقه ودي واحده من القروب دا قالت لي بما انك بتكتبي روايات توعويه احكي قصتي بنفس اسلوبك في الكتابه ممزوجه مع خيال قالت نفسها الغلط الوقعت فيهو هي م يقع فيهو زول تابعو الروايه للاخر وشوف البت دي حصل ليها شنو يسبب الانفتاحيه الزياده عن اللزوم..
يتبع..