رواية احببت متلازمه داون الفصل الرابع عشر 14 بقلم نوسه حمد
ابوي من شافني معاي علي وحسام قام علي حيلو واستلمني عاوز يضربني علي مسك منو الخرطوش قال ليهو اهدا ي حاج م كده قال لي كمان جايبه لي اولاد الحله علي قاطعو قال ليهو جينا نريحك منها ي عمي ونطلب يدها ابوي بقا مخلوع وامي زاتا ولمن الخرطوش وقع من يدو وبعد كان معرق وبرجف كلام علي خلاهو هادي حسيت كانو دا هم وانزاح منو وهو لسه م اتكلم ولا نطق بحاجه بس رده فعلو كانت ظاهره ابوي قال ليهو خير ي ولدي موش انت ود فلان وعرسك قريب قال ليهو اي وجينا نخطب اريج لحسام دا اخو مرتي وصاحبت اريج هو متزوج بس قال عاجباهو اريج حسام بقا محمر لي علي نظام انو م دايراني انت الغاصبني ابوي م صدق وفضلهم جوه وساق امي عشان تكرمهم
علي قال لي حسام مالك زعلان ولا كلامي غلط كنت معجب بيها ووعدتها انك تتزوجها هسي مالك غيرت رايك قال ليهو لا مافي شي المهم ابوي جا وحسام اتكلم معاهَو وقال لي رايك شنو ي بتي قلت ليهو موافقه ي ابوي عشان ترتاح مني حسيتو متاثر قال ليهم خلاص جيب اهلك وتعاال حسام قال ليهو لا انا متزوج بت خالي وم برضو اهلي بزواج تاني
انا جبتا معاي علي عشان م ح يوافقو لي ابوي قال ليهو كيف الكلام دا داير تتزوجها ف السر انا م موافق علي قال ليهو م قصدو ف السر ي عمي ح يجيب معاهو عمو واصحابو وانا بس ناس امو م ح يوافقو وانت عارف امور النسوان دي علي حنس ابوي وامي قالت ليهو وافق م تقيف في سعاده بتك ابوي بقا سرحان وشكلو اتزكر موقفي واني م بت وانا كان نفسي اطمنو واقول ليهو دا السبب في اي شي بس خوفت ابوي اكتلو وعلي وحسام اتفقو انو اجيبو ليناالشنطه والحاجات وبجي يسوقني بس بعد العقد واهلي وافقو امي قالت ليهم ادونا زمن قالو ليها لا وانا عرفت فهم امي
ابوي وامي شايلن هم الولد وانا الوحيده العارفه انو هو م عندو مشكله لانو هو السبب وغالبني اكلمهم لغايه م امي فاتحتني في الموضوع قلت ليها م ح يطلقني قالت لي نمش لي دكتوره ولا اي محل رفضت ليها وقلت ليها لو طلقني م مشكله
بعد يومين علي جاب لينا الحاجات وم قصر شكلو قايم بالموضوع دا براهو ونسا عرسو وانا كان قاطع قلبي كل م اشوفو اتحسر علي الراجل ود الرجال البدلتو بي اشباه الرجال بس كلو قسمه ونصيب وامي قالت لي تنحبسي وتعملي الكريمات ديل عشان هو متزوج وح يقارنوك بي مرتو قلت ليها م جايبه خبر انتي المهم سمعت كلامها وانحبست وقلت لازم م احس انو حسام متزوجني غصب ولا ح اخلي يعاملني ع الاساس دا بي شطارتي بجزبو لي بس مرتو سمحه لكن م اسمح من نفسي وبقنع في نفسي بالكلام دا واخواتي دقو باركو لي لكن اخوي من اليوم داك تاني م اتصل علينا شكلو مصدوم من كلام امي
مرت الايام ويوم زواج علي وزواجي قرب وابوي عزم الناس كلهم وقال ح يعمل لي عرس عديل وعلي قال لي بحجز ليك مع ثويبه قلت ليهو لا ح تخرب عليك فرحتك وم بعيد نتشاكل هناك بخلي حسام اتصرف
ولاول مره اتصل لحسام ردا على قلت ليهو حسام ح تحجز لي البس وين قعد اضحك قال لي نفسك فاتحه كمان دايره تلبسي قلت ليهو حسام كيف يعني انا عروس قال لي اريج م تستهبلي انتي وانا وعلي عارفين العرس دا كيف ودا عرس ف الورق بس وقدام الناس لكن انا بتمني الموت وم اقرب منك قلت ليهو لا ي حسام انا وانت بنحب بعض وانت وعدتني بالزواج ومهما كان انا م ح اخت ف بالي انو زواجنا غصب قال لي اريج انتي اظنك جنيتي انا اتزوج لي واحده حملت بالحرام مرتين قلت ليهو حصل وانت الكنت سبب واتحمل نتايج غلطك زي م انا اتحملت الحمل والاهانه والزله من اهلي قال لي اهلك هن المفترض اتهانو وانزلو عشان فاكنك ساي كانو قلت ليهو حرام عليك ي حسام اهلي م عندهم ذنب دا شيطاني وشيطانك السبب وخلاصه الموضوع انا عاوزه البس م بمش معاك بي توب بس قال لي تمام البسي ف المكان البريحك بعد اجي اسوقك بحاسب انا قلت ليهو م ع القروش ابوي قدرها بس انت راجلي ولازم تعرف الخطوات الحا اعملها قال لي والله كلام ي اريج وضحك ضحك استهتار بس قلت م بستسلم لاني كده كده معنوياتي محطمه ودايره اقفل منو قال لي م تتصلي كتير لانَو مرتي ح تعمل درامات قلت ليهو طيب لمن تشوفني قال لي الله كريم بكونو الناس قاعدين بهدوها وح تقتنع قلت ليهو طيب شهر العسل وين قال لي عسل شنو ي بت انا نظره تانيه م بديك ليها خلي كمان انفرد بيك قلت ليهو حسام بطل ياخ نحنا موش زواج تمثيل نمثل للنهايه واقسم بالله زي م انت كرهاني انا زاتي كرهاناك وخفت ع اختك وعلي وزواجهم الحا يبوظ وانا لو م متخلفه وهبله وغبيه اخلي علي الراجل البسد عين الشمس واباري لي واحد كذاب قال لي انما ع نياتكم ترزقون قلت ليهو فعلا اختك عشان م اظلمها نيتها م كعبه ببس برضو ف نظري شلابه هي الوحيده العارفه علي بحبني وبموت فيني م صدقت اننا افترقنا ومشت حنكتو بس نجيضه حنكتو للحلال عكسي انا اتحنكت للحرام قال لي اختصري نحنا معانا ضيوف قلت ليهو طيب وقفلت الخط اتصلت على بت اهلي وحجزت لي ف كوفير قلت ليهم عاوزه البس جدله قالت لي بظبطك
وال١٥ يوم دي فسخت فيهن لوني لمن م عرفت نفسي وحسام زاتو ح ينخلع وانا اصلا جميله لوني اسمر ومتوسطه الطول والصحه وعيوني عسليه وشعري طوال كنت احلي واحده ف المدرسه بس الغرور هو الدمرني لكن الحمد لله عدت ع خير وح اتلم ع راجل رغم انو زواج ورق بس احسن لي
ومرت الايام وجا يوم العقد وانا مشيت الكوفير وعقدي كان الصباح ح يسوقني حسام العصر بيتهم وانا ف الكوفير اتصلت علي امي وكلمتني بالعقد اتصلت على حسام قلت ليهو مبروك قال لي ع شنو قلت ليهو انا مرتك والاتمنيتو لقيتو قال لي ايوا كويس انا م فاضي لي كلامك دا انا معاي ضيوف قلت ليهو شنو شنو م عندي شغله ف ضيوفك المعازيم منتظرين انك تجيني من الكوفير قال لي تعالي براك قلت ليهو حسام عليك الله تم التمثيل للنهايه عشان منظري قدام الناس قال لي طيب ودقايق جا ساقني من الكوفير وبتاعت الكوفير كانت تزغرت لي ومبسوطه حسام جا داخل خجلني كراني كر كان داير يوقعني ع خشمي بس استحملتو والناس محتارين وكانو معاهو اصحابو قال ليهو مبروك والله طلعت عزال وهو في وشي م عاين وم اشتغلت بيهو لغايه م وصلنا البيت ودخلني جوه واستاذن عشان عرس اختو قال لي بجي اسوقك بعد انتهي العرس قلت ليهو طيب وانتظرت العصر اذن واتصلت عليهو قلت ليهو ارح سوقني عشان ادخل مع ثويبه سوا قال لي اي عاوزه تجلطي امي ومرتي صاح انتظري لمن ناس ثويبه اقعدو واباركو ليهم الناس تاني بجي اسوقك وكنت منتظراهو عشان اشوف نظره ثويبه بعد تشوفني شنو
لغايه م حسام اتصل على قال لي انا برا جيت اسوقك قومتا عدلتا نفسي وبنات اهلي م قصرن واحده تبخر فيني وواحده تعدل لي في مكياجي وواحده ترتب لي في حاجاتي رغم انو زواج تمثيل بس عشتا اللحظات البتحلم بيهن اي بت وحسام جا داخل ولقاني براي قال لي ارح اطلعي قلت ليهو حسام اطلع شنو عاين لي في وشي قال لي اريج اختصري انا م فاضي ارح ياخ خليني انتهي من الحوار دا قلت ليهو م عاوزه حاجة غير تعاين لي ممكن قال لي اها وم ركز معاي قلت ليهو حسام دا م تمثيل انا مرتك وربنا بسألك قال لي اها قومنا للنقه ياخ مالك ومالي خلي ربنا يعذبني بعدين بس ارح ي بت ولا افوت ومن غير م يشعر عاين لي حسيتو مندهش بس لسه مكابر والبنات برا اغنن ويزغرتن وطلعنا وودعتا اهلي ومشيت وحسام كان مرتبك شديد واصحابو وصلونا البيت ووقفو العربيه ف نص الحوش ونزلو وشغالين اقولو ليهو ابشر ي عريس واضربو في السلاح والناس دي كلها قامت علي حيلها ومن ضمنهم ثويبه..
يتبع.