رواية احببت متلازمه داون الفصل التاسع عشر 19 بقلم نوسه حمد
اتصال علي خلاني لا في السماء لا في الأرض م كنت متوقعاهو م قادر ينساني اتفاجأت شديد بس انا اتغيرت وشديد كمان لازم اتجاوزو علي قدر م اقدر وبالذات انا عاوزه الد وح تكون عندي اسره وحظرت رقم علي
مرت الايام وحسام اخبارو انقطعت مني حتي ولدو م جا اسال منو حاولت اتصل عليهو م برد علي احترتا شديد لاني بقيت ع وش ولاده وم ح اقدر اطلب من اهلي انهم يجهزو لي اخواتي جو من السعوديه واخوي جا من بريطانيا واتزوج ليهو واحده من هناك وامي وابوي زعلو منو شديد واصلا انا كان زعلان مني وسلام الله م بديني ليهو م ركزت معاهو شديد حاولت اقرب منو بس كان بعاملني بقساوه استحملتو عشان هو اخوي لغايه م يوم لقيت مرتو تتكلم ليها مع اجنبي مكالمه فيديو وطبعا هي شايفه الموضوع عادي انو تتكلم مع اولاد حتي وهي متزوجه وف عصمه راجل وملامح وشها كانت بتقول انو البتتكلم معاهو دا حبيبه حاولت اتكلم معاها وقعدت ترطن لي وانا شبكتها ليك كده حرام وانتي متزوجه وهي ركيكه في اللغه العربيه قالت لي هرام دا ليك انا لي ماف هرام وهلال وقعدتا اجوط واظنها البت الملاكمه مدرسنها ليها دراسه وخلتني ليك غافله وخبتتني كيف زاتو م عارفه وبقيت اكورك باعلي م عندي وامي وابوي جو بقو يكوركو في اخوي قالو ليهو م عافين منك لو م طلقتها ورجعتها اهلا اخوي زعل من اهلي شديد وانا شغاله اكورك واسعفوني المستشفى دقايق م عديتا ولدت لمن ناس ابوي وامي انخلعو بي قلبي قلت والله صحي كافره ضربتا ولدتني وحسام م جا نهاي وابوي وامي جازفَو لي ملابس طفل ودفعو حق المستشفى ورجعوني البيت بعد ساعتين من الولاده وانا تركيزي كلو مع محمد لانو امانه في رقبتي واخواتي بدو النقه قالو لي انتي متزواجهو علي شنو راجل جادعك وممسكك ولدو المنقولي دا عذبنا وسلا روحنا انا م وجعتني الشكله لي بس وجعني الكلام في محمد قلت ليهن م ضامنات الدنيا دي داسه ليكم شنو ولسه ح تلدن واحد واتنين وتلاته وم معروف احتمال اكون نصيبكن منقولي عشان م تتفاصحن ومحمد دا سبب الفيهو هسي دا تنمر امو زمان علي خلق الله لمن جاها منقولي جدعتو خافت من نظره الناس وعشان انا اكون واضحه احتماال انا ولدي دا ارضا فيهو بس محمد دا نهاي م برضا والعاوزني بمحمد اعوزني والما عاوزني م بجبرو علي وانا ابوي مخصص لي غرفه اعتبروني ماجراها منكم ولا اقول ليكم انا بتو زيي زيكن من حقي اقعد ف اي محل اخوي جا نطا لي في حلقي قال لي منو القال ليك انتي زيك زينا انا لو م حليفه امي اقسم بالله كان كتلتك زمان طبعا انا انحرقت من اخوي حرقه قلت ليهو دقيقه انت م كتلتني عشان خاطر امي لا لا ي استاذ انا عايشه عشان قسمتي م انقطعت في الحياه وعشان اتزوج والد ولدي الجنبي دا وبعدين خليك مني انا انت مسلم متزوج ليك كافره في زول سألك وربنا قال لا فرق بين عربي وعجمي الا بالتقوى ومرتك كافره زواجك باطل وانت عملت الانا عملتو بالطابق ي استاذ عشان م تقعد تعاير فيني بالكلام ومحسسني اني بت حرام م اختك وخليك من دا كلو مرتك الفي عصمتك دي هسي انت م مالي عينا وتتكلم مع غيرك وم تابعت كلامي سمح وقع فيني ضرب وحسيت انو الدنيا دي ضاقت بي وكرهت اي شي لانو اخواني القديم م نسوهو لي ودايرين ازكرو لي كل مره وبقيت زي المجنونه حاولت اطلعهم مني وامي جات لقت الشكله مدوره ومن غير م اشعر هي زاتا طردتها معاهم وقفلت الباب وبقيت ابكي ومحمد ابكي وولدي الصغير ابكي وانا غلبني البسويهو بقيت اتصل علي حسام وماف رد ورسلت ليهو كم رساله وغلبني البسويهو اتصلت في تلفون امو برضو ماف رد احترت وهنا قلبي بقا في يدي قلت الا حسام حاصل عليهو شي خوفتا شديد وولدي ابكي ومحمد ابكي لبست توبي وشلت ولدي بي يد ومحمد بي يد وطلعت لقيت ابوي ازل في اخواني واشاكل فيهم وقال ليهم م عندكم شغله في اريج وأولادها لمن شافني انخلع قال لي مالك ي بتي مخمخه الشفع ديل كده قلت ليهو ابوي حسام م برد علي وامو م بترد علي ومستحيل اكونو كويسين وم يسال مني وحسام بعد مشكلتو مع مرتو كان كل يوم بجي اشوفنا وم من عوايدو يختفي ابوي قال لي سمح ماشه وين انتي قلت ليهو ماشه اشوف راجلي ابو اولادي قال لي انتي جنيتي انتي ي دابك والده ادخلي جوه وانا بمش اسال منو ابوي شال همي قلت ليهو لا لا بس انا ماشه معاك منعني الطلعه وامي زاتا حنستني قالت لي راجلك كويس بكون عندو شي والناس ظروف امي طمنتتني شويه ودخلت جوه نومتا ولدي امي قالت لي اديني محمد امسكو قلت ليها لا لا انتي م مجبوره عليهو دا ولد راجلي انا المجبوره عليهَو لو عاوزه تشيلي ساعديني في ولدي دا لانك مجبوره عليهو امي قالت لي سجمي ي بتي جنيتي انتي تجدعي ولدك وتمسكي ليك شافع امو الولدتو من رحمها جدعتو ولا يوم فكرت ترفع سماعه التلفون تشوفو حي ولا ميت قلت ليها م جنيت يمه بس محمد دا انا حاسه ربنا جابو لي عشان انشغل بيهو قالت لي لا م مجبوره قعدتا اكورك واجوط زي المجنونه اخوي جا جاري وتاني داير يضربني بس امي مسكتو مني زهجت منو شديد بس اعمل شنو قاعده في بيتهم والاولويه ليهو امي سكتتني وطلعت مني اخوي قالت لي انا م قصدي شي قصدي ولدك محتاج ليك ولي حضنك وحنانك م تجدعيهو قلت ليها م بجدعو يمه وم بقصر منو بس كمان انتي م ملزمه تمسكي محمد وانتي عارفه اخواتي واخوي رافضين انو اعيش معانا عشان كده يمه خليني وانا الفيني مكفيني وكنت تعبانه نفسيا ودموعي دي نهاي م وقفت ولقيت محاولات اتصال كتيره من علي بس م اشتغلت بيهو ورسايل كتيره بس م فتحتهن انتظرت ابوي جا بي فارق الصبر وشكلو م مطمن نهااااااي قلت ليهو ابوي حسام مالو م ردا علي وكان عطشان اختي قالت لي اصبري خلي يشرب م شايفه حالو كيف انتي كان م كتلتيهم م بترتاحي م اشتغلت بيها لانو كنت متشوقه اعرف حسام مالو ابوي اديناهو المويه وبقا اشرب كانو عطشان السنين وبقينا منتظرنو يفتح خشمو قلت ليهو ابوي حسام مالو قال لي وصلت البيت ولقيتو مقفل وسالت الجيران قالو لي ناس حسام رحلو ليهم زمن ولمن جو ارحلو م كلمو زول قلت ليهو شنو شنو قال لي دا كلام الجيران اخواتي استلمني ليك كل واحده تشاكلني براها وقالن لي دي زله واهانه جدع ليك ولدو وفات خلاك ع وش ولاده وهو وقت م دايراك معرسك مالو انا بقيت م شايفه من عيوني الاتملن دموع بقيت ببكي وببكي بأعلى صوت وكل م اتزكر حسام وامو وأنهم كانو عاوزني وحسام كان بجي بيتنا لاخر لحظه الجدا شنو خلاهم يبعدو مني وحتي لو في سبب ولدو معقول م يسال منو مشيت فتحت تلفوني واتصلت على علي ردا علي من اول جرس قال لي قبل م تتكلمي معاي اقري الرسايل بقيت اقرا في الرسايل بصوت عالي وعلي في الخط وابكي وعلي يسكت فيني واناا مصدومه شديد معقوله ي دنيا 😭😭😭😭😭😭😭😭.
يتبع.