رواية احببت متلازمه داون الفصل الرابع والعشرون 24 بقلم نوسه حمد
علي فتح الباب وكانت الفي الباب ثويبه لمن شافتني لمن انخلعت قالت بي خلعه علي واريج وبضحكه ووراها دموع طوالي علي مسكها من يدها ودخلا جوه وقفل الباب انا اول مره اخاف حسيت نفسي كانو متزوجه بالحرام علي قال ليها انتي الجابك هنا شنو قالت ليهو جيت عشان اشوفك خيانتك وخيانه مرت اخوي قعدت اضحك قلت ليها بقيت مرت اخوك بعد عرستا راجلك زمان كنتي م معترفه بي وجود انسانه اسمها اريج بالرغم اني كنت صديقه عمرك وعلي كان ماسكني منها خايف علي ولدو الفي بطني قال لي اريج صحتك انتي حامل وم كان قصدو اطاعنها بالكلام بس هو من حملتا بخاف علي شديد ثويبه كانت مقهوره شديد قالت ليهو حملها يعني متاكد حامل منك و م حملت من غيرك علي قال ليها ثويبه حدك هنا وكفايه قالت ليهو لا م بسكت انت ي استاذ م بتلد ودي تقارير الدكتور وانا كنت خايفه ع مشاعرك بس انت خونتني وخنتني مع منو مع واحده خاينه وخانتك وحملت بالحرام انا طبعا حسيت الدنيا دي لسه بتنتقم فيني وانا واثقه تماما ماف زول لمسني غير علي وهنا الارض م شالتني قلت ليهو علي اقسم بالله الفي بطني دا ولدك علي قال لي انا مصدقك ي اريج وواثق فيك تماما وثويبه عشان اتزوجت فيها دي كانت رده فعلها وثويبه كانت بتعاين ليهو بي استفزاز قالت ليهو انا م بغير ولا ح اغير من واحده زي دي وهي شنو ومنو وبتجي بي ضفري هي علي قال ليها انا لو م اتزوجت فيك اريج كنت حالف اتزوج فيك تلاته لانك مستفزه وشايفه نفسك بس الحمد لله العملتي المكايد انتي ومرت اخوك وبقيتو سبب في طلاق اروجه عشان تبقا حلالي وام اولادي واريج ست بيت شاطره م بتنزاد وماف بت بتجي في ضفرها والحياه ي ثويبه م شكل خليك عارفه اساس الزواج الاحترام وللاسف انتي باريتي مرت اخوك وبقيتي م محترمه وانتي مفتكراني م فاهمك لا انا فاهمك جدا وعارف الشيخ المشيتي ليهو انتي ومرت حسام وعارف المصايب العملتيهن عشان تفرقي حسام من اريج وانا كنت اناني شديد م وقفت ف طريقكن ورغم اني زول ملتزم م اشتغلت بي افاعلك المتعمداها وكنت دايره اديك درس عمرك م تنسيهو حفرتي الحفره لي اريج ووقعتي فيها انتي ومن حفره حفره لاخيه وقع فيها وانتي وقعتي فيها ودا ابسط عقاب قدمتو ليك وعشان اثبت ليك انو انا راجل م طلقتك م حبا فيك لا لا عاوز اديك ع راسك عشان تتعظي وتحترمي زوجك وامك واخوك وام زوجك الفي مقام امك ويا ريتك تتهدي بعد دا كلو وثويبه كانت زي المجنونه تبكي وتتحسر وعلي ماسكني وراهو عشان م تضربني ولا تتصرف تصرف اضر الجنين وفعلا كانت ح تضربني بس علي مسكها وبقا يضرب فيها لمن حجزتو منها وف لحظتها ديك م حسيتا ثويبه شالت السكين كانت عايزه تفتح بطني على رما عليها الطلاق وقال ليها م لي الشرف اعيش مع واحده زيك قالت ليهو م لي الشرف اعيش مع راجل عاقر زيك وانت خجلان تقول انك م بتلد وانا ح افضحك والف بطن اريج ح يبقا مصيرو زيو وزي اي ود حرام ولدتو اريج وم غريب عليها علي قال ليها انتي مجنونه الفي بطن اريج دا ولدي انا وح ينسب لي واريج م حملت بالحرام وبطلي اتهام قالت ليهو انت م مصدق صاح فتحت تلفونها وورتو التحاليل علي بقا مخلوع وبعاين لي قلت ليهو علي م تصدقا اقسم بالله دا ولدك ومن غير م يشعر قال لي اسكتي هنا حسيتو زي العاوز اصدق ثويبه قال ليها والبضمني شنو انو التقارير دي م مزوره قالت ليها دقيقه اوريك الضمان واتصلت رقم دكتور وكانت المكالمه عباره عن📞
الو كيفك دكتور خالد📞
قال ليها وعليكم السلام منو معاي🤔
قالت ليهو انا بيشن بقابل معاك اسمي ثويبه وملفي موجود عندك وظروف السفر منعتني من المقابله التانيه وخصوصا اخر فحص عملتو لينا انا وزوجي كان م مطمن
وانا الان ف السعوديه بس عاوزه منك طلب ي دكتور ممكن تفتح ملفي وتشوف اخر فحوصات والعلاج اللازم وتكتب لي تقرير طبي عشان انا هنا ح اقابل دكتور قال ليها طيب ان شاء الله وخليك معاي دقيقه وبقت تعاين لي بي استفزار وانا دقات قلبي زادت وانا الوحيده العارفه حقيقه حملي
الدكتور بقا يسال فيها قال ليها اسمك ثويبه وزوجك علي واول مقابله كانت كده واتزوجتو ليكم كده قالت ليهو اي قال ليها طيب ي استاذه اخر مقابله ليك كانت معاي جيتي براك وزوجك م معاك وكان قبل المقابله بيوم عملت ليكم فحوصات بس للاسف زوجك طلع عندو مشكله وللاسف م ح يلد وكان بلغتك الكلام دا وطلبتي مني اسكت عشان خايفه ع مشاعرو قالت ليهو اي متزكره ي دكتور بس انا كنت عايزه استفسر م ممكن نعمل ليهو عمليه او اي شي عشان انا نفسي في طفل قال ليها للاسف زوجك عقيم نسبه نجاح اي علاج او عمليه ١في الميه وعشان م تهلكي نفسك وزوجك يتأثر يا تعيشي معاهو كده ي تطلبي الطلاق وتتزوجي غيرو ودا كلو برجع ليك ي استاذه ولو مصره ع كلامك انا ممكن اكتب تقرير وارفق ليك كل التحاليل واي بخصكم وان شاء الله ربنا يرزقكم وماف حاجه بعيده من الله وعجبتني فيك حبك لزوجك وروح المغامره وسلام عليكم انا بقيت منططه عيوني قلت ليها أقسم بالله كذابه ودي خطه وبقيت ابكي واكورك زي المجنونه معقوله انا حياتي كلها اعيش كده ومصير اي طفل الدو دمار ربنا اداني خصوبه بس انحرمت من الاستقرار علي بقا اعاين لي ومن غير مقدمات اداني كف امو بقت بصوت تخين تكورك لي علي ودي كانت اول مره تتكلم واسمع صوتا انا جريت عليها وعلي زاتو جرا عليها ورغم الحصل بس كونو انو سمع صوتو خلا اي شي وبقا مبسوط بي صوتا وكلاما كان م مفهوم وانا حسيتا ح تتكلم بس غالبها انا بقيت مشتهيه صوتا الما سمعتو لانو كنت شايفاها زي امي بقت تهمهم بي كلام م مفهوم وشكلها بتنصف فيني بس علي م قدر يفهم منها كلمه وثويبه عامله نفسها كسبت علي جات جنب ام علي وبقت تقول ليها امي حمد لله على السلامه وتبكي وتنزل في دموع التماسيح ام علي بقت تهمهم بي كلام ورفضت تعاين ليها في وشها ونظراتها لي كانت بتقول انو ح تودعنا وفعلا م عدينا نص ساعه ام علي اتوفت ودا كان اسوا خبر سمعتو في حياتي كنت بطمن في علي وبطبطب عليهو بس كان حاسي اننا السبب في موت امو وطردنا انا وثويبه وكانت حالتو النفسيه كعبه شديد قلت ليهو علي انت في غربه خليني استر معاك امك وتاني طلقني قال لي امي م بتسترها واحده نجسه زيك ثويبه قالت ليهو علي انا ح استرها ليك قال ليها وانتي فرقك منها شنو دجاله وبتاعت شيوخ و شعوذه واداني ولدي وعبايتي وطردنا ...
يتبع.