رواية احببت متلازمه داون الفصل السادس 6 بقلم نوسه حمد
قلت ليهو حسام انا حامل قال لي شنو شنو شنو ومن منو حملتي قلت ليهو شنَو انت بتهظر صاح قال لي لا انا جادي قلت ليهو حسام انا ماف زول لمسني غيرك قال لي اضمنك كيف انا لكن
قلت ليهو حسام حرام عليك انا مستحيل اخلي زول المسني وماف غيرك لمسني قال لي. اها قلتي براك غيري يعني انا م ضربتك علي ايدك عشان تجيني في البيت وانا راجل بعدين دايراني اعمل شنو واذا كان الدين قال الشيطان ثالثهما تجي انتي وتعملي فيها وثقتي فيني وكان بقول في الكلام دا وبحرق سجاره ورا سجاره قلت ليهو حسام اقسم بالله الغلط م منك الغلط غلطي انا م كنت مفتكره الناس وحشين للدرجه دي قال لي تفتكري تاني قلت ليهو بعد شنو انا ضعتا ي حسام الحاجه المفترض تخاف عليها البت انا فرطتا فيها وعملت لي نفسي فضيحه ووبعدين انت عارف الطريقه الانت ضيعتني بيها وماف زول ح يصدق انو انت عملت لي حاجه ف العصير لانو جو الافلام الهنديه دا بقا قديم وفي نظر الناس لو عرفو اني حامل ح يقولو لعبت مره ومرتين وتلاته ومعاك ومع غيرك لانو الحرام م عندو حد بس انا وانت العارفين الحقيقه ودي زاتو م حقيقه ابرروها انا م طالبه منك غير تعقد علي بس😒عشان ابوي اعرف اني اتزوجت وم اعرف بي حملي وطلقتني بعد شهر
حسام قال لي انتي مجنونه عرس شنو ي اريج انتي جنيتي انا اهلي منتظريني بفارق الصبر انفعهم ويفرحو بي دايراني اتزوج لي واحده حامل ويا عالم حامل من منو قلت ليهو حسام أقسم بالله ماف زول لمسني غيرك وعليك الله م تدمر اهلي قال لي اهلك اهلك ديل كانو وين لمن كنتي بتطلعي من العصر وبترجعي المغرب وانا قدمتك كم مره كانو وين ي اريج قلت ليهو حسام ابوي شغال م بجي الا المغرب وانا بعدين م غلطت ولا حبيت ولد قال لي اصدقك كيف وانا في يومين قدرت اقنعك واصل لي اخرك قلت ليهو احتمال عجبتني احتمال حبيتك وم كنت عارفه نواياك وكنت ببكي قلت ليهو حسام عليك الله استرني يسترك ربنا لو دي ثويبه اختك بترضا ليها قال لي م تجيبي اسم ثويبه في خشمك ثويبه م زيك امي مربياها كويس وانا زاتي محرص عليها شديد قلت ليهو انت محرص عليها م حبا فيها خوفا عليها اعمالك ترجع فيها وانا اقول ثويبه اخوها صعب وكان نفسي اشوفك وشوفتك وسلمتك نفسي عشان قلت زي م بتخاف ع اختك ح تخاف علي وم كنت مفتكره خوفك من المجتمع عشان البتعملو م يتردا في عرضك وبنات الناس لعبه عندك الله يسامحك قال لي اريج انا م بقدر اتزوجك والبقدر اعملو بما انو قلتي امك عرفتك خليها تشوف دايه شاطره وتنزلي الفي بطنك وانا ح ادفع الحساب قلت ليهو انا م محتاجه ليك تدفع لي كنت محتاجه ولدي الفي بطني يعرف ابوهو ولو انطبقت السماء ع الارض انا م ح انزلو. قال لي انتي حره بس انا م بعرفك ولا تجيبي اسمي في خشمك وثويبه لو لقيتيها ف الشارع م تسلمي عليها قلت ليهو شكرا ي حسام ونزلني هنا نزلت من العربيه وببكي اتمنيت ربنا اشيل روحي وبقيت اتزكر في الماضي كنت طايره السماء في عمر القدري فيهو لسه م كملو طفولتهم وكنت م شايفه في بت احلي مني مفتريه وبنظر للناس نظره استحقار وجا الزمن والناس ح تنظر لي فيهو نظره كعبه ماف زول بتقبلا وح اكون في نظرهم تافهه وم نافعه ويا ريتني مسكت نفسي ي ريتني كنت متواضعه وبقيت اتحسر علي ماضيني بس للاسف فات الاوان 😢😢
وصلت البيت لقيت امي منتظراني اول م جيت داخله سألتني كنتي وين انا موش قلت ليك م تطلعي قلت ليها ي ريتك سالتيني من زمان يارييتك راغبتيني من زمان قالت لي انتي زي ابوك اغلاطكم بترموها فيني انا قلت ليها عارفه ليه لانو الام حنان وامان وادوارك كتيره يمه م اكل وشراب بس انا مهما كبرت م تقولي كبرت وواعيه امي وعيني انتي عشان لمن اجي اغلط تجيني في وشي و اقول امي قالت لي لا وابعد من الغلط واطرد الشيطان يمه دورك م اكل وشراب دورك اكبر من كده قالت لي انا قايلاك قلبك محدثك وهسي ردي علي كنتي وين قلت ليهو مشيت اشوف لي الفي بطني دا ابو قالت لي كمان دايره تلديهو لا والله ولدك دا م بلزمنا وانا هسي مشيت شفت لي دايه شاطره تنزلو قلت ليها يمه اغلط غلطين اكتل لي روح خليني علي غلطتي الحصلت دي بس روح م بكتلا قالت لي روح شنو ي دابو دم احمرقلت ليها برضو روح انا م ح اتخلص منو يمه والدايره تعملي اعملي وبقت تشاكل فيني وتضرب فيني قلت ليها اكتليني وارتاحي دي م حلول ولا بعملا ابوي م من عوايدو جا داخل لقا امي تدق فيني وبقا ادق في امي قال ليها انتي كترتيهو البت دي بتضربي فيها مالك م عارفاها ممتحنه الزيك بشجعو في اولادهم وانتي تدقي فيها طول ما انا حي بت من بناتي م ح اخليك تلمسيها
وانا م نفسي اشوف امي وابوي بتشاكلو حاولت احجزهم غلبني لغايه م هبطتا ووقعتا من طولي وابوي كان ملهوف علي وانا شايفه طشاش طشاش وقدر م حاولت اسند حيلي م قدررت خوفتا من ابوي يوديني المستشفى ويعرف الحمل بس دي حاجه م بي يدي امي قالت ليهو م توديها المستشفى قال ليها م شغلتك وانا تاني م وعيت بي حاجه......
يتبع..