رواية احببت متلازمه داون الفصل الحادي عشر 11 بقلم نوسه حمد
*الحلقه دي كلها حقيقيه 😢*
ابوي بقا احرش في وليد اخوي عشان يكتلني وامي م كانت خايفه علي انا من الموت كانت خايفه علي وليد اخوي انو يتسجن وابوي اقول ليهو اكتلها ي وليد امي اتمغست من ابوي قالت ليهو داير تضيع لي ولدي تعال اكتلها انت وادخل بيها السجن انت😏 انت البتستاهل ولا عشان انا سكتا ليك انت نسيت الفضيحه العملتها ابوي بقا مخلوع ووليد واخواتي قالو ليها يمه فضيحه شنو ابوي سكتها قال ليها ي وليه اسكتي م تخرفي فينا قالت ليهو م بسكت انا من يوم البت دي م حملت انتي محنظل علي دنيتي وانت السبب ودي نهايه غلطك انت اتردا في بتك م السبب انا عشان م تشيلني ذنبها انا احتمال كنت غلطانه اني م بقيت ليها اخت ونصحتها وم كنت قايلا الدنيا بتشيل حقها في جناي ي ريتا شالت حقها فيك وفي صحتك ابوي كورك في امي وضربها لغايه م وليد حجزو منها واخواني كلهم محتارين في الوصلنا ليهو نحنا مشاكل ونقاشات ومصايب والاستقرار انعدم قلت ليها يمه ابوي مالو عمل شنو احكي لي ابت تتكلم قالت لي هدا الاحكي ليكم براهو واتحمل نتايج اغلاطو زمان م اضيع لي ولدي الما عندي غيرو وامي مصره تخاف علي وليد اخوي وانا تدوس مشاعري وليد قال ليهو في شنو ي ابوي ابوي بقا ساكت وبعاين ف الارض اخواتي بقن ابكن انا بقيت احنس في امي عشان تتكلم عشان انا الوحيده المستفيده بي اعتراف امي عشان تعبت من الزله والاهانه امي قالت لي ابوك عمل الانتي عملتيهو هتك عرض بت ناس والدنيا خلصت حقها قلت ليها يعني ابوي السبب كان ابوي قام اضرب فيني قال لي اوعك تصدقي كلام امك وتحللي العملتيهو انا دخلت المدرسه عشان شنو عشان تتعلمي عشان تعرفي الحلال من الحرام عشان م تقعي فيهو قلت ليهو حلال وحرام ربنا م داير ليهو مدرسه ولا داير ليهو جاهل ولا متعلم انت كنت م بتصلي ولا كنت بتقرا قران ولا كنت مالك ي ابوي لمن تشيلني حمل في قلبي وعشان انا اوريكم انتو السبب الاتنين انا الحصل لي اقسم بالله م كان بي يدي ولا بي موافقتي انا اتختت لي حاجه في العصير وحصل الحصل لو امي حرصت علي وقالت بتي في فتره مراهقه م بخليها تطلع بي مزاجها ووقفت في طريقي م كان دا كل الحصل وابوي لو خاف ربنا في بت الناس الما معروف اكون حصل ليها شنو بعد عملتو ليها م كان الدنيا ردتها ليهو في جناهو وانا غصبا عني الحصل انا عشت انفتاحيه م حرصتو علي ولا امي صاحبتني وراغبتني خليتوني على هواي ودي نتايج تهاونكم في الحياه انا م عندي ذنب عشان عقاب ابوي اترد فيني اخواتي غلبن البقولنو كل واحده شالت بعضها وطلعت مننا وليد في ليلو داك شال شنطتو وطلع بقت امي تبكي وتتحسر علي حياتنا الضاعت وانا السبب فيها ابوي قال ليها دا شنو القلتي دا قالت ليهو انت السبب 💔💔💔💔💔💔💔💔💔
حياتنا انقلبت قلب واخواتي رجعن لي رجالهن وديل الوحيدات الكسبانات بعيدات وسعيدات وانا ظلم الدنيا وقع فيني
مرت الايام وعشت حياتي اداه واجب م عندي اي هدف وفي نظر الناس كلهم انا ولدت بالحرام وماف راجل تاني برضا اتزوجني ابوي قال لي امي لازم نرحل من الحله دي عشان انا تعبت من كسرت عيني ونظره الناس لي قالت ليهو انا زاتي تعبت وانا طبعا ماف زول شغال بي ولا في زول بياخد راي وانا زاتي مشاعري ماتتتت
وفعلا رحلنا ام درمان وابوي حزرني من اطلع من البيت وعشنا ايام م ليها طعم بالذات انا حاسه اني م مرغوبه وقلت ليهم انا لازم امتحن قعده البيت حاره ابوي رفض قال لي تقري عشان تاني تجيبي لي بلوه المهم م قدرت اخالف كلامو لاني واقعه تحت رحمتهم وكنت م مرتاحه نهاي كل م انزكر ولدي وبتي ابكي وماف سبب بخليني اجيبهم
جبت لي تلفون جديد وسجلت رقم علي اتصلت عليهو لقيتو مغلق وكنت زهجانه شديد علي ليه يخطب ثويبه وكنت لازم اوصل ليهو معلومه انو اغتصبني حسام اخو ثويبه ويا ريتني كلمتو من زمان م كان خطب ثويبه اختو ولازم احكي ليهو القصه كامله بس الم فيهو كيف
عملت لي صفحه في الفيس سجلت اسم ثويبه م لقيتا وعلي كذالك وسجلت اسم حسام جاتني الاقتراحات وهو من ضمنهم فتحت صفحتو لقيتو عامل دعوه فرح ومتاقي ثويبه اختو وبفتخر بيها وبي زواجها وكانت دعوه فرح زواج علي وثويبه انا قلبي انقطع تكسر عيني وتفتخر بي اختك والحصل لو كان بي يدي م كان زعلت لكن الحصل دا ظلم وغصبا عني رسلت طلب لي ثويبه وقبلتو وباركت ليها وقلت ليها انا اريج وطلبت منها رقم علي قالت لي شيلي علي من راسك لانو بقا راجلي وبعدين علي بقا بحبني انا وبكرهك وندم انو عرف واحده زيك وحظرتني م خلتني حتي رديت عليها دخلت المنشور زاتو ولقيت علي معلق وكاتب ليها الف مبروك ربنا اتم زواجنا علي خير طوالي دخلت عليهو خاص قلت ليهو علي انا اريج وعاوزاك ضروري حياه او موت اكتب لي رقمك هنا.
يتبع..