رواية احببت متلازمه داون الفصل الخامس 5 بقلم نوسه حمد
الدكتور قال لي دمك بسيط ودا فيهو خطوره للجنين انا بقيت مخلوعه ووعد لمن شهقت والجاها شنو م عارفه مسكت الدكتور من رقبتو من غير م تشعر قالت ليهو جنين شنو انت اهبل ولا شنو انت دكتور فاشل وانا من غير م اشعر طيرتا من السرير و كانو مركبين لي درب بي كل قوتي طلعت الفراشه ودمي بقا جاري قومتا قفلت الباب قلت ليهو جنين شنو ي دكتور قال لي انتي م متزوجه؟؟؟؟ ووعد لسه مخلوعه فكاها منو وقال لينا انتو طلبه صاح وانتي م متزوجه قلت ليهو اي م متزوجه وعليك الله قول انت بتهظر ولا قول نتيجتي انتلخبطت مع غيري بس تقول اني حامل لا لا عليك الله ي دكتور قال لي انا ممكن اكون غلطان بس في حاله واحده انك تكوني انتي قبلي كده ماف زول لمسك اتزكرت حسام وبقيت اسال في نفسي ي رب ممكن احصل من اول مره ولا في شنو ي ربي 🤔
الدكتور قال لي ردي علي غلبني اتكلم الاستاذه جات ومعاها امي مخلوعه قالت لي سجمي فشنو ي بتي وانتي م عاجباني ليك كم يوم متغيره الدكتور خشمو م فتحو قال لي دي علاجات اخديها واعملي حسابك اكلي امي قالت ليهو مالا بتي م ردا عليها طلع وعد قالت لي امي بتك حامل امي وقعت من طولها بقينا فيها هي يوم صعيب علي كان كلو كوابيس حسام بهناك ارقص في تخريجو ومبسوط واهلو فخورين بيهو وانا شلت الليله كلها ودي كانت نتيجه الانفتاحيه الكنت عايشاها عيني انكسرت قدام الاستاذه الكنت م محترماها وم لقت مني غير الاهانه زي م بقولو ربنا شال ليها حقها ووعد الكنت بستهتر بيها بس نحنا السودانين بطبعنا عند المصايب م بنشمت في بعض انا كنت ببكي بكا جنوني واي دمعه نزلت مني كان قصادها الف دمعه من الاستاذه الانا اهنتها وفي زميلتي الانا كنت بستهتر بيها اتمنيت الدنيا ترجعني لي وررا شويه واحترمهم بس للاسف فات الاوان الاستاذه قالت لي ليه ي اريج تعملي كده اهلك قصرو منك فشنو وانا كنت ببكي لانو الحصل لي م بتصدق ولا بدخل العقل البشري يوم اصعب من صعب عديناهو طول وعرض في المستشفى ورجعنا البيت امي ضربتني ضرب كنت ح اموت في يدها قالت لي شوهتي سمعتي وسمعت ابوك ودا منو العمل كده انا حلفت ابيت اتكلم قلت ليها يمه قال ح يتزوجني قالت لي غشا عليك اكل مخك م عارفه انو اي ولد لمن اجي اشيل الحاجه دي من البت بقول ليها كده وكانت بتضرب فيني ضرب الموت وانا م ماثر فيني قلت ليها واعرف من وين انتي. كلمتيني ولا وعيتيني قالت لي قلت بتي واعيه وبتحافظ ع نفسها م قايلاك هبله وبتشيلنا العار في راسنا قلت ليها مهما كان مدي تعلمي انتي امي وعيني حسسيني انك خايفه علي حتي لو درست الحاجه دي ف المدرسه انتي خوفيني م تخليني عيني قويه وم بفرق معاي، شي وانا والله م قصدت الحصل قالت لي حصل كيف ي قليله ادب ابوي جا لقاها تدق فيني قال ليها جنيتي بتدقي في البت دي مالك انا م قلت ليك اتعاملي معاها بالهداوه قالت ليهو انت السبب دلعتها انا خوفت علي ابوي قلت ليها عليك الله لا وكنت بهمس ليها انها تدس الخبر عشان صحه ابوي لمن نتصرف وامي هايجه وابوي اكورك فيها وضاميني عليهو وهو كان جاي من الشغل ملابس الشغل م طلعن انا هنا اتمنيت الارض تنشق وتبلعني اتمنيت اموت وبقيت اتزكر في حنيه ابوي وانو اي شي موفرو لي بس العيب في امي همها كلو الهنود البتحضر فيهم ديل م فكرت تنصحني م فكرت تخليني قريبه منها ولا منعتني الطلعه ي ريتا منعتني يا ريتا وقفت في طريقي دا كلو م كان حصل بس للاسف ابوي ساق امي وطلعو قال لي معليش بتي امك دي ياها حالا ارتاحي انتي انا بتصرف معاها انا قلبي انقطع علي ابوي الما فاهم شي الخبر دا لو عرفو ممكن يروح فيها بس انا لازم اتصرف واعالج الموضوع شلت التلفون وفتحتو اتصلت على حسام ردا علي قال لي اروجه اتوقعت منك تشاركيني فرحتي قلت ليهو مبروك انا دايره الاقيك قال لي اخيرا خلاص قلبك حنا لي قلت ليهو حسام اتصرف انا بكره لازم الاقيك قال لي طيب تعالي لينا قلت ليهو نكون برانا قال لي مشتاقه لي صح قلت ليهو شديد قال لي طيب بكره بجيب عربيه صحبتي وبجيك قلت ليهو طيب قفلت الخط كنت م قادره استوعب الحصل لي اتصلت علي علي ميه مره تلفونو مغلق ورسلت رسايل ماف رد المهم حاولت انوم وتاني يوم م مشيت المدرسه وامي كل م تشوفني في وشها تضربني قالت لي لو طلعتي بقطع رقبتك م دايره لي مدرسه قلت ليها ي ريت دا حصل من زمان دا كان م حصل للأسف وكنت م قادره لازم اطلع انتظرت امي طلعت بي فارغ الصبر وحاولت اطلع لبست سريع واتصلت علي حسام وكان جاهز منتظر مني اشاره وم عارف اني جايبه ليهو خبر زي الزفت ركبت في العربيه حاول اسلم علي بالحضن بس زحيتو مني قال لي م مشتاقه لي انا كل يوم بتخيل في احلي يوم عشتو في حضنك ونفسي يتكرر مره ومرتين وتلاته بس انتي قاسيه حرمتيني منك قلت ليهو لا تاني م ح تنحرم مني ي حسام ح اكون جنبك وكان متحنن يدينو الاتنين قال لي عقبال م اتحنن لي زواجنا قلت ليهو قريب ان شاء الله قال لي اشتغل بس وطوالي بجي اخطفك من اهلك قلت ليهو لا ي حسام نحنا في اقل من شهر لازم نتزوج قال لي زواج شنو وانا امس اتخرجت خليني اجهز نفسي ونتزوج وبعدين نحنا هديل مع بعض اي شي دايرينو بنعملو لمن الله يجمعنا في بيت واحد قلت ليهو اي شي نعملو بالحرام ي حسام قال لي لا م بالحرام نحنا موش كتبنا عقد بنفس صيغه القسايم البكتبها المأذون قلت ليهو لا دا عرفي سر بيني وبينك واساس الزواج الشهره قال لي كل الناس دي بتبداهو بي عرفي وتاني بشهرهو قلت ليهو لا والله انت عاوز تحلل الحصل بس قال لي لا انا عاوز اطمن قلبك عشان تاني م تبخلي علي وتبعدي مني قلت ليهو حسام لازم نتزوج وكنت م دايره اوريهو الحمل بس قدر م حاولت اقنعو اننا لازم نتزوج هو بقعني انو ح نتزوج بس م هسي قلت ليهو حسام انا حامل..
يتبع..