رواية أرهقني الفجور الفصل السادس عشر 16 بقلم نوسه حمد
بقيت محتاره في صفيه فاتت وين رجعت البيت وقلبي في يدي لمن متوتره ومسكت نفسي الف مره اني امشي لي ناس علا احتمال اخرب اي شي قلت بنتظر لي بكره لو ما جات ببلغ طوالي اكيد بتكون حاصله عليها حاجه ولسه بتصل الرقم مغلق ودا الوترني زياده وما عارفه اقبل علي وين لو قلت لي اهلي بضبحوني عديل وبقولو لي دي انتي عشان عارفين طبعي بفتش للحقيقه بس ما عارفين اني بقيت اعمل حساب لي ولد الناس الخاطبني دا احتمال ما يرضا انا اي مصيبه حصلت لي بسبب فتيشي ورا الحقايق اتقبلتها بس هو احتمال يشوفني زيهن عشان كده اتعمدتا اكون بعيده من الحاصل شهاب اتصل علي ما رديت عليهو رسل لي رسايل ما رديت وما اتوقعتو اتصل علي أبوي ابوي جاني بالتلفون قلت ليهو الو قال لي الحاصل شنو مالك بقيتي ما بتردي علي فشنو فهميني قلت ليهو جيت من المدرسه مصدعه قال لي ياساتر اخدي بندول قلت ليهو لا عادي بروح بحاول انوم وبروح قال لي لا انا عاوز اتكلم معاك حبه ممكن ابلعي الحبه وصلي العشاء وارجعي لي نزلت ليك رصيد وعاوزك تعملي الواتساب اشتقت ليك ترسلي لي صور قلت ليهو لا لا انا مستحيل اتصور ليك مهما كان ولو عاوز تخليني خليني قعد اضحك قال لي الاحراج حار بس نوع الاحراج الزي دا بحبو وبعشقو بحب البت ما تكون ساهله تكون تقيله ورزينه ما تتخلي عن اي مبدا في حياتها وعجبتيني صراحه م مشكله ما عاوز صورتك بس عاوز ارسل ليك انا نفسي تحبيني سكتا ما رديت عليهو غلبني عديل اتكلم قال لي م مشكله اعملي القلتو ليك وتعالي عاوز اتكلم معاك شويه وضروري يا نوسه قلت ليهو حاضر مشيت اديت ابوي التلفون امي لقيتا تهرج في ابوي قالت ليهو كمان تديها التلفون والبت ممتحنه وخطوبه شنو وكلام شنو لمن شافتني سكتت وابوي شغال ليها انا يا وليه الحرام ما بعملو بت. خطبوها مني والولد دايرها بالحلال ارفض ما تبقي كده قالت ليهو انا كده بت تعبانه في تربيتا فجاه اظهر ليها ولد واجيب ليها تلفون واتصل واشغلها لي من قرايتها بطني طمت اكتر مما طامه حسيت امي م رضيانه الكلام دا بس انا اعمل شنو وحسيت نفسي بقيت مايله لي شهاب وحاسه بيهو جادي ما حصل حسيت انو عاوز يلعب بي فهمت انو اختارني واكتفي بي واختارني من ضمن الف بت من اسرتو
مشيت صليت وجيت راجعه اتصلت عليهو قال لي كيف من الصداع قلت ليهو احسن انت كيف والشغل كيف قلت ليهو تمام الحمد لله قلت عاوزني خير ان شاءالله قال لي نوسه سمعت تحت تحت انو مدرستكم دي مشبوهه قلت خلاص ابوهو كلمو قلت ليهو كيف يعني قال لي ما عارف بس سمعت قبل يومين في بت ولدت في الشارع والبت من اسره محافظه ومستبعده تماما انو يجي يوم ويحصل ليها الحصل دا قلت ليهو كلمك ابوك قال لي ابوي نوسه مستحيل ابوي يتكلم معاي في حاجه زي دي ما تظلميهو قلت ليهو لا اسفه يا شهاب ما قصدي بس ابوك كان حاضر البت الولدت قال لي كيف الكلام دا وانتي كنتي حاضره قلت ليهو ولدت في يدي وانا من يوم شفتها ولدت للان انا ما كويسه قال لي ياساتر نوسه البنات الزي ديل ابعدي منهم رغم اني واثق منك ومن تربيتك ابوك تعب وشقا فيكم مستحيل انتي تغلطي زيهم بس الناس ح يشملوك من ضمنهم لو باريتيهم قلت ليهو عارف يا شهاب انا ما نفسي كان اتكلم معاك في الموضوع دا بس في حاجات كتيره حاصله في المدرسه لا بتسر عدو لا حبيب وسببها كلها المديره السابقه انسانه ما منضبطه زوله همجيه بهمها منصبها قال لي مشكلة والله بس سمعت انها اترفدت قلت ليهو اي هي وعلاء ولدها قال لي علاء دا اصلو ما جادي من زمن الدراسه هو ما جادي اخر همو القرايه ومباري ليهو اولاد من الحله قالو بتاجرو عديل في المخدرات قلت ليهو دي المصيبه وصدقني لو حكيت ليك انت ح تصدم وبسببهم هسي صحبتي مختفيه قال لي كيف الكلام دا وهم منو ومن وين قلت ليهو شفتا البت الاسمعا علا صحبتي قال لي اللقيتا معاك اليوم داك قلت ليهو ياها قال لي حسيتا م كويسه نظراتها لي خجلتني عديل استغربت زاتو تكون صحبتك كيف قلت ليهو علي حسب ما لعبنا سواء في الحله بقت صاحبتي بس ما حصل مشيت بيتهم ابوي كان بمنعني وامي زاتا قال لي سالتي نفسك بمنعوك ليه تمشي ورغم انها هي بتجيك قلت ليهو اصلا اهلي خوافين شديد بحاولو يحرصو علينا قال لي امكن بس الشي الما عارفه انتي ابو علا دا زول همجي وبتاع سجاره وسكرجي وسمعت تحت تحت انو عندو علاقات محرمه مع كم واحده متزوجه ومن الحله قلت ليهو اعوذ بالله ديل منو قال لي ديل منو خليهم انا بس بوري فيك اهلك خايفين عليك من شنو الزمن بقا صعب وهو ما بخاف الله بستضعف النسوان الحالتهم الماديه تعبانه بغرقن غرق بالقروش زول الدنيا غاشاهو عشان كده بتو عينا قويه قلت ليهو وليه ما تقول ربنا اخد حق اي واحده لعب بيها هو في بتو لدرجه انها ولدت بالحرام قال لي اعوذ بالله كيف الكلام دا قلت ليهو كلام كتير انا غالبني احكيهو في حاجات بتحصل في المدرسه ورغم انو البنات اترفدن بس انا متاكده في كتار في المدرسه تبعهم وهدفهن يدمرن غيرهن الواحده ما اكتفت بي ذنبها هي عاوزه تغدر بي باقي البنات عشان يقولو المدرسه فاشله ابدا المدرسه ما فاشله الاداره كانت فاشله ومشكلتها اتحلت المدير الجديد يومي بدينا محاضره في الاخلاق وخايف علي البنات اكتر من منصبو في الاداره زول بشتغل بضمير بس جا لقا الدنيا خربانه وصحبتي صفيه ضحت بي نفسها عشان توقع البنات ديل وتتخلص من شرهن قال لي والحصل شنو قلت ليهو صفيه اختفت قال لي ديل عصابه معناتا انا كده بديت اخاف عليك اكتر قلت ليهو ما تخاف علي انا واعيه شديد وما عاجبني البحصل دا وعملت حساب ليك عشان كده ما مشيت مع صفيه قال لي وبت الناس قلت ليهو ما عارفاها وهي عاقدين عليها اتصلت كلمت الولد العاقد عليها قال ليها ما تمشي براك وانا بجي لاحقك كانو ما بعرفك وبتصل ما برد قال لي خلاص معناتا جاتهم حاجه الله يستر نوسه ما تعملي اي حاجه تضيعي فيها البنات البغلطن ديل وين اهاليهم قلت ليهو النوريك صفيه دي كانت ح تكون ضحيتهم بس ربنا شاف ليها عشان بتحب علاء علا استدرجتها وساقتا محل بقعدو وقالت لي معاهم كميه اولاد ما عرفتهم وكانو ح يشربوها خمره تقريبا بس ربنا شاف ليها وقالت لي واحد حاول يقرب منها بس قدرت عليهم وفاتت منهم وهي هسي عشان عارفه مكانهم قالت لي بمشي لو لقيت معاهم بنات جداد من المدرسه ح اوقعهم وخصوصا شكينا انو سعاد تكون ضحيه ليهم قال لي ما بعيد وسعاد ما كلمتكم قلت ليهو من يوم ولدت في الشارع جرينا خليناها بقا يتعوذ وقال لي كده خوفتيني زياده قلت ليهو لا ما تخاف علي بجد انا واعيه قال لي لا ما خوفتا عليك انتي بس عندي بنات اهلي بقرو معاكم كويس انك نبهتيني عشان اهلهم يحرصو عليهم خصوصا هم في فتره مراهقه الفتره دي صعبه جدا والبتشابا ليها بتوقعو في ناس بمرو فيها عادي زي نوعك دا قلت ليهو انا امي ليل نهار توصي فيني وكل مره بتحزرني من علا رغم دا كلو ابوي بقول ليها واثق فيها خليها عمري ما فكرت اكسر ثقه ابوي فيني قال لي انتو هينين في ناس عندهم تفكك اسري او عندهم مشاكل اسريه بتاثر علي نفسيات المراهقين في منو بحاولو يغلطو عشان بكونو طايشين من الدنيا وديل التقريبا وقعو ضحايا البنات ديل
قال لي زي ما قلت ليك خليك في قرايتك انا بشوف القصص دي قادره تتزكري الجنينه البتقابلو فيها الجماعه ديل قلت ليهو تقريبا قالو حقت ابو ولد من اصحاب علاء قال لي بس عرفتها بكره بعرف ليك الحاصل وزي ما وريتك كوني بعيده من الموضوع دا انا م صدقت انو لقيتك خايف عليك شديد قلت ليهو حاضر قال لي وما تجيبي سيره اي موضوع عشان تدخلي في سين وجيم تمام قلت ليهو حاضر بس انا عاوزه اطمئن علي صفيه قلبي مقطوع عليها اكل ما اكلتا والمدرسه زاتو بطني طمت منها قال لي ان شاء الله خير ما تهمي يا نوسه وهسي ارتاحي نومي بكره ان شاءالله تلقي صحبتك جات قلت ليهو ان شاءالله ح اكون مبسوطه لو ما جاتا حاجه اهلا بسيطين وابوها عيان وطريح الفراش قال لي ديل ناس منو قلت ليهو ناس عبدالباقي قال لي لي عرفتهم طيب ما عندها اخوان قلت ليهو لا لا والله كنت عاوزه اخلي ابوي يقيف مع ابوها بس ابوها تعب وحكيت ليهو بالحاصل قال لي ان شاءالله خير ما تهمي انا بكره برسل ليهم دكتور زميلي شغال في المركز قلت ليهو دكتور مناضل قال لي اي بتعرفيهو ولا شنو قلت ليهو دي قصه طويله قال احكيها لي قلت ليهو في يوم بت ولدت في المدرسه واتهمو صفيه عشان يوم البت الولدت هي كانت تعبانه وظاهر في وشها انها ما طبيعيه عرفت من امها انها عندها ملاريا وبقيت احكي ليهو بالحاصل كلو قال لي غريبه والله دا كلام غريب قلت ليهو جد والله قال لي دي مصايب وحلت علي حلتنا نسال الله السلامه وكمان جابت ليها فضايح بس خليني انا اجتمع بي كل شباب الجامعات والمعاهد العليا تبع حلتنا دي وانا زاتي في اجازتي بشارك معاهم ونمنع الفوضي دي اي شر بمس حلتنا بمسنا نحنا اول انا هسي بكلامك دا كرهت اي شي وبطني طمت ومتاكده اي زول ح يعرف الحاصل ح يكون كده بس كويس انك كلمتيني انتو بنات ما ح تقدرو تمنعو الفوضي دي بس نحنا قادرين كلام شهاب طمن قلبي شويه ونومتا مرتاحه
صحيت الصباح مشيت المدرسه لقيت صفيه منتظراني جنب المكان البتقيف لي فيهو وانا العبره كانت خانقاني بقيت حاضناها وابكي قالت لي اقسم بالله عرفتك ح تكوني م كويسه وانا قلبي فيك انتي ويوسف نوسه ما عارفه اقول شنو بس علا دي شيطان حمانا الله منها موش مشيت منك ع اساس انو ح نمشي الجنينه تفاجئني ليك بي ودتني بيت في القريه الجنبنا بيت سمح سماحه ما عاديه وسيدو غنيان بس قالو ما متزوج بس اتزوج كيف وهو غرقان في الحرام نوسه الزول دا ساطلها سطله ما واعي من شافني اتعابط فيني وعلا بت الحرام ما عارفاها شربتني شنو انا ما وعيت الا وانا في بيت ناس علا وهسي انا خايفه ما عارفه اكونو عملو فيني شنو حسبي الله ونعم الوكيل فيهم ………..تتوقعو الحصل لصفيه شنو ويوسف زوجها لو عرف الحصل ح يواصل معاها ولا ح يكون فهمو اتجاه واحد