رواية أرهقني الفجور الفصل الرابع عشر 14 بقلم نوسه حمد
شهاب قال لي نوسه علاء ما يكون غلط عليك انا عارفو بتاع بنات قلت ليهو لا والله بس في قصص كتيره نفسي احكيها ليك بس دا ما وقتها قاطعني في الكلام قال لي ملاحظه انك بقيتي تتونسي معاي بجد انا مبسوط وبتكلم معاهو وصلتني رساله باليوم والزمن كاتب عليها اول لي مكالمه واحس ليها طعم قريتا وبقيت ساكته قال لي نوسه طبعي عاجبك ولا لا قلت ليهو العفو انا ما شفت منك حاجه كعبه قال لي شوفي اكون معاك صريح انا حبيت وعرفتا لكن قسما عظما عمري ما غلطت في حق بت عشان انا في يوم ح تكون عندي البنات وخايف عليهم واخدت عهد اني اي لحظه حلوه بيني وبين حلالي ادونها عندي وعشان تحسي بطعمها معاي بشاركك ليها ما تحسي اني بتاع كلام وحب وقصص لا لا والله زمان حبيت وقت كنت طايش ساي بس انا هسي لي سمعتي وبعمل الف حساب رغم اني في حياتي وهسي قابلت بنات اتمنو انهم احبوني بس انا ما حابي كده زمان كنت طايش ساي بس هسي عندي الاهم وقررت ارتبط بواحده تكون لي انا وبس اعتبريها انانيه مني واخترتك انتي عشان انا واثق تماما انك ما ح تكوني حبيتي ولا ح تكوني اتعرفتي علي اولاد صاح قلت ليهو والله العظيم عمري ما فكرت في كده حتي لمن انت جيت تخطبني قلت لي ابوي ماعندي استعداد ارتبط انا عندي هدف نفسي احققو ما اكذب عليك نفسي اساعد اهلي اتعلم واشتغل وانفعهم نحنا ناس بسيطين ابوي تعب فينا وفي تربيتنا نفسي اخليهو مرتاح قال لي عم موسي راجل طيب انا فخور اني ح اناسبو نوسه ابوك دا مدرسه انتي عارفه في الاجازه انا بكون شغال معاهو لمن مثلا يحاسب الذبون بتكون في قروش زايده والذبون بكون فات لانهم اغلبيتهم مستعجلين بقول لي عارف الزول دا اداني الحساب زايد انا كنت بقول ليهو ياحاج حلال علينا نقسمو النص كان بقول لي لا يا ولدي دي امانه حاجه ما حقتنا نحنا نقسم رزقنا البي الحلال وطوق طعمهم بكون حلو كيف بس عشان تفهم كلامي دا يا شهاب هاك القروش دي وجرب طعمها وتعال وريني صرفتها فشنو طبعا ابوك حكيم وانا طايش ساي المهم اليوم داك شيلت القروش ومشيت عندي اصحابي كده بنتلاقه في النادي طلعت من القروش اشتريت باكو سجاير وكنا نلعب كشتينه المهم اعصابي كلها مع اللعبه واحرق سجاره ورا سجاره ومنفعل وكل مره بغلبوني كنت بولعن سجارتين ورا بعض لغايه ما فتشت جيبي لقيت تاني ماعندي قروش خربتا اللعبه ورجعتا من غير عشاء لقيت امي منتظراني ومجهزه لي الاكل اتعشيت ونومتا تاني يوم مشيت الشغل ويا نوسه ما ملاحظ لي اي شي المساء كده جا الزول النسا القروش وانا كنت بين نايم وصاحي ابوك قال ليهو يا زول امس اديتني الحساب ناقص الراجل قال ليهو انت عارف دي اخر قروش كانت عندي وكنت عاوز اشيل بيهم اكل لي اولادي لمن وصلت السوق لقيت جيبي فاضي افتكرتهم وقعت قال ليهو والله في لحظتي كوركت ليك وانت مشيت الراجل قال لي ابوك تمام ابوك طلع قروشو بتاعت اليوميه الاشتغلهم من جيبو وقال ليهو الباقي بعمل ليك بيهو الشغل الانت عاوزو انا قومتا ومشيت البيت شيلت قروش من ابوي وجيت لقيت الراجل فات سالت ابوك قال لي حاسبتو خلاص وانا عارف وضع ابوك حلفت عليهو الا يشيل القروش وسالتو انو هو ما شال القروش ليه اداهم للراجل قال لي انت زي ولدي في مرحله زي دي بتكون محتاج لقروش وعرفت انك بتكون صرفتهم سرحتا واتزكرت كلامو الامس قلت ليهو عارف ياعمي القروش انا صرفتهم فشنو وبقيت احكي ليهو قعد اضحك ضحكه ثقه وقال لي شفت يذهب الحرام من حيث اتي قلت ليهو انا ما صرفتهم في حرام السجاير دي مافيها حرمه قال لي ما تشرع من راسك بس في جماعه بقولو انها حرام وخليك من انها حرام يا ولدي تمرض روحك ليه وانت زول بتدرس في مجال الطب توصل نفسك للسهر واللعب وشراب سجاير اشتري مخك يا ولدي الدنيا م مستاهله انتي عارفه من اليوم داك للحظه دي انا لا شيلت قروش ما حقتي لا شربت سجاير ودا موقف بسيط من مواقف ابوك اتعلمت منو الما بتعلمنا ليهو مدرسه ابوك انسان امين وطيب وفاهم شديد عارفه الجذبني فيهو شنو عندو كراس في المكان بقول لي اديني معلومات في كل المواد لمن يكون فاضي بقعد اقرا في البقولو ليهو اتزكرت انو ابوي كان بشرح لي اي شي قلت ليهو عارف ابوي كان الداعم الوحيد لي في دراستي لدرجه انو بشرح لي اكتر من الاساتذه مرات بمشي الحصه وبكون فاهمه الدرس من ابوي ما اتوقعت انو لسه بحب العلم
اتونست كتير مع شهاب وحسيت انو اختارني بعد تفكير قال لي انا اجازتي ح تخلص بكره بعد بكره خ انزل شغل عاوزه قبل انزل الشغل اجيكم اشيل مقاس الدبله واتفاهم مع ابوك انهم ح يجو اهلي فقط اعمامي وخيلاني وعماتي وخالاتي وانا ما عندي اخوات كلنا اولاد بس ما عاوزهم يتعبو بالموجود يكرموهم وبس قلت ليهو طيب ودعني وقفل حسيت نفسي بديت احبو ولا مبسوطه ولا بقيت مافاهمه زاتو مشاعري اتجاهو شنو
تاني يوم مشيت المدرسه مبسوطه قلت ليها ما وريتك ياصفيه شهاب طلع بعرف استاذ علاء وقال لي اني ابعد من علا وانها ما كويسه وحكا لي انها كانت مع علاقه مع صاحبو قالت لي معناتا صاحبو دا اللاقيتو معاهم اليوم داك في البحر قلت ليها ما عارفه بس وريني اعمل شنو والليله جايينا خايفاها تجي طايره قالت لي ما عليك الليله بمش ليها انا في بيتهم وبمسكها وما بجيب ليها سيره انو شهاب معاكم اليوم قلت ليها تكوني ما قصرتي بس انا عايزه ابعد منها وريني طريقه قالت لي نوسه طالما وجودها بعمل ليك مشاكل واجهيها عديل قلت ليها لا لا كده حرام علي اجرحها قالت لي مافيها حاجه خليك واضحه قلت ليها مابقدر اكون واضحه في حاجه زي دي احتمال علا فعلا اتغيرت واختارتنا نحنا عشان تنسا الحصل لمن اقول ليها كده صدقيني نفسيتها ح تتعب شديد قالت لي تمام ما عليك انا بعمل لي خطه بقول ليها تاني انا وانتي نقرا سوا ونوسه من خطبوها اتغيرت وبعمل روحي عديل انا وانتي متخاصمين بحسسها انو خلاص علاقتي انا وانتي استحاله ترجع لمن هي زاتها بطنها تطم ولو علي الشرح انا بشرح ليها قلت ليها تكوني ريحتيني عشان شهاب ما يحس اني ما بسمع الكلام وانا والله ماعارفه اتخلص منها كيف قالت لي ما عليك يا نوسه انتي خايفه من شهاب وانا خايفه علي شهاب منها علا دي حنكا مبالغه تقوم تحنكو وتشلبو منك قلت ليها ما اتوقع كده والله حكا لي بي انو عرف وحبا ودا كان مرحله وعدت ومن وعا للدنيا بطل اي شي زمان كان طيش شباب قال لي بس هسي انا واعي ما عندي عزر احب دي واخلي دي واغش علي دي عاوز استقر قالت لي حظك ياخ ما شاء الله انتو اتونستو للدرجه قلتا ليها اسكتي بس في الاول كنت خجلانه تاني اتعودتا عليهو والعاجبني فيهو هو زول راقي وفاهم الدنيا بطريقه حلوه شديد حتي علاقتو معاي عاوزها تكون مختلفه عن اي علاقه مرا بيها قال لي لانو الحلال حلووو صفيه قالت لي اتشوقت اشوفو طبعا قلت ليها ما عندي منو صوره بس لو جا بطلب منو صوره عشان تشوفي قالت لي طيب اعملي واتساب قلت ليها لا لا هو ما قال لي اعمليهو براي ما بعملو نهاي ولا بفهم فيهو قالت لي تمام ربنا يسعدك يا نوسه شكلو دعواتك امك ظبطت وربنا رزقك بالبستاهلك فعلا قلت ليها الحمد لله عقبال ما تنبسطي انتي ان شاءالله بنتونس كده جات سعاد. وكان شكلها متغير شديد التقول كبرت عشرين سنه سلمت علي وحسيتها ما طبيعيه طبعا صفيه ما بتحب الناس ذو الوجهين وبتطهرو ليهم عديل سلمت عليها سلام بارد وقالت لي نوسه خلصي وانا منتظراك تحت الشجره عشان نراجع شويه قلت ليهت طيب تمام شيلي لي شنطتي دي معاك شالتها وفاتت قلت ليها خير مالك غبتي من المدرسه قالت لي كنت عيانه يا نوسه ممكن نقعد شويه عاوزه افضفض ليك قلت ليها طيب يا سعاد خير ان شالله قالت لي نوسه انا بجد غلطت فيك سامحيني انا الوحيده المفترض ما اغلط في حقك بس تقولي شنو قلت ليها اصلو مافي مشكله بس عاوزاك تعفي لي بجد انا مضايقه وما كويسه قلت ليها ما تكوني عيانه قالت لي ياريت ياخ قلت ليها فشنو قالت لي خليهو يا نوسه مابقدر احكي بس عاوزاك تعفي لي وانا ما زي ما انتي متوقعه قلت ليها العفو حسيتا كئيبه قالت لي كلامها دا وفاتت صفيه قالت لي خير المحروسه عاوزه منك شنو والله يا نوسه نهاي ما هضمتها قلت ليها معليش ياصفيه هي في النهايه زميله لا اختنا لا بت اهلنا قالت لي ما زميلتي ولا دايراها ياما زاملنا كلهم لمن وقعنا بقو علينا عليك الله يا نوسه فكينا من حنك الزماله دا قلت ليها ناهيك عن اي شي بس نحترم الزماله قالت لي ها انتي ح تجلطيني يوم خليك في طيبتك دي لمن تغطس حجرك قلت ليها سمح واسمعيني الليله عاوزه اتكلم مع ابوي احتمال نجيكم قالت لي طيب
رجعت البيت لقيت ابوي راقد سلمت عليهو وقلت ليهو عاوزاك في خدمه امي جات لقتني قاعده جنبو واحكي ليهو بي ابو صفيه وابوي اتأثر شديد قلت ليهو عليك الله ساعدو يا ابوي ماعندو زول اقيف معاهو امي قالت لي دايرهو يخبط لينا ابوك يكسرو اوعك تمشي يا موسي بتك دي ح تجيب اجلي قلت ليها يمه دا عمل خير ما تبالغي قالت لي خلينا ليك انتي اعمال الخير اخوانك محتاجين لي ابوك ابوي غمز لي قال لي ما تشغلي بيها دي مخرفه ساي قعدنا نضحك امي زعلت وفاتت ابوي كل شي ولا زعلها مشا حنسها وجابا وجا حبيت علاقتهم شديد اتزكرت كلام شهاب قال لي ابوك مدرسه فعلا ابوي الله اديهو العافيه مدرسه
المساء شهاب جا وسلم علينا واتونس معاي كتير وودعني وفات حسيت نفسي بديت احبو واتعلق بيهو قربت اقول ليهو ما تمشي بس قال لي عندي تشطيب بتاع بيت ماشي اشرف عليهو وقال لي لو قدرت ح اجي اليوم البنحدد فيهو الخطوبه عشان نلبس فيهو الدبل قلت ليهو لا لا ولا تجي بلبسها براي قعد اضحك قال لي تامري يا ستي بس اعرفي اني بموت في خجلك دا
تاني يوم مشيت المدرسه لقيت سعاد في وشي وشكلها من التعب لمن مضايقه شديد قلت ليها لا لا ارجعي البيت قالت لي لا وكانت مصره انها ما ترجع وشكلها دايره تقع عديل بقيت سانداها علي صفيه جات سلمت عليها وكفرت ليها والجرس ضرب المدير جا قال لينا ع الطابور وفصلكم قلت ليهو سعاد عيانه قال العيانه تجي تشيل اورنيك ووصلوها بيتهم سريع وتعالو جريت سريع جبتها ليها اورنيك وجينا تكلناها بس بقت تقيله علينا وجسمها بقا تقيل خوفناها تموت علينا قلنا ليها استحملي لغايه ما نوصلك البيت قالت لا ما ماشه البيت في شجره في للشارع رقدت تحتها ولسه تعبانه وتبكي انا وصفيه بقينا محتارين وفي نفس الوقت غلبنا نفوتا صفيه بقت تكورك فيها قالت ليها عايني الناس اعاينو ليك كيف خلينا نمشي البيت قالت لينا عليكم الله ارحموني وطلعت ليها تلفون واتصلت في رقم وشكلو زول متناقش معاها وهي شغاله تقول ليهو اقسم بالله انا افضحك وصوتها كان عالي كانها دخلت في حاله هستريا تفتكرو سعاد مالها ودا منو البتتكلم معاهو دا …يتبع.