رواية أرهقني الفجور الفصل الحادي عشر 11 بقلم نوسه حمد
علا كانت بتبكي ومنهاره وحالها تصعب علي الكافر صفيه كانت بتعاين ليها بزعل شديد وانا قطعت قلبي بس صفيه مسكتني وقالت لي نوسه يلا علا قالت لي نوسه انا صديقت الطفوله زي ما وقفتي مع صفيه وعملتي المستحيل عشان تثبتي برائتها اقيفي معاي انا محتاجه ليك انا تعبت والله خايفه اضيع اكتر بقيت ما طايقه نفسي وما طايقه اي شي عاوزه اعيش سني زيي زيكم وابعد عن كل ماهو حرام انا تعبت شديد والفجور اهلكني ما اسفدت حاجه غير انحرمت من الحياه نظره الناس لي قاسيه وناس بيتنا الكانو سبب لي الانا كنت فيهو ما فارق معاهم شي نوسه انا رغم اي حاجه سيئة عملتها معاك بس انتي كنتي الامان كنت لمن امشي معاك بحس بالفخر لاني عارفه فايلك نظيف وزوله في حالك وعايشه سنك صاح انا الميديا خربتني وخلاص تعبت وفاض بي وماتفتكري كلامي ليك دا كذب شوفي انا حتي فشلت اني اقتل روحي مرتين ورتني اثار موس وخياطه شكلها حاولت تنتحر. قلت ليها علا طيب اهدي انا اساعدك كيف انا ما بي يدي حاجه قالت لي لا بيدك انتي لو ادعيتي لي ساي احتمال دعواتك تستجاب انا والله يا نوسه اتغيرتا وكل يوم بجي جنب بيتكم عشان الاقيك واتكلم معاك وما عندي وش اخش بيتكم انا عارفه قلبك ابيض وح تسامحيني رغم صفيه بعدت منك بس لمن الناس اتفقو عليها انتي وقفتي قصادهم انا عاوزاك تقيفي جنبي ما تقيفي قصاد الناس لانو الاتنشر كلو حقيقه وانا بعترف مافيهو ربع تزوير بس عاوزه ارجع اقرا ان شاء الله في البييت انا عارفه انو صعب انك تجيني في البيت اهلك ح يخافو عليك بس انتي ابوك بعمل ليك حساب استاذني منو اني اجي بس تراجعي لي في البيت وما تخافي مني اقسم بالله يا نوسه انا اتغيرتا واي حاجه تقيف في طريقي تاني ما ح اعملها نفسي اتعلم وامسح كل الحصل لي قلت ليها علا انا ما رافضه اني اساعدك بس اهلي قالت لي نوسه حاولي عشاني اقسم بالله جميلك ح اشيلو في راسي صفيه قالت لي نوسه انا معاكم وان شالله نخت يدنا في يد بعض ونهتم بي دراستنا وربنا كريم وغفور رحيم انا شخصيا رغم اتهمتيني في شرفي عافيه ليك مافي اصعب من المتداول عنك الان ما شماته بس اتزكري انو ربنا مع الضعيف قصدتو تدمرو سمعتي وبراكم دمرتو سمعتكم بي يدكم بس برضو مسامحه علا قالت لي وانتي ي نوسه قلت ليها انا ما اضررت منك يا علا ومسامحاك ربنا يخفف عليك ثقل الايام وتواصلي في طريق الهدايه حسيتا انبسطت ودموعا نهاي ما وقفت ما ياها علا المتحديه السايطه الدنيا والعالمين قالت لينا بنتظركم يوميا في الشارع لمن ربنا يهون لي قلت ليها تمام ان شاءالله ما يحصل الا الخير وابديها بي نفسك اتقربي لي ربنا قالت لي ان شاء الله قلت ليها ممكن اسألك يا علا قالت لي اسالي قلت ليها انا عرفت الحقيقه وانك الولدتي ما حسيتا انخلعت قلت ليها ممكن توريني الحقيقه عاينت لي صفيه وعاينت لي وقالت لي قصه طويله ح احكيها ليك ان شاءالله قلت ليها ربنا يهون ومشينا وهي فاتت بيتهم وقفنا انا وصفيه محتارين صفيه قالت لي غريبه تفتكري فعلا علا تابت وعاوزه البقيف معاها ولا الخوف تكون دي خطه منها قلت ليها انا شخصيا ما خايفه ولا ح اخاف طلبت مني المساعده ما ح اخزلها ان شاءالله وبينا الاحترام انا لو خفت ح اكون خايفه من رده فعل اهلي خلاف ذالك مافي شي بخوفني قالت لي وانا كمان يازوله ان شاءالله ما يحصل الا الخير ودعتني وفاتت دخلت البيت لقيت امي شغاله قالت لي ابوك جاينو ضيوف قلت ليها تمام بقيت اساعد فيها لغايه ما خلصنا ابوي جا ومعاهو الراجل الشغال معاهو في الورشه ومعاهم تاني ناس ما شفتهم اكرمناهم ودخلت رقدتا من التعب نومتا نومه صحيت بي صوت ابوي بقول لينا ناس البيت دايرين يسلمو عليكم طبعا لا انا لا امي ما بنصافح لبست عبايتي ومن بعيد سلمنا عليهم وابوي بكل فخر بعرفنا عليهم وصاحب ابوي كلمه ما شاء الله ما طلعت من خشمو شكلو زول محترم وكانو معاهو اولاد بس ماعرفتهم اولادو ولا ديل منو فيهم واحد حسيتو كان بعاين لي لمن خجلتا دخلت ومن التعب تاني رجعتا نومتا صحيت المساء ابوي قال لي جاك عريس قلت ليهو ابوي عريس شنو انت نسيت انا ألسنه الجايه ممتحنه قال لي ما نسيت يا بتي دا ولد الراجل الطول عمري لحم اكتافي من خيرو وطالب اناسبني وانا بعرفهم شديد الناس ديل العملو معاي اعمامي ما عملو معاي كان بحترمني شديد وعلمو اولادو احترموني رغم اني عامل عندهم بس ما حسسوني اني عامل حسسوني اني صاحب محل وبستشيروني في اي شي ناس خيرهم علي وطلبو مني القرب انا ما عندي مانع بس عمري ما ح اغصبك انا نفسي تعيشي ملكه من الفقر الكنتي فيهو دا قلت ليهو والله الفقر دا ارحم لي من الغناء والناس الغنيانين قال لي بتمني ليك تعيشي في نعيم ولا شنو يا ام نسيبه امي كانت سرحانه وشكلها همت عديل قالت ليهو انا بتي صغيره قال ليها ماف صغر الزمن بقا صعب احسن تتلما ليها علي راجل ونصيبها في القرايه ح تاخدو لو متزوجه او فتاه وبعدين الولد دا دكتور وشغال في الخرطوم يعني ما ح يحرمها من القرايه طاوعوني لو مره هم منتظرين مني رد والعرس في الاجازه استخيري يابتي والفيهو خير اعملو ربنا قلت ليهو حاضر يابا مشيت الغرفه وبكيت قدرتي ما حاسه نفسي عندي استعداد للزواج وما عايزه اتزوج بالطريقه دي خايفه اظلمو ويظلمني الزواج لو مافيهو حب مشكله استخرتا واتوكلت علي الله قلت لي ابوي اديني فرصه اسبوع ح ارد قال لي تمام اخدي راحتك
الصباح مشيت المدرسه لاقتني صفيه قالت لي مالك مهمومه كده حكيت ليها بالحاصل قالت لي غبيه دي ما دايره ليها شوره ولد السر قدال ترفضي والله لو طرق باب اي بت ما ح ترفضو قلت ليها انتي بتعرفيهم قالت لي ماف زول ما بعرفو تقريبا اغني راجل في حلتنا عاوزه اقول ليك حاجه بس ما تحكيها لي اي زول ابو خطيبك دا مرات برحم امي وحتي لمن انا مرضتا هو الدفع لي حق الدكتور امي بتريدهم شديد قلت ليها ابوي زاتو قاعد اقول لي الراجل دا فضلو علي علي العموم انا استخرتا البريدو الله يحصل بس يا صفيه انا عمري ما حبيت وعاوزه البتزوجو احبو وارتبط بيهو قبل الزواج ما نفسي اتزوج زواج تقليدي لي راجل انا ما بعرفو قالت لي انتي لو وافقتي الولد دا زول متعلم اكيد دي ما ح تفوت عليهو قلت ليها قلتي كده طيب انا نهايه الاسبوع بدي ابوي الموافقه والقاسمو الله يحصل قالت لي اتوكلي قلت ليها ان شاء الله والامتحانات قربت لازم نركز قالت لي اي والله وما تنسي انا زاتي زوجي بعد الامتحانات بعمل العرس خلينا نجتهد قلت ليها صفيه حبيتيهو قالت لي نوسه انا ما زيك انا حبيت علاء وقلبي كان متعلق بيهو ما بالساهل احبو بس اكيد ح احبو وح اخاف فيهو الله وعلاء دا اعتبرو طور مراهقه وربنا قسمني بي الحلال قلت ليها فعلا قالت لي اها وعلا نعمل معاها شنو قلت ليها انا زاتي نسيت الموضوع واهلي انشغلو بالضيوف ديل لكن انتي شوفي وقت مناسب وجيبيها وتعالو نبدا مراجعه قالت لي تمام ربنا يهون
بعد كم يوم قلت لي ابوي مبدئيا انا موافقه وابوي وامي فرحو شديد في نفس اليوم دا جاتني صفيه وعلا واهلي رحبو بيهم وما قالو لي اي شي حسيت انهم ما عارفين انو علا مع البنات وما حبيت اكلمهم خصوصا هي تابت وطوالي بدينا قرايه وبقينا نشرح ليها اي شي وكانت حريصه علي اي معلومه اكتر مننا وامي ما قصرت معانا بالموجود اكرمتهم وابوي جا رحب بيهن وقال لينا القرايه هي البتنفعكن خلن بالكن فيها وقعد شرح لينا حبه لمن الصلاه جات ساق اخواني ومشو الجامع حسيت علا حبت امي وابوي شديد وصفيه قالت لي ابوك دا نعمه قلت ليها الدنيا علمتني كتير وابوي علمني اضعاف العلمتني ليهو الدنيا كان بياخدني ع قدر عقلي كان بديني ثقه بخليني اسعي اني ما اخرب ثقتو فيني حسيت جواهم في نقص وما نقص ساي نقص اسري ودا اصعب من اي نقص بعد خلصنا علا بدت تحكي لينا قالت لينا والله انا ح احكي اي شي بصراحه بدون كذب انا كنت بحب علاء وما كنت مظهره الكلام دا عشان عارفه انو علاء ورغد عاملين علاقه وكنت بحاول ادخلكم في الموضوع عشان رغد ما تاخد بالا من علاقتي معاها لانها شرانيه شديد وسبب اي شي انا فيهو السجاير الطلعات الكنا بنطلعا ورا اهلنا حتي حملي كانت سبب فيهو قلنا ليها كيف وطبعا حسيت صفيه بتحمد في ربنا انها بعدت عن علاء قالت لينا يوم مشينا رحله العاصمه وكذبنا عل اهلنا قلنا ليهم مشينا تبع المدرسه والزمن هناك اتاخر علينا والاولاد اجرو لينا شقه في الاول انا رفضت نقعد معاهم وكانت عندي قروش قلت ليهم ناجر برانا بس رغد رفضت وقالت اننا بنخاف وعلاء اعتزر ومشا مع ولد اهلو دخلنا الشقه وحسيت رغد متغيره معاي فجاه طلعت لي دردشتي الكلها غرام مع علاء وكانت بتشرب في سجاره بنقو اي نعم انا سجرت بس عمري ما شربت بنقو حاولت ابرر ليها بس ضربتني شديد حسيت الرحله كلها كانت مخططه وتاني غبت عن الوعي بعد شهر ظهرت علي اعراض الحمل وانا والله ما غلطت بي ارادتي الحصل لي كلو انتقام ومن هنا بديت اتصرف من غير حساب وفي بالي اخلي كل البنات زيي لغايه ما رغد بدت تنتقم مني وتنزل صوري الصورتا لي وانا ما واعيه ونزلت الصور الكنت مرسلاهم لي علاء كانت صور خاصه وانا بديت انتقم دفعت قروش وهكرت حسابتهم وفضحتهم وحصل الحصل مافي زول عارف الحقيقه غيركم وبتمني تستروني انا والله اتغيرت حتي اهلي ما عارفين اني ولدت بالحرام لانو بطني ما كانت ظاهره قلت ليها طيب يوم ولدتي الحصل شنو قالت لينا دا قصه طويله ماقادره احكيها هسي لانو الزكريات دي بتقرفني ح احكيها ليكم ………..منو الفيكم اتوقع الحاصل دا بالتفصيل.