رواية أرهقني الفجور الفصل الثامن عشر 18 بقلم نوسه حمد
علا حاولت تستفزني وتشككني في شهاب بس اتزكرت شهاب وكلامو لي قال لي ما تصدقي اي شي بتقال وانو هو مشا عشان يعرف البنات والاولاد العاملين جوطه في الحله قلت ليها علا الحاجه الانتي ما عارفاها انا شهاب رفضتو وهو ما خطيبي وما عندي فيهو شغله وبعدين ممكن سؤال انتي جيتيني تبكي وقلتي توبتي وتعبتي من حياه الفجور الكنتي فيها فجاه اختفيتي وصفيه اختفت وجيتي ظهرتي لي بموضوع تاني قالت لي صفيه بقت معانا ومشينا ساهرنا للصباح عشنا اجمل لحظات في الدنيا الفانيه دي قلت ليها معقوله صفيه تعمل كده قالت لي وليه ما معقول فتحت لي فيديو وشكلها صفيه تضحك وحيلها ميت وقاعد جنبها راجل والمقطع ماشفتو كلو. قلت ليها انتي جاده وقلبي ادق علي صفيه خلاص ح ينشرو صورها وح يرفدوها وصفيه حلفتني اقيف معاها قلت ليها علا لو سمحتي ابوي عرف الحاصل ومنعني تاني اقيف معاك لو سمحتي تاني ما تجيني قالت لي قادر الله علي ابوك وعلي بيتكم الطردتوني منو يابت انا امك لمن كانت بتجيب لي عصير بطلع استفرغو انتو ما حاسين الفقر الانتو فيهو انا المفترض ما اجيكم وبقت تنبز في اهلي الرحبو بيها اتغظت منها خليتا تتكلم ومشيت المدرسه وغالبني احكي لصفيه اي شي سالتني من شهاب قلت ليها اظنو امس مشا ليهم بس م عارفه حاجه انتي كيف قالت لي م عارفه بس م كويسه وارح معاي قلت ليها وين قالت لي بتعرفي مشينا فصل ثانيه ثانوي التاني ونادت منو بت البت تشبه ناس علا شبه قالت ليها دايره شنو قالت ليها ارح معاي بتعرفي ومشينا ورا الفصول صفيه بقت ماسكه البت من رقبتها وقالت ليها توريني عملو فيني شنو يا ما اخليك البت قادره قعدت تكورك في صفيه
وبقت تقول ليها انا بعرفك من وين وانتي بتتكلمي عن شنو البت نكرت الحاصل واتهمت صفيه انها مجنون واتفكت منها ومشت المكتب للمدير المدير جا نادا صفيه وقال ليها صحي الكلام دا بقت تقول ليهو كلام شنو قال ليها انتو كنتو تشربو في سجاير والبت شافتكم وقلتو ليها الا تشربي معانا انا قعدت احلف ليهو انها كذابه وصفيه تحلف والبت تحلف المدير غلبو البعملو قال لينا انتن دايرات تجنني انا كل يوم اهدي فيكن بس ما دايرات تتهدن قلت ليهو والله نحنا بنحاول نساعدك انت ما عارف حاجه البت دي هي القليله ادب ومع الدفعه الاترفدت وصفيه كانت عارفه مكان بقعدو واشهد الله مشت عشان تشوف هل هم لسه بسوقو بنات من المدرسه واغروهن عشان لو لسه الحاجه دي مواصله نحنا نتصداها ونشوف ليها حل بس الحصل لي صفيه غير والبت دي ما دايره تعترف وتورينا هم عملو في صفيه شنو وصفيه بقت تحكي ليهو في الحاصل من لحظه مشت واتفقت مع الولد العاقد عليها انو يعمل روحو جاي ساي بس اتفاجات ودوها بيت وما عرفت تتصرف وشافت البت دي معاهم هناك وانا اليوم علا لاقتني وحاولت تستفذني بالكلام عشان تسوقني معاها بس انا شهاب كان مكلمني انو مهما كان ما اسمع كلامها وورتني فيديو مصوراهو لي صفيه وهي ف حاله عدم وعي صفيه قالت لي شنو يا نوسه انتي جاده انا خوفت علي مشاعر صفيه وقلبي انقطع المدير بقا استغفر وقال لينا واحده فيكن تتحرك مافي وطلع بره اتصل مكالمه وجا داخل اداني خطاب لي كل واحده قال لينا تدوهو لي ولي امركم وما تجو المدرسه من غيرهم انا قلبي قعد ادق ابوي لو عرف بموت وصفيه قالت لي ابوي بقتلني قلت ليها بتتسهل ارح بيتنا نفكر ولو انرفدنا مشكله امتحاناتنا بعد اسبوعين رجعنا البيت امي التقول قلبها بحس بقت تسال فينا اساله نكير قالت لينا مالكم فشنو قلنا ليها اجزو لينا للامتحانات حسيتا بين صدقت وما صدقت دخلنا منها الغرفه اديت صفيه اتصلت لي ولد عمهما وكانت تبكي قالت ليهو علا صورتني فيديو وناس المدرسه ادوني خطاب ورفدوني قال ليها كدي اصبري ما تبكي علا الفيديو الصورتو فيهو شنو هل انتي ما لابسه ملابس ولا كيف قالت ليهو هي ما ورتني ليهو ورتو لي نوسه قال ليها اساليها قلت ليها قولي ليهو لا لابسه بس كنت م واعيه وجنبي راجل صفيه انا احكي ليها وهي تبكي غلبها تتكلم معاهو شيلت التلفون وفهمتو قال لي صفيه كويسه قلت ليهو كويسه بس خايفه شالت مني التلفون وقالت ليهو لا قدر الله لو حصل لي حاجه بتخليني انا بقيت خايفه من رده فعلو وقلبي في يدي صفيه مسكينه والحصل ليها ما بي يدها قال ليها لو لا قدر الله جاتك حاجه انا مستحيل اتخلا عنك لانو كلمتيني بي اي شي قبل تمشي بس والله تجيك حاجه ما ح اسكت زي الناس التانين سكتو بحرق الحله دي بي جاز صفيه قعدت تبكي وجدعت التلفون بقيت اهدي فيها وهي ندمانه وتقول لي ياريتني ما مشيت انا ح اموت يا نوسه قلت ليها معليش حبيبتي ما بي يدك وخطيبا كان لسه في التلفون قلت ليهو المشكلة انو المدير رفدنا وقال الا نجيب ولي امرنا وانا اهلي بقتلوني وصفيه امها مع ابوها قال لي انا راجلها وبجي بكره كلميها ما تشيل هم وطبطبي عليها قولي ليها انا معاك ما ح اتخلا عنك والبرشك بالمويه برشو بالدم وقفل الخط قلت لي صفيه احمدي الله انك وقعتي في راجل وخلاص مشكلتك انحلت فضلتا انا ح اكلم شهاب لانو فاهم اي شي قالت لي شهاب متعلم ح يتفهم الكلام واستاذنت مني وطلعت انا مشيت استحميت وصليت حسيت نفسي عاوزه ارتاح من الهم دا قعدت اتونس مع امي لغايه ابوي ما جا لقانا نضحك قال لي الليله جيت بدري عشان نمشي لي ابو صفيه وشهاب اتصل علي قال لي راجيكم العصر في المركز مع الدكتور زميلو تمشي معاي ولا امشي براي امي قالت ليهو بتي من هنا ما بتتحرك دايرهم يقولو عليها شنو مبارياهو من هسي قال ليها يا وليه استهدي بالله انا اقصد انها تمشي معاي ناس صفيه قلت ليهو طيب يا ابوي اتغدينا ولبستا عبايتي ومشينا لي ناس صفيه وابوها المرض هلك جسمو بقا ما زي زمان لدرجه انو ما قدر يمشي مع ابوي لغايه ما ابوي جاب رقشه وساقو بيها ومنعنا نمشي معاهو قال لي ما تطلعي مع المغارب براك انا بجي اسوقك وبكلم امك عشان ما تقلق قلت ليهو حاضر صفيه قالت لي من غيركم ما كان عارفين نعمل شنو واظنو خطيبها كان مراغب الشارع جا داخل لمن ناس ابوي فاتو سلم علينا وام صفيه قالت ليهو عمك عزرو معاهو ما تزعل منو قال ليها ما زعلان والله بس ع الاقل هسي كان اقيف جنبو في مرضو دا قالت ليهو ما بتقصر بس هو شايف انو غلط تدخل بيتنا قبل تتم العرس ورغم انك صاحب بيت قال ليها ربنا يهون انا والله منتظر صفيه تخلص ومافي شي موقفني وامي تجي من السعوديه واخوي زاتو جاي يحضر العرس قالت ليهو خير والله ادي ابوها العافيه ويتمو ليكم قال ليها امين صفيه قالت ليهو دي نسيبه سلم علي وشكرني قال لي بجد شكرا ليكم ربنا اديكم العافيه ما قصرتو مععاهم قلت ليهو العفو صفيه دي اختي ومشيت لحقت امها في المطبخ قلت ليها ممكن اساعدك قالت لي لا لا يابتي ارتاحي لاحظت لي بيتهم نظيف ما زي المره الفاتت شكلو صفيه مهتمه بيهو شديد لمن شيلنا العصير وطلعنا لقيناهو فات امها قالت ليها كان تمسكي للعصير قالت لينا قال خايف ابوي اجي قعدت اتونس معاهم لغايه صلاه المغرب صليت واخوان صفيه جو جارين اكوركو قالو لي صفيه ابوي جابوهو بره بي عربيه سمحه وكبيره بعد شويه ابوي جا داخل وساند ابوصفيه ومعاهو شهاب شكلها دي عربيتو كفر ليهم وقال ليهم تواظبو علي العلاج ووصف لي صفيه العلاجات وشكروهو شهاب قال لي ابوي النوصلكم طلعنا معاهو وكان بعاين لي بالمرايه نزلنا في البيت ابوي قال ليهو اتفضل قال ليهو لا لا الوقت متاخر بجيكم يوم تاني نزلنا البيت ابوي حكا لي امي وبقا يشكر ليها في شهاب وامي جهزت العشاء اتعشيت ودخلت انوم لقيتو متصل اتكلمت معاهو ووريتو انو المدير فصلني قال لي ما تشيلي هم بكره بجي المدرسه وبشوف الحاصل شنو حكيت ليهو بخطيب صفيه قال لي الولد دا احتمال افيدنا جيبي لي رقمو مليتو ليهو قال لي اول شي يا نوسه في قصص كتيره ورا الكلام دا ما علا براها انا مشيت زي ما قلت ليك وصفيه معاها كم بت وانا متاكد ح تكون من ضمنهم البت الاتشاكلتو معاها والبنات ديل ما دايرين قرايه ودايره اقول حاجه بس خايف من رده فعلك قلت ليهو شنو قول يا شهاب فشنو قال لي اخوك انا هنا راسي لفه والدنيا دارت بي تتوقعو اخوي مالو …… يتبع.