رواية أرهقني الفجور الفصل الرابع والعشرون 24 بقلم نوسه حمد
الضابط قال لي انتي كده عملتي العليك وشهادتك مع رفع القضيه حركت القضيه القديمه الكانت مرفوعه في المدرسه والطالبات والبواب والمديره اتكتمت عليها وانا غصبا عني بي امر من فوق وقفت شغل فيها ودا كان غلط كبير دفعو تمنو بعض زميلاتك وانا والله وعد اني اكشفهم واخد حق اي بت غصبوها علي الفجور بس عاوز منكم تتكتمو ع الخبر دا خلوهم يعيشو دور انهم لسه ما انكشفو انا ع قدر ما اقدر ح اجمع عنهم بيانات لاني بتزكر في طالبه زرعتها جواهم الزمن داك عشان تعرف المعاهم منو ومنو بس انجبرت اني اوقف القضيه اسال الله القاها لسه متزكره ام سعاد قالت ليهو بتتزكر لو ما اتزكرت زكرها حسيتا بي اي طريقه عاوزه تدمرهم لانو الحصل لبتها حاجه ماساهله وانا متاكده انو ما كان بي رضاها ممكن سعاد تكون نفسها امرتها بالحب بالعلاقات بس تعمل حاجه زي دي مستحيل والف مستحيل حسبي الله ونعم الوكيل فيهم خلوها تموت كافره غيبوها عن الوعي بسبب الصدمه الدخلت فيها
رجعنا البيت واول مره احس بالي مرتاح ابوي قال لي اها كده ارتحتي قلت ليهو مابرتاح الا علا وشلتها يقعو والمدرسه ترجع سمعتها قال لي خلاص دي بقت في يد الحكومه وعشان كده خليهم يشوفو شغلهم وافرحي بي عرسك قلت ليهو تمام
مرت الايام ونفسي اشوف صفيه اسلم عليها نفسي اعرف اخبارها قلبي معاها رسلت زهير اخوي يعزمهم وقلت ليهو كرر لي امها انها لازم تعزم صفيه زهير مشا وجا قال لي كلمتهم بس لمن قلت ليها كلمي صفيه امها سرحت وقالت لي صفيه بحسره نوسه هي صفيه مالا قلت ليهو صفيه قصتها قصه يا زهير انا الوحيده العارفه الحصل ليها ربنا انتقم منها علا هي السبب قال لي نوسه ناهيك عن اي شي وناهيك عن الهلاك الحاصل بس مصيرو الحق يظهر انتي مفتكراهم مدي العمر ح يكونو كده قلت ليهو فعلا بس فايده توبتهم شنو اذا دمرو البنات قال لي انتي مفتكرا البعملن فيهو دا بي فايده بس دا مرض انا غلطت وانا كعبه ليه كل البنات ما تكون زيي الواحده ما بتقول ربنا اهديني وتعترف بي ذنبها لا لا بتسعي لي انها تدمر البقيه عكس الاولاد اي هم بقودك للسوء بس ما لي درجه انو يغصبوك والولد بي طبيعتو مازي البت راسو خفيف ومن اصل سن معينه بعمل فيها انو انا خلاص كبرت ولازم اعمل اي شي واي غلط ما محسوب علي انا ما ولد في النهايه ما ملام بس عمرو الحلال والحرام ما كان ما فيهو ملامه الغلط كلو لوم عليك امام ربنا انا تجبرتي ورتني انو الرجوله ماسجاره ولا علاقه مع البنات الرجوله كيف انك تثبت للمجتمع انك راجل بالمواقف والشهامة ما بالسجاير والحركات ولو ما انتي يا نوسه الله اعلم اكون واقف جنبك الوقفه دي عارفه زميلي عمر قلت ليهو اي مالو قال لي ما شايفاهو مختفي قلت ليهو كيف قال لي عمر دا مسلط واي شي عاوز يجربو من غير تفكير وفي يوم من الايام وفي جلسه من الجلسات بدو يتداولو حاجه كده مخدرات ايس المهم اسمها ما عارفه ادوني منها بس انا خوفتا قلت ليهم لا طبعا عمر ما صدق مر يا زمن عمر اثرت معاهو رغم انو كل الشربوها كانو واعيين بس عمر اليوم داك تعب تعب نحنا قلنا يموت ما عارف ضرتو بشنو لدرجه هم خافو وقالو لي سوقو عاوزين يخارجوهو ما يجيب ليهم مشكله بس انا كنت واعي ورفضتا خليتو معاهم ولي تالت يوم عمر اظنو فتح انا بتزكر لمن اهلو سألوني منو عدا اليوم التالت ونكرتو طبعا رغم كل زملائي قالو لي اهلو كان معاي لو ما ظهر كان اسمي يكوم مشرف الحكومه بس عدت ع خير والمشكله ما هنا المشكله بعد عمر ظهر الحصل شنو تقريبا مرض وجاتو حاجه ما عارفه شنو واهلو شكلو الدكتور كلمهم انو ولدهم متعاطي حاجه اتكتمو علي الحصل ليهم ودا اخر يوم شفت فيهو عمر وللان خايف اعتب بيتهم يسألوني من الحاصل وانا ما داير ادخل في سين وجيم قلت ليهو حرام عليك دي م رجاله هسي لو مات ضميرك ما ح يأنبك قال لي نوسه ما تخوفيني انا براي والله بقيت لمن اتزكر حالتو ما بنوم كان نفسي في اللحظه اديك احرقهم بي جاز كلهم اكتر يوم غضبتا فيهو منها وانتي كشفتيني لي امي قلت ليهو انا متاكده الزي عمر كتار بس الاهل بخجلو مافي واحد ح يتجرأ يقول ولدي حصل ليهو كده عشان افتشو لحلول نسال الله ينتقم منهم وما يدمرو ناس تانين انا شخصيا بطني دي طمت الله اعلم اجي اقرا هنا الا اجيكم زياره قال لي لو علي انا ولا تجي حله مرض وتشيلك الهم من انت صغير عدم الفهم مصيبه انا مبسوط انك انسترتي ربنا عالم بي حال امي وابوي وتربيتهم لينا ما وقعت واطه قلت ليهو عشان ما نظلم البقيه في ناس متربين شديد بس ديل شواطين قدرو دمروهم قال لي انا معاك يا نوسه بس الله اعلم اكونو زي امي وابوي انا بتزكر ابوي دا قال لي كلام والله يا نوسه لو قالوهو لي عاصي يتوب ابوي ما اداني ثقه واكتفي ابوي زرع فيني صفات لو ماعاينت ليها كانت اتلاشت وع فكره شهاب بعد شافني مع ناس علا والشله البايظه دي سمعني كلام قال لي انا كنت بشرب سجاير ابوك اداني فيهم درس لو ماهو انا للان كان اكون مدمن سجاير واتكلم عن ابوي كلام كتير سمح في اللحظه دي حسيت بفخر قلت ليهو انا ما عايزه منك غير تعاين لي اخواتي واخواني وتفهمن اي شي من هسي خليهم ما يثقو في اي زول شوف هسي انا كنت واثقه في علا ما جاني شك واحد ف الميه علا تعمل ربع العملتو دا واهلي برضو بس امي كانت حاسه قلب الام طوالي بتقول لي البت دي ما من توبك وكنت بفتكر انها تقصد انهم ناس عندهم قروش ما افتكرت الموضوع اكبر رغم ثقتي فيها بس ما حصل مشيت ليهم عشان امي بتمنعني وكتير هي بتقول لي تعالي لي بس امي كانت بتقول لي نهاي ما بتمشي لو امي خلتني كان بقا علي البقا علي سعاد بعد دخلت بيتهم حاولت تدخلها بيتهم ومن هناك اظنها بتقول ليها ارح نطلع واهلا ما فارق معاهم طلعت ولا قعدت اناغايتو تسعه وتسعين في الميه بلوم اهلها انت عارف علا دي بتجي المدرسه بقروش ابوي ما عندو والبنات كلهن مصاحباتنها عشان قروشها وانا والله من ندخل المدرسه بفارقها خمجوها وعودوها علي انها تصرف وما تعمل حساب ودا كلو علي حساب نفسها وهي الاضررت انا غايتو اتعلمت درس موش هدا شهاب عندو قروش لكن صدقني مستحيل ادي اولادي قروش من غير فهم وافهمهم انو تاخد البكفي حوجتك وبس اشيلو قروش الفطور وخلاص ما ضروري يعيشو رفاهيه من غير مفهوم عشان فيما بعد استخدموهن في الفارغه الوصلت ليها علا دي قال لي اي والله هسي نحنا اقرب مثال ابوي مكفي حوجتنا وما معودنا علي الخمج لدرجه انو شايفين القروش نعمه استحاله نضيعها في الفارغه البعملو فيها دي قلت ليهو اكيد وربنا يحفظنا ويهدي اي زول قال لي امين زهير كان بديني احساس انو زواجي رحمه وستره وانو هم واتشال منهم بسبب الحاصل من فساد وفجور حسيتو كان خايف علي من انو يحصل علي زي باقي البنات وليهو حق يخاف قرار زواجي ما جا بالساهل بعد شفت الراجل في المدرسه حسيت اني ممكن عادي افقد نفسي في المدرسه بقيت اتوقع اي شي بعد الحصل لصفيه
مرت الايام وخلاص بقيت مشغوله في نفسي وبنات اهلي اجهزن فيني كنت مبسوطه شديد واهلي كمان وشهاب تفاصيل عرسي كلها كان قايم بيها هو لدرجه في حاجات انا كنت ما فاكره ليهم هو البعملهم لي وعمل لي حفله حنه عزمت فيها كل بنات اهلي واهلو برضو جو ما لبست لبس شاذ ولا اوفر اختصرت نفسي عشان اطلع يوم العرس احلي وفعلا يوم عرسي طلعت حلوه شديد وكنت اكتر من مبسوطه وانبسطتا اكتر بشوفه صفيه بس حالها ما كان عاجبني حسيت انها شايله هم ما يعلم بيهو الا ربنا كل ما عيني تقع فيها دمعتي تنزل وهي الحفله كلها تعاين لي وتبكي لدرجه انو حسيت اننا ما ح نتقابل ونظراتها لي كانت بتقول نوسه انا محتاجه ليك شهاب حسا بي وطلب من صفيه تقعد لمن الحفله تنتهي عشان انا مشتاقه ليها وشكلو راجلها جا معاها اتكلم معاهو بعد تعب حتي وافق واول مره كنت اشوف فيهو راجلها ولد صغير م كبير وما ظاهر عليهو انو متخلف بس ما عارفه قصتهم شنو الحفله انتهت وشهاب قال لي اخليك تجهزي وبجي اسوقك قلت ليهو طيب مشيت البيت وصفيه كانت معاي ساعه حاضناني وتبكي وتقول لي الحمد لله يا نوسه انك اتزوجتي نوسه ماشفتي الحياه العايشاها بسبب غلطه غصبا عني وبقت تحكي لي قالت لي كل ما اقنعو انو والله الحصل لي غصبا عني يضربني ويزلني وكل ما يضربني بقول استاهل نوسه انا غلطتا مالي ومال بنات الحله ياريتني حفظتا نفسي انا لو ما ايماني قوي كان حصل لي زي م حصل لي سعاد وهسي لو ح ازلني كده نوسه ارحم لي الموت وكل يوم اهددني انو يكلم اهلي انو انا مابت وانا خايفه ابوي وامي تحصل ليهم حاجه كفايه حياه الفقر الهم فيها ومنعني الدراسه دي اكتر حاجه وجعتني والحمد لله علي قسمتي قلت ليها صفيه استحملي صدقيني الحق ح يظهر ام سعاد رفعت قضيه في الشله كلها وانا مشيت كتبت اقوالي ومن ضمن اقوالي كتبت انو انتي حصل ليك غصبا عنك وكتبت انك اتزوجتي وبسببهم عايشه في جحيم صدقيني الحق ح يظهر والناس ديل ح يتكشفو وبعد زوجك يعرف الحقيقه انا متاكده يا صفيه ح يندم علي اي لحظه زلاك فيها واهانك قالت لي نوسه انتي م جاده يابت لو مفتكره الراجل الشافتو عيني دا بقع اكون كذبت عليك يابت دا يدو واصله بطلع منها زي السلام عليكم وكل الشله والمعاها ح يقعو وح يصفونا بالعاهرات زي م حصل المره الفاتت والقضيه ح تتلم وتقولي صفيه قالت صفيه ما تابعت كلاما زوجها جا ساقها وحسيت انو ممكن زي ما قالت الناس ديل ما يقعو وتكون المشكله قايمه وفساد يتوارثو الأجيال حسيت بقهر ما طبيعي اتمنيت ف اللحظه ديك اكون انا القانون واعاقب اي انسان اتعدا حدود علي بت قاصر ويوصلها لمرحله الفجور بس الحمد لله .......يتبع تفتكرو كلام صفيه صاح والناس ديل صعب أنهم يقعو ولا ح تحصل معجزه وكل القصص تنكشف والقانون ياخد مجراهو.
يتبع.