رواية أرهقني الفجور الفصل الثامن والعشرون 28 بقلم نوسه حمد
شهاب قال لي نوسه طبعا قبضو علي الراجل الورا البنات واهلو اثبتو انو هو مريض نفسيا ولو فعلا هو مريض نفسيا ح يطلع منها وح يتورط علاء وامو وقال لي علاء وامو اثبتو عكس كلام اهل الراجل وقالو انو هو كويس وعقليتو كويسه بس مريض في الحاجات التانيه والامور اتعقدت شديد وحكا لي انو من ضمن الاعترافات انتي كنتي ح تكوني اول الضحايا لانك كنتي شاطره بس ربنا سترك قلت ليهو فعلا والله في الاول علاء كان بكرهني واتعمدت يهيني قدام الطلاب وتعليق علي ملابسي لانو كنت في بدايه المدرسه ظروفنا م كويسه وملابسي كانت قديمه ومشرطه كل الطلاب اتنمرو علي ومن ضمنهم استاذ علاء وما كده بس في كل المواد جبتا درجات كويسه الا مادتو هو وقاصد عمل كده وبعد دا كلو جيت الاولي ربنا كريم وقفت معاي استاذه منال وقالت لي ما تركزي معاهو وما تمشي ليهو في مكتبو بتزكر اكيد حست في حاجه لانو مستحيل تقول لي كده ساي وغير كده المديرة لمن قبضو البنات اشربو في السجاير لملمو المموضوع لمن البنات اتطورن وولدت علا في المدرسه ودي الفضيحه التانيه الحصلت واتهمو صفيه وشهدو زور ضد صفيه ودا كلو انا كنت مفتكره انهم ماعاوزين الكلام دا يتطور خوفا ع المدرسه وفي نفس الوقت حصل خلاف واتنشرت صور وفيديوهات لي البنات ديل ومن هنا سمعه المدرسه وصلت الارض والناس نصها الكتير اتحولو للمدرسه الخاصه معناتا يا شهاب اي شي مخطط بدقه والضحايا البنات المعاهم ديل بس مشكلتهم قادرات هم الوصلو نفسهم للمرحله دي قال لي اي وع فكره هم م اتوقعوا يحصل كده كانو مطمنين شديد واي شي بعملو بثقه انو ماف زول بفتش وراهم لو ما انتحار سعاد شعلل النيران وكونو انو يقبضو عليهم دي براها نعمه قلت ليهو اكيد بس يا شهاب لو فعلا الزول دا طلع منها والضابط صدق الشهاده المرضيه بحالتو النفسيه القدموها اخوانو صدقني ماف اي فايده من اي شي قال لي الضابط دا حريص انا متاكد ما ح يصدق بسهوله قلت ليهو ان شاء الله عشان قلبنا دا يرتاح والامان يرجع للمدرسه قال لي اكيد ان شاءالله وانا متاكد منك ح ترفعي اسم المدرسه وع فكره المدير انبسط شديد انك ح تجي تمتحني هناك قال لي بتي دي واثق منها ح تصلح الخربوهو كل الناس وسمعه المدرسه ترجع احسن من اول قلت ليهو ان شاءالله ما اخزلهم قال لي اكيد حبيبتي انتي قدرها بعد تمر التلاته شهور الاوائل دي انتي ح ترجعي احسن من اول وفي الفتره دي اجتهدي قبل الشهور الاخيره تجي قلت ليهو ان شالله وهسي انا مرتاحه ريان ماقصرت مني قال لي بت حلال وقعت ليك في جرح قلت ليهو اي والله ربنا يسترها ويسترني معاها
من ناحيه كلام شهاب طمني ومن ناحيه الراجل واثباتات اهلو بطني طمت شديد بس ربنا قادر يظهر الحق
مرت الايام والشهور وانا الحمد لله ما تعبت نهاي في المدرسه وكنت مجتهده شديد وكنت ع تواصل دايم بي صفيه وحكت لي انو ولد عمها اتزوج وارتاحت اخيرا من همو ورمت الماضي وراها والمشروع العملتو ماشي معاها كويس ودا غير ابوها العقدتو انحلت من الشغل وكل مره تشكر لي ابوي قلت ليها ابوي ماعمل شي ابوك يستاهل السند وربنا يهون ليهم الاتنين لانو اعمارهم خلاص قالت لي والله نفسي اتخرج سريع وانفعهم قلت ليها ان شاءالله سالتها من ام سعاد قالت لي طبعا يا نوسه ام سعاد مرات احسها طبيعيه مرات احسها م طبيعيه واليوم كلو غير سعاد عملت وسعاد فعلت ماعندها كلمه والموجعني يا نوسه انها براها بناتها متزوجات ومع رجالهم وماعندها الولد والله الولد سمح هسي لو كان عندها ولد لو اتزوج تلقا البقعد معاها قلت ليها اي والله بس انتي ما تقصري منها قالت لي اكيد وعندها اختها بتجيها بس حاساها ما دايراهم نهاااااي قلت ليها من العليها بتكون متاثره بكلام الناس والناس ما برحمو بيعرفو يتكلمو بس من غير ما يراعو والله اكون في عونها قالت لي امين
مرت الايام والضابط قال لي شهاب الراجل كويس ما مريض واهلو عشان ناس غنيانين وخايفين علي سمعتهم طلعو شهاده مزوره وما راعو للبنات السمعتهم اتشوهت بسببو والمدرسه تبعهم اتلغت من وزاره التربية والتعليم وكل الطلاب رجعو المدرسه الحكوميه ودا كان اكبر انجاز انبسطتا بيهو وكل الحصل لسعاد تهمتو اتوجهت لي علاء وموقفو صعب شديد احتمال امو موقفها اخف غدر انها سكتت علي الحاصل وما وقفت المهازل دي واحتمال الجلسه الجايه نقدر نحكم عليهم
الاخبار دي كان نفسي اسمعها من زمان وكونو انو المدرسه سمعتها رجعت انا كنت مبسوطه شديد واتصلت كلمتا صفيه فرحت شديد
مرت الايام وجونا اهل علا طبعا انا لمن طقو لي الباب وشفتهم اترعبتا فضلتهم واتصلت لي شهاب وكلمتو وبقيت منتظراهو اجي وهم حسو بي مرتبكه ونظراتهم لي حقد مع كراهيه مع غيره تتوقعو جو لشنو ………يتبع.