رواية أرهقني الفجور الفصل الثالث عشر 13 بقلم نوسه حمد
علا بقت تعاين لي شهاب ونهاي ما نزلت عينا من عليهو انا ما عاينت ليهو كده شهاب طوالي طلع ولاحظت ليهو ما عاين ليها كتير بس بقا اقول لي نوسه في امانه ح اختخا ليك مع ابوك وطلع علا قالت لي شهاب دا ببقا ليكم قلت ليها لا ما ببقا لينا قالت لي طيب الجابو ليكم شنو وقاعدين براكم قلت ليها عايني لي هنا عشان راسك ما يودي ويجيب شهاب دا خطيبي علا شهقت قالت لي معقوله شهاب يخطبك انتي كلمتها نزلت علي زي الصاقعه قلت ليها وانا مالي ناقصه من باقي البنات ولا عشان نحنا فقراء ما بنتزوج الا من فقير وكانت نبره صوتي فيها العبره بس مسكت نفسي عشان دموعي ما تنزل قالت لي ما كده بس استغربتا شهاب دا مكسر بنات كل الحله والاسمح منك اجي اخطبك انتي قلت ليها انتي قصتك شنو شايفاهو كتير علي ولا انا ما زول وبعدين يا علا شهاب ما اعمي من البنات البتتكلمي عنهم ديل وع فكره عمرها ما كانت بالمظاهر شهاب طلب يدي قبل يشوفني حسيتا لسه محتاره قالت لي انتي زعلتي ولا شنو قلت ليها با بس انا مصدعه ما عندي مزاج اقرا صفيه ما كلمتك اتهربت من سؤالي وطلعت بعد طلعت قفلت الغرفه وبكيت قدرتي معقوله نظره الناس للفقراء استكترو عليهم اي حاجه ما اتوقعت انها تطعني بالكلام رغم نظرتهم لينا بس سبحان الله ربنا معانا وهو الرزاق لو بقت عندهم يحرمونا من الهواء ابوي جا قال لي شهاب ختا ليك تلفون هنا قال عشان اتواصل معاك بيهو واستاذن مني وانا قبلتو لاني خلاص اديتك ليهو قلت ليهو بس انا ما عايزاهو قال لي طيب اتفاهم معاك كيف يابتي فتره الخطوبه في الشرع مزكوره هو ما زول لعب زول طلبك بالحلال قلت ليهو تمام وطبعا انا ما بفهم في التلفونات كتيره وشكلو التلفون فخم وشكلو مدخل فيهو شريحه ختيتو جنبي ونومتا الصبح سامعه صوت نغمه قلبي ادق واتوترتا شديد ياربي دا شنو فتحت النور وجيت لقيت التلفون جنبي مسكتو لقيتو تنبيه ⏰ مواعيد صلاه الصبح كاتب لي صلاه الصبح ياغاليه انا قلبي حسيتو داير اطلع من مكانو وبقيت حاضنه التلفون ومبتسمه وامي شكلها جايه تصحيني للصبح جات لقتني بالوضع دا وشغاله تتكلم معاي وانا والله ماشوفتها رغم انها واقفه جنبي ومن لحظتها عرفت الحب اول حاجه بشيلا منك انتباهك لو ما اتحكمت فيهو مشكله امي بقت تكورك لي ابوي قالت ليهو تعال شوف المصيبه الاديتا ليها دي جننتا بقيت اقنع فيها انو والله دا تنبيه للصلاه عاملو شهاب ابوي قال ليها مالك ومالا خليها علي راحتها ما تكتمي نفسها انا واثق من بتي
خليتهم يتكلمو ومشيت صليت قلت لي امي ح اخد نومه صحيني للمدرسه قالت لي تمام دخلت لقيت التلفون بضرب ودي ح تكون اول مره في حياتي اتكلم بالتلفون انا متاكده مافي زول ح يصدق الحاجه دي بس دي الحقيقه رديت عليهو وصوتي حلف ابا يطلع بدل ارد بصوت حنين ودلع حسيت صوتي زي صوت السخله قال لي الغاليه كيفك وانا صوتي حلف ابا ينطلق قال لي يا ساتر عندك التهاب ولا شنو قلت ليهو اي اي قال لي بس صوتك فيهو نبره خجل سكتا ما رديت قال لي من حقك اي شي بس ما عاوزك تخجلي مني لاني ح اكون زوجك في يوم من الايام انا قلبي بقا ضرباتو زايده شديد وغلبني نهاي اتكلم بس ساكته وهو يتكلم معاي وانا شغاله ليهو اي وسمح قال لي م مشكله ح تتعودي واخليك بعد كده تقومي تلبسي وتمشي المدرسه واتحصني قبل تطلعي يلا في رعايه الله وقفل الخط الولد شغال يتكلم براهو قلتا ياربي ح اتعود عليهو واتكلم ولا ح يغلبني قومتا لبست ومعنوياتي مرتفعه ومشيت المدرسه لاقتني صفيه قالت لي طبعا متشوقه اعرف اها الحصل شنو وخطيبك جاك قلت ليها اي جا وما اتكلم معاي زي الناس علا جات زي القدر المستعجل قالت لي انتي جاده علا انا كلمتها قلت ليها ما تمشي ووريتا عديل قلت ليها والله القلتي فيها كلو صاح امس جات واسلوبها ما عجبني استكترت علي شهاب قالت لي معناتا قلبها ما نظيف انا وريتك قلت ليك خوفتني قلت ليها ما اتوقعت اخاف بس صدمتني عديل قالت لي عشان كده نعمل حسابنا قلت ليها خايفه تقوم تشلبو مني صفيه قعدت تضحك قالت لي انتي هبله قلت ليها ما هبله بس هي بتعرف تحنك وانا والله امس اتصل علي شغاله ليهو لغه الحمير ديك والولد راقي يا صفيه معقوله يستحملني غايتو الله اعلم قالت لي هو ما اعمي منهن انتي نسيتي انو قرا جامعه شاف البنات اشكال وانواع واشتغل في مستشفى يعني شاف الدكتورات السمحات ديك قلت ليها غايتو لو اتزوجتو قسمتي قويه قالت لي ان شاءالله اها احكي لي ان شاءالله ارتحتي ليهو قلت ليها شديد قالت لي حظك ربنا يسعدكم انا غايتو العاقد علي دا ابوي شبعو عكاكيز وبقا راقد ليهو في الحوش الولد لو جا ماشي بالشارع ساي بقول ليهو الجابك بهنا شنو ونفسي يا نوسه احبو اموت واحبو وما لاقيه طريقه قلت ليها اسمعيني انا عندي تلفون جابو لي شهاب لو هو عندو جيبو رقمو اتونسي معاهو قالت لي لا لا يا نوسه اعمل ليك مشاكل قلت ليها لا لا شهاب بكلمو عديل قالت لي نشوف ربنا يهون هو زاتو غبي ما بجي الا لمن ابوي اكون قاعد قلت ليها بتتسهل
خلصنا اليوم الدراسي وبقيت خايفه من علا شديد صفيه جات ومعاها علا وعلا لمن شافت التلفون لمن شهقت قالت لي دخلتي العولمه ياربي بتعرفي لي ولا بتتهجمي قلت ليها بتهجم وحدي هنا كفايه تطفل مسكت كتابي وبقيت اقرا خليتا مع صفيه تقرا وما ركزت معاهم بس بطني عليها دم قعدن لمن فاتن ما اتكلمتا معاها طلعت مني ونفسياتي بقت في الارض كرهتها عديل شهاب اتصل علي ما صدقتا انو اتصل قفلت الباب وبقيت اتكلم معاهو امي جات تكورك قفلتي الباب لشنو من جابو ليك التلفون اتغيرتي انا دخلتا التلفون تحت السرير وبقيت منتظره امي تطلع خليتا طلعت وشيلتا التلفون قلت ليهو سامع صاح قال لي سامعها ودي التربيه الصاح بعدين انا عاوزك كده تفهمي بناتك من غير ما يتكلمو قلت ليهو ان شاء الله ربنا يهون قال لي ان شاء الله اها كيف يومك الدراسي قلت ليهو تمام الحمد لله قال لي يلا اخليك تاخدي راحتك وارجعي لي بليل قبل تنومي قلت ليهو حاضر قفلت الخط وقعدت شويه تاني جاني تزكير بي ازكار المساء شهاب كان ضابط لي المنبه علي مواعيد الصلاه حبيت الفكره دي شديد وارتحتا ليهو بليل رجع لي بنتونس كده قال لي نوسه سؤال قلت ليهو اتفضل قال لي البت الجات اليوم داك بتعرفيها قلت ليهو اي دفعتي قال لي بتعرفي عنها شنو قلت ليهو ولا شي قال لي طيب ممكن عشان خاطري تبعدي منها قلت ليهو ليه قال لي البت دي م كويسه وما تساليني ليه انتي واثق فيك شديد بس البت دي انا بعرفها ما بثق فيها دي توديك البحر وتجيبك عطشانه ومخادعه شديد بقيت اسمع فيهو ومحتاره هو عرف طبعها من وين قلت ليهو شهاب ممكن سؤال حصل اتكلمت معاها قال لي لا بس بعرف واحد كان عامل معاها علاقه وفي يوم غلطت وجات تتبلا عليهو عشان تغصبو علي الزواج وكمان بسمع علاء صحبي بقول عنهم كلام م كويس هي ومعاها كم بت قلت ليهو انت بتعرف علاء قال لي اي استاذكم صاح ما يكون يوم غلط عليك قلت ليهو لا والله بس صحبتي كانت بتحبو قال لي منو صفيه خلعني وبقيت مهبطه معقوله بعرف علاء ومعقوله علاء ما جاب ليهو سيرتي والله يستر غايتو…..يتبع.