رواية العرجاء الجميلة الفصل الثاني 2 بقلم جمانه السعيدي
@الجميع
رزق....بعد ما اكتشفو اهلي حقيقة كوني عرجه
ومستحيل يكدرون يساعدوني اتعالج من هذا المرض
وراح يبقى وياي العمر كله
العرج تشوه خلقي راح يبقى وياي الاخر عمري
قررو يعوضوني هذا النقص بلحب والاهتمام
حتى لا احس نفسي اقل من البقيه
شكد جانو يحبوني ومهتمين بيه
صار الاهتمام مضاعف ااكثر
والحب زاد عن قبل ااكثر واكثر
تعاملهم هذا كان يحسسني اني مميزه
وماعندي اي تقص بلعكس احس نفسي شي مختلف
احس نفسي مميزه
البيت كله بس يحجون بيه شكالت رزق وشتريد رزق
وشتحب رزق
ابوي اول ما يدخل للبيت يصيح اسمي
واخواني يشتغلون ويجيبولي كلشي كلشي يعني كلشي
لعب وحلويات وملابس
اذا اطلع شويه بلشارع
لازم يطلعون وياي لو ابوي لو واحد من خواني
يخافون عليه من الهوى الطاير
كبرت واني عندي ثقه بنفسي
واعرف اني حلوه ومييزه وما ناقصني شي
الحد ما دخلت للمدرسه
ابوي جان يوصلني الصبح للمدرسه
حتى جنطتي مايقبل اشيلها هو يشيلها بمكاني
ومن اطلع من المدرسه الكا عقيل منتظرني يرجعني للبيت
من بديت اداوم بلمدرسه عرفت اني عندي نقص
عرفت اني اختلف
البنات بلمدرسه هلكد ما متعجبات بجمالي
هلكد ما يحاولن ينتقصن مني
بديت اسمع كلام يزعجني مثل
يااا خطيه عرجه
شكد حلوه لو ما عرجه
يااا شوف هاي عرجه
كانت كلمة عرجه تنكال بشكل مستفز
تحسسني بلنقص بين البنات واني الي عشت
سبع سنوات بيت اهلي واني احس نفسي مميزه وماعندي اي نقص بلعكس كنت احس نفسي احسن من اخواني
هلكد ماامي وابوي مهتمين بيه
وابد مااكدر انسى نضرات المعلمه اول ما دخلت على الصف وشافتني
انبهرت بجمالي
قبل البنات كلهن الي بلشعبه سئلتني شنو اسمج ياحلوه
من كلت اسمي رزق تفاجئت بجمالي واسمي
بس من طلبت مني اكوم أكتب على الصبوره
وشافت مشيتي
نضرتها اليه اختلفت
حسيته نضره مختلفه عبالك شافت العيب الي
جانت ادور علي
ماكدرت تسكت وتمشي الامور سئلتني
المعلمه....هاي شنو انتي عرجه
رزق....هزيت راسي لان ماعندي كلام اكوله
اني من بديت اداوم بلمدرسه يله عرفت كلمة عرجه
قبل مااعرفها
هاي الكلمه تكررت هواي وسمعتها هواي هنا بلمدرسه
عيون البنات تكولي
انت مو حلوه انتي ناقصج شي انت عرجه
رجعت المعلمه سئلتني سؤال ثاني
المعلمه....هاي انتي من الولاده هيج لو متعرضه الحادث
رغم اني ماافتهم شنو النقص الي اعاني منه
وهيه ليش تسئلني هيج سؤال
بس مااعرف الرد لان اني فعلا مااعرف
هذا حادث لو تشوه من الولاده
رزق....مااعرف
المعلمه....شلون ما تعرفين لازم سامعه اهلج
رزق....البنات كلهن يباوعن عليه وكلبي يدك بسرعه
حسيتهاجاي تحاسبني على شي بس مااعرف هذا الشي شنووو
هل اني غلطانه او عندي تقصير
من شافتني سكتت كالت ارجعي حتى ما كتبت
على الصبوره
شويه واجت معلمه ثانيه
من حديثهن المعلمه ااشرت عليه
كالت هاي البنيه حلوه تخبل
ردت عليها معلمة الصف ااي بس شلفايده
عرجه هذا الجمال كله وعرجه
المعلمه.الثانيه...يااا خطيه عرجه
معلمتي حتى تخليها تتأكد من النقص الي عندي
كالتلي اوكفي تعالي
وكفت ورحت عليها
جان تكلها هاا مو كتلج عرجه شوفي
التفت عليه وكالت ارجعي المكانج
المعلمه الثانيه...يااا حرامات هذا الجمال كله وعرجه
رزق....بقيت ضايجه طول النهار وابد ما طلعت من الصف
اخاف اطلع البنات يضحكن عليه
لان المعلمه نفسها كعدت تنقص مني كدامهن
شلون وهنا بنات زغار معقوله يراعن مشاعري
اريد الدوام يخلص ماكوووو منا لمن خلص الدوام
عبالك كاعده على نار
خليت البنات يطلعن وطلعت اخر وحده حتى لا يبقن يباوعن عليه
طلعت اخير وحده بس شافني عقيل
عقيل...وين جنتي خفت عليج البنات كلهن طلعن وانتي ماكووو
رزق....عقيل شنو عرجه
باوع عليه وكال منو كالج هاي الكلمه
رزق....سمعت البنات والمعلمة يكولن عليه عرجه
عقيل....مالج شغل بيهن
رزق...اي بس شنو عرجه
عقيل ماراد يكسر خاطري ويزود الطين بله
رد عليه
عقيل...هسه نوصل ونحجي البابا ونشوف شيكول
تعالي اشيلج يمكن تعبانه
شالني عقيل اني وجنطتي حتى يخفف عني الحزن والضوجه
وصلت للبيت بعد بابا ماراجع من الشغل
بدلت ملابسي وطلعت امي جاي تحضر بلاكل
رزق...ماما شنو يعني عرجه
حسيت امي تفاجئت من سؤالي
امي........حبيبتي روحي يم اخوانج علما ااكمل الغده
رحت كعدت يم اخواني
الحد مادخل بابا للبيت
اول مادخل صاح رزق حبيبتي وبنج
ركضت علي حضنته
ابوي...هله هله الله شنو هذا العطر الطيب
قبل لا ارد علي سئلته
رزق....بابا شنو يعني عرجه
باوع بوجهي
ابوي...منو كالج هاي الكلمه
رزق......المعلمه تكول عليه خطيه عرجه
وسألتني هذا حادث لو من الولاده بس ماعرفت اجاوبها
ابوي....اني باجر اروح وياج للمدرسه
رزق...مو بس المعلمه حتى البنات هم يكولن عليه
خطيه عرجه
ابوي....ماكو غيرهن هنا الي ناقصات
واول وحده معلمتج هاي اكبر ناقصه لان عافت هذا الجمال كله وبقت تباوع على رجلج
رزق....عرجه يعني رجلي اسمها عرجه
ابوي...لا رجلج مابيها شي حبيبتي انتي
ثاني يوم ابوي وصلني للمدرسه واشتكى عند المديره على معلمتي
ابوي.. اذا معلمتها الفاهمه تكول عليها هيج كدام الطالبات
بعد اللوم منو
هاي عود مربية الاجيال
الطالبات يسمعنها ويقلدنها
رزق..اذكر بيومها المديره دنكت عليه باستني
واعتذرت من ابوي وكالت هذا الكلام بعد ما يتكرر
واذا تكرر اني اقدم تقرير بلمعلمه
اخذني ابوي للصف دخلني
وصاح على الطالبات اجمعن عليه
ابوي...هاي صديقتجن رزق اريد تلعبن وياها
ولا اضوجنها واني اجيبلجن حلويات وياي
البنات كلهن ردن علي ااي احنا نحبها ااي هيه حلوه
بيومها المعلمه دخلت علينا عيونها بكصتها
هلكد ما ضايجه مني لان ابوي اجا اشتكى عليها
ومن يومها بطلت تحجي وياي
وحتى ما تكول كومي على الصبوره
مااعرف شنو الغلط الي جاي تحاسبني علي
المهم اني تعودت على نضرات البنات وتعودت على كلامهن
وعرفت شنو عرجه
كنت اشوف بنات يقلدن على مشيتي
من اطلع بلساحه يمشن مثلي حتى يضحكن البنات عليه
كلش اضوج
بس لازم اتعود واسكت
مايصير اني على كلشي اسوي مشكله
اكو بنات زينات حبابات يحبني مثل مااني
وواكو يغارن مني لان حلوه يدورن على عيوبي
حتى لا يحسن اني احسن منهن
جمانه السعيدي
كملت الابتدائيه وقدمت على المتوسطه
اهتمام اهلي كلما اكبر يزيد اكثر واكثر
اخذني بابا قدملي بلمتوسطه
واشترالي ملابس حلوات ااي شي اكول اريده يكول حاضر من عيوني
اول ماداومت طبعا نظرات البنات عليه
وين مااروح العيون عليه
بلمتوسطه ااكو بنيه وكحه حيل صاحبت مشاكل
راسبه اكثر من سنه
اغلب البنات يخافن منها لان صاحبت مشاكل
حتلو وحده تشتكي عليها بلاداره
تنتظرها من يخلص الدوام هيه وياها كم وحده
تموتها كتل
كلما تشوفني اصيح عليه بصوت عالي العرجه
من التفت عليها تضحك هيه وصديقاتها
بصوت عالي ومستفز
هيه لا بعمري ولا وياي بنفس المرحله
اني اول هيه ثالث اكبر مني بخمس سنوات
هلكد ماراسبه هواي ااكير وحده بلمدرسه هيه
تكررت وياي هواي هاي الحاله
كانت تتعمد تحرجني كدام البنات وضحكهن عليه
بلبدايه سكتت مره مرتين
بعدين بطلت اطلع برا الصف ابقى كاعده بلصف
لان المدرسه كلها تحجي بيها
هلكد ما وكحه وماعدها اخلاق
من شافتني كمت مااطلع من الصف
جابت صديقاتها واجت ادور عليه بلصف شافتني كاعده بلرحله
جان تكول وهيه تضحك
تعالن تعالن هاي لكيتها العرجه
اجت عليه اني كاعده على الرحله اني من شفتها خفت
جان تكول ليش ما طلعين برا حتى نضحك عليج
ماكو واحد نضحك علي غيرج
ليش كاعده هنا عبالج تخلصين مني
رزق... انتي شتريدين مني
تغريد....اضحك عليج قابل شريد منج اتغزل بعيونج الزرك
رزق.. اني مالي شغل بيج ومااريد احجي وياج
تغريد....واني الي شغل بيج واريد اضحك عليج
بله وين رجلج العرجه خل اشوفها
دنكت وسحبتني من رجلي العرجه وكعتني من الرحله
صوت ضحك صديقاتها صار عالي رج الصف رج
كمت ونكتت ملابسي من التراب
اخذت جنطتي وطشرت الكتب والاقلام بلكاع
سكتت لان اعرف بس ارد عليها تكتلني هيه وصديقاتها
هيه جاي تستفزني بلكت ارد عليها وتضربني وضحك صديقاتها عليه
اخذت الأقلام والمساحة وطلعت من الصف
جاي تشوفني قوتها عود اني اكدر اسوي كلشي اريده
ومااخاف
البنات بلصف ووحده كالت اشتكي عليها بلاداره
المديره تعرف كل سوالفها
ووحده كالت لا تشتكين تحقد عليج اكثر وتاذيج
من رجعت للبيت حجيت الابوي الموقف الي صار وياي
ومواقفها الي اتكررت كل يوم
وشلون تنتظرني اطلع حتى تصيح عليه العرجه
وضحك البنات
ثاني يوم ابوي اخذني للمدرسه
كبل دخلنا للاداره لكينا المديره كاعده ورا المكتب
سلم عليها ابوي
بس كال تغريد المديره لطمت على وجها
هم تغريد هم تغريد شلون وياها
ابوي.. اني اريد عنوأن بيت اهلها اريد اروح البيتهم
اذا ابوها مايكدر يربيها اني اربيها
المديره...اني راح اقدم بيها تقرير وافصلها
بس اريدك تكتب هنا شكوى عليها
وتذكر بيها كل التفاصيل الي حجيتهن
واني أقدمها للتربيه حتى اوصلها وارتاح من مشاكلها
الف مره حذرتها وضربتها
ودزيت على اهلها بس ماكو فايده
لاتخاف ولا تستحي
اعتذر منك صدك راح افصلها من الدوام
لان ماكو غير حل وياها
كتب ابوي شكوى عليها والمديره هم كتبت عليها شكوى
وواكو ثنيبن بنات قبل ضاربتهن ومشتكيات عليها
المديره...راح اقدم هاي الأوراق للتربيه
حتى اخلص من تغريد
انتظرونا........