رواية ارمله خطفت قلبي الفصل الخامس 5 بقلم شيماء طارق
فارس نفسه بقى عالي والغيرة قايدة في قلبه زي البركان وبعد كده سابهم وطلع الجناح وعينيه بتطق شرار خبط الباب بقوة ودخل لقى رضوى قاعدة بتعدل غطا نور وسليم ما رضيتش تبصله خالص)
فارس (بصوت عالي قرب منها وامسكها بجنون وهو بيقول):
إيه اللي خلى عينك تيچي في عين عمران عاد؟ هتتبسمي له وهتقولي مكنتش أعرف؟! فاكراني أعمى ومش خابر هتفكري في إيه؟!
رضوى (شدت دراعها منه بقوة وقامت وقفت بثبات وعينها في عينه وهي بتقول):
أتبسم له؟! أنت اتجننت يا فارس؟ أنا دخلت المندرة بالصدفة وأنت جيت زي المجنون تتهمني في شرفي تاني! أنت مبتبطلوش رمي محصنات وظلم في البيت ده؟! الظلم بيجري في
دمـ ـك احترم نفسك بقى شويه!
فارس (قرب منها أكتر لحد ما بقى قدامها على طول وجز على سنانه بغيرة وهو بيقول):
أني فارس كبير النجع! ومراتي لو حد شاف خيالها أطير رقبته ورقبتها! إنتي على اسمي وسامعة ؟ مفيش راجل يلمح طيفك غيري انا ولو حصل هيكون حسابي واعر!
رضوى (ضحكت بسخرية وهي مقهوره ردت عليه وقالت):
اسمك ده تبلّه وتشرب ميته لما تفكر في الشرف والأمانة لازما تفتكر اخوك اللي كان واثق فيا وعمره ما قالي كلمه زي دي!
وكمان انت نسيت هنا؟! بتغير عليا ليه وقلبك قايد من الغيرة ليه وايه الامتلاك الاعمى اللي انت عايش فيه ده؟! ده مش حب ولا نيله انت عايز تثبت رجولتك عليا
اخرج برة أوضتي أنا مش طايقة أشوف وشك ده!
فارس (نفسه عالي من القرب والغيرة وهو بيقولها): ما تجيبيش سيرة هنا على لسانك ويا ريت ما تذكريش اي اسم راجل غيري على لسانك ولا في عقلك وانا مش خارج يا رضوى الدار داري وانتي مرتي وعلى ذمتي واللي بسويه ده اسمه نخوة لازما اي راجل يخاف على اللي منه ويغير عليهم دي اسمها رجوله؟! ولو حد قرب منك.. هيحرق الأخضر واليابس!
رضوى (بصتله بجمود وقالت):
احرق نفسك بعيد عني وعن ولادي.. أنا قلبي بقاله سنة حجر ومبيحنّش والزمن بيلف يا كبير النجع اخرج برة!
(فارس بص لها بنظرة أخيرة كلها عجز وغيرة مش عارف يداريها ولف وشه وخرج ورزع الباب وراه ورضوى قعدت في الأرض وضمت العيال لحضنها وهي بتعيط من كتر القهر واللخبطة اللي بقت فيها)
اما عند هند فكانت واقفه في الحوش بره ورا العمود وبتراقب عمران واول ما شافيته مشيت وراه وهي بتدلع وبتقول:
يا مري يا مري.. الله يسترها عليك يا عمران يا ولد عمي فارس عيونه كانت بتطلع شرار وهيقول حديت واعر عليك؟! فنصيحه مني يا ولد عمي ما تجيش عندنا لايسوي فيك حاجه عفشه!
عمران (وقف وعدل ضهره وبص لها باستغراب وضيق ما هو بيرد عليها وبيقول):
واه يا هند! سويت إيه عاد لكل ده؟ أني سلمت على مرات ولد عمي بالاصول فارس چرى العقل حاجه عاد؟ عيقيد النار من الهوا!
هند (لوت بوزها وضربت على صدرها بخبث وهي بتقول):
وه! أنت خابر فارس زين عيقول إن بنات البندر عينهم عتنزغ برة ومرته رضوى عاد ست الحُسن والجمال وهو غيور وعقله ناشف.. بنات مصر يعشقوا اللبس المهندم والحديث الزين!
عمران رد عليها وقال: تمام يا هند روحي يا بنت عمي وانا هشوف كيف عمران يسوي اكده؟!
وبعد كده عمران ساب هند ومشي وهند افتكرت ان هي كده خلاص ولعت الدنيا بس بعد المغرب عمران رجع تاني بيت عمه ودخل المندرة وقعد استنى فارس وكان حاطط رجل على رجل وبيتكلم في التليفون.
فارس (دخل وشاف عمران وهو قاعد بصله بغضب وهو بيقول): عمران الحديت اهنا بالاصول وإنت عاودت من مصر ونسيت عاداتنا وأصولنا.. سلامك وحديتك مع الحريم في السرايا دي ميعجبنيش ورچلك لو عتبت الجنينة الورانية تاني هقطعها لك خابر يعني إيه هقطعها لك؟!
عمران (وقف هو متضايق جدا رد عليه وقال ):
واه يا كبير! هتتوعّدلي عشان كلمتين؟ أني ولد عمك ومغلطتش في الأصول ولا أنت عاد خايف على مرتك زيادة عن اللزوم بس انا طول عمري اكده يا فارس إيه الجديد؟
فارس (مستناش يكمل الكلمة وضربه بالبوكس في وشه وقعه على الكرسي ومسكه مين جلابيته وهو بيقول ): مرتي لو جبت سيرتها تاني على لسانك هقطع خبرك ! غور من خلقتي الساعة دي وإلا يمين بالله هتشوف الوج الوعر اللي مفيش حد في الصعيد كله يقدر يقف قباله!
عمران حط إيده على بقه اللي كان بينزف وبص لفارس بنظرة صدمة وعتاب وقام وقف ونفض جلابيته هو بيقوله بصوت مجروح ومليان عتاب:
واه يا واد عمي! هتمد يدك عليَّ عشان خاطر سلام لله؟! أني عمران ولد عمك وسندك تضربني وتشُك في أمانتي عشان خاطر حديت حريم وعقارب هيبخوا السم في السرايا؟! أني عمري ما بصيت لحرمة في دارك نظرة عفشة ورضوى دي مرت ولد عمي وكيف اختي الكبيرة واحنا فارس عمري ما كنا نعرف الخيانه يا اخويا نخون بعضينا !
فارس (برق بعينه ونفسه عالي وعروقه نافرة وبدأ يستوعب كلام عمران ونبرة الصدق اللي في صوته رد عليه وقال):
عمران الحكايه اللي قولته في النجع عن بنات البندر كلها وصلتلي..
عمران (قاطعه بعصبية وقهر وهو بيرد عليه وبيقول):
أني قلت حديت واعر عن بنات البندر او مرتك ؟! يمين بالله ما حصل! ده أني لساتني مادح في أصلها وأدبها قدام الكل وهيقولوا فارس ربنا عوضه ببت اصول اللي عوضت ولده عن امه وصانه
ولد اخوه ! مين اللي وصل لك الحديث الماسخ ده يا كبير العيلة؟! مين اللي رايد يوقع الخواسر بيناتنا ويخلينا نخلص على بعض؟!
فارس الكلمة نزلت عليه زي الصاعقة ولف وشه والشك كله راح لمطرح واحد بس وهو؟؟؟!🔥
يا ريت تقوليلي في التعليقات فارس بيشوف؟!.