رواية بلسم الفصل الرابع والاربعون 44 بقلم هند الهيباني

رواية بلسم الفصل الرابع والاربعون 44 بقلم هند الهيباني

ماكنت عارفه المكان دا وين...

ولا بيت منو..

قعدت في الكرسي دا فترة من الزمن وانا بفكر في كل أحداث اليوم، وكيف اني كل مرة بنصدم بي حاجه جديده...

قررت انوم مكاني عشان اقدر اشيل حيلي واوقف على رجلي..

وقد كان.....

#خالد

ياسر انت عاوز شنو؟!

قلت ليك بلسم هي الجابتو وانتهينا

انا ماعندي اي اضافه اضيفا ليك

ياسر:ياعمي انا والله ما بستجوب فيك بس انا عاوز اعرف..

خالد:وانا العندي قلتو ليك يا ياسر..

ياسر :في حاجه انت داسيها يا عمي؟!

اتلعثم في الكلام وردد

ياسر احترم نفسك وبطِل قلة أدب...

عاوز تقعد باحترامك اهلا وسهلا ماعاوز عارف الباب بي وين

صاح؟!..

ياسر :تمام ياعمي ودعتك الله...

كلتوم :دا كلام شنو يا خالد مالكم في شنو؟!...

هديي ياولدي جبت العصير قايم وين

ياسر :معليش ماعندي نفس يا خالتو كلتوم...

كلتوم :لا والله يا ولدي مابتمش الا تشرب..

اتكلم يا خالد معاه...

خالد :قال ليك ماشي ياكلتوم خلاص.

ياسر :ودعتكم الله...

وهو طالع وبعد ماوصل على الباب.

ردد بتمنى يا خالتو كلتوم تعرفي الحاصل من وراك. ومع بتك...

وطلع...

وفتح وراه عشرات الأسئلة اللي ما حا تتقفل بسهولة.....

#مازن...

حالة بلسم والوضع الكانت فيه، لايمكن أرجعا بيتنا وهي بالحاله دي،وحايفتح باب أسئلة كتيرة، وبلسم ماعارف حا تقول شنو..

كلمت ابو حميد اني عاوز مكان شقه قريب من شارع. 

عرض عليي مباشرة بيتو وهو بقول لي انا الايام دي ماقاعد فيه ممكن تستخدمو...

نزلت تحت.. لقيتا نامت في الكرسي...

شلتها الغرفه من ختيتا بقيت اعاين فيها...

طلعت منها الطرحه ورتبت شعرا وعدلت ملابسا فتحت المكيف وغطيت رجولا.... وقفت لثانيه وانا بسترجع في الحصل الان..

دا شنو البعمل فيه انا دا!...

طلعت.... وانا لأول مرة احس انو في شي غلط فيني كأني مابعرفني...

ليه انا جمبها بتبدل كده!...

شنو الكنت بعمل فيه بره قبل دقايق. 

بعمل في حاجات انا ماقادر استوعب ليه بعملا...

طلعت بره وقعدت في الصالة وطلعت سيج'****رة...

وبقيت ادخ**ن....

#بلسم

صحيت في مكان بارد..

عاينت حوالين المكان..

شنو الجابني هنا....

مازن.!..

نزلت في الأرض. .

مشيت اول خطوة   . اخيرا..

اتحركت اشوف باقي البيت..

ما ان وصلت لللصاله شفت القاعد هناك والدخا**ن مالي الغرفه. حسيت بالإستياء....

بس ماجات في راسي غير للفكرة دي...

اتحركت وقعدت في واحد من الكراسي الجمبو بدون صوت وانا كاتمه نفسي... وبعد شويه بقيت اقح بي قوة....

عاين باتجاهي وقام على حيلو..

طلع بره...

وقفت على حيلي وطلعت وراه وطلعت راسي بالباب.

قال لي خير!...

قلت ليه انا خايفه تعال جوه..

قال لي في شنو الحايجيك!

انا هدا واقف هنا

قلت ليه لا انا خايفه. .. اجيك بره؟!...

سكت مسافه بعدا قال لي لا..

خشي انا بجي..

قلت ليه طيب حا اقيف هنا لما تخش..

رماها في الأرض وطفاها وجى داخل..

ابتسمت بعد ما قدرت اخليه يوقف...

قعدنا الاتنين في الصاله....

ماف بينا شي غير الصمت..

قررت اكسر الحاجز دا وقلت ليه

انا جيعانه ......

قال لي تمام بطلع اجيب اكل..

قلت ليه دقايق البس..

رد علي تلبسي ليه!!

قلت ليه مستحيل. عاوز تخليني هنا براي!..

كيف اصلا تفكر انك تخليني هنا براي.....

بعد الحصل لي  دا.. ولو جاني تاني انا اعمل شنو

انا ما مصدقه اني خلصت منو...

ازت ماعارف كان هو مخطط لشنو وبقول اي في شنو. انا ماقادرة اوصف ليك بشاعة الحصل معاي.

كيف عاوزني اتعامل بصورة طبيعيه واقعد هنا براي في البيت دا. . مستحيل..

انسى انا ماعاوزة اكل غيرت رايي...

سكت مسافة وبعدا قال لي تمام..

البسي ارح...

ابتسمت داخليا اتحركت باتجاه الغرفه لبست عبايتي وجيت البس في الطرحه قدام المرايه وانا ببتسم

كفاية لحد هنا... انا لازم اعرف كل شي عن مازن..

يستحيل اقعد في نفس المكان القبل شهر. . يستحيل اقعد مع انسان ماعارفه عنوو شي..

من اتزوجنا ولي يوم أمس ماف شي بينا غير الصمت...لاعارفه عنو اي شي.. 

إذا أنا ماقدرت امنع زواجنا ولاقدرت احسن حياتي... 

ولاقدرت اشهد ضدو في قصة المخد**رات.... 

انا قادرة ابعدو عن السكه دي بي حاجه واحده.. 

من الآن وصاعداً حا أغيير كل طرق تعاملي معاه. 

حا يشوف بلسم جديده.... 

بلسم ما شاف جانبا دا نهائيا.. 

زي ما انا في حالي وباعده نفسي طوالي... 

حا يشوف المرة دي انسانه مختلفه... 

بلسم اللي مابتخلي حاجه تفوت عليها.... 

حا أفضل وراه لحد ما اقدر اصل لي طرف خيط يقودني لي حل....  واقدر افهم ولو بسيط... انا وين... وليه.... وشنو الشفتو قبل أيام دا..... 

مشيت ليه وركبنا العربيه. 

مسافة ربع ساعه...

وقف جمب مطعم.. مسكتو من يدو وقلت ليه. ماعاوزة اكل جاهز امشي السوبر ماركت داك خلينا نجيب مواد واطبخ ليك في البيت....

عاين لي في يدي... زحيتا... وبعدا.    قفل الباب واتحرك.... ابتسمت وانا بشوف الجانب دا منُو وانو سمع كلامي....

نزل السوبر ماركت فتحت الباب وراه ودخلنا..

قال لي امشي شيلي العاوزاه وخلينا نرجع...

قلت ليه تمام....

دخلت جوه وشلت رز، مكرونة، شعيريه، وخضار، وفواكه،ودقيق  وجبتهم ليه.. عاين للكيس بي طرف عينو ودخل لي جوه مسافه وجى راجع ملا كيس..

عاينت للكيس والفيه قعدت اضحك قلت ليه بطاطس؟! انت قصتك معاها شنو. حدرني قفلت خشمي عليي ودفع القروش.

وطلعنا.

بعد مسافة وصلنا البيت... دخل هو الأكياس وانا دخلت وراه. 

طلعت ملابسي وغسلت ايدي ودخلت المطبخ. 

عاينت للكيس واول حاجه وقعت عيني عليها البطاطس

والفراخ الجابو هو حسيت حا يكون نفسو فيهم. 

شلت البطاطس قطعتها أصابع وبقيت أحمر فيها وفي العين التانيه الفراخ...

بعد دقايق رجعت الأكياس بفتش...

طلعت ليه وقلت ليه جبت العيش؟!.

مارد عليي.     لبرهة من الزمن...

قلت ليه تمام ماف مشكله حا أعملا بي فطيرة ايه رايك؟!..

ودخلت بدون اخد موافقتو

عجنت اله

عجين وبقيت افردو بالكباية  بعدين ختيتو على نار هاديه...

دوائر كبيرة...

البطاطس في الوقت دا كانت خلصت والفراخ خلص..

حضرت الشطة وعملت زبادي مع بهارات..وكاتشب...

فرشت الفطايؤ وكبيت فيها قطع فراح وحبة بطاطس والنصوص العملتو ختبتهم اربعه في اي صحن اتنين وطلعت محل ماهو قاعد اديتهم ليه.. وبقيت قاعده في الكرسي التاني.... وبدأ هو ياكل.. ما وقف الا بعد خلصهم الاتنين

كنت بسرق النظرات ليه بدون ما يشوفني وانا من جواي مبسوطة انو بتجاوب معاي..

ماعارفه شنو الاختلف...

هل انا بحلم!... مازن...

الإنسان الغامض اللي مجرد النظر ليه بخليني ارجف.... شنو الاتغير الان  وخلاني اطمئن كده... شنو الاتغير وبقيت اتكلم بالاريحيه دي...

بس ماعارفه ليه بعمل كده...

لا انتي عاوزة تعرفي حقيقتو وماف غير كده في رأسك يا بلسم....

#مازن

حركاتا، طريقة كلاما،، وتصرفاتا اللي اتغيرت معاي ١٨٠ درجه

خلتني احس بي نفسي مشوش. 

بعمل في حاجات وكأني منوم مغنطيسيا....

وماقادر استوعب ليه انا بعمل كده. 

بس اكيد انا بعمل كل دا عشان هي طلعت من صدمه

وكل شي حا يرجع لوضعو الطبيعي في  الايام الجايه....

كلاما معاي، ضحكا اللي اول مرة اشوفا بتضحك ليي..

#بلسم.. 

...يوم

اختلف فيها كل شي...

تعاملي، طريقة كلامي..، وحتى ردات فعلي...

لهدف واحد.... زي ما فهمت نفسي...

اتمنيت فيهم الزمن يقيف هنا...

بقيت افكر لو ما الشفتو حياتنا كانت حاتكون كيف

تصرفاته، وردات فعله لأول مرة احس انو بشر زينا بفكر ويساعد.. وكنت مبسوطة وانا كل شي خططت ليه بدا ينجح...

#المعلم.

وين القيصر !!!

ابو حميد :مافاهم؟!

المعلم :بسأل فيك وين القيصر.  وين!...

ابو حميد :عاينت بعيد وبعدا عاينت لي مرة تانيه وقلت ليه ماعارف هو وين... قال لي تقلب الأرض دي فوق تحت وتشوف لي الزول دا وين....

طلعت وركبت العربيه.    .

وانا قاصد مكان مازن وانا بتسائل.

وعشرات الأفكار  بتدور في راسي... 

#مازن

حركاتا، والتصرفات الكانت بتعمل، وطريقة نظراتا وكلاما معاي كلو شي اتغير في لمح البصر..

حسيت بالخط*ر محيط بي ... 

حسيت بي اني ما انا..  

من طريقة نظراتي ليها... 

من احساس جواي... غامض ومبهم ماقادر افهمو....

حاولت اتجاهل البحصل حواليني لحد ما سمعت صوت صرا*خا في المطبخ.. 

مشيت بسرعه لهناك... 

لقيتا ماسكه يدها وبتنفخ عليها... 

مسكتها ليها وجبت مويه بارده وبقيت أكبها فيها.. 

وكلمتها تنتظر في الكراسي بره... 

ووواصلت في الكانت بتعمل فيه... 

وطلعت بره لقيتا قاعده في الكرسي.. 

مشيت باتجاها وقلت ليها موجعاك؟!... 

قالت لي ايوه... حاسه بي يدي كلها بتوجعني... 

دخلت المطبخ وجبت موية تلج تاني    

وحله وبقيت اغسل بيها يدها... 

بدون قصد يدها جات على عيني 

وحرقنني، قالت لي انا اسفه ما قصدت قلت ليها تمام ماف مشكله... 

قالت لي لا دقايق فتح عينك، وبقت تنفخ فيها... 

وهي بالقرب دا، منظرا، وردة فعلا، ومسكها لي 

خلتني احس بي مشاعر عمري كلو نا فكرت انو تحصل لي 

نزلت يدها من على وشي وعاوز امش ثبتتني وقالت لي دقايق 

هسي حا.. 

ماكان فيني قدرة استحمل البحصل... 

لاني عاف عواقب القرب دا... 

حاولت ابعدا للمرة التانيه بس ماكانت عاوزة تبعد... 

المرة التالته دفرتها بي قوة لحد ما وقعت على الأرض.  ذ

#بلسم

دا شنو يامازن!!!.!؟!

بتمنى تديني جواب واضح

انت ليه بتعمل لي كده!!.

وليه تعاملني بالصورة دي...

انا عملت ليك شنو؟!..

يعني انت شايف عشان اتعاملت معاي...

بسيط.... 

وبديت تتجاوب معاي.. 

 ف تفكر انك تقسى عليي يامازن!!! 

ليه انت عاوز تنكر حقيقه انك جواك كويس تجاهي. . وانو انت من جواك عاوز تتعامل معاي بكل اريحيه.. وانك مبسوط معاي.. وانك قادر تكون أفضل من وضعك دا وانت معاي.. 

ليه عاوز تغش نفسك.. وترفض تعترف انو انت عاوز تتغير . 

وتتعامل معاي بأريحية وتكسر كل الحواجز دي. . 

اتحركت عليه وقلت ليه.  . 

مازن.. خت يدك في يدي، وانسى المشكله الحصلت ليك وانسى ماضيك، مد لي يدك خليني اطلعك من الوضع  الانت فيه دا وصدقني مافات الزمن لسه قدامك وقت... 

قول لي هاك يدي وانا اوعدك اني اساعدك.. تعدي المرحله دي.. 

ماعارفه الشجاعه والقوة جاتني من وين... 

ختيت يدي في كتفو وابتسمت لما ما ابدا اي ردة فعل.. 

ورددت دام انت اخترتني يبقى لخير... 

وليه ما اكون الشخص الحا ينشلك من المستنقع الكنت فيه دا.. 

انا واثقه ومتاكده انك جواك مابتكرهني... بل بس ماسك نفسك ومغطيها تحت جدار البرود تبعك... 

وانو انا وانت الاتنين ممكن نغير الوضع دا.. بصورة كبيرة.. 

شنو البمنع انك تأمن لي وتثق فيني... وندي بعض فرصه نفهم بعض وتحكي لي شنو الحصل ليك وصدقني انا حا افهمك واوعدك اني حا اسمع ليك. ......... 

شنو البمنع نكون انا وانت قريبين لبعض وتفتح لي قلبك وتوريني شنو الحصل معاك وتوريني اساعدك كيف وانا اوعدك اني حا اطل.... ؟!... 

بتر حروف آخر كلمة.... 

وخنقني بي قوة ودفرني باتجاه الحيطة وردد. 

هسسسس هسسسس ولا كلمة... 

كنت بحاول افك يدو بي صعوبه.... 

بس زاد قوة اكتر ومسك بي يدو التانيه شعري وضر*بني مع الحيطة وقال لي... 

انا وانتي يستحيل طرقنا تتلاقى  ... مستحيل طرقنا تتلاقى

ياتو مستنقع انتي بالذات لا يمكن تمرقيني من الأنا فيه.. ولاحاتقدري.... 

فكاني بعدا.... كنت بجمع في انفاسي.... 

بعدا مشيت باتجاهو وقلت ليه... انت وقت تكرهني كده.. ليه متزوجني..ليه خليت كل بنات الدنيا وجيت عليي... انت داسي شنو؟! وانت منو وليه انا بالتحديد تختارني عشان تجوط حياتي كده... 

دفرتو لي ورا وانا حاسه بي نفسي ما كويسه.. 

ماعارفه ليه انا حزينه كده من الكلمات القالا...ماعارفه ليه انا من الأساس قربت منوو... 

ماقادرة اعرف ليه انا مستاءة كده... رغم أنها كانت خطة فقط عشان اكشفو... 

سؤال واحد داير في راسي الان. 

هل كنت بوهم في نفسي!... 

هل كنت بقرب منو. عشان انا عاوزة كده!!!. 

هل كنت خاته كل دا شماعه وغاشه نفسي اني بكشف شي.. 

ماعارفه ليه حسيت بالحزن لما دفرني كده... 

شنو الهاميني انا.. ومن متين بأثر فيني؟!.

غمضت عيوني وفتحتها وقلت ليه... انا تعبت.... كفاي لحد هنا 

اما من حقي اعرف أي حاجه.... 

شنو بعمل هنا انا.. 

ووين انا الان.... 

ليه بتبعدني  عنك  وبتخاف من قربي كده

ولو بتكرهني

ليه ظهرت في حياتي من الأساس دام انت بتكرهني كده. 

واخر سؤال... شنو كانت بتعمل صورة انا وابوي سوا   تحت مخدتك قبل أيام ومن وين جبتها!!...

ضحك ضحكة بي استهزا*ء وقال لي.... بكر*هك؟!... 

دا وصف ظالم احساسي.... 

انا نا انسان كويس ولا انسان محتاج قرب منك أو من غيرك. 

شايفه اليدين دي 

شايفه فيها شنو؟!. 

انا ما شايف فيها غير الد*م والخر**اب والسجو**ن

انتي بتسأليني ليه ببعد... 

جى باتجاهي ومسكني من راسي بقوة وتابع. 

لاني كل ما اشوف وشك  بتذكريني بالحياة الاتدف*نت 

والانسان المن دخل السج**ن واللي طلع منو بس روحو باقيه هناك للان... 

اتزوجتك عشان ما انسى الحصل معاي دا لمن اموو**ت

مسكت راسي وانا بتألم وببكي وبقول ليه وانا ذنبي شنو... فكني... انا عملت ليك شنو... 

فكاني ورجع لي ورا  وصرخ بي صوت عالي إتردد صداه  في أذني وردد.... 

ذنبك انك بتووو..... 

#يتبع....

           الفصل الخامس والاربعون من هنا 

          لقراءة جميع فصول الرواية من هنا

تعديل المقال