رواية بلسم الفصل السابع 7 بقلم هند الهيباني
طلع من السج*ن…
لكن السج*ن ما طلع منو.
الباب اتقفل وراه بصوت تقيل…
وقف ثواني ساكت.
لا فرح.
لا راحة.
لا حتى إحساس بالنجاة.
كان واقف بطريقة تخلي أي زول يشوفو يحس إنو داخل للسج*ن ما طالع منو...
الهواء اتحرك حوالينو بخفه
وقميصو الأسود اتحرك معاه بهدوء،
لكن ملامحو كانت جامدة بصورة مخيفة…
كأنو السنين ما مرت عليهو بل مرت من خلاله..
العسك*ري الواقف قريب من الباب لمح ليهو وقال بنبرة ساخرة ممزوجه بضحك: مبسوط اااا انك طلعت خلاص..
مازن رفع عينو ليهو ببطء.
لا اتكلم…
لا اتحرك…
لكن العسك*ري سكت في نص ضحكتو بدون ما يحس.
في ناس صوتهم بخوف.
وفي ناس… صمتهم أسوأ.
نزل عينو ومشى.
خطواتو كانت هادئة،
هادئة زيادة عن اللزوم…
مازن كان ماشي بدون ما يلتفت..
العربات بتتحرك،
الشارع مليان صوت،
والدنيا ماشه عادي…
إلا هو حاسي بالفراغ....
الي اي وجهة....
بعد لحظات وقفت قدامو عربيه مظلله فتح الباب وركب...
صوتو كان بتردد.. زي ما وعدتك.... وانت خليك عند وعدك يامازن واياك ت..... نظرة واحده من عيون مازن كانت كفيله تبتر الكلمة... ومايكمل الحرف البعدو...
بعدا قال ليهو ها اوديك البيت؟! ولا مكان تاني!
ما فتح خشمو بي كلمة فتح الباب ونزل...
ماكان في خيار قدام اللي في العربية غير انو يمش بدون اعتراض بدون سؤال.
سيراً على الأقدام كان ماشي...
#في_مكان_تاني
#سناء
متين طلع ياجلال؟!
طيب ليه ما كلمتني من بدري احضر
نهى يا نهى... اخوك طلع الليله اخوك طلع
كلمي ملهم يجيني سريع .....
نهى الحمدلله الحمدلله...
انا حا اخش المطبخ اعمل الاكل
وانت ياجلال سوق ملهم وامشو جيبو بكون منتظركم..
ملهم ارح دوِر العربيه...
اتحركنا من هناك للسج**ن...
لحظة وصولنا ودخلنا جوه قالو طلع من نص ساعه
بقينا نفتش في الشوارع المحيطة بالمكان بس مالقينا
ملهم:نرجع البيت احتمال يكون اتعاقبنا في الشارع..
جلال:تمام.
#بلسم
رجعت البيت وانا حاسه نفسي متكيفه لأخر درجه..
فرحة ما قادرة اوصفا اخيرا شغل في مجالي الحاجه البحبها وبعرف ليها وحا القى فيها قروش اقدر امشي بيها ولو بالقليل...
من وصلت سلمت على امي وقلت ليها هانت والله هانت
قالت لي شنو؟!
قلت ليها لقيت فرصة تدريس اتخيلي الراتب كم
قالت لي اها قلت ليها ١٥٠ يا أمي لمدة ساعتين يوميا بعد الساعه ٢ ضهر..
قالت لي الحمدلله والبيت بعيد من هنا ولا قريب قلت ليها مشية مننا شويه كده ممكن بعدين اوريك ليه.
قالت لي طيب بكره يقدمك..
بس قولي لي ابوك واتذكري يا بلسم الزول البتدرسي بت ويكونو ناس محترمين أقل حركة ما ياها ولقيتي البيت رجالو اكتر من نسوانو حريقه في القروش.
قلت ليها لالا ماتخافي يا أمي حا ادرس بت و بعدين اصلا قابلوني النسوان وكلها ساعتين وبجي راجعه..
قالت لي اي ما بتتوصي بعدين ما منك من ناس الدنيا والقصص البنسمع بيها يمين شمال..
ربنا يحفظك يابتي...
اتكلمنا فترة من الزمن وبعدا ظبطت الجبنه وحضرت مع امي الاكل على بال ما ابوي يجي... دقايق وكان في الباب.
دخل وختينا الاكل اكلنا وأثناء ما نحن بناكل كلمتو
قال لي يابتي يا بلسم لو محتاجه لي حاجه يابتي ومضطرة للشغل وريني يشهد الله يابتي انا ما احوجك اي شي..
قلت ليهو لا يا ابوي انا حابه ادرس بدل اقعد ساي تكون لي تدريب واكسب سمعه كويسه ولابد تعبي اشيل فيه قروش بعدين البيت هدا في نفس الحي يا ابوي. وبدرس بت والراتب كويس جدا اشيل منو كفايتي واساعد معاك في مستلزمات البيت.. وماترفض انا مناي اقدر اعمل الشي دا وارد ليك ولو قليل من العملتو عشاني...
ردد لي دا واجبي يابتي الله يبارك فيك ويحفظك يارب. . تونسنا وحكينا حكاياتنا. وانا بفكر في الحياة ..
ربنا كاتب لينا شنو في الأيام الجاية...
#مازن
كنت ماشي لي عدة ساعات بدون ما احس بتعب..
ماشي وانا بسمع الأصوات دي من بعد انقطاع دام سنوات
أصوات العربات وأصوات البياعين... وستات الشاي...
احساس غريب ... كأنو كل شي وهم كأني ما كنت في الواقع دا ولا جزو منو ما لاقي نفسي هنا...
اخترت واحد من دكاكين الميكانيكا وانا بفتش على صاحب المحل... نطقت وانا بردد بفتش على شغل.... قال لي معليش بس انا عندي البشتغل معاي ماتشوفني براي كده الولد المعاي اخد اجازة اسبوع وبجي رددت اسبوع كافي بالنسبه لي.
قال لي ٥٠ الف تنفع معاك رددت اكل وشراب ومكان انوم فيه
واحتفظ بال٥٠ ليك...
وافق....
جايي من وين انت من سفر؟!
سرحت بعيد وبعدا جاوبت ايوه من سفر...
طيب ارتاح يوم الليله وابدا من بكره حا اشرح ليك الشغل..
داك السرير بنوم في المحل عشان المكان دا حرا**ميتو كتار
ختيت الكيس الكنت شايله فيه لبسين لي..
ختيتو تحت راسي ورقدت ولأول مرة من سنين
راقد وماف سقف، ماف سخانه، ماف أصوات عساك**ر
ماف صوت المروحه المزعج لأول مرة من سنين بشوف السما على مد البصر، بشوف النجوم، ويسري الهوا من حولي، هوا نقي وهدوء طبيعي فقدتو من سنين..رفعت الصورة الكانت في جيبي وانا بعاين ليها بي تمعن.. وبحفظ الملامح....
#بلسم
كنت راقده. في السرير بعاين للسما وانا بفكر ياربي الايام الجاية شايله في طياتا شنو...
متمنيه كل الظروف السيئة دي تبقى ماضي وتخلص وارتاح...
. #خالد.
والله ياكلتوم بلسم دي شالت عني حمل تقيل ومن بعد الله هونت عليي الصرف وصعوبتو. انا لي يومين مابلقى غير حق المواصلات البجي بيها راجع....
كلتوم:الله كريم فعلا الله كريم..
ناخد نومه وندعي ربنا يفرجا يفتحا علينا وعلى بتنا دي ويسعدا يارب...
#بلسم
صباح يوم جديد بديتو بالتنضيف وعملت ايسكريم.
ختيتو في تلاجتنا حاجه بسيطة ناكل منو نحن... ختيتو من الصباح ورفعتو الفريزة..
الضهر كان جاهز.. اديت ناس البيت وشلت خمسه حبات ناديت خالتو فاطمة بالحيطة سلمت عليها ومديت ليها اتبسطت شديد وشكرتني بس مهما اعمل ماحا اقدر أو فيها لحظة وقفتا معاي.. اكتر انسانه قريبه لي قلبي....
صليت الضهر وكنت بعد في الساعات عد....
الساعه واحده ونص تحركنا من البيت انا وامي.
وصلتني لي الباب ودخلت معاي سلمت ولحسن الحظ مالاقت ولا راجل بعدا طلعت وخلتني قاعده ..
قعدت عشرة دقايق بعدا جات داخله بت في عمر ال١٦ سنه..
سلمت عليها وعرفت انو دي البت المقصوده اللي حا أدرسا...
بديت ادرس فيها....
#مازن...
بداية يوم جديد ماعارف المكتوب لي شنو..
طلعت الصورة من جيبي وانا بعاين ليها...
الساعه ٢ ضهر كان وقت راحتي لبست قميصي واتلفحت بي شال ومشيت قاصد اللي جوه الصورة، بداية جديدة، تحدي جديد..
#بلسم
خلصت تدريس وقمت على حيلي قاصدة الحمام، دخلت بعد تفتيش دقايق دخلت.
فتحت الباب وطالعه..
سمعت صوت اتنين بتكلمو.. ماكنت عارفه انو السمعتو دا حا يقلب حياتي رأسا على عقب....
#يتبع.....