
رواية بيت لا يعرف معنى الخصوصية الفصل الاول بقلم نجاة محمد
( أحياناً لا تكون المشكله فى أن يعرف الناس أخبارك بل فى أنهم يظنون أن من حقهم أن يعرفوا كل شئ عنك )
فى بيت حور كانت قاعده فى اوضتها وماسكه تلفونها مستنيه ظهور النتيجه وبتدعى ربنا انها تجيب مجموع عالى وتدخل ثانوى عام وتحقق حلمها ، وفجأه النتيجه ظهرت وجابت ٨٠٪فرحت جدا
بابا ماما أنا نجحت
حنان( الام) هى النتيجه ظهرت
حور اه يا ماما وجبت ٨٠٪ أنا مش مصدقه نفسى
احمد (الاب) اللهم لك الحمد الف مليون مبروك يا حبيبة بابا وعقبال شهادة الدكتوراه
حور: الله يبارك فيك يا بابا يا حبيبى أنا نجحت بسبب دعمك ليا انت وماما ربنا يخليكوا ليا
حنان: الف مبروك يا حبيبتى ياللى مفرحانى ومشرافانا دايما ربنا يفرحنا بيكى انتى وأخواتك على طول ويبعد عنكوا الأذى ،خدى بقى أنا كنت نادرها وناويه أن انتى لو جبت مجموع كبير هوزع حاجه ساقعه خدى انزلى هاتى يلا
حور :حاضر يا ماما
وأثناء ما حور بتجيب النتيجه مرات عمها مرڤت كانت تحت ف السوبر ماركت بتسأل سماح صاحبة السوبر ماركت
مرفت: بقولك ايه يا سماح مش كنتى بتقولى أن ليكى حد فى العيله مدرس
سماح: ايوه ليه ، اه صح بنت سلفتك عملت ايه النتيجه ظهرت انهارده
اكيد جابت مجموع كبير دى البت دى دحيحه باين عليها كل سنه نسمع انها من الاوائل
مرفت: اه ياختى دى قرده لسهوالله ما اعرف جابت كام منا جيالك وبسألك عشان كده المدرس ده يعرف يجيب نتيجة حد من غير رقم جلوسه
سماح ممكن اه بس لازم اسمها كامل و اسم مدرستها
مرڤت :ياستى عادى كلميه انتى بس وشوفى ايه الدنيا
سماح: ماشى كلمته وقالتله اسمها واسم المدرسه وبعد كده قفلت معاه
مرفت: هاه قالك ايه
سماح: مش بقولك دحيحيه جايبه٨٠٪
مرفت اتصدمت: تمانين ف الميه يا ميلة بختك وعلى خلفتك المنيله يا مرفت ماشى ياختى هاتى كيس بن
حور نزلت السوبر ماركت
ازيك يا طنط سماح
ازيك يا حور الف مبروك
حور: استغربت الف مبروك على ايه
سماح :على نجاحك طبعا مش انتى جبتى تمانين فى الميه بردوا واكيد هتخشى ثانوى عام ولا هتخشى صنايع زى بنت عمك
حور: اه الله يبارك فيكى بس انتى عرفتى منين
سماح: من مرات عمك
حور: بس لسه أنا معرفتش حد
سماح: ايوه انا عارفه مرات عمك كانت لسه عندى من شويه وقالتلى اسمك واسم مدرستك وانا كلمت مدرس قريبى وقالنا نتيجتك
حور: طيب خدت الحاجه وحاسبت عليها ومشيت
سماح: طب مفيش حلاوة نجاح ليا ده حتى باركتلك حور مردتش عليها
سماح: ماشى ياختى ربنا يقدرنى على فعل الخير يارب تولعوا ف بعض
فى بيت اسامه
مرڤت: بقى حور بنت حنان تجيب مجموع أعلى منك
بسنت: ما خلاص بقى يا ماما
مرڤت :خلصت روحك يا بعيده غورى من وشى ،اه منا معرفتش اربى ولا عرفت اجيب بت عدله تفرحنى ده انتى بت تشلى
"فى بيت احمد والد حور" ماما أنا جبت الحاجه بس فى حاجه عايزه اقولك عليها
حنان: خير يابت فى ايه
حور: وانا بجيب الحاجه من طنط سماح لقيتها بتقولى مبروك ف استغربت وسألتها عرفتى منين قالت إنها جابتها بالاسم بتاعة واسم مدرستى
حنان: يارب على الناس اللى مش سايبانا ف حالنا وهى عرفت اسمك منين ولا اسم مدرستك
اكيد مرات عمك مرڤت ماهى مش هترتاح ولا هيهدالها بال الا لما تشوفك بعد الشر فيكى حاجه
حور: وهى بتضحك ما هى فعلا اللى قالتها هى قالتلى انها كانت عندها قبل ما انزلها وهى اللى قالتها تجيب النتيجه
حنان: منك لله يا مرفت مش عارفه بتدخل ف اللى ملهاش فيه ليه ربنا يحميكى يا بنتى ويبعد عنك العين روحى لى ابوكى يرقيكى
"فى بيت كريم" *اهل مامة حور*
خال حور( يوسف) صباح الخير يابابا
كريم: صباح الخير يابنى ايه رايح الشغل انهارده
يوسف: اه كفايه بقالى يومين مبروحش وزمانهم محتاجينى
منى ماماته: ربنا يصلح حالك يابنى ويجبر بخاطرك ويرزقك ب بنت الحلال
يوسف: أن شاء الله ياماما سلام
كان يوسف داخل الشركة بخطوات سريعة، واضح على ملامحه إنه متأخر ومش ناقصه أي تعطيل.
أول ما دخل، لقى صاحبه محمود واقف قدامه.
— إيه يا ابني؟ إيه اللي أخرك كده؟ وبقالك يومين مش باين
يوسف:
— معلش يا محمود، كنت تعبان شوية.
بصله محمود باستغراب:
— طيب روح بقى للمدير، عشان قالب الدنيا عليك من الصبح.
يوسف اتنهد:
— آه صح... ده أنا لسه مخلصتش التقارير بتاعت الأرض اللي شغالين عليها، وكمان الملف ناقص ورقة.
وبعد لحظة سأل:
— بقولك إيه، هو معتصم جه؟
ضحك محمود:
— معتصم؟ ده مشي خلاص.
— مشي؟!
— أيوه، وجات مكانه واحدة جديدة... بنت حلوة أوي، اسمها مريم
يوسف ضرب كف على كف:
— يا ربّي! طب دي أكيد مش هتعرف تديني الورقة اللي أنا عايزها... مش مهم، هروح أسألها وندور عليها وخلاص. يا رب ألاقيها.
راح يوسف ناحية مكتبها، وخبط خبطتين على الباب.
— اتفضل.
فتح الباب وقال:
— صباح الخير.
رفعت مريم عينيها من على الملفات:
— صباح النور.
— أنا المهندس يوسف، شغال على مشروع أرض النخيل. أستاذ معتصم قبل ما يمشي كان مديني الملف، بس فيه ورقة ناقصة وأنا محتاجها عشان أخلص الشغل.
ابتسمت مريم:
— أهلًا وسهلًا، اتفضل. ممكن توريني الملف؟
مد يوسف الملف ليها:
— اتفضلي.
بدأت مريم تقلب في الأوراق، وبعد ثواني قالت:
— آه، الورقة دي أنا لسه شايفاها وأنا برتب الملفات... ثانية واحدة.
فتحت الدرج اللى جنبها ، وأخرجت الورقة وادتها له.
— اتفضل.
اتسعت ابتسامة يوسف:
— ألف حمد وشكر ليكِ يا رب! كده أنقذتيني.
ضحكت مريم:
— العفو.
خد يوسف الورقة والملف، وقال
— طب بعد إذنك، عشان ألحق أخلص اللي ورايا.
— اتفضل.
وقبل ما يخرج، بصتله مريم وسألته:
— هو إنت مهندس جديد هنا؟
بصلها يوسف باستغراب بسيط، و ابتسم:
— لا، أنا بقالي سنة شغال هنا. ما أنا لسه قايلك إني واخد الملف من أستاذ معتصم قبل ما يمشي، يبقى أكيد شغال قبلك.
احمر وجه مريم قليلًا وقالت:
— معلش، آسفة. أنا مريم، المسؤولة عن الملفات بدل أستاذ معتصم. لسه متعينة امبارح.
ابتسم يوسف:
— أهلًا وسهلًا، اتشرفت بمعرفتك.
— وأنا كمان.
— عن إذنك.
— اتفضل.
خرج يوسف وقفل الباب وراه ولكن مريم فضلت مبتسمه للحظات وهى باصه مكان يوسف وبعدين بتكمل شغلها
تفتكروا إيه اللي هيحصل بعد كده؟ 😉
وهل حنان هتواجه مرفت باللي عملته؟ 👀
مستنية رأيكم ودعمكم ❤️😘.