رواية بيت لا يعرف معنى الخصوصية الفصل الثاني 2 بقلم نجاة محمد


رواية بيت لا يعرف معنى الخصوصية الفصل الثاني 2 بقلم نجاة محمد


(أشد ما يؤذى الإنسان أن يتحول شئ يخصه إلى حديث على ألسنة من لا يعينهم أمره )


*الكاتبه نجاة محمد *


بتخبط مرڤت على شقة حنان وحور فتحت ليها الباب 


مرڤت : صباح الخير يا حور عامله ايه وامك عامله ايه 


حور :الحمد لله يا طنط مرڤت تعالى خشى ، ماما تعالى كلمى 


دخلت مرڤت وهى بتبص فى كل حته فى الشقه بتشوف جايبين حاجات جديده ولالأ 


حنان: ازيك يا مرڤت عامله ايه 


مرڤت : الحمد لله أنا كنت نازله اجيب حاجات من السوق وقولت اعدى عليكم اشوفك محتاجه حاجه اجبهالك واهو بالمره اطمن على حور عملت ايه فى النتيجه 


حنان : ربنا يخليكى يا حبيبتى ده على اساس انك مش عارفه هى عملت ايه 


مرڤت بتوتر :وانا هعرف منين قصدك ايه يعنى 


حنان : تعرفى منين ! ده انتى جايبه النتيجه قبلينا 


مرڤت : وفيها ايه يعنى لما اعرف وهى نتيجة بنتك سر حربى وبعدين انا كنت جايه اطمن واتأكد ما انتى عارفه إن أنا بحبها زي بسنت بنتى وبتمنالها الخير يعنى مش هحسدها 


حنان : ياستى  ربنا يطمنك دايما وانا مقولتش انك بتحسديها بس احنا صحاب الموضوع ولو عايزين نقول هنقول ، ومش كل حاجه تدخلى فيها كده ولو عايزه تعرفى حاجه عننا ابقى تعالى اسألينا احنا مش تدورى من ورانا وتسألى الجيران 


مرڤت : يا ستى لا اسألك ولا أسألهم هو دايما اللى بيتعامل بطيبة قلبه الناس بتفهمه غلط شكرا ياختى أنا نازله عايزه حاجه 


حنان : لا شكراً يا حبيبتى متزعليش من كلامى بس انا عشمى خدنى وعارفه انك هتفهمينى 


مرڤت : ولا يهمك يا حبيبتى 


ـــــــــــــــــــــــــــــــــــــــــــــ


فى الشركة اللى شغال فيها يوسف جه وقت البريك ونزل الكافتيريا طلب قهوه وقعد يشربها  وماسك تلفونه بيقلب فيه وفجأه لقى حد قعد جمبوا رفع راسه وكانت مريم قعدت معاه على الترابيزه 


مريم : ازيك يا استاذ يوسف قاعد لوحدك ليه 


يوسف : الحمد لله .. عادى بحب اقعد لوحدى 


مريم بهزار : صاحب مزاج يعنى 


يوسف بضحك خفيف : اه صاحب مزاج .. ايه اخبار الشغل معاكى 


مريم : عادى بحاول افهم اكتر واتعود على الشغل بس عايزه اسأل سؤال انتوا ازاى مستحملين المدير ده 


يوسف بضحك : ليه بتقولى كده 


مريم : اصل كل شويه يزعق و صوتوا عالى اوى وكل شويه طلبات 


يوسف : لا هو ده الشغل اتعودى على كده بقى 


مريم : يعنى مفيش حل أنا كنت مفكره أنه شديد معايا عشان لسه جديده وكده 


يوسف : لا هو كده على طول وبعدين فى حل 


مريم : ايه هو 


يوسف بهزار: قدمى استقالتك وارتاحى الست ملهاش غير بيت جوزها 


مريم بتضحك :  لا خلاص هتعود وامرى لله أنا ماصدقت لقيت حاجه اساعد بيها نفسى مع الجامعه  ومنها اتعود على الشغل 


يوسف: ايه ده انتى لسه بتدرسى 


مريم : اه فى كلية هندسه اخر سنه ليا واتخرج ، وبعدين بصتله وقالتله بفضول بس انت باين عليك متخرج من بدرى ومتجوز بقى 


يوسف: اه متخرج من سنتين بس لسه متجوزتش لسه ملقيتش صاحبة النصيب وبعدين فى حاجات اهم من الجواز 


وبص فى ساعته وقال بعد اذنك البريك خلص 


مريم بإحراج من إجابته : انا كمان رايحه على مكتبى و اسفه مكنش قصدى أتدخل هو فضول مش اكتر وانا لسه جديده ويعتبر مفيش حد هنا اعرفه غيرك واتكلم معاه 


يوسف : لا عادى ولا يهمك


وكل واحد راح يكمل شغله 


ـــــــــــــــــــــــــــــــــــــــــــــ


عند مرڤت كانت رجعت من السوق وبتحضر الاكل وبعد شويه خبطت عفاف عليها فتحتلها وقعدوا مع بعض فى المطبخ 


عفاف : ايه ده انتى لسه بتعمل الاكل لو هعطلك اجيلك لما تخلصى 


مرڤت : لا أنا قربت اخلص اصلا وكنت طالعالك بس كويس وفرتى عليا طلوع السلم 


عفاف : مالك شكلك متضايقه 


مرڤت : حنان اللى عمله فيها ملكه ومش عايزه حد يعرف عنها حاجه ، كنت عندها الصبح اطمن على البت الحور اشوفها عملت ايه ف النتيجه لقيت امها بتزعق وتقولى ملكيش دعوه ب بنتى تانى وسبيها فى حالها 


عفاف: ليه بس كده وقالت بخبث وعملت ايه حور صح ف النتيجه 


مرڤت : معرفش سمعت انها جابت مجموع كبير 


عفاف: سمعتى بردوا عليا أنا دى سماح قالت للشارع كله أن انتى خلتيها تجيبلك النتيجه عشان تعرفى 


مرڤت منك لله يا سماح ، ايوه قولتلها بس انا بطمن هو أنا مش من العيله يعنى ولا ايه ربنا اللى عالم إن أنا بحب الخير للناس يلا ربنا يدى كل واحد على قد نيته 


عفاف : يارب ، وبعدين عادى فكك أنا بهزر معاكى 


مرڤت : ده انا حتى شميت ريحة كيكه عندهم ولا هان عليهم يعزموا عليا بحتة ولا يعزموا عليا بكوباية شاى 


عفاف بضحك : انتى زعلانه من كلامها ولا عشان معزموش عليكى 


مرڤت : الاتنين يا فوفا والله ده انا مقهوره ناس معندهمش دم 


ـــــــــــــــــــــــــــــــــــــــــــــ


فى بيت كريم (جد حور )


كان يوسف راجع من الشغل تعبان اول ما فتح الباب سمع صوت دوشه وضحك جاى من الصاله ودخل لقى رقيه وسيف بيلعبوا والبيت متبهدل وأخته (امهم) قاعده قدام التلفزيون بتتفرج على المسلسل وكأن مفيش حاجه بتحصل 


احسان : بس يابت انتى وهو مش عارفه اسمع المسلسل 


يوسف : ده كل اللى فارق معاكى ومش شايفه أن البيت اقلب ملاهى 


احسان : ايه ده يوسف انت جيت حمدالله على السلامه 


يوسف : الله يسلمك، ازيك يا روكا عامله ازيك يا سيف 


رقيه : الحمدلله وحشتنى اوى ياخالوا أنا وسيف و قولنا لى ماما وجينا نقعد معاك انت وجده وتيتا شويه ، بقولك ايه تعالى العب معانا 


سيف: اه ياخالو تعالى 


يوسف : العب ايه ، أنا تعبان وهدخل أوضتى انام مش عايز اسمع صوت حد فيكوا فاهمين 


رقيه وسيف اتوتروا ولسه يوسف هيروح على أوضته لكن سيف ورقيه سبقوه وبيحاولوا يمنعوه ميدخلش 


يوسف: فى ايه يالا انت وهى 


رقيه بتوتر : مينفعش تدخل 


يوسف بشك : مينفعش ادخل ليه انتوا مخبيين عليا ايه


سيف: عشان ... عشان وبص لرقيه وهو متردد 


يوسف: عشان ايه ، بقولكوا ايه أنا تعبان وسعوا كده 


سيف :خالو استنى بس 


لكن يوسف فتح الباب وفجأه وقف مكانه مصدوم 


نهاركوا اسود ايه اللى انتوا عملتوه ده 


رقيه : افتكر أنى قولتلك بلاش 


تخيلوا ايه اللى حصل فى الأوضه؟👀😂.


                   الفصل الثالث من هنا 

         لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة