رواية بيت لا يعرف معنى الخصوصية الفصل الثالث 3 بقلم نجاة محمد


رواية بيت لا يعرف معنى الخصوصية الفصل الثالث 3 بقلم نجاة محمد


(مش كل حد قريب منك بيكون سند ليك ،أحياناً أقرب الناس ليك بيتمنوا وقوعك )


*الكاتبه نجاة محمد*


فتح يوسف الباب واول ما دخل الاوضه وقف مكانه مصدوم كل حاجه كانت واقعه ومتبهدله والتصميمات بتاعت الشغل اللى كانت موجوده بعضها واقع على الأرض وبعضها متقطع 


يوسف : بص لى سيف ورقيه ايه اللى انتوا عملتوه ده ، ومين اللى قطع التصميمات دى كده 


سيف شاور على رقيه وهى بصتله بغيظ بتسلمنى ماشى ياسيف 


يوسف : عملتى كده ليه


رقيه : على فكره يا خالو انت مش بتعرف ترسم وانا قطعته ورسمتلك واحده احلى وجابت ورقه من الأرض ومدتها ليه وقالتلوا شوف كده 


يوسف : خد الورقه و اقف وهو مصدوم انتو رسمتوا على ورق الشغل بتاعى 


رقيه باستفزاز : حلوه صح 


يوسف اطلعوا بره بدل ما اعلقكوا فى المروحه 


وخرج بره وهو بيزعق لى احسان ما تلمى عيالك 


احسان ببرود : تعالوا هنا يا ولاد ومتعملوش شقاوه 


يوسف بغيظ : لا والله هو ده اللى ربنا قدرك عليه ده بدل ما تزعقى فيهم 


احسان : مينفعش انت مسمعتش عن التربيه الايجابيه ولا ايه 


منى جدتهم : ماخلاص بقى يا يوسف حصل خير واللى باظ يتصلح عادى خلى العيال يلعبوا 


لو متبسطوش فى بيت جدهم هيتبسطوا فين يعنى 


يوسف وهو متضايق : انا بجد مش عارف اعمل فيكوا ايه 


ـــــــــــــــــــــــــــــــــــــــــــــــ


فى بيت العيله بليل كانت عيلة احمد مامته فايزه وجوزها فاروق كانوا راجعين من البلد هيقعدوا فى شقتهم اللى بيت العيله فى اللى فى الدور الأرضى 


فى جو عائلي كامل ومراته عفاف وأسامه ومراته مرڤت وعيالهم كانوا قاعدين مع فايزه وبعد شويه احمد رجع من الشغل ودخل عند مامته وهو فرحان 


احمد : حمدالله على السلامه يا حاجه نورتى بيتك اومال فين بابا اسلم عليه 


فايزه : الله يسلمك يا حبيبى ابوك تعبان ياعينى من السفر ودخل يريح شويه ونام وعفاف ومرڤت الله يبارك لهم جابولنا عشا واستقبلونى ومراتك مشوفتش وشها 


أحمد : معلش هى تعبانه شويه من شغل البيت وكنت مكلكمها قبل ما اوصل وكانت نازله بس قولتلها خليكى وننزل مع بعض 


فايزه : خليك كده على طول بتدافع عنها ومدلعها ، انت جايب ايه كده ورينى تورته دى 


احمد ب ابتسامه : اه انهارده عيد ميلاد حنان وعاملها مفاجأه 


مرڤت وعفاف بصوا لى بعضهم بغيظ وبعدين مرڤت قالت بصوت واطى لى جوزها شايف مدلع مراته ازاى مش زيك كل شويه تنكد عليا 


اسامه : اسكتى يا وليه وخليكى فى حالك 


فايزه : يابنى وفر فلوسك اللى بتصرفها فى حاجات ملهاش لازمه دى انت ماشاء الله عندك ٣ عيال وحور السنادى فى الثانوى هتبقى مصاريفها كتيره 


احمد : ربك بيكرم يا أمى اهم حاجه أفرحهم والحمدلله على قد ما اقدر بخليهم مش محتاجين حاجه 


كامل جوز عفاف : طب ياحمد معلش كنت محتاج بس ٥٠٠ جنيه اجيب للعيال حاجات المدرسه انت عارف الدراسه قربت 


احمد : معلش يا كامل والله مش عامل حسابى وبعدين ما تنزل تشتغل ايه اللى مانعك 


كامل : ماانت شايف رجلى مكسوره ومش قادر أنزل الشغل 


فايزه بتدخل : يشتغل ولا مايشتغلش دى حاجه تخصه ما انت لسه قايل انك معاك وبيتك مش محتاج ولا مراتك اهم من اخوك 


احمد متضايق من كلامها ولكن حاول ما يبينش : حاضر يا امى  


فايزه : يحضرلك الخير يا حبيبى 


ــــــــــــــــــــــــــــــــــــــــــــــــ 


تانى يوم الصبح كانت حنان رايحه السوق تجيب شوية حاجات وهو نازله عدت على حماتها 


حنان : صباح الخير يا ماما أنا رايحه السوق عايزه حاجه اجيبهالك معايا وانا جايه 


فايزه وهى بتتفرج على التلفزيون : لا يا حبيبتى شكرا بس لما تيجى ابقى عدى عليا 


حنان :حاضر


وبعد شويه رجعت حنان من السوق ودخلت عند حماتها، أنا جيت  اهو فى حاجه محتجاها اعملهالك 


فايزه: ايوه ورينى كده جبتى ايه 


حنان : جبت بتنجان وفراخ ادم وياسين كانوا نفسهم في محشى 


فايزه : ربنا يخليكى ليهم لما تخلصى ابقى ابعتى طبق كده عند عفاف وحتة فرخه للعيال انتى عارفه جوزها تعبان ومفيش قرش فى بيتهم 


حنان : حاضر هطلع فوق اطلع الحاجه واحضرلك الفطار زمانك مفطرتيش 


فايزه : لا أنا صايمه انهارده الاتنين ع المغرب كده ابقى ابعتى طبق محشى واعملى حساب عمك فاروق عشان بيحبه  بس قبل ما تطلعى معلش روقى الشقه عشان فيها تراب كتير ومخنوقه 


حنان بتعب : معلش ياماما لسه جايه من السوق وتعبانه وكمان الحق اخلص الاكل قبل ما المغرب تأذن  هطلع وابعت مرڤت أو عفاف يساعدوكى 


فايزه : مرڤت وعفاف ياعينى عليهم تعبانين خالص من امبارح ربنا يشفيهم وبعدين هما استقبلونى امبارح وانتى مجتيش 


حنان  ب استغراب: حاضر مع انى لسه شايفاهم قاعدين مع بعض فوق قبل ما انزل وكانوا كويسين 


فايزه : يعنى هو أنا هكدب عليكى ، اعملى اللى قولت عليه 


حنان بغيظ : حاضر 


ـــــــــــــــــــــــــــــــــــــــــــــــ


فى الشركه كان يوسف قاعد فى مكتبه هو ومحمود صاحبه وكل واحد فيهم مركز فى شغله 


محمود : يوسف حاول تخلص التصميمات دى عشان المدير مستعجل عليها 


يوسف : عارف انا شغال فيها اهو وقربت اخلص


وفاجأه الباب خبط وكانت مريم 


محمود : اهلا وسهلاً يا استاذه مريم اتفضلى 


مريم : شكراً وبصت ليوسف وقالت استاذ يوسف المدير قالى أديك الملف ده وعايزه يخلص بسرعه 


يوسف بزهق من الشغل الكتير : تمام تسلمى 


مريم ب ابتسامه  : العفو ، أنا حبيت اجيبهولك بنفسى عشان متتأخرش وتخلصه بسرعه 


يوسف بيبادلها الابتسامه : تسلمى تعبتى نفسك 


مريم : ولا يهمك بعد اذنكوا 


وخرجت 


محمود بص ليوسف وغمزله ايوه يا عم 


يوسف بصله ب استغراب : ايوه ايه 


محمود : ايه انت مش واخد بالك ، الاستاذه مريم من ساعة ماجت وهى تقريبا مش وراها غيرك 


يوسف بضحك: ياعم فكك ، عادى يعنى مش فدماغى اصلا 


محمود بيضحك بخبث : ماشى يا سيدى بكره نشوف 


وكل واحد رجع يكمل شغله ولكن يوسف فضل يفكر ف كلام محمود وهو مستغرب 


تفتكروا محمود عنده حق ولا يوسف اصلا مش ف دماغه فعلا ؟👀😂


وايه رأيكم فى شخصية فايزه!؟ 😂.



                  الفصل الرابع من هنا 

        لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة