رواية بيت لا يعرف معنى الخصوصية الفصل الرابع 4 بقلم نجاة محمد


رواية بيت لا يعرف معنى الخصوصية الفصل الرابع 4 بقلم نجاة محمد


(ليست كل عين تراقبك حباً، فبعض العيون تراقبك لتقارن نفسها بك وتحقد عليك او تتمنى زوال النعمه التى حصلت عليها) 

*الكاتبه نجاة محمد*

كانت مرڤت قاعدة في شقتها بتطبق الغسيل فى الصاله وعفاف نزلت تقعد معاها شويه خبطت عليها وقعدوا مع بعض 

عفاف:  ازيك يا مرڤت عامله ايه 

مرڤت: اهو عايشه والحمد لله 

عفاف: الحمدلله مالك 

مرڤت: مليش،  شوفتى ياختى احمد وهو جايب لى مراته هديه وكمان عاملها مفاجأة 

عفاف: شوفت مش زى كامل اللى كل ما اقوله هات اجيب حاجه للعيال حتى مش لى نفسى يقولى الظروف صعبه ومش معايا فلوس 

مرڤت: على رأيك لما بقول لى اسامه بيقولى كده الظروف صعبه 

عفاف:  صعبه معانا احنا وحلوه معاهم ده احنا عندنا بنتين وانتى عندك بنت ومش عارفين نكفيهم 

وهما عندهم 3 عيال ولدين رجاله رغم ان هما صغيرين وبنت شاطره بيجبلهم كل حاجه ومش محتاجين وكانه قاعد على بنك ولو طلبنا منه مساعده 

يقول قال ايه مش عامل حسابه 

مرڤت: يلا ربنا يعينا يا حبيبتى

ــــــــــــــــــــــــــــــــــــــــــــــــــ

وفى الشارع ياسين اخو حور كان بيلعب بالعجله وفجأه اتكعبل ووقع على ايده وصحابه وصلوه البيت وحنان اول ماشافته بيعيط اتخضت 

حنان: مالك يا ياسين بتعيط ليه 

ياسين: وقعت بالعجله على ايدى وايدى واجعانى اوى 

حنان: متقلقش يا حبيبى هنروح لى الدكتور ونشوف فى ايه 

وهى فى طريقها للدكتور اتصلت ب احمد حكتله وهو قالها طيب لما تخلصوا ابقى طمنينى 

ـــــــــــــــــــــــــــــــــــــ

فى العياده بعد ما الدكتور كشف على ياسين وعمل له الاشعه بص لحنان وقالها: متقلقيش كسر بسيط وهيتحسن خلال اسبوع 

حنان: الحمدلله، شكراً يا دكتور 

ـــــــــــــــــــــــــــــــــــــــــــــــ

رجعوا البيت وكانوا داخلين الشقه وفى نفس الوقت كانت عفاف خرجت من عند مرڤت وكانت طالعه بس حنان وياسين 

عفاف: ايه ده مالك يا ياسين 

حنان: كان بيلعب بالعجله مع صحابه ووقع على ايده لسه راجعين من عند الكتور وطمنا الحمدلله اسبوع وهيخف ان شاء الله 

عفاف: الحمدلله، ابقى خالى بالك بعد كده وانت بتلعب 

وانتى ياحنان متخليهوش يلعب كتير فى الشارع انتى عارفه الناس وعيونهم ومش سايبين حد فى حاله 

حنان: سبيها على الله الحمدلله انها جت على قد كده يلا عايزه حاجه 

عفاف: لا تسلمى ربنا يشفهولك 

دخلت حنان شقتها واتصلت ب احمد طمنته ورجعت تكمل شغل البيت 

ـــــــــــــــــــــــــــــــــــــــــــــــــ

فى يوم جديد الساعه السابعه صباحاً،  احمد راح وصل ادم وياسين مدرستهم وبعد كده وصل حور مدرستها الجديده، دخلت حور المدرسه وهى متحمسه ولكن كانت تايهه ومش عارفه حد وقفت بنوته تسألها على فصول سنه اولى وكانت اسمها ناديه 

حور: لو سمحت ممكن اعرف فصول سنه اولى فين او فين قايمة الفصول عشان انا مش عارفه حد هنا 

ناديه: الصراحه انا كمان تايهه زيك ومش عارفه فصلى 

حور: انتى سنه اولى بردوا 

ناديه:  خلاص تعالى ندور علي فصلنا مع بعض،  انتى اسمك ايه؟ 

حور:  انا اسمى حور وانتى؟ 

ناديه: اسمى ناديه ايه رأيك نبقى صحاب 

حور بفرحه: اكيد طبعاً 

ــــــــــــــــــــــــــــــــــــــــــــ 

وفى نهاية اليوم الدراسى حور رجعت البيت وحكت لى مامتها اللى حصل عن يومها كان عامل ازاي وعن صاحبتها اللى اتعرفت عليها 

حور: انهارده كان يوم جميل اوى يا ماما وكمان اتعرفت على بنوته جديده اسمها ناديه وبقينا صحاب وهنذاكر مع بعض 

حنان: ماشى ياحبيبتى ربنا يفرحك دايما ويجعل ايامك كلها جميله، ايه رأيك تخشى تنامى ساعتين كده واصحيكى تاكلى وتقعدى تذاكرى 

حور: حاضر يا ماما انا متحمسه اوى للمذاكره 

ـــــــــــــــــــــــــــــــــــــــــــــــــــــ

وفى بيت احسان كانت قاعده بتذاكر لى سيف ورقيه 

احسان: يلا يا رقيه انا شرحتلك الدرس اهو اقرأى السؤال بقى وحاولى تحليه لوحدك 

رقيه قرأت السؤال وبعدها سكتت بصت لى مامتها 

احسان: مالك؟ 

رقيه: مش فاهمه ازاى انا كل ده بشرح لى نفسى معلش حاولى تانى 

رقيه: مش فاهمه معلش طب ممكن تساعدينى 

احسان صبرنى يارب ركزى معايا عشان مش هقول تانى 

..  السؤال بيقولك لو معاكى خمس تفاحات وعايزين نوزعهم على خمس اشخاص هندى لكل واحد قد ايه 

رقيه: بس انا مش بحب التفاح انا عايزه عنب 

احسان بنفاذ صبر: حبيتى هو مش بيعزم عليكى ده بيسألك حلى يلا 

سيف ضحك على رقيه وقال: انتى غبيه اوى يا رقيه سهله ياعنى كل واحد هياخد واحده 

احسان: بس يلا خليك فى مذاكرتك ومتقولش لى اختك كده ورينى بتذاكر ايه 

سيف: بذاكر انجلش 

احسان: طب ورينى شطارتك بتذاكر جرامر 

سيف: ايه بصى السؤال بيقول 

He.... football every day 

احسان: حلو ده زمن ايه

سيف: المضارع البسيط 

احسان: ايه الحلاوه دى،  وبصت لى رقيه وقالت شايفه الشطاره   ،  طب يلا قولى ال he هتاخد ايه 

سيف بكل ثقه:  ال he بتاخد she معروفه 

احسان: بتجيب الشبب وبتجرى وراهم:  اههه هى السنه باينه من اولها 

ـــــــــــــــــــــــــــــــــــــــــــــــ 

بليل فى بيت احمد بعد ما رجع من الشغل

احمد: السلام عليكم،  ايه ده فين الولاد 

حنان: صحيوا من شويه وكلوا وبيذاكروا جوه فى الاوضه هقوم اجهز السفره وناكل سوا 

وبعد شويه كانوا خلصوا اكل 

وبيتكلموا مع بعض 

احمد: الولاد عملوا ايه انهارده فى المدرسه 

حنان: الحمدلله كلهم راجعين مبسوطين واكتر واحده حور عشان اتعرفت على صاحبه جديده اسمها ناديه 

احمد: ربنا يفرحهم دايما ويحققوا الىى نفسهم فيه وياسين دراعه عامل ايه دلوقتى  

حنان: يارب ويخليك لينا،  الحمد لله كويس 

تلفون احمد رن وكان رقم مامته 

احمد: امى بترن خير انا كنت لسه عندها قبل ما اطلع 

حنان: طب رد يمكن محتاجه حاجه 

احمد رد: الو يا امى فى حاجه 

فايزه:  الحقنى يا احمد بسرعه 

احمد: فى طب خلاص انا نازل بسرعه اهو 

حنان:  فى ايه،  طب اجى معاك 

احمد:  لا ان شاء الله خير واطلع على طول 


ــــــــــــــــــــــــــــــــــ

تفتكروا حصل ايه؟! 👀

نلتقى الفصل القادم. 👋😘🫶.


                الفصل الخامس من هنا 

       لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة