رواية ضره من عالم اخر الفصل الحادي عشر 11 بقلم نوسه حمد
قلت لمحمد ممكن تفتش لي شغل قال لي انا م عندي مشكله والله الليله اشغلك قبل بكره بس وين شهاداتك وشهاده الخبره وغير دا انتي بي حالتك دي كيف تشتغلي قلت ليهو محمد جد انا محتاجه اني اشتغل ساعدني ممكن ولو علي الشهاده انا ح امشي بيتنا اجيب شهادتي وكل حاجاتي والخبره انا م عندي نفس امشي الشركه ابتهال قالت لي بسيطه ح اخلي مؤيد يجيبا ليك قلت ليها اي صح انا نسيت مؤيد قلت ليهو انا ح امشي بيتنا براي واواجهه اهلي قال لي تمام البتشوفيهو قلت ليهو وسند ما عايزاهو يجي هنا مالم اتزكرو واقنعو بي كده قال لي من حقك انا ح اتكلم معاهو قبل امشي قلت ليهو تمام لاول مره احس نفسي تايهه بس اكيد ربنا معاي دخلت الغرفه وحاولت جاهده اني اتزكر سند م قدرتا نومتا وصحيت تاني يوم لبست وقلت ليهم انا ماشه بيتنا جنب الباب ابتهال لحقتني قالت لي نوسه انتي م عندك حق المواصلات عيب عليك ما تقولي لي قلت ليها اعزريني ما اتعود اطلب من زول حاجه وربنا كريم قالت لي انتي لسه شايفاني زول نوسه انا اختك وانا م صدقت انو الدنيا عوضتني اخت بدل المرحومه قلت ليها منو المرحومه قالت لي اختي ايمان ع فكره كانت تقيه وعفيفه زيك كده بعد تجي ح احكي ليك بيها قلت ليها تمام قالت لي ما تقومي تمشي وتنسينا قلت ليها معقوله انتو بقيتو لي اهل قالت لي منتظراك وح احل ليك مشكله الشهاده قلت ليها تمام ودعتني وفاتت محمد قال لي اصبري اوصلك الميناء قلت ليهو تمام ركبت معاهو اول م ركبت جاهو تلفون ردا عليهو قال ليها ماما صحت متين استغربتا كيف اسال من امو وهي العملت لينا الشاي شويه شويه عرفت انها دي حبيبتو بي قلبي قلت حظها وشكلها النوع الدلوعه لانو تلفونو صوتو عالي وكان بتونس معاها كانو ما شايفني لمن خلص اعتزر مني قال لي نوسه دي البت الح اتزوجها قلت ليهو من وين م شاءالله قال لي شهاده عربيه كانو مقيمين في دبي نزلت للجامعه والمشكله امي ماعايزه لي من بنات الخرطوم دايره لي من الجزيره منتظر تجي الفرصه واقنعهم قلت ليهو طالما بتحبها اقنع اهلك لانهم هم م ح يعيشو معاك والحياه الزوجيه صعبه من غير اتنين اكونو بحبو بعض ومتفاهمين عاين لي بي استغراب قال لي نوسه بي امانه اعتبريني اخوك والله انا من لحظه شفتك اعتبرتك اختي احكي لي بالحقيقه انتي ما بتحبي سند صاح واهلك غصبوك عليهو رغم اني شايفو انسان وسيم الف بت تتمناهو قعدت اضحك قلت ليهو والله يا محمد انا النوع الكنت اتجاه واحد الاولاد ما بفرقو معاي بشي ما حبيت كنت بشوف الناس البحبو ديل بضيعو زمن ساي مع احترامي ليك كنت مدخره كل حبي لحلالي والله العظيم انا زواجي ما متزكره فيهو شي وشاكه انو في حاجه والولد دا ما راجلي قال لي نوسه كيف اذا كانو اهلك قالو انو دا راجلك قلت ليهو رده فعل اهلي وكلامن غريب احتمال اكون سند دا جن قال لي اعوذ بالله قلت ليهو اتزكر كلام ابوي قال لي دا جن جبتي جديد ولا شنو وكان بقصدك انت يا محمد قال لي فعلا طيب انتي ما عندك اخوات قلت ليهو عندي بس ان شاء الله القا تلفوني قال لي يا زوله ابشري ما تشيلي هم والله معاك للاخر واخو من غير غرض نوسه انتي ماشفتي امي حبتك كيف بتزكريها بي ايمان امي ما كانت كده بس وجودك في حياتنا غيرها وانا والله كنت ابيع نفسي بس اشوف امي كويسه والحمد لله انتي بت حلال واختي مرتاحه ليك وانا والله شايفك اختي والبتقولي انا معاك فيهو وراجلك كلمتو انو ما يتعرض ليك حسيت ملامحو اتغيرت ومن حقو اغير عليك قلت ليهو محمد انا م مرتاحه ليهو والله قال لي م مرتاحه ليهو اطلقك وبكره بجيك سيد سيدك قلت ليهو ولا مفكره اكتر مما مفكره اشتغل قال لي ابشري بس سلميني شهاداتك قلت ليهو تمام وصلت الميناء ومحمد ركبني ورجع
طول السكه انا بفكر اهلي ح يستقبلوني كيف وصلت البيت ومشيت بيتنا لقيت ابوي قاعد وامي عامله ليهو قهوه واخر ونسه وضحك كانو ماعندهم بت مجهوله المصير دخلت سلمت عليهم امي بدل ترد السلام بقت تتبسمل وتتعوذ كانو انا شيطان وقف قدامها ابوي قال لي جايه تاني مالك قلت ليهو ابوي انا والله ما متزكره اني متزوجه وانت والناس اجمعتو علي انو سند دا زوجي قالو لي سند زوجك وهسي انتي نسيبه بتنا ولا انتي جنيه قلت ليهم والله انا زوله حقيقيه يا ابوي انا محتاجه ليكم قال لي انا م بقدر اخليك تعيشي معانا امك بتتخاف عاينت لي امي قلت ليهو امي تخاف من جناها الولدتو من بطنها قالت لي كيف م بخاف بعد الكف الجاني من الجان اللابسك قلت ليهم يعني انا كان لابسني جان معناتا انا كنت في مكان الشيخ وسند حاول اعالجني ابوي قال لي سند هو السبب وم دايرين نجيب سيرتو عشان المعاهو ما يضرونا ابوي اداني كلام مبهم وحسيتهم ما مرحبين بس نهاي ودايريني متين اطلع امي حتي مويه ما ادتني ليها ابوي طلع امي طوالي جرت وراهو قالت ليهو داير تخليني معاها برانا دمعتي جرت وقلت سبحان الله ناس ما بعرفوك احتوك والهم والديك يخافو منك قومتا دخلت الغرفه بتاعتي القديمه فتحت الدولاب ولقيت ورقي كلو شيلو ولقيت لي البوم سور فيهو علا وانا وفيهو صور زواجي هنا انا صدقت انو دا زوجي بس حاسه اتجاهو عدم قبول ما طبيعي ولقيت القسيمه لميت كل حاجاتي في شنطه شيلتهم وطلعتا ولا حتي قالو لي ارجعي ولا حتي اشتغلو بي اول مره احس اني كرهتهم احساس غصبا عني زرعو فيني بنتايج فعلهم لي طلعت مشيت الظلط وركبتا ووصلت قريب المغرب بيت ناس محمد وتلفوني مالقيتو لقيت امو خايفه علي لمن جيت انبسطت شديد قالت لي الحمد لله قلبي في يدي خوفتك ما تجي قلت ليها ماعندي قبله غيركم ودموعي سالت قالت لي م تبكي يابتي بتحصل الحاجات دي ما تهلكي نفسك ارتاحي دخلت لقيت ابتهال تتكلم لمن شافتني قامت مبسوطه حضنتني الحضن الكان نفسي تحضني ليهو امي قالت لي نوسه خوفتا انك م تجي قلت ليها جيت يا ابتهال ما بقدر افارقكم قالت لي بتمني تكوني معانا طول العمر وما تتزكري راجلك دا قلت ليها ع فكرة انا عرفت حاجه قالت لي بعد اخلص مكالمتي احكي لي وشكلو مؤيد قال ليها اديني ليها ادتني ليهو قال لي اول شي الف سلامه ليك يا باشمهندسه عين واصابتك وان شالله ترجعي احسن من اول قلت ليهو امين يارب تسلم كتير ماقصرتا قال لي من ابتهال كلمتني سعيت ورا اني اشوف ليك الشهاده وفي زميلتك قالت عاوزاك قلت ليهو علا قال لي اي قلت ليهو لا ما تورريها عني حاجه اتزكرت كلام علاء راجلها ما عايزه اتسبب ليها في مشاكل قال لي نوسه انتي ماشفتيها لمن حكيت ليها بالحاصل ليك بكت كيف زوله زعلت لحالتك شديد وحسيتا قريبه ليك دموعي جرت قلت ليهو لكن ماعاوزه ازعجها بي قال لي لو م وقفت معاك في اللحظه دي ح تقيف متين وانا اديتا رقم ابتهال مسافه انتي تجيبي ليك تلفون قلت ليهو تمام اديت ابتهال التلفون ورقدت في السرير وفتحت صورتي انا وعلا وبكيت قدرتي ونومتا عشان كنت تعبانه صحيت نص الليل بحلم مرعب وكلو خوف وكنت بقول لي ابتهال انا متاكده اني بت وما متزوجه قالت لي نوسه استغفري وقولي بسم الله دا كابوس انا شفت صور عرسك لمن نومتي قلت ليها انا متاكده انو زواجي من الزول دا ما تما وراهو قصه وانا لازم اتاكد من الموضوع دا قالت لي نتاكد كيف قلت ليها ح اعرض نفسي لدكتوره نساء وتوليد واقطع الشك باليقين قالت لي نوسه مافي داعي انا متاكده انو دا كابوس وانتي بس م قادره تتزكري قلت ليها طيب ليه انا المده البقولو عليها دي كلها وما ولدتا قالت لي نصيب قلت ليها اموت ليك ريحي بالي وديني لدكتوره وما تدخلي معاي انا بتفاهم معاها قالت لي م عندي مشكله اصريت عليها انو نمشي قالت لي طيب قلت ليها ما تكلمي امك بحاجه بس نقول ليها اي شي قالت لي اكيد
انا بكره المساء بعد اجي من الشغل نمشي قلت ليها تمام
بقيت منتظرا ابتهال بفارق الصبر لمن جات قالت لي علا اتصلت عليك قلت ليها بعد نجي من الدكتوره قالت لي تمام انا حجزت ليك دكتوره قريبه مننا هنا ساعه ونطلع قلت ليها تمام انا جهزتا وبقيت منتظراها لمن جهزت وطلعنا قعدنا كتير لغايه ما جا دوري ابتهال قالت لي انا م بتكلم قلت ليها م عليك بتكلم انا دخلت الدكتوره وبقت تسالني فيني قلت ليها انا عاوزه اكشف ووريتا الحاصل الدكتوره بقت تدي فيني في نصايح وتتكلم عن انو الحاجات دي كانت بعيده كل البعد عن مجتمعنا وهسي كل يوم بتمر عليها زي حالتي واتنين وتلاته ادتني درس عن الاخلاق لغايه ما طلعت ليها القسيمه قلت ليها ما كل البعرضو نفسهم للحاجه دي قصدهم البتقولي فيهو دا انا انسانه مريضه وحاصل لي كده كده وباخد في حبوب عشان اتزكر زواجي وانا م مقتنعه انو اني متزوجه صحيت بكابوس وبتتردد علي انو انا بت ومصره اعرف النقطه دي واديتا محاضره في الدين قلت ليها اكعب من القلتي دا سوء الظن لمن بقت تعتزر لي وقالت لي بس انا منزعجه من الحاصل للبنات قلت ليها فعلا لو كنت مكانك بلصق للواحده كف لاننا غيورين علي بنات بلدنا وربنا يهديهم قالت لي تمام وعملت لي الكشف قالت لي انتي لسه بت انا قلبي بقا يضرب ودموعي بقت جاريه قلت ليها ابتهال انا متاكده في حاجه ورا الموضوع دا للاسف ابتهال بقت مندهشه وطلعنا من الدكتوره قالت لي في سر ورا الموضوع دا قلت ليها الحل الوحيد علا هي صحبتي اكيد عارفه عني حاجات كتيره قالت لي رايك شنو نرجع نتصل ليها قلت ليها اكيد رجعنا البيت امها بتتكلم معانا قلنا ليها بنجيك هسي دخلنا اتصلنا لي علا وانا قلبي ادق وابتهال اكعب علي فتحت الاسبيكر وبديت اسلم عليها وهي تبكي قلت ليها علا ما تبكي علا ساعديني انا جيت البيت عشان تساعديني ما لقيتك قالت لي نوسه انتي كويسه قلت ليها انا كويسه بس مافاهمه شي والله سند دا منو قالت لي نوسه اجي سند دا راجلك قلت ليها راجلي كيف وانا لسه مكتشفه اني بت قالت لي نوسه النزكرك انتي مره حكيتي لي بالموضوع دا وقلتي لي سند متزوج جنيه انا قلبي قال شح وابتهال زاتا لمن عدلت قعدتها وخوفت انها تخاف مني وعلا شغاله تحكي لي قالت لي انتي الفتره الاخيره بقا الجن يظهر ليك وفي بيتنا دخلتي في حاله انا نططت عيوني وبقيت ما فاهمه شي واكتر شي خفت منو ابتهال تخاف مني وتاني ما تتقبلني في الغرفه معاها زي اهلي ما عملو وربنا يستر فتحت علي نفسي ابواب جهنم ياريتني ما اتصلت ………بتبع
تفتكرو ابتهال بعد السمعتو ح توافق بوجود نوسه معاهم ؟ ولو ما وافقت نوسه الح يحصل عليها شنو فكركم ح تمشي لسند.