رواية علاقة سامة الفصل الثامن 8 بقلم ورود الخالدي
دعاء:::
مجنت منتبهه عالحوار الي جان يدور بين ماما وام محاق كل الي سمعته بالاخير
تمام..احنا هم نحضر نفسنا
وانكطع كلامهن ويه العشه ومن رجعنا للبيت سمعت ماما
يرادلنه ملابس مرتبه وبهارية لان هسه الجو برد شويه بالشمال!!
ياشمال..شعدنا بالشمال؟!
شنو تسوين نفسج طرمة موكدامج اتفقت اني وام محاق نروح كولنا وياهم للشمال
لا مسمعت هيج شي!!
غير انتي جنت كاعدة يمنا واحنا نسولف وين جان بالج
مسمعت ماما شنو عجيبه بعدين ياشمال واحنا ابداية شهر العاشر والمدارس بدت
همه كل سنه سفرتهم هيج وكت بعدين وينه الدوام ابدايته وبعد ماكو دراسه هسه
ومنو راح يروح بالضبط
احناكولنا وبيت ام محاق كولهم واهل مرت مصطفى!!
كولهم يرحون لعد وبيبتهم شنو ياخذوها وياهم لو تضل وحدها
لا سميرة تكول ابو محاق يدزها لواحد من اخوانه كم يوم لو لبيت مرته الثانيه..
همه عزموج ماما لو انتي كتيلهم اروح وياكم
لا همه عزموني مو عيب افرض نفسي
وكم يوم يضلون
يجوز اسبوع
وفكرت..ماما تكول كولنا نروح اويلي اسبوع كامل ابقه وياهم وجماله كولهم رايحين اني دقايق ما اتحمل اشوف جهرة محاق انوب اكابله اسبوع غير اجلط..من وراه لاهاي السالفه متفيدني مستحيل اروح.فكرت اخابر ملك اشوف شنو سالفة سفرتهم حتى الكه عذر مناسب اكدر اكوله لماما وما اروح وياهم
بالليل خابرت ملك
الوو ملك شلونج
هلو
اكولج شنو سالفه سفرتكم للشمال
اي عكب باجر نروح حضري نفسج
شعجب هيج وقت زين انتي حامل خاف موزين عليج السفر
يمعوده الحوامل يتسلقن الجبال بالهند شعليه الحمل خلي نطلع نتونس نشوف الدنيا
منو راح يروح
عيالي كولهم واهلي واهل مرت مصطفى همه متعودين كل سنه يرحون همه وبيت اهل مرت مصطفى بس من صرت جنتهم اكيد عزمو اهلي
هاا هيج
وج نسيت احجيلج
اي كولي
غير..ام محاق تريد تخطب اخت مرت مصطفى لابنها محاق
ما اعرف ليش من كالت هيج حسيت غصه بصدري بس كلت الها بسرعة
هااا اخيرا راح يتزوج..لازم يحبها
البنيه عمرها١٨ سنه وتجنن احلى من مرت مصطفى ومحبوبه حيل هسه ادزلج صورتها
ودزتلي الصوره..اويلي شهالجمال وجهه مدور وعيونها تجنن وشعرها مي وطويل لان صورتها كامله وهي واكفه..بس حيل زغيره بالنسبه اله
وج عيني تجنن هاي جنها لعابة بس خطية طفله وهو جبير عليها
يمعودة عادي همه الزلم الكبار هالايام يدورون بنات زغار يسموهن سنافر على كوله مجد
راح تروح وياكم للشمال
اي واكيد هناك راح يصير تقارب بينها وبين محاق اكثر بلكي تصير القسمه ونخلص من هذا المعقد ويلتهي بمرته
الله كريم
من سديت المكالمة ورجعت اباوع ع صورة البنيه شفتها تجنن كاملة مكملة وجاهله وجهها كوله براءه ورقه وجسمها..حلو اي اكيد راح يحبها واهلها مناسبين لاهله..الله يسعدهم..كلت بيني وبين نفسي الله يسعدهم بس اني بداخلي مثل الي ما اتمنى هالزواج يتم ..ليش ما اعرف شعليه اني وشنو الي غاثني وكاتم على كلبي من سمعت راح يخطب غير اني اكرهه..
زين اروح وياهم واشوف شنو يصير..لالا..شعليه بيهم وليش اراقبهم يعني..لا ما اروح واصلا احس نفسي ما احب اشوفهم سوه
فكلت لماما الصبح اني مراح اروح ماما لعبت بيه طوبه
ليش مترحين هو اسبوع طلعي شوفي الدنيا سفره حلوه وجايتنا للحلك ليش مترحين ليش معقده الامور
وطبعا معندي سبب اكوله الها
يوم ما اريد اروح وخلص يعني شنو عجيبه
والله اني من الاول حسيتج متحبين نسابتنا اشوفج حتى روحه لبيتهم بالكوه اجرج جر الهم
يوم شعليه بيهم اني
ويقت تلح عليه اكثر من ساعة بس اني كلمتي وحدة ما اروح يعني ما اروح
وفعلا وره يومين سافرت وياهم ماما وفروحة واني بقيت يم بيت خاله ومرن3 ايام ع سفرتهم. طبعا بيتنا مقفول..وبوقتها احتاجيت ملابس الي فرحت العصر اجيب ملابس فتحت الباب من بره وفتت وطلعت مفتاح باب الصاله ودخلت..وبس نزعت حذائي ودست ع الزوليه حسيت رجلي تنكعت مي واشم ريحة كريهه مشيت وره مكان المي شفته من الثلاجة فتحتها اختنكت من الريحة ..يبووو ..ماما ناسيه الثلاجة طافية والفريزر بيه سمج ولان طافيه صايرة ريحته تكتل و لا ن الثلاجة جان الثلج مكدس بيها ماعت وفيضت الصاله الزوليه مليانه مي زفر وهذه الزوليه جديدة توها ماما اشترتها وفرشتها لان تغير الجو شلون قهر يربي..فكرت الف الزوليه واخليها ع جهة الى ان نرجع للبيت بس لا..ريحتها تكتل واذا تجي ماما تنقهر عليها لان جديدة طلعتها بره وفتحت المي عليها..ودخلت جوه طلعت السمج شمرته بالحاويه البرة..
وفتت انظف الثلاجة ولان ريحتها قويه تاخرت بتنظيفها اذن اذان المغرب واني انظف بيها المهم خلصت رشيت الصاله منظف وغسلتها وطلعت المي بره..وهسه لازم اغسل الزوليه..وفعلا رشيتها منظف ومعطر وكعدت اغسل بيها ..ومن خلصت باوعت الساعة بالتسعة الاربع يربي الدنيا ليل شلون اروح لخالتي مشي. وحيل تعبانه حتى مابيه حيل امشي كل هالمسافة..سبحت ع السريع وبدلت ملابسي وخليت تراكين بعلاكة وقفلت البيت انوب طلعت للشارع دا اسد باب بيتنا واستغربت من شفت سيارة محاق السودة وكفت قريب مني ونزل منها لابس قاط كوله اسود حتى القميص اسود والظاهر هو هم تفاجأ من شافني بدون سلام كلي
دعاء..شنو رجعو اهلج
بسرعة رديت
لا..بعدهم بس اني الي مرحت وياهم
مرحتي..ليش؟ وهسه وين رايحة بهالليل ؟
جان يباوع ع ساعته من كال هالسؤالين
رايحة لبيت خاله
الساعة بالتسعة رايحة لبيت خاله عفتي النهار كوله وهسه ترحين
مو اني جيت للبيت العصر حتى اخذ ملابس الي و
اي وين جنتي من العصر لهسه!!
بالبيت..؟؟
تغيرت نبره صوته وباوعلي من فوك لجوة
وحدج بالبيت؟!
ضجت من سؤاله المغلف وكتله
اي وحدي!
متاكدة؟!
شتقصد؟..انت شبيك تشكي من شي والله. شالاسئلة والتلميحات السخيفة؟؟
بسرعة سحبتي من ايدي حيل ودخلني لبيتهم ولان دنيا ليل مكدرت اصرخ بس كتله بصوت ناصي
محاق هدني وين ماخذني
دخلني للاستقبال مالتهم وسد الباب البره ورجعلي:
مجاوبتي ع سؤالي الاول ليش مرحتي ويه اهلج
شعليك بيه يااخي اروح ما اروح انت شكو؟؟
لج جاوبي ع كد سؤالي؟؟
مرحت لان ما اريد ابقه مكابلتك اسبوع لو اسمع عباراتك الي تنكط سم
هااا مرحتي بسببي اي خوش رد وخوش عذر
اي هو هذا السبب الحقيقي
اي صدكت اني.!!
تصدك متصدك هذا شي ميهمني..بعدين شكو تتدخل بيه هسه اني سألتك ليش مرايح ويه اهلك وعايف خطيبتك؟!!
خطيبتي!!
اي خطيبتك..غير امك خاطبتلك ورايحين سفره حتى تتعارفون اكثر!!
لج انتي صاير لعقلج شي..منو خطيبتي
اخت مصطفى غير خاطبيها الك شنو تسوي نفسك متعرف
منيلها مرت مصطفى اخوات هي بس رفل
اي يمكن هيه
ههه وهسه اهلي مسوين سفره حتى اتعرف على رفل الي اني اعرفها من جانت زعطوطة بالابتدائية الى ان هسه خلصت اعداديه!!
هاا زين لعد بيها الخير الحمد لله اخيرا راح نفرح بيك
شفت ابتسامة جوه عيونه وشفته مركز حيل بوجهي من كال
اشوفج مهتمه بموضوعي..والاغلب مغثوثه منه
ارتبكت وكتله
وليش انغث الله يسعدكم!!
هسه معلينه بهالخرابيط
اذا نيتج ترحين لخالتج ليش باقيه لهل وقت حسب كلامج تكولين وحدي باقيه
اي اكيد وحدي يعني منو ويايه مثلا..اصلا جيت العصر اخذ ملابس ولكيت ماما ناسيه الثلاجة طافية وبيها سمج وطالع منها مي مغرك الزوليه فالتهيت غسلت ونظفت وتأخر الوقت!!
هااا..وهسه شلون راح ترجعين بهالوقت
شنو فد عجيبه ارجع مشي
كل هالمسافة هم وحدج لو اكو احد ع الطريق وياج
كال هالعبارة وياها اشارة مال حركة تليفون مثل الي يكولي منتظرة اتصال من احد يروح وياج
حيل نرفزني فزمخت بيه
شنو اشايفني من ذني اليواعدن ويطلعن بالليل احترم نفسك محاق مثل ما اني محترمتك لخاطر عمرك و
مكملت راسا دك جهازي ابتسم ابتسامة خبيثة وكال:
جاوبي جهازچ يدك!!
اني هم فتحت سبيكر وحجيت
ها خاله
وج وين لهسه من العصر رحتي
راح اجي خاله جنت انظف ..من ارجع اسولفلج
وسديته وشلت جهازي كدامة
سمعت الصوت واقره الاسم هم هاي خالتي مو واحد مواعدته
كمت اخذت علاكة ملابسي ومشيت ع السريع حتى اطلع من باب الاستقبال
بس هو جان اسرع بسرعة سحبني وسد الباب كتله
انت شنو متعرف عيب ..متعرف حرام شنو كل شويه ساحلني من ايدي لو لازم متوني تره هالتصرفات ابد متليق لابعمرك ولا بأسم عائلتك العريق !!!
توقعت راح يستفزة كلامي ويفتحلي الباب ويكولي روحي بس هو بالعكس بحركة خطف متوقعتها حضني حيل ردت اتحرك لزم اديه اثنينهن بايد وحده وكال قريب من وجهي
مو انتي الي تعلميني العيب!!!!! وبالنسبه للحرام بعدني ممسويه وياج ومادام تهمتيني بيه مستعد اسوي هسه
وشفته يباوع لعيوني وبعدين لشفتي وقرب وجهه مني عززة عززززة العزاني حيبوسني والله حيبوسني متت من الخوف وقبل متوصل شفته الي فلتت وحده من اديه وخليتها ع حلكة جان صوتي يرجف من كتله:
م..محا..ق ..لا..لا
بس هو جان بكامل هدوءه من شال ايده وخر ايدي عن حلكة وشفته يتأمل وجهي وتوزعت نظراته ع عيوني وشعري وحلكي..دمعت وكلت
لتسويلي شي الله يخليك!
ابتسم وكال وهو يخلي شعري وره اذني
هاي انفعالاتج من صدك. لو تمثيل!!؟..لو فعلا خايفة ومحد بايسچ قبل!!!؟
جان صوتي مخنوك من كتله
محاق فلتني عوفني
بس هو نتلني حيل وحضني اقوه وكال
كسرتي خاطري..افلتج بس تمشين كدامي مثل الحبابة خلي اخذج لخالتج..ومتحجين كلمة اثناء الطريق
هزيت راسي يعني اي
وحسيت براحة عظيمة من فلتني بس احس اديه ورجليه يرجفن بدون ارادتي ومشيت طلعت من الباب
نسيتي غراضج
رجعت اخذت العلاكة وكملت طريقي وكفت يم السيارة فتحلي الباب وصعدت..هو صعد وحرك بسرعة
شفته يبتسم وهو يفر الستيرن حتى يلوف ويطلع من الشارع جنت لازمة علاكة ملابسي واديه ترجف وحتى رجليه هم احسهن مو ثابتات شفته يراقبني..وبحركة جديدة ممتوقعتها
خله ايده وره ضهري وجرني
اهدي يمعودة شسوينالج!!
ما اعرف منين جتني القوة نتلت ايده وكتله
ايد...ايدك..ل..لتخ..لتخليها عليه...فهمت
وخر ايده ورجع يسوق
دحجي عدل جبانه شبيج متواخذه مسويتلج شي لو بايسج من صدك جان شصار بيج؟؟
احترم..نفسك محاق شنو تبوسني!!
والله غيرج يتمنى.!!!!!.بس الظاهر ما الج بالطيب نصيب شفايتلج..محاق بنفسه يبوسج
كلامة جان قمة الغرور حاولت اجمع افكاري وكتله
ش..شوف محاق هذه اخر مره ايدك تلمسني بيها والله وروح بابا اذا تكرر هالتصرف..افضحك كدام اهلك واهلي واكولهم يتحرش بيه
ههههههه
اضحك ميهمني غرورك التافه
اي واذا سألوج وين لكاج وتحرش بيچ راح تكوليلهم ابيته يعني انتي الجايه عليه مو هو متعني الج!!
محاق..اسكت..اسكت رجاءا
وخلص الطريق ساكت واول موصلنا لبيت خاله قبل ما انزل كلي
بعد لتفكرين اطلعين بالليل
معليك بيه انصح نفسك
نزلت من السيارة فتت لبيت خاله حتى مسلمت كالت
هاا خاله شو لاسلام ولا كلام
خاله تعبانه من الطريق اصعد يم غزل انام
والعشه
ما اريد مجوعانه
اي ليش هالكد تاخرتي
بعدين اسولفلج..
صعدت بدلت وخليت راسي ع المخدة احاول افسر تصرفاته هذا شبي والله مو صاحي..يمكن بيه شي..بعدين هو نزل من سيارته كاشخ لابس قاط كوله اسود مدري وين جان عززاا عززا همزين مباسني لو بايسني شلون راح اكدر اخلي عيني بعينه وبعين اهله بعد همزين عافني..ممستوعبه الجراة العنده وسرعة تصرفاته وتفكيره..كل يوم اله وجه جديد وتصرف جديد حتخبل والله..اصلا كلما نلتقي يحسسني انه اني فد مخلوقه ضعيفة مثل النملة مبيه اي فائدة..لحد الان الرجفة بكلبي وبجسمي.
من خلص الاسبوع ماما رجعت هي وفرح ورجعت لبيتنا وما احجيلكم شكد بقن يسولفن ع سفرتهم ويوصفن الجو والاماكن والطبيعة بالشمال تجنن اصلا فروحة مصورة كومه صور ومقاطع فديو بجهاز ماما. ..الي ضلت تلوم بيه ليش مرحتي وليش مرحتي..وغبيه والسفره الحلوة والاجواء فاتتج..والحجي بيناتنا اني هم تندمت من شفت الصور والفديوات لو ادري محاق ميروح جان رحت وتونست صار كومه سنين مطالعين لازيارة ولا سفره اصلا من وفاة بابا لحد الان توقفت عدنا الطلعات والروحات عدا روحاتنا لبيوت خوالي بالكوت.
وره شهرين ماما اجتني تكولي:
معزومين الخميس الجاي على عرس كرايب بيت ابو محاق
كرايبهم؟؟
اي ابن اخو..ابو محاق يريد يتزوج؟؟
واحنا شعلينا وشعجب عزمونا
مو مرت حمى سميرة راحت ويانا للشمال وهناك تعرفت عليها..اكثر وصرنا صديقات..وعزمتني وجلبت اله نجي حتى سميرة هم عزمتني
اي روحي ماما
شنو اروح..وحدي المره عزمتنا كولنا هم كولي ما اروح وج..طلعي تونسي وشوفي الناس شلون عايشه شبيج حابسه نفسج!
فكرت بكلامها كلت شكو بيها واذا رحت شنو هم اخلي محاق المخبل سبب يمنع روحتي مثل محرمت نفسي من سفره الشمال بسببه اشو اروح واتونس واضحك واسولف ليش احرم نفسي
واجه الخميس ماما كالت اخذجن ااجر الجن فساتين انتي وفروحة وفعلا اخذتنا فروحة اجرت الها فستان منفوش وردي..واني شفت كل الفساتين وحرت شنو اختار اعرف اعراسهم بالقاعة مختلطة..يعني لازم فستان مستور ومغطى الصدر والظهر والزنود خو مااتصلخ هناك..واختاريت فستان قهوائي مستور وحلو وعز الطلب لبسته ماما كالت:
يااا وين لكيتي هذا الجوزي لون العجايز
يوم اعراسهم مختلطة وهذا مستور
دروحي نزعي يلعب النفس..طالعة جنج ام العجايز بيه
يوم لعد شلبس
وكامت تكلب بالفسساتين واختارتلي فستان جويتي مايل لونه للنيلي اكثر بس تحفه كالت روحي لبسي خلي اشوفه
لبسته يربي يجنن عليه بس الظهر مفتوح والصدر هم كلش مغلق..
اي هذا يجنن
يوم الظهر مفتوح شويه وصدره بس التور مغطي المقدمه
اي وشكو بيها..كلها البنات هيج تلبس
يوم مو كتلج اعراسهم مختلطة
والفستان مابيه شي هم مو كولش مفتوح دخذيه يغبره طالعة بيه گمر..بلكي احد من كرايبهم يشوفج وينعجب بيج وج ذوله كولهم فايخين بلكي يجيج نصيب بي خير
يوم شهالتفكير شنو بس تردين تزوجيني وتخلصين مني خطبني محمد اكلتي كلبي وهسه تحجين هالحجي..
وج شنو اخلص منج اريد اطمن عليج واشوفج احلى عروسه ..
يوم..واني ما احب اتزوج واحد ينعجب بشكلي وبعدين يدور الاحلى مني اليتزوجني لازم كولي على بعضي يريدني مو ياخذني لان حلوة
كامت تتفلسف
ما اتفلسف وما البس الفستان هذا اذا هيج تفكرين
لا اشو تلبسيه وترحين صالون وتطلعين احلى وحده بالبنات فهمتي لولا؟.