رواية غيرة اختي الفصل العاشر 10 بقلم جمانه السعيدي
@الجميع
غاده....مااكدرت ارجع الغرفتي رحت كعدت بلاستقبال
اسمع صوت هبه تبجي وتدعي عليه
هبه...الله ياخذج حقيره جذابه انشاء الله ماتشوفين السعاده طول عمرج
ابوي...انجبي مااسمع صوتج فوك شينه كوات عينه
فوك المصيبه الي سويتيها النوب السانج شطوله
اني اعلمج الضاهر احترمناج وكبرنا راسج
طلع حسين من البيت وهو عصبي
راح الزيد يتعارك ويااا
ما متوقع صديق عمره يغدره بهاي الطريقه ويلعب على خواته ثنيينهن
غاده...كعدت من كد العصبيه اسمع كلبي يدك براسي
اتنفس بسرعه
هاي المواجهه ابد ماكانت سهله عليه
بس لازم تصير حتى اهلي يعرفون هبه على حقيقتها
اجتني رساله من مرتضى
مرتضى...غاده....ردي اريد احجي وياج
غاده...بعد ماكو كلام بينا انت بمكان ما تسئلني تفتهم
مني اي واحد يحجي كلمه عليه تصدك
الزواج الي مابي ثقه من البدايه مااريده
مرتضى....اني ماتهمتج اني سئلتج ليش عصبيه هيج
غاده....وحده مثلي اختها تطعن بيها وتخرب عليها
شلون ما تنجلط مو بس تصير عصبيه
مرتضى....اهدي على كيفج اني شكلت ليش طلعتي بسرعه جان عفتيني اوصلج
غاده....مااريد منك شي عوفني بحالي
مع الاسف توقعتك تختلف كلت اي هو هذا الرجال الحقيقي الي جنت ادور علي
طلعت ما تختلف نفس الشي وواحد.شكاك ماعندك ثقه
شلون تكول احبج وانت ما عندك ثقه بيه
مرتضى...اعتذر حقج عليه بس اي واحد بمكاني
راح يضوج شلون اقبل حبيبتي عدها ماضي قبلي
غاده...محسسني كنت اشتغل بملهى مجرد علاقه طفوليه بريئه ونسيتها ليش تريد تحاسبني عليها
قابل اني جنت بعلاقه وياك واحب غيرك
لو جنت اعرف راح التقي بيك من قبل
لاتصير ضالم حتى رب العالمين يخلق البشر
وما يخلي ناقص شي والبشر يعصي ويخرب ويكفر ومن يتوب يقبل توبته
وانت خليت نفسك حاكم عليه
تريد تحكم على حياتي من يوم انولت لليوم
رب العالمين يكول بسم الله الرحمن الرحيم
(كل يوم هو في شأن ) يعني حتى رب العالمين
ممكن يغير حال البشر بعد ماينزل بلاء على البشر
يرجع يرفعه عنه من فرط رحمته على الناس
وانت تريد تنزل علي حكم ابدي بغلطه غلطتها بدون وعي
تعرف اني بسبب هاي المشكله الي صارت
احمد رب العالمين واشكره
لو ما هبه تخرب كلشي بيني وبين زيد
جان اني هسه تعيسه وحزينه لان زيد انسان
انتهازي واستغلالي وخاين اول مره خان صديقه
وقبل يضحك على اخته وبعدين خاني وقبل يخطب اختي
شكد جنت حزينه بس هسه اني شكد سعيده
لان رب العالمين بدل حياتي بحياة احسن
وعسى ان تكرهو شي وهو خير لكم
مرتضى...والنعم بلله
غاده..... اني افضل ننفصل الضاهر انت انسان
ماعندك ثقه بيه ننفصل هسه احسن مادمنا بعدنا على البر
وكلمن يشوف حياته
شوفلك وحده بلا ماضي ولا حاضر ارتبط بيها
حتى ترتاح نفسيتك اكثر
قفلت التليفون قبل لايرد عليه
جمانه السعيدي
بقيت طول اليوم عصبيه اخذت حب منوم حتى اكدر انام
بلكت عقلي يرتاح شويه
نمت بمكاني بدون غطه ولا مخده
كعدت على صوت امي تعيط بصوت عالي
طفرت مرعوبه من مكاني
رحت لكيت ابوي يحجي باتليفون وامي تلطم وتعيط
واكفه بصفه
غاده...شكووو شصاير يمه ليش تعيطين
امي...اخوج ضرب زيد واخذو للمركز
غاده...يااا يمه حسين
دخل ابوي غير ملابسه وطلع وبقينا اني وامي نلطم
هبه سمعت كلشي بس ما طلعت من الغرفه ولا شاركتنا بكلشي عبالك مو اخوها
فتحت تليفوني وتصلت على ابوي
غاده.. هاا بابا شكووو
ابوي....حسين متعارك ويا زيد وضاربه فاتح راسه
ناقلين زيد للمستشفى ومدخلي عمليات
واخوج لازمي الشرطه
يكولون زيد دخل عمليات ومنتظرين يطلع ويشوفون
وضعه الصحي
غاده...ياستار ياربي يمه اخوي
بقينا اني وامي متكابلين وندعي بلكت زيد يطلع سالم
خاف يموت ونبتلي
شلون محد يكدر يجبلنا اخبار زيد كتلنا القلق
خاف صار علي شي ابوي ملتهي ويا حسين بلمركز
فكرت استعين بمرتضى هو الوحيد الي يكدر يشوف
زيد باي مستشفى ويطمنا على حالته
طلعت الرقم وتصلت علي بس رن فتح خط
مرتضى....الووو غاده
غاده....مرتضى الحك علينا
مرتضى...خير شكووو
غاده...حسين تعارك ويا زيد بعد ماعرف كلشي
صار ضربه على رأسه وزيد دخل عمليات
ماعدنا احد. يسئل ويطمنا ابوي بلمركز ويا حسين
يريد محامي يدافع عنه
تكدر تشوف زيد باي مستشفى وطمنا على حالته
خاف يموت ونبتلي اذا مات يضيع حسين
الله يخليك ساعدنا
مرتضى....تمام راح اسئل وارجع اتصل مره ثانيه
بقيت انتضر تقريبا عشرين دقيقه رجع اتصل مرتضى
غاده...هااا مرتضى بشر
مرتضى...عرفت زيد باي مستشفى طلع من العمليات
والدكتور يكول ٢٤ ساعه يله نكدر نحدد وضعه الصحي
نازف هواي دم حسين ضاربه بحديده حاده على راسه
غاده...يااا عزا يمه بس لا يموت
ويضيع اخوي مني
مرتضى...كولي يالله ليش هيج خايفه
انشاء الله ماكو شي
امي...هاا يمه شيكول مرتضى
غاده...يكول طلع من العمليات بس الدكتور يكول
٢٤ ساعه يله يستقر وضعه
امي...استر ياربي استر علينا
مرتضى....اني راح اروح للسجن اطمن على حسين
غاده....ابوي هناك كدامك
مرتضى....ديري بالج على نفسج
غاده...شكرا
جمانه السعيدي
غاده...امي توضت وكعدت تدعي
تدعي زيد يكوم بالسلامه مو علمود حسين
تكول شاب بعده زغير شلون امه تتحمل فراكه
ساعه ورجع ابوي ويا مرتضى للبيت
دخلو للبيت ابوي وجها اسود من القهر
غاده...هااا بابا
ابوي....بعد لمن يستقر وضع زيد يله يتحاكم حسين
بعد ورانا اهله وعشيرته هذا اذا طلع سالم
غاده...كله بسببي ليش حجيت كدامه
اكيد ما يتحمل على اخواته حجايه اني ليش حجيت
راح يضيع اخوي بسببي
ابوي....كون الله يعديها على خير وزيد ما يموت
مرتضى....اني راح اروح للمستشفى الي بيها زيد
اطمن علي وارجعلكم خبر
ابوي...تعبناك ويانا عمو
مرتضى....لا عمو انتم اهلي
طلع مرتضى بقينا كاعدين الله لايخلي واحد بموقفنا هذا
لا اكل ولا شرب وبس الأفكار السوده تجي ابلنا
اتصل مرتضى
غاده...هااا مرتضى
مرتضى.....وضعه مستقر انشاء الله خير
غاده...انشاء الله
بقا مرتضى بلمستشفى مارجع البيتهم نام بلمستشفى
حتى يطمن على حالة زيد خاف يصير بي شي
احنا بقينا كاعدين للصبح
امي تكسر الخاطر وجها اصفر وحلكها يابس
من الخوف
واني الندم اكلني ليش حجيت بسبي حسين
صار عصبي وهجم على زيد
خاف يموت زيد ويضيع مستقبل حسين
ساعته مااسامح نفسي ابد
الساعه ثنتين ونص
اجتني رساله من مرتضى
مرتضى...كاعده
غاده...ومنو يكدر ينام
مرتضى...لا تخافين روح شيطان مابي شي
غاده...كله بسببي اني لو ساكته مجان صار هذا كله
رجعت عصبيه بس شفت رساله هبه
تخبلت كلت بعد مراح اسكت اكثر
جمعتهم وحجيت كلشي كدامهم من البدايه للنهايه
حسين ما تحمل يسمع زيد صاحبه وصديقه
الي مأمن بي يطلع حقير هيج
طلع راح علي وهو عصبي بس ما توقعت يضربه
مرتضى...عفيه علي رجال من ضهر رجال
اخذ حقه حتلو يموت زيد موتت الجلاب
يستاهل هذا استحقاقه
غاده...مو راح يضيع مستقبل حسين
زيد.... حتلو ينسجن السجن أولى من السكوت
على واحد مثل زيد لا خلقه ولا اخلاق
غاده....لا اني مااريد اخوي يخلص عمره بلسجن
اريده يزوج ويكون اسره ويعيش سعيد
انت ماتعرف حسين شكد حنيين وطيب وكريم
مرتضى...لاتخافين زيد مثل الحصيني راح يطلع منها
سلامات
غاده....كول انشاءالله
مرتضى...ادعي الزيد لا ولله ماادعيله عسى بلموت
الي ياخذه
هو الي خرب حياتنا جان هسه مزوجين ومخلفين
غاده...يااا بشهر واحد مزوجين ومخلفين شلون
مرتضى...اني مو بعينج اني زوجتي بشهر واحد تخلف
غاده...ياستار ياربي شنو انت الرجل الحديدي
مرتضى...اي الرجل الحديدي تذكرين شلون جنت صاكر الشارع كله كلها تخاف مني
من اطلع كلها تدخل بيت اهلها اني من زغير
اختلف عن الكل
غاده....جنت ما تنجرع
مرتضى.....محد غلبني بس وحده كدرت تعضني
واني منتظر اللحظه المناسبه حتى اخذ ثاري
غاده....شنو تاخذ ثارك قبل زغيره وسنوني زغار
يعني العضه ماهلكد تأثر
هسه انت جبير العضه تموت
مرتضى...بكيفج اني اليه عندج ثار وابقى اطالب بي
منا لمن اموت
غاده...اسم الله عليك لاتكول اموت
مرتضى...تخافين عليه
غاده....شاب بعدك زغير الله يحفظك الشبابك
انشاء الله
مرتضى...اموت عليج
غاده...اذا تحبني .ليش عفتيني كل هذا الوقت الي يحب ما يتحمل البعد
جمانه السعيدي
مرتضى...ومنو كال اني كدرت اتحمل
ماتعرفين شلون جنت اخلص اليوم
حسره وقهر ما كتلتي غير التعود
متعود عليج طول النهار احجي واسولف
حسيت بفراغ مو معقول حياتي صارت موحشه
كلشي يمر عليه يذكرني بيج
كلشي كلشي بس كان لازم انطي نفسي مجال افكر
واكون مقتنع
غاده....ليش صدكت هبه بااخير رساله
مرتضى....مو صدكتها بكد ما انقهرت
قبل يومين دزيتلي تعال اخذ الذهب
وهبه دزت تكول اني وزيد انفصلنا بسبب غاده
تريد ترجعله
الشيطان صورلي اشياء
كلت أتريد تخلص مني حتى ترجعله
غاده....اني ماحبيت احد بحياتي بكد ماحبيتك
انت تركت اثر قوي بحياتي
مستحيل اكدر اجاوز الأشياء الي صارت بينا
مرتضى...واني هم احبج ومااتخيل حياتي بدونج
يمتى نزوج
غاده...خل تنحل هاي المصيبه اخاف على حسين
مرتضى...اذا انسجن حسين عشرين سنه لا سامح الله مانزوج
شلون نبقى ننتظره
غاده...اسم الله لا تكول هيج يااا اخوي ينسجن
لاكالهاالله اسم الله علي
مرتضى...اسمعي زين احنا عاقدين محكمه وشيخ
انتي كدام الله وكدام الناس زوجتي
لا تخليني اجي هسه اخذج للبيت
وبعد ماكو عرس وهوسه نسد بابنا ونكعد
غاده....لا اريد عرس حلو حتى يبقى ذكره وجهالنا يشوفون صور عرسنا
مرتضى...اي بعدين نسوي عرس
غاده...لا ماكو زواج بدون حفلة عرس
مرتضى....هسه هذا الحيوان زيد منين طلعنا
احتركت لشته وين مايروح ماتجي من ورا غير المصايب
غاده...ادعي يطلع سالم
مرتضى...ماادعي اكرها اموت منه شلون واحد يدعي العدوه بلخير
غاده...مو علموده على مود حسين
مرتضى...اي ادعي غير دعاء مثلا
انشاء الله يطلع حسين سالم وما ينسجن
غاده...يااا ولله لوتي ههه
مرتضى....شنو لوتي ادعي الدعاء الي يناسبني
مااريد ادعي الزيد
حتى انتي ممنوع تدعين الزيد فهمتي لو لا
اذا اسمعج اجيبين اسمه على السانج اعضج من حلكج
حتى بعد ما تحجين ابد
غاده...عفنا الموضوع الاساسي وكاعد نحجي على شسمه
مرتضى...شسمه اي عفيه لا تجبين اسمه
عفيه حبيبتي كولي خره كولي اي شي بس لا تكولين اسمه منوع
غاده....روح شوفه صار زين حتى اطمن
مرتضى....بله اني هسه عايف بيتي وعايف فراشي
وكاعد حتى اطمن على هذا الحيوان
غاده...الخاطري روح شوفه
مرتضى...انشاء الله يموت واخلص منه
غاده...اسم الله لا تكول هيج خل يطلع من ألمستشفى
ويموت بعدين الله ويااا
مرتضى...اكوفي لا تقفلين الخط
احجي وياي منا لمن اوصل للردها
غاده...نسيت اسئلك تعشيت
مرتضى...وين تعشين اشتريت بسكت وجاي من كافتريت
المستشفى واكلت جوعان
غاده....اذا بشرتني وطلع شسمه زين الك عزيمه على حسابي
مرتضى....وصلت دقيقه اسئل
يكولون وضعه مستقر ماكو شي يخوف
مو كتلج عنده روح شيطان
غاده...الحمد لله الف الحمد لله
مرتضى....روحي نامي الساعه ثنتين و٤٥ دقيقه
غاده...ما يجيني نوم بسبب الهبطه رغم اني اليوم أخذت حب منوم من رجعت للبيت
ما تتخيل شكد عصبيه جسمي يرجف من العصبيه
مرتضى....سلامتج حبيبي
هلو عيوني اهلا وسهلا
لا ماكو شي
...محتاج شي
مرتضى...شكرا تسلمين
غاده...منو هاي تسلم عليك سمعت صوت بنيه على منو تسلم
مرتضى...هاي وحده جانت تدرس وياي
غاده...وليش تكوللها عيوني
مرتضى....متعود على هاي الكلمه بعدين شنو تغارين
غاده...وليش مااغار ماعندي احساس مثلا
مرتضى...عبالي
غاده...ممنوع تسلم على البنات
مرتضى....ليش زميلاتي نشتغل سوه
غاده....ترا اني هم اسلم على الولد بلجامعه
مرتضى...حتى اكطع السانح تصيرين خرسه
وبعد ما تحجين ويا اي احد
غاده....يااا حلال عليك وحرام عليه
مرتضى...اني الرجال وانتي بنيه
غاده...مبين مستبد
مرتضى....ااااي عليج مستبد ونص صعب واحد
يتملك شي ويقبل احد يشاركه بي
وخاصه اذا يحبه
غاده.....لا عفيه لاتكول هيج خليك حنيين وطيب
ومتفهم
مرتضى...من هسه اكلج اني غيار ومااقبل
اي تصرف منج يزعجني فهمتي لو لا
غاده...لازم اراجع حساباتي وياك من جديد قبل الزواج
مرتضى...بعديش بابا صرتي على اسمي
بعد ماكو تفكير كله حاضر وصار فهمتي لو لا
غاده....حاضر وصار تدلل عيوني سي السيد
مرتضى...اي هيج عجبتيني
انتظرونا....