رواية غيرة اختي الفصل التاسع 9 بقلم جمانه السعيدي
غاده...بقيت منتظره ردة فعله
اريد افتهم احنا راح نكمل لو لا رغم اني كنت اتمنى من كل كلبي مايعوفني ابد
قرأ الرساله مرتضى بس ماجاوبني ابد
ماعرف بيش جاي يفكر وليش مخليني هيج
لا للسما ولا للكاع
موهنا المشكله المشكله الي جاي يصير واني مادري بي
كنت اشوف هبه تعبانه
واكول خطيه انكسر كلبها بأول تجربه الها صح هيه غلطانه بس تبقى اختي ويكمن رب العالمين
يحبني لان خلاها تبعد زيد عني
وعسى أن تكرهوا شيئا وهو خير لكم
الشر الي دبرته اليه اجا من مصلحتي
عرفتها وعرفت زيد على حقيقتهم
بس الرساله الي دزتها المرتضى وخربت بيني وبينه
ابد مااسامحها عليها
بعدها بيومين واني انتظر اي خبر من مرتضى
بس بنفس الوقت مااريد استعجل حتى لا اضيعه
من ايدي
اجتني رساله من مرتضى
مرتضى...شلونج غاده اريد اشوفج
باجر الساعه عشره بنفس المكان الي التقينا بي اخر مره
غاده...فرحت بلرساله
بس حسيتها رساله جافه خفت لايكون هذا اخر لقاء بينا
كتبتله تمام
ثاني يوم الصبح كعدت من وكت خلصت كم شغله بلبيت
واني عقلي يجيب ويودي افكر بمرتضى
هالايام شغل البيت كله عليه لان اهلي خايفين على هبه
لا تتعب نفسيتها اكثر كل وقتها يانايم يا فاتحه التليفون وتكلب بي
بعدين كلت الامي
غاده....ماما مرتضى طلب يشوفني
امي...اي يالله بلكت تتصالحون وين يشوفج
لو يجي للبيت هنا
غاده... لا مو بلبيت . راح نلتقي بمطعم
امي...ماما لاترحين ويا اي مكان خاص
غاده...لا مرتضى ماعنده هاي السوالف بس ادعيلي
الله يهدي ونرجع اني ويااا
بلعشرة دزلي رساله راح اجي حضري نفسج
غاده....خليت الذهب بجنطتي وطلعت بعد ماسمعت هورن السياره
فتحت باب السياره اول شي شميت عطره
اني اعشق هذا العطر احسه ملائم الشخصيته وكانما صنعو هذا العطر اله خصيصا
دخلت السياره وكلت بثكل صباح الخير
مرتضى...صباح الخير
بقينا ساكتين منا لمن وصلنا للمطعم
كتلني هذا السكوت مشتاقتله حيل بس مااريد ابين ضعيفه كدامه بس الانسان الغلط ضعيف
واني ما غلطت ويا بشي ياربي شكد مشتاقتله
بلكوه لازمه نفسي وما احجي وياااا
اريد انفجر اريد اكله ليش عفتني كل هذا الوقت كلشي بدونك صعب حيل صعب
جمانه السعيدي
وصلنا ونزلنا دخلنا جوه كعدنا
مرتضى...جاي لو عصير
غاده....بس مي كلشي مااريد
مرتضى...ثنيين جاي وماي
بقينا ساكتين شويه
غاده...فتحت الجنطه وطلعت الذهب
هذا الذهب جبته ماناقص شي حتى الهديا الي جبتهن محتفظه بيهن راح ادزهن بيد حسين
مرتضى...عوفي الذهب هسه
صح هبه فسخت من زيد
غاده....رفعت راسي باوعت علي بستغراب
شلون عرفت
مرتضى...جابوبي اني اسئلج مو انتي تسئلين
غاده....اي
مرتضى...انتي السبب
غاده....لا اني شنو علاقتي بيهم
مرتضى....يعني انتي مالج دخل بنفصالهم عن بعض
غاده...اني شنو علاقتي هو واحد مهمل وبخيل
وهيه تريد فلوس وهدايا وطلعات هو مل منها
وهيه خلصت رغبته بي على فكره هو الي طلب ينفصلون لان مل منها ابد ما تمسك بيها
وهيه ماصدكت ادور واحد غني حتى يصرف عليها
ويدلعها
مرتضى...شلون هبه تكول انفصلنا بسبب غاده
تحرض بزيد عليه وخلته يطلكني تريد ترجعله
غاده...استغفر الله واتوب اليه لا لا مااصدك مو معقول
اني مجاي اصدك هاي مو اختي مو معقول
اني شنو علاقتي بيهم
اني الي سويته دزيت الرساله الي اجتني من زيد
الهبه حتى تعرفه على حقيقته وما يبقى يضحك عليها
هيه اذا تحبه من صدك جان تقبلته بكل عيوبه وبقت ويااا
بس هيه من يوم انخطبنا اني وياك
وهيه تقارن حياتها بحياتنا
هبه اختي واعرفه ماديه وغيوره
مرتضى...يعني مالج علاقه بلموضوع ولا جاي تتواصلين ويا زيد لان هبه تكول اني مريضه بسبب غاده
خربت حياتي وبعدتنا اني وخطيبي
حتى ترجع هيه وزيد
غاده...صدك تحجي معقوله بعد ماعرفتني كل هاي المده
تجي تتهمني هيج اتهام مع الاسف
لو يبقى زيد اخر رجل بلارض مااباوع بوجها مو ارجعله
هاك تفضل هذا تليفوني شوف اذا اكو شي بيني وبين زيد
لو بيني وبين هبه
حتى هبه اختي ماعندي اي علاقه بيها
مااصدك معقوله بعد هاي الفتره الي مرت بينا تصدك
كلام الناس عني
المفروض انت جبير وتفتهم وتكدر تقيم الانسان الي كدامك
تكدر تعرف اذا صادق أو لا
هبه تريد تخرب حياتي من زمان
من اول ما دزتلك الرساله الي تحجي بيه عن شرفي
واني اختها
على العموم انت حر تريد اتصدك تريد لا
هذا الذهب جبته
وتكدر اطلك باي لحظه بس اريد ادزلي هاي الرساله
والرساله الي قبلها
لان موضوع هبه بعد ما ينسكت علي
هاي البنيه وصلت مرحلة بعد ما ينسكت عليها
لازم اهلي يعرفون حقيقتها
جمانه السعيدي
اما بلنسبه اللك تكدر تشوف حياتك اذا انت تصدك
اي كلام يجيك عني وما تصدكني
حياتنا اني وياك مستحيل تستمر ااكثر
اخذت تليفونه
غاده...افتح التليفون
فتح تليفونه ودخلت على الرسائل
دزيت رسالة هبه الأولى والثانيه الصفحتي
كمت على حيلي وكتله تفضل هذا الذهب
وكلمن يشوف حياته
كمت امشي بعصبيه ماكدرت اسيطر على دكات كلبي
ولا دموعي ثنيينهن خانني
إلى متى تبقى هبه تركض وراي وتريد تخرب حياتي
كافي لهنا وبس
لازم كل واحد يعرف حدوده
مسحت دموعي اشرت للسياره
اجا مرتضى يركض وراي
مرتضى...اوكفي اوكفي احجي وياج
صعدت التكسي ومشينا
طول الطريق ابجي ابد مو معقول الشي الي جاي يصير وياي
وصلت للبيت
امي...هااا شنو اخبار مرتضى
غاده... اجا بابا وحسين
امي...لا بعدهم مااجو ليش تسئلين
غاده...عندي موضوع مهم وياهم ثنيبنهم
امي.....ماداري شجاجن ثنيبنجن تعبتني
بدلت ملابسي وكعدت انتظرهم
امي....شكو شبيج احجي
غاده...لمن يجون ابوي وحسين
ا
بس دخلو للبيت رحت على هبه تعالي اريد احجي وياج
هبه...مالي اي كلام وياج
غاده..بحركه لزمتها من شعرها وسحبتها
وصلتها للهول وهيه تعيط
ابوي...ليش بابا ليش ويا اختج
غاده...اريدكم كلكم تسمعون هبه شلون حطمت حياتي
هاي اختي المفروض تكون احن وحده عليه
جاي تحفر وراي تريد اتحطم حياتي
مو عبالكم عافت زيد لان مهمل وبخيل والكلام الي كالته
لا عافته لان خلت عينها على مرتضى
هبه تريد تاخذ مرتضى مني
ابوي...ليش تكولين هيج على اختج
غاده...بعد مااكدر اتحمل اكثر
هاكم شوفو الرسائل الي دزتهن ألمرتضى حتى تخرب ببني وبينه
هاكم اقرو حتى تصدكون
ومدام اليوم انفتحت كل السوالف خل تحجيلكم من البدايه
جمانه السعيدي
هبه...اوووي شكد اوفر شنو هلحجي ليش اجذبين اني مالي علاقه بمرتضى
شنو انتي متعجبه ماكو غيره
اني عفت زيد لان ما تفاهمنا انا وياا
غاده...اوكفي اليوم احجي كلشي صار
اني جنت معجبه بزيد هلكد ما حسين يحجي عنه حجي حلو
وهو هم معجب بيه وكال بس اتخرج نزوج
هبه كتلتها الغيره راحت تركض ورا منا لمن قنعته يعوفني
وفعلا ركض وراها وعافني
ليش اني اتفاجئت من سمعت زيد يريد هبه
شلون يريد هبه وهو مواعدني بلزواج
بسببهم اني تمرضت لان انصدمت بيها اكثر منه
هو مهما يكون غريب بس هبه اختي
سلمت امري لله وعفتهم
من اجا مرتضى تقدملي وبين حبه واهتمامه
تخبلت ليش غاده تاخذ واحد احسن من زيد المفروض تبقى مكسوره طول عمرها
وخاصه من شافت مرتضى يصرف ومدللني
كتلتها الغيره
هبه...انجبي ما اسمحلج تحجين عني هيج
غاده....غصبا ماعليج تسمعيني فهمتي لو لا اريد اهلي يعرفون حقيقتج
غاده......كامت تطلع كدام مرتضى بلكت تعجبه ويعوفني
دزتله طلب صداقه واني كتله احضرها لان اعرف سوالفها
كلهن
هبه...جذابه لاتصدكون حجيها
غاده..عندي الدليل من شافته مو بحالها وما يباوع عليها
دزتله رساله تطعن بشرفي
وتكول غاده تستقبل زيد بلبيت من ورا اهلها
هاي الرساله هاك حسين اقرا بصوت عالي
لان صوتي راح من كد ما انصدمت منها
قرأ حسين الرساله بصوت عالي
غاده..بسببها مرتضى عافني وهاي صار شهر ما يحجي وياي
اليوم كال نتقابل رحت اشوفه بلكت نتصالح
هبه...مايريدج كوه لازكتله
غاده....كال هبه دزتلي هاي الرساله
تكول زيد عافني بسببه تريد ترجعله
هاك حسين اقرا الرساله
قرأها حسين بصوت عالي
ابوي....هبه صدك جذب بابا ليش هيج
امي...كامت من مكانها وضربت هبه راشدي قوي
حسين...الله ياخذج وحده مريضه
غاده...هبه كامت تبجي ودخلت غرفتها
راح وراها حسين سحب منها تليفونها بعد ماعرف الرمز
فتح التليفون
لكا كل الرسائل موجوده بتليفونها
بابا...جيب التليفون هبه بعد ما تشوفه بعيونها
وممنوع تطلع من البيت
غاده.... تعبت ولله تعبت منها
بابا...لا اضوجين اني احجي ويا مرتضى
غاده...لا عوفه اذا ما يصدكني من نفسه مااريده
ومااريد اي احد يأثر علي
ايجوز اني ويا ما مقسومين البعض
انتظرونا...