رواية ما اخفته القلوب الفصل السابع 7 بقلم مريم احمد البابلي
اتفجئت سلمى لما لاقيت اللي بتلفها من كتفها و كانت شهد
اتكلمت شهد و هي بتقولها بغـ.ـل
شهد... انتي فاكرة لما تروحي تشتكي اللي حصل زي العيال الصغيرة اللي ف المدرسة كدا بقى انا هخاف !
اتكلمت سلمى و قالتلها
سلمى... ابعدي عني و عن طريقي يا شهد احسنلك
ردت عليها شهد بسخرية و هي بتقولها
شهد... و هتعمليلي أية بقى يا سلومة لو مبعدش عنك و عن طريقك؟
اتكلمت سلمى بقوة و هي بتقولها
سلمى... هروح اعملك محـ.ـضر يا شهد ابعدي عني بقولك
سكتت شهد لثواني و بعدها مسكت دراع سلمى و هي عمالة توديها يمين و شمال و بتقولها بكل غـ.ـل
شهد... اخـ.ـاف انا بقى كدا منك يا سلمى، المفروض اترعـ.ـب يا بت منك
اتصدم الكل و ندى و سهيلة كانوا بيحاولوا يبعدوا شهد عن سلمى بس ظهرت بنتين كانوا اول مرة يشوفوهم
وجهت داليدا كلامها لشهد و هي بتقولها
داليدا... سيبيها
بس شهد ولا كأنها كانت سامعة داليدا و كانت بتحاول انها تـ.ـضرب سلمى
اتكلمت داليدا و هي بتقول لشهد بحد.ة
داليدا... سيبيها بدل ما اطلبلك البوليس حالا
أيقنت شهد انها ف الشارع و ان في ناس شاهدة انها كانت هتضـ.ـرب سلمى فسابتها فورا و مشيت بسرعة
بصت سلمى لداليدا و قالتلها
سلمى... شكرا يا داليدا
اتكلمت نور و هي بتقول لسلمى
نور... مين دي انتي تعرفيها ؟
بصتلها سلمى و اومأت لها و قالتلها
سلمى... معايا ف الكلية
اتكلمت داليدا و هي بتقول لسلمى
داليدا... متعيطيش
سلمى... انا عايزة اروّح
سهيلة... تعالي اروّحك
اعترضت سلمى و هي بتقولها
سلمى... لا يا سهيلة ارجعي انتي و ندى البيت عشان باباكوا و انا هروح
كانت سهيلة و ندى تؤام و كانوا صحاب سلمى من اول سنة ف الكلية
سكتوا هما الاتنين لإن فعلا باباهم بيـ.ـتعصب جدا لو اتأخروا ٥ دقايق حتى
سلمت سلمى عليهم و مشيوا
بصت سلمى لداليدا و قالتلها
سلمى... انا مش عارفة اشكرك ازاي
ردت داليدا على سلمى بأسف و هي بتقولها
داليدا... تشكريني أية بس انا اللي بعتذرلك
استغربت سلمى و داليدا كملت كلامها و هي بتقولها
داليدا... مكنتش اعرف انك لما تشتكي باللي حصل هسببلك مشـ.ـكلة اكبر
سلمى... انتي حاولتي تساعديني و اهو ساعدتيني للمرة التانية
نور... طيب تعالي اوصلك بعربيتي
اتكلمت سلمى بتوتر
سلمى... متشكرة المفروض اخويا جاي ياخدني
داليدا... طيب هنستنى شوية عشان متبقيش لوحدك
مرت خمس دقايق و الخمسة بقت عشرة و العشرة بقت ربع ساعة و ولا أمير ولا آسر جم ياخدوها
اتكلمت سلمى بإحراج و قالتلهم
سلمى... خلاص امشوا، انتوا استنيتوا كتير اوي
قالتلها نور و هي بتنهي اي اعتراض
نور... يلا هوصلك بعربيتي
بصتلها داليدا بتأكيد انها متخافش و قالتلها
داليدا... تعالي يا سلمى
و راحوا فعلا لعربية نور
نور... قوليلي عنوانك يا سلمى
.....
كان آسر في السوبر ماركت بيضرب البضاعة اللي الناس واخداها بما انه كاشير هناك
و كان بيكلم أمير في التليفون
آسر... يعني اية انا معتمد انك هتروح تاخدها يا أمير !!
جاله صوت أمير و هو بيقوله
أمير... أنت عارف اني انهاردة كان عندي اجتماع مهم يا آسر مروحتش انت ليه و انا مأكد عليك امبارح
جاله صوت آسر و هو بيقول بضيق
آسر... قولتلك مش هعرف استأذن انهاردة لإني استأذنت امبارح بس انت مركزتش
سكت أمير لإنه فعلا مش فاكر ان اخوه قاله كدا و آسر قاله
آسر... اقفل يا أمير انا هرن عليها اشوفها وصلت فين
و قفل المكالمة مع أمير
اتكلم آسر و هو بيقول للعميل
آسر... ٢٣٠٠ جنيه يا فندم
اداله العميل ٢٥٠٠
رجعله آسر ٢٠٠ جنية بس الراجل خد ١٥٠ و ساب لآسر ٥٠
آسر... متشكر لحضرتك
و بعدها رن على اخته يطمن عليها
.....
كانت نور بتبص للشارع و قالتلها
نور... انهي بيت بقى يا سلمى
سلمى... قدام ع اليمين
قالتلها داليدا بانبهار
داليدا... الزرع هنا شكله جميل اوي و الشجر و الورود
ابتسمت سلمى و قالتلها
سلمى... ايوا
وقفت العربية و نور قالتلها
نور... صحيح انا نور صاحبة داليدا
سلمى... اتشرفت بمعرفتك
نور... و انا اكتر
قالتلهم سلمى
سلمى... لازم تطلعوا تشربوا حاجة
داليدا...خليها مرة تانية
بس سلمى اتكلمت برفض تام و هي بتقولها
سلمى... لا ابدا مش هتحرك من العربية دي غير و انتوا معايا
سكتوا و متكلموش و سلمى قالتلهم
سلمى... يلا لو سمحتوا، ماما هتفرح بيكوا اوي
و نزلوا كلهم و راحوا معاها
اتكلمت داليدا و هي بتقول لسلمى اللي كانت بتفتح بوابة البيت
داليدا....يا سلمى خليها مرة تانية افضل، لإننا جينا من غير اي إنذار كدا
سلمى... ماما عارفة يا داليدا كلمتني ع الواتس و احنا جايين و أصرت انكوا تتفضلوا معايا
و بالفعل راحوا هما التلاتة على جنينة البيت اللي كانت كاشفة الشارع كله و كانت جنينة لبيت عزيزة و بيتين جمبها
و عزيزة استقبلتهم حلو جدا
اتكلمت و هي بتقولهم بابتسامة
عزيزة... انتوا مع سلمى ف الكلية ؟
نفت داليدا و قالتلها
داليدا...لا خالص احنا متخرجين اصلا
استغربت عزيزة و قالت
عزيزة... اومال عرفتوا سلمى ازاي؟
اتكلمت رانيا و هي بتقول لسلمى
رانيا... تاني يا سلمى بتخرجي من غير م تعرفي آسر تاني؟
اتحرجت سلمى جدا و رضوى كمان اضايقت من رانيا
اتكلمت نور و بعد م بصت لسلمى و داليدا و قالت
نور... في الحقيقة انا مكنتش اعرف سلمى غير انهاردة
اتكلمت سلمى و قالت لأمها
سلمى... داليدا قابلتها امبارح بعد الكلية يا ماما و كان عندي مشكلة هناك و حاولت تساعدني
استغربت عزيزة و قالتلها
عزيزة... مشكلة أية؟
لا نور ولا داليدا اتكلموا و كانوا مستنيين سلمى هي اللي ترد
بس عزيزة قالتلهم
عزيزة... عن اذنكوا ثواني
و راحت عزيزة لمطبخ بيتها اللي كان ف الدور الارضي جابت صينية عصير و راحت قدمتلهم
عزيزة... اعذروني اتأخرت عليكوا ف العصير الكلام اخدنا
ابتسمتلها داليدا و قالتلها
داليدا... تسلم ايد حضرتك
ابتسمتلها عزيزة و بصت على ايدها ملقتش اي دبلة و دا فرحها اكتر
عزيزة... تسلمي يا حبيبتي
رن تليفون سلمى
قالت
سلمى... انا هروح اتمشى و ارد على أسر
و بعدين بصت لنور و قالتلها
سلمى... تعالي معايا اوريكي الشجر حلو ازاي
و راحت نور تتمشى معاها فالجنينة و كان في ناس بتسلم على سلمى طول ما هي ماشية
سألت عزيزة داليدا و هي بتقولها
عزيزة... انتي معاكي كلية أية؟
......
في الوقت دا باب الشقة اتفتح و كان أمير
راحتله رضوى فورا و قالتله
رضوى... أبيه جيت بدرييي يوم اخيييرا
ابتسملها و قالها
أمير... اي خدمة اهو
و بعدها لاحظ ان محدش موجود غير اخته سألها و هو بيقولها
أمير... اومال العيلة فين ؟
رضوى... صحاب سلمى في الجنينة و ماما موجودة معاهم
.....
اتكلمت داليدا و هي بتجاوب على سؤال عزيزة
داليدا... إعلام و شغالة محرر اخباري
عزيزة... ما شاء الله ابني عنده شركات صحافة و اعلام، بس هو مهندس
معرفتش داليدا تقول أية ف ابتسمت
جت رضوى و هي بتقول لعزيزة
رضوى... أبيه جيه بدري يوم اخيرا
فهمت عزيزة على طول انها بتتكلم عن أمير
اتكلمت عزيزة و هي بتقول لداليدا
عزيزة... شغالة ف شركة أية يا داليدا
داليدا... في شركة جنب جامعة سلمى شوية اسمها A. S للصحافة و الاعلام بس دا مش الفرع الرئيسي دا فرع تاني انا بقى شغالة هناك
انتبهوا ليها و رضوى قالتلها بدهشة
رضوى... اسمها أية؟
اتكلمت داليدا و هي بتقولها
داليدا... A.S للصحافة و الاعلام
و بعدين كملت بتوضيح
داليدا... هو صاحب الشركة اسمه أمير السويفي ف عشان كدا إسمها A.S
ابتسمت رانيا بسخرية
في الوقت دا جت سلمى و نور
و سلمى لاحظت ان امها و اختها مصدومين شوية و بالأخص امها
سلمى... في أية؟
استغربت داليدا برضو و قالتلها
داليدا... مش عارفة طنط كانت بتسألني بشتغل فين قولتلها ف شركة أمير السويفي بس
سكتت سلمى هي كمان و نفس الفرحة بانت عليها
سلمى... انتي بتشتغلي هناك بجد؟
اتكلمت نور و هي بتقول
نور... ايوا يا جماعة و انا كمان شغالة هناك في أية
اتكلمت سلمى و هي بتقولها
سلمى... لا مفيش اصل انا اخويا هناك برضو
سألتها داليدا و هي بتقولها
داليدا... بيتشغل هناك ؟
سمعوا صوت ساخر برغم كان واطي بس وصلهم جميعا
أمير... بيشتغل هناك ايوا
اتحرجت داليدا جدا و مكنعش فاهمة لية بيسخر من كلامها
قالت سلمى بفرحة
سلمى... أمير انت جيييييت بدرييي !!!
اتصدمت داليدا هل دا أمير السويفي خصوصا لما شافت صدمتهم اتأكدت انه هو !!!!
اتكلم أمير و هو بيقولها
أمير... مشيتي من غير م تستنينا ليه؟
قالتله سلمى بزعل
سلمى... استنيت انا و داليدا و نور ربع ساعة و محدش جيه ف نور وصلتني
انتبه أمير لإسم داليدا فسأل
أمير... انتي المحرر الإخباري الجديد؟
داليدا... ايوا انا
اتكلم أمير بضيق لإن اكتر حاجة بيكرهها الإهمال ف الشغل و هو بيقول
أمير... كنتي مقـ.ـطعة المقال ليه.؟ و بعدين انا قولتلهم يبلغوكي تنشريه متنشرش ليه لحد دلوقتي؟
اتوترت داليدا و هي مستغربة و عزيزة اتكلمت و هي بتقوله
عزيزة... أمير مواعيد الشغل خلصت خلاص احنا هنا في الجنينة مش ف الشركة
اتكلمت داليدا و قالت
داليدا... هدير هانم خليتني اكتبه مرتين و معجبهاش و قطـ.ـعته و كنت بكتبه للمرة التالتة
فرحت رانيا جدا من كلمة " هانم " و بعدها اتكلمت و هي بتقول
رانيا... اكيد هدير كانت شايفة انه محتاج يتعدّل فيه كام حاجة
أمير... انشري المقال التاني انا قرأته و مش محتاج اي تعديلات
داليدا... حاضر
أمير...عن اذنكوا
و سابهم و دخل البيت بعد م اطمن على سلمى هو اصلا كان رايح الجنينة عشانها و عشان يعرف ليه مشيت من غير ما تستناهم
و سلمى بصت لأمها من اللي أمير عمله و انه أحرج صاحبتها اللي اول مرة تدخل بيتها و كمان حتى اليوم اللي رجع فيه بدري بيتكلم ف الشغل فيه
قالت عزيزة لداليدا
عزيزة... حبيبتي معلش عايزة اقولك أمير اصلا مش بنشوفه بسبب الشركة لإنها حاجة مهمة جدا بالنسباله
أومأت لها داليدا بتفهم لإنها كانت تحت الملاحظة لمدة شهر و خلاص فاضلها اسبوع و فترة الملاحظة تخلص ف فاهمة قد اية الشركة مهمة بالنسباله
اتكلمت و هي بتقولها
داليدا... انا مضطرة امشي بقى، مبسوطة اوي اني اتعرفت على عيلتك يا سلمى
ابتسمتلها سلمى و عزيزة قالتلهم
عزيزة...خليكوا شوية احنا متغديناش و انا عاملة حسابكوا ف الغدى
اعتذرتلها نور باحترام و هي بتقولها
نور... معلش يا طنط تتعوض مرة تانية ان شاء الله
و سلموا عليهم و مشيوا و دخلوا كلهم البيت تاني ماعدا رانيا طلعت على شقتها
اتكلمت سلمى و هي بتقول لأمير اللي كان بيتغدى
سلمى... لية يا أمير احرجت داليدا كدا ؟
اتكلم أمير و هو مش شايف انه غلطان
أمير... احرجتها ف أية يعني مش فاهم في شغل مطلوووب منها مخلصتهوش ليييه ؟
اتفاجئت سلمى و قالتله
سلمى... و اديها قالت محدش بلّغها بحاجة
أمير... ما هما هيتجازوا على اهمالهم دا !
اتكلمت سلمى و هي بتقوله
سلمى... تعرف اول حاجة هعملها لما اتخرج مش هشتغل معاك ف الشركة ابداااا
اتكلم أمير و هو بيقولها بلا مبالاه
أمير... انا اصلا مكنتش هشغلك معايا ايييه هي بقت واسطة ولا اية مش كفاية هدير
اتكلمت سلمى و هي بتقوله بسخرية
سلمى... يا سلام دا على اساس ان هدير اشتغلت بالواسطة يعني ولا فضلتوا تختبروها زيها زي غيرها لدرجة خليت خالتو تزعل مننا و. ف الاخر برضو مقتنع انها اشتغلت واسطه
تجاهل أمير كلامها و كمل غدى و هي قالتله بغيظ
سلمى...حتى كنت استنانا نتجمع كلنا على سفرة واحدة
أمير... روحي يا بت انتي اعمليلي كوباية شاي مش ناقص صداع
....
في بيت جمال الراوي
رجعت داليدا البيت و اول حاجة عملتها بعد م سلمت على أهلها انها خدت اللاب بتاعها و نشرت المقال فورا
داليدا... مش ناقصة اترفد كمان
سألتها رهف و هي بتقولها
رهف... مالك و بعدين ازاي اعرف من بابا انك روحتي عند صاحبتك و لما جيتي متحكيليش كمان
داليدا... انا لسة جاية حالا
رهف... طب احكيلي و اصلا عرفتيها منين
اتكلمت داليدا و هي بتحكيلها اللي حصل و بعدها فضلت تتكلم عن الجنينة. و قد اي عجبها شكل الورد و الشجر هناك
داليدا... الجنينة هناك حلوة اوي اوووي يا رهف انتي مش متخيلة قد أية فعلا شكلها حلو ما شاء الله و الورد و الزرع اللي مالي الشارع سبحان الله بجد شكله جميل اوي، كمان الجنينة هناك مش خاصة ببيت سلمى بس لا ضامة بيتين تانيين و تبقي شايفة الشارع كله و الشارع شايفك تحسي انك قاعدة ف مشتل ورد مثلا الشارع اللي هناك تحفة اصلا
كانت لسة. رهف هتتكلم بس داليدا قالتلها
داليدا... اكتشفنا بقى ان صاحبتي دي تبقى اخت صاحب الشركة اللي انا شغالة فيها و عرفت دا و انا هناك
اتفاجئت رهف جدا بس اتخضوا هما الاتنين لما سمعوا صوت عمر و هو بيقولها بضيق و غضـ.ـب
عمر... مفيييش مرواح هناك تاااني سامعة
اتكلمت داليدا و هي بتقوله
داليدا... من نفسي مكنتش هروح اسكت بقى
اتكلم عمر و هو بيقولها
عمر... جدعة يا بت تربيتي
.....
كانت سلمى شايلة كوبايتين شاي و راحت البلكونة
سلمى... الشاي
خد منها أمير كوباية و قالها
أمير... تسلم ايدك
سلمى... تسلم
أمير... اخبار الكلية أية لو احتاجتي اي حاجة قوليلي
سلمى... انا عندي مـ.ـشكلة في الكلية يا أمير
انتبه أمير لكلامها و قالها
أمير... مـ.ـشكلة. أية احكي
اتكلمت سلمى و حكيتله اللي شهد بتعمله و داليدا حاولت. تساعدها مرتين و نور كمان
اضـ.ـايق أمير جدا و قالها
أمير... طبعا لو روحت الكلية هيتقال انكوا كنتوا برة الجامعة كلها و ان الجامعة ملهاش دعوة
اتكلمت سلمى بحزن و قالتله
سلمى... طب اعمل اية ؟
أمير... متقلقيش هنعمل محـ.ـضر باللي حصل و كمان محـ ـضر بعدم تعرض عشان متعملش كدا تاني
سلمى... انا خايفة
قالها أمير و هو بيطمنها
أمير... متخافيش انتي بتحاولي تجيبي حقك مش بـ.ـتظلمي حد
.....
عدى اسبوع و داليدا فترة الملاحظة بتاعتها خلصت
اتكلمت نور و هي بتقولها
نور... بما ان فاضل يعني ساعتين و نخلص و نمشي تعالي اتغدي معانا
اتكلمت داليدا باعتذار و هي بتقولها
داليدا... معلش يا نور مش هقدر اجي للأسف
نور... لية بس يا داليدا دا انا و ماما بس، بابا و اخويا مسافرين بسبب الشغل، انا و ماما يعني و انتي بتحبي ماما اساسا
قالتلها داليدا
داليدا... طيب هكلمهم ف البيت اقولهم و لو مناسب اني اجي هقولك
خرجت داليدا تعمل مكالمة و نور كملت شغلها
بس للأسف معداش عشر دقايق و رجعت داليدا و هي قالبة وشها
نور... أية مش هتعرفي تيجي؟!
بصتلها داليدا بضيـ.ـق و هي بتقولها
داليدا... بسببك اخدت جزى عشان سايبة الشغل و بتكلم ف التليفون و طلع مستر أمير هنا و مكنتش اعرف
كانت نور بتحاول متضحكش عليها
نور... معرفش انه هنا انا كمان
داليدا قالت
داليدا... شكل رفدي من هنا هيبقى على ايدك
سألتها نور بنفاذ صبر
نور... يعني هتيجي ولا لا ؟
قالتلها داليدا بضـ.ـيق
داليدا... مش جااااية
نور... طب هقول لماما تعمل حسابك ف الغدى
داليدا... ايوا يلا روحي اتكلمي ف التليفون عشان تاخدي جزى انتي كمان
.....
في بيت الهام اخت عزيزة
كانت سارة قاعدة بتتكلم في التليفون مع صاحبتها
سارة... لا ممكن نروح مطعم تاني في مطعم جديد شكله تحفة في المول اللي روحناه قبل كدا
اتكلمت نيرة و هي بتقولها
نيرة... ماشي بس لو هنروح نروح دلوقتي عشان عندي اوردر لازم يخلص قبل بكرة
سارة... انتي مبتزهقيش يا نيرة من شنط الخرز اللي بتعمليها دي ؟
قالتلها نيرة
نيرة.. هي الشغل في الشنط ف الاول بيبقى صعب بس بعد كدا هتلاقي انك بقيتي واخداها هوايا
سارة... طيب يا ستي المهم نروح دلوقتي ؟
في الوقت دا اتفتح باب الشقة و دخلت هدير
هدير... ازيك يا سارة
سارة... ازيك يا دودو بقولك اي هنروح ناكل برة تيجي معانا؟
رفضت هدير و قالتلها
هدير... لا لا خدي رانيا بدالي مبتخرجش خالص
سارة... طيب هكلمها
و قالت لنيرة
سارة... اقفلي هكلم اختي لو كدا تيجي معانا
نيرة... بس متتأخريش عشان عندي شغل لازم يخلص بقولك
سارة...طيب طيب اقفلي بقى
و قفلت مع نيرة و رنت على رانيا
.....
كانت رانيا ف شقتها بعد ما خلصت قاعدة مع ابنها الصغير بتذاكرله واجب الحضانة
رن تليفونها
رانيا... ازيك يا سارة
سارة... حبيبتي يا رورو الحمدلله كويسة
و بعدين سألتها
سارة... فاضية انهاردة؟
رانيا...ايوا
سارة...طيب تعالي معانا انا و نيرة هنروح ناكل برة
رانيا...هقول لآسر طيب
و قفلت المكالمة معاها
و راحت البلكونة لآسر اللي كان بيشرب قهوة
رانيا... آسر انا عايزة فلوس
اتكلم آسر و هو بيقولها
آسر... لية يا رانيا انا مش لسة كنت سايبلك ٣٠٠ جنية الصبح لحقتي صرفتيهم؟
اتكلمت بضيـ ـق و هي بتقوله
رانيا... اولا ٣٠٠ جنيه دي انا اعمل بيها أية يا آسر ثانيا انا هخرج مع اختي و صاحبتها ولا عايزهم بقى يقولوا عني اني كلت على حسابهم ؟؟؟
اتخنـ ـق من رغيها و قالها
آسر... خلاص اسكتيييي
و خد من محفظته ٥٠٠ جنية و ادهالها
آسر... اتفضلي و معاكي ٣٠٠ جنية اللي كنت سايبهم الصبح
اتكلمت و هي بتقوله
رانيا... طب ما تجيب ٢٠٠ جنيه كمان و يبقوا كدا كملوا الف
قالها بضيـ ـق
آسر... معدش معايا غير ٣٠٠ جنية يا رانيا سيبيهوملي اروح بيهم الشغل و ارجع بكرة
اتكلمت بخنـ ـقة
رانيا... هو انت ديما كدا كل ما اطلب منك فلوس تضا.يق !!!
آسر... عشان المفروض تراعي ظروفي يا رانيا و انا مبحبش ازعلك و بضغط على نفسي و بديكي الفلوس اللي انتي عايزاها !
اتكلمت رانيا و هي بتقوله
رانيا... انا بقالي خمس سنين يا آسر مستحملة ظروفك و مبخرجش ولا بروح ف حتة و وقت ما اجي اقولك اني خارجة مع اختي بتـ.ـذلني عليهم
اتفاجئ من كلامها جدا لإنه مذلـ.ـهاش اصلا ولا اللي هي بتقوله دا حصل
اتكلم و هو بيحاول ميـ ـتعصبش و قالها
آسر... امشي من حالا يا رانيا عشان متعصـ ـبش عليكي
قالتلي رانيا بضـ ـيق
رانيا... و على اية ما انا فعلا همشي و هروح مع سارة عند ماما يا آسر
و مشيت رانيا و سابته
حدف الكوباية البلاستيك اللي كانت قدامه ف الحيطة اتكسرت من عصبيته
و رانيا الصوت وصلها و متنكرش انها خا.فت خصوصا لما سمعت صوت باب الشقة اتـ.ـرزع جامد و آسر سابلها البيت و مشي
بس هي مهتمتش و قامت لمت حاجتها و حاجة ابنها
رانيا... لما يبقى معاك فلوس ابقى ارجع
يتبع
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.