رواية ما اخفته القلوب الفصل الخامس عشر 15 بقلم مريم احمد البابلي
كانت داليدا ف طريقها راجعة من الشغل
لاقيت تليفونها بيرن، استغربت لما لاقيتها رانيا
ردت داليدا
داليدا... ازيك يا رانيا عاملة ايه
اتكلمت رانيا و قالتلها
رانيا... الحمدلله، ازيك يا دودو
ردت عليها داليدا و قالتلها
داليدا... الحمدلله يا حبيبتي كويسة
و بعدين سألتها باستغراب
داليدا... في حاجة ولا إيه؟!
ردت عليها رانيا بعتاب و لوم
رانيا... هو عشان اكلمك يا داليدا لازم يبقى في حاجة حصلت يعني !!
نفت داليدا فورا و قالتلها
داليدا... لا مقصدش يا رانيا بس اصل انا و أمير بقالنا شهرين و شوية مخطوبين مفتكرش انك كلمتيني ف التليفون خلال الفترة دي بس ف استغربت
سكتت رانيا شوية و بعدين قالتلها
رانيا... معلش بس انا اغلب الوقت مشغولة مع خالتو. و ادم ف مش ببقى فاضية للفون ف بستنى نتقابل ف اي مناسبة بقى
أومأت لها داليدا و قالتلها
داليدا... ولا يهمك يا حبيبتي انا كمان مشغولة بسبب الشغل و برجع البيت اكمل شغلي هناك
سألتها رانيا و قالتلها
رانيا... انتي ف الشغل؟
نفت داليدا و قالتلها
داليدا... لا خلصت و راجعة اهو
رانيا... توصلي بالسلامة يا رب
داليدا... الله يسلمك
اتكلمت رانيا و قالتلها
رانيا... طب انتي اجازتك امتى ؟
داليدا.... يوم الجمعة
رانيا... بكرة يعني !!
بصت داليدا لتليفونها تشوف اليوم ايه و بعدين قالتلها
داليدا... ايوا
رانيا... طيب ايه رأيك تيجي بكرة عازماكي ع الغدا ؟
رفضت داليدا بذوق و قالتلها
رانيا... للأسف يا رانيا مش هقدر اجي خالص
زعلت رانيا و قالتلها
رانيا... ليه كدا بس دا آسر بينزل الشغل بدري و يرجع بليل و محدش موجود يعني !
وضحتلها داليدا و قالتلها
داليدا... ما هو يا رانيا ف النهاية بيت عيلة و انا مقدرش اجي لوحدي مش أصول ابدا حتى لو مفيش حد خالص غيرك ف البيت كله مش هقدر اجي اعذريني
تفهمت رانيا و قالتلها
رانيا... طيب تعالي اعزمك في مطعم
قالتلها داليدا
داليدا... لا استني في مطعم جديد حلو و خلي العزومة المرة دي. عليا و انتي المرة الجاية اعزميني و كمان هاتي سلمى معاكي
رانيا... خلاص ماشي
و قفلوا المكالمة كانت داليدا وصلت و اول ما شافت امها سلمت عليها فورا
داليدا... رانيا كانت عازماني اروح اتغدى معاها بكرة
بصتلها نجوى و قالتلها بحدة خفيفة
نجوى... لا طبعا
اومأت داليدا و هي بتطمنها و قالتلها
داليدا... متقلقيش انا قولتلها اني مش هقدر اجي
ابتسمت نجوى على بنتها و انها اتصرفت صح و داليدا قالتلها
داليدا... هروح انا و هي و سلمى بكرة ان شاء الله نتغدى برة، تعالي معانا و نجيب طنط عزيزة
قالتلها نجوى برفض غصب عنها
نجوى... مش هينفع لازم اعمل الغدا عشان ابوكي و اخوكي يا داليدا
قالتلها داليدا ببساطة لإنها عارفة ان امها مش بتخرج الشارع غير كل فين و فين
داليدا... خلاص يا ماما نجيبلهم اكل معانا و احنا راجعين
صمتت نجوى و بعدها قالتلها
نجوى... ابوكي بقاله ٣٠ سنة بياكل اكل بيتي و فين و فين ان حصلت و جبنا اكل من برة اكيد الاكل مش هيعجبوا
داليدا... انا هكلمه لو قال لا خلاص
أومأت لها نجوى و داليدا كلمت ابوها و وافق ان نجوى تروح معاهم
بصت داليدا لرهف و قالتلها
داليدا... اعملي حسابك هتيجي معانا
قالتلها رهف باعتذار
رهف... للأسف عندي شغل و كمان اختك عندها امتحانات مضطرة اذاكرلها
صمتت داليدا بقلة حيلة منهم
فكرت نجوى شوية و بعدين قالتلها
نجوى... طب ايه رأيك لو كلمنا وفاء مامة حورية يجوا معانا
كملت كلامها و قالتلها
نجوى... دي من ساعة ما عرفناهم و خطبتها لعمر و هما فحالهم و اهي فرصة تتعرف على اللي هيبقوا عيلتك يا داليدا
أومأت لها داليدا بموافقة و قالتلها
داليدا... يا ريت انا بحبها جدا
قالتلها نجوى بعتاب
نجوى... بس مكنتيش بتسألي عليها و يوم خطوبتك كان زعلانة هي و مامتها منك يا داليدا
قالتلها داليدا بأسف
داليدا... مش قصدي يا ماما بس انتي شايفة اهو برجع من الشغل بشتغل من البيت
أومأت لها نجوى و قالتلها
نجوى... ابقي كلميها
داليدا... حاضر هروح اكلمها دلوقتي و تعزميها
......
في مكان تاني ف مصر الجديدة
تحديدا في شقة أيمن العزام والد حورية خطيبة عمر
كانت في اوضتها مش بتكلم حد ولا مشاركة معاهم ف اي حاجة كانت شايفاها رايحين جايين ف الشقة بس مبتتكلمش
كل اللي كانت بتعمله انها ساكتة، مركزة على الإبر.ة و هي بتخيـ.ـط القماش
كانت دي هوايتها من و هي ف ثانوي، تفصيل فساتين محتشمة
اللي كان بيصبرها على غلّو سعر القماش انه اكيد مش هيبقى أغلى من الفساتين الجاهزة
لو القماش هعملها فستانين تفصيل بتمنه ممكن تجيب فستان واحد جاهز
كانت مكنة الخياطة قديمة شوية بس كانت شغالة و دا مخلاش حورية تحتاج انها تشتري واحدة تانية
فاقت من تركيزها على صوت تليفونها اللي بقى مع صوت الابر.ة و هي بتخيـ.ـط القماش
سابت المكنة و القماش و خدت التليفون و اتفجئت لما لاقيتها داليدا
فضلت باصة للإسم شوية بس ف النهاية ردت
حورية... السلام عليكم ازيك يا داليدا
ردت داليدا السلام كامل و قالتلها
داليدا... الحمدلله يا رورو وحشتيني
ابتسمت حورية و سكتت ثواني و بعدين قالتلها
حورية... و انتي كمان يا داليدا، و انا بتكلم بجد انتي فعلا وحشتيني و كان نفسي أقابلك
قالتلها داليدا بأسف
داليدا... و انا كمان على فكرة بتكلم بجد انا بس لو تسألي ماما هقولك اني بنزل بدري الشغل و ارجع زي دلوقتي و بكمل شغلي من البيت و كل يوم على كدا الا يوم الجمعة اجازة ، و فعلا كذا حد زعلان مني بسبب كدا و اني مش بسأل بس غصب عني فعلا حقك عليا
اتكلمت حورية بحز.ن خفي
حورية... دا انا كنت لسة بقول لماما اني خايفة تكوني مش بتحبيني و مضا.يقة اني خطيبة اخوكي
اتفاجئت داليدا و قالتلها
داليدا... ايه اللي انتي بتقوليه دا لا طبعا يا حورية
أومأت حورية بتفهم و قالتلها
حورية... ايوا ما انا فهمت انك مشغولة
ثم كلمت كلامها و قالتلها باعتذار
حورية... سامحيني بقى عشان ظلمـ ـتك
ردت عليها داليدا ببساطة
داليدا... حبيبتي انتي اختي مفيش حاجة
و بعدين قالتلها
داليدا... بقولك ايه انا و اخوات أمير خطيبي و مامته و ماما هنتغدى برة بكرة هستناكي تيجي انتي و طنط
صمتت حورية و بعدين قالتلها
حورية... انا فاضية عامة بس مش عارفة هيناسب ماما اننا نخرج بكرة ولا لا
داليدا... طب انا هدي التليفون لماما دلوقتي تكلمها
حورية... تمام
و نجوى كلمت وفاء و بس كان رد وفاء
وفاء... للأسف يا نجوى غالبا مش هقدر اجي لإني مشغولة شوية
نجوى... معاكي بقيت اليوم انهاردة لحد بكرة العصر معاد الغدا و القي كلميني اكدي عليا و رغم كدا هستناكي
أومأت وفاء
وفاء... حاضر يا نجوى
فرحت داليدا و قالت
داليدا... كدا فاضل نقول لطنط عزيزة
.....
في شقة عزيزة كان لسة آسر راجع من الشغل
آسر... السلام عليكم عاملين ايه
ردوا السلام و سلموا عليه
اتكلمت رانيا و قالتلها
رانيا... عايزة فلوس يا آسر
سكت شوية و بعدين أومأ و قالها
آسر... حاضر
و طلع على شقته بصت عزيزة لرانيا و قالتلها
عزيزة... اصبري يتغدى و نقوله اننا رايحين مشوار بكرة مش تقوليها فوشه كدا و هو لسة جاي من الشغل
سكتت رانيا و هي زعلانة و عزيزة قالتلها و هي زعلانة عشانها
عزيزة... تعالي يا رانيا نجهز السفرة عشان الغدى
راحت رانيا معاها و عزيزة قالتلها
عزيزة... عارفة ان كان نفسك قبل ما تطلبي الفلوس تلاقيها جاهزة بس معلش ظروفه كدا
رانيا... أمير عرض عليه كذا مرة يروح معاه الشركة با خالتو و مرضاش اديني سبب واحد
عزيزة... هو قالنا قبل كدا ليه يا رانيا، برغم انها مش حاجة تقلل منه ابدا بس هعمل ايه هتكلم معاه تاني
سكتت رانيا و مقالش ولا كلمة واحدة
.......
تاني يوم كانوا كلهم متجمعين ف المطعم
شربوا عصير الاول لحد ما يقرروا هياكلوا ايه
اتكلمت داليدا و هي بتقولهم
داليدا... بفكر افتح مطعم
ردت نجوى عليها بسخرية و هي بتقلد داليدا
نجوى... بفكر اعمل براند شنط باسمي، بفكر أأسس شركة اعلام صغيرة على قدي، بفكر افتح محل ورد عشان بحب الورد الطبيعي و الأخيرة بفكر افتح مطعم
داليدا.... ماشي
عزيزة... سيبيها تحلم يا نجوى يمكن تعملها مشروع ولا شركة
ردت وفاء و قالتلها
وفاء... كله كلام يا أستاذة عزيزة
أومأت داليدا و قالتلهم و كإنها بتقولهم سر
داليدا... بصراحة صح
قالت عزيزة لوفاء
عزيزة... أية أستاذة دي انا اي واحدة صاحبة نوجا هعتبرها صاحبتي انا كمان
وفاء... تسلمي يا حبيبتي
اتكلمت رانيا و قالتلهم
رانيا... حلو المكان
ردت سلمى بتأكيد و قالت
سلمى... ايوا فعلا
ردت داليدا بفخر مصطنع
داليدا... اي خدمة اهو
اتكلمت نجوى و هي بتبص ف الشنطة و قالت لداليدا
نجوى... نسيت تليفوني، كلمي عمر لو قريب من البيت يجيبهولي
اومأت داليدا بطاعة و قالتلها
داليدا...حاضر
و اتصلت بعمر و قالتله و بعدها قالت لنجوى
داليدا...جاي
أومأت لها نجوى و سلمى قالتلهم
سلمى... طب ما نكلم أمير و آسر يجوا يتغدوا معانا يا جماعة؟!
اتكلمت داليدا و بتلقائية و قالتلها
داليدا... رايح يشوف أجهزة كومبيوتر احدث للشركة
بصتلها عزيزة انها مكنتش عارفة اصلا ان ابنها رايح مشوار و سلمى قالتلها
سلمى... أية دا أية دا، دا اخويا و مكنتش اعرف انه فمشوار
اتحرجت داليدا و قالتلها
داليدا... كان بيكلم بابا على فكرة و انا كنت موجودة و قال وقتها و عرفت
بصتلها سلمى باستفزاز و قالتلها
سلمى... اوكيه
مردتش داليدا عشان عارفة ان سلمى بتهزر معاها و عزيزة قالتلها
عزيزة... كلميهم يجوا
قالت نجوى لحورية
نجوى... كلمي اخوكي لو معندوش شغل يجي يتغدى معانا هو كمان و نتجمع كلنا يا. حورية
.....
عدى وقت و اتجمع الكل على فترات
طلبوا اكل و اتغدوا و بعديها طلبوا شاي
كانوا كلهم مبسوطين
الا آسر كان محرج شوية انه ممكن ميقدرش يدفع الحساب للعدد دا كله
اتكلم عمر اللي كان جمب داليدا و قال
عمر... عايز اروح أحاسب على الحاجة كلها
أومأت داليدا و قالتله
داليدا... هساعدك في الحساب اساسا انا اللي كنت عازمة من الاول
قالها عمر برخامة و هزار
عمر...كفي نفسك
أومأت و قالت
داليدا... طب ماشي
راح عمر يدفع الحساب بس اتفاجئ لما الموظف قاله
عماد... أمير أبيه كان بعد كل طلب بيدفع حسابه وقتها
استغرب عمر و قاله
عمر... بس هو كان موجود معانا !
عماد... دفع إلكتروني يا فندم
أومأ عمر بتفهم و قاله
عمر... تمام متشكرة جدا بس ياريت لو طلبنا حاجة تانية بلاش تستلم منه حسابهم انا هدفع حسابهم
أومأ عماد بتفهم و قاله
عماد... تمام يا فندم
رجع عمر تاني و داليدا لاحظت انه مدفعش اي حاجة ولا حتى الكتروني
قال عمر لأمير
عمر... تعالى يا أمير ثواني
راح أمير و خرجوا من المطعم
و داليدا كانت مستغربة
اتكلمت سلمى و هي بتقول لداليدا
سلمى.. أية رأيك يا داليدا انهي احسن دي ولا دي
كانت بتخيرها بين شنطتين
اختارت داليدا و قالتلها
داليدا... لا دي
......
اتكلم عمر و قال لأمير
عمر.... ليه عملت كدا ؟
رد أمير بدهشة و قاله
أمير... انتوا عيلتي التانية !!
أومأ عمر بتفهم و قاله
عمر... طبعا يا أمير بس تكلف نفسك ليه !!
رد أمير و قاله
أمير... ولا اي حاجة يا عمر دا انا فرحت جدا انهاردة كنت هرجع البيت اكمل شغل بس كدا احسن
عمر... اغلب وقتك للشركة يا أمير
أومأ بتأكيد و قاله
أمير... عندك حق
لاحظ عمر ان علي اخو حورية بيسأل عماد عن الحساب و عرف انه ادفع و خد باله ان آسر كان بعيد بيتكلم ف التليفون و غالبا في مشكلة في شغله
جت داليدا و قالت لعمر
داليدا... في حاجة ولا إيه
في الوقت دا جت مكالمة لأمير
نفى عمر و قالها
عمر... مفيش حاجة
أومأت و رجعت للعيلة و علي راح لعمر و قاله
علي... إزاي الحساب مدفوع يا عمر
عمر...للأسف أمير دفع
سكت علي و أمير جيه وقتها علي اتكلم و قاله
أمير... اديني اسم حسابك الإلكتروني يا أمير بيه مينفعش تتكلف الحساب لوحدك
رد أمير ببساطة و قاله
أمير... اسمي أمير يا علي ولا أقولك استاذ علي و نمشيها رسمي ؟ ولو انكوا اهلي
علي... اهلك يا أمير و كل حاجة بس مش كدا
ابتسم أمير و قاله
أمير... لا كدا
في الوقت دا جيه حد سلم على عمر و كان هشام ابن خاله و اخواته نادين و نجلاء اللي لما عرفوا ان عمتهم جوا راحولها فورا
و بعد ما هاشم سلم على الكل و على أمير اللي اتكلم معاه بكل تلقائية لما عرف انه قريب عيلة داليدا بل ابن خالهم هشام غصب عنه كان حاسس انه مضا.يق من أمير
لاحظ عمر و علي و اتكلم عمر و قال فورا
عمر... طب تعالوا أية موقفنا هنا
و رجعوا كلهم المطعم
اضايق هشام من نفسه و قال
هشام... استغفر الله العظيم اللهم لا اعتراض
و بعدين راحلهم
سلمت نادين و نجلاء عليهم و بعدين قالت نجلاء
نجلاء... كنا مروحين بس اول ما عرفنا ان حضرتك هنا يا عمتو جينا نسلم عليكي على طول
قالتلهم نجوى بحب
نجوى... حبايب عمتو انتوا
نادين... اهو هشام جاي يسلم عليكي
كانوا كلهم راجعين بما فيهم آسر
القى هشام التحية على الكل و بعدين سلم على نجوى باحترام و قالها
هشام... ازي حضرتك يا عمتو
كانت داليدا ف مكانها و جنبها أمير و عمر
اتكلم أمير و قال لداليدا
أمير... مين دا يا داليدا !
استغربت داليدا و بصت لعمر و قالت
داليدا... ابن خالو، هو انت مقولتلوش يا عمر ؟
سكت عمر لإنه قاله و عارف ان أمير لاحظ ان هشام كان مضا.يق منه مثلا
اتكلم أمير و هو بيقول
أمير.. لا قالي
سألتهم داليدا و قالتلهم
داليدا... هو في ايه ؟!
عاد أمير كلامها و هو بيحاول يفهم ليه هشام اتكلم معاه كدا
أمير... ابن خالك
فضل يفكر اذا كان زعلها ف حاجة و هي حطت لعيليتها عشان كدا هشام اتكلم كدا
بس اتحول لغضـ ـب لما سمعها بتقول
داليدا... كان خطيبي
كملت كلامها و قالت
داليدا... و انا نهيت الخطوبة بسبب ان شخصيته مكانتش عاجباني؛ مبحبش صفة التكبر و الغرور و قولتله كدا و هو كلم بابا و ماما و طلب منهم اننا نرجع قبل ما تيجي تتقدملي بيوم واحد و انا موافقتش حس ان كرامته اتجر.حت و بقى مضا.يق مني و اكيد مضا.يق منك عشان افتكر انك مدتنيش فرصة افكر تاني ف اننا نرجع نتخطب .
يتبع..
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.