رواية ما بين الصباح والمساء الفصل الاول 1 بقلم مشاعر مبعثره
ﻭﻟﻠﻪ ﻳﺎ ﻣﺜﺎﻧﻲ ﻣﺎ ﺗﻘﻮﻣﻲ ﺗﻐﺴﻠﻲ ﺍﻟﻌﺪﻩ ﺩﻱ ﺍﻻ ﺍﺿﺮﺑﻚ : ﻣﺎ ﺑﻐﺴﻞ : ﻣﺎ ﻋﻠﻰ
ﻛﻴﻔﻚ ﺍﻧﺘﻲ ﻗﺎﻳﻠﻪ ﺭﻭﺣﻚ ﻣﻨﻮ ﻗﺎﻋﺪﻩ ﻟﻴﻨﺎ ﻓﻲ ﺍﻟﺒﻴﺖ ﺑﺲ ﺗﺎﻛﻠﻲ ﻭﺗﺸﺮﺑﻲ
ﻭﺗﻨﻮﻣﻲ : ﺣﻤﻴﺘﻚ ﺗﻨﻮﻣﻲ؟؟ : ﺍﻧﺎ ﻗﻠﺒﻲ ﻣﺎ ﻣﻴﺖ ﺯﻳﻚ ﻋﺸﺎﻥ ﺍﻟﻨﻮﻡ ﻭﺍﻟﺸﻐﻠﻪ
ﻗﺪﺍﻣﻲ : ﻣﻌﻨﺎﻫﺎ ﺍﻣﺸﻲ ﺷﻮﻓﻲ ﺷﻐﻠﻚ ﺑﻌﻴﺪ ﻣﻨﻲ : ﻣﺎ ﺗﺘﻔﺎﺻﺤﻲ ﺍﺧﻴﺮ ﻟﻚ : ﻭﻟﻮ
ﺍﺗﻔﺎﺻﺤﺖ
ﺩﺍ ﺷﻨﻮ ﻛﻤﺎﻥ ﻳﺎ ﺑﻨﺎﺕ ﺩﺍﻳﺮﺍﺕ ﺗﺘﻀﺎﺭﺑﻦ ﻗﺪﺍﻣﻲ ﺩﻱ ﻗﻠﺔ ﺍﺩﺏ ﺟﺪﻳﺪﻩ
ﻛﻤﺎﻥ؟؟؟ : ﺑﺮﺍﻫﺎ ﺟﺎﺗﻨﻲ ﻳﺎ ﺍﻣﻲ ﺑﻘﺮﺍﺀ ﻓﻲ ﻗﺮﺍﻳﺘﻲ ﻗﺎﻟﺖ ﻟﻲ ﺍﻻ ﺗﻘﻮﻣﻲ
ﺗﻐﺴﻠﻲ ﺍﻟﻌﺪﻩ : ﻛﺬﺍﺑﻪ ﻣﺘﻴﻦ ﻛﻨﺘﻲ ﻧﺎﻳﻤﻪ : ﻳﺎ ﺑﻨﺖ ﻣﺎ ﻗﺎﻟﺖ ﺑﺘﻘﺮﺍﺀ ﺷﻨﻮ ﻫﻮ
ﻓﻲ ﺯﻭﻝ ﺑﻘﻮﻣﻮ ﻣﻦ ﻗﺮﺍﻳﺘﻮ ﻛﺪﺍ ؟ : ﺍﻧﺘﻲ ﻣﺼﺪﻗﺎﻫﺎ ﻫﻲ ﻳﻌﻨﻲ ﻭﺍﻟﻠﻪ ﺍﻟﻌﻈﻴﻢ
ﻣﺎ ﻗﺎﻋﺪﻩ ﺗﻘﺮﺍ ﻭﻟﻮ ﺑﺘﻘﺮﺍﺀ ﺯﺍﺗﻮ ﻣﺎ ﻛﻠﻨﺎ ﻋﻨﺪﻧﺎ ﻗﺮﺍﻳﻪ ﻭﺷﻐﺎﻟﻴﻦ ﻋﺎﺩﻱ : ﻳﻌﻨﻲ
ﻋﺎﻭﺯﻩ ﺗﺘﻀﺎﺭﺑﻲ ﻣﻌﺎﻫﺎ ﻣﺶ ؟؟ : ﺍﺧﻠﻴﻬﺎ ﻳﻌﻨﻲ ﻭﺍﺷﺘﻐﻞ ﺍﻟﺸﻐﻞ ﻛﻠﻮ ﺑﺮﺍﻙ : ﻻﻻ
ﺍﺣﺴﻦ ﺗﻀﺎﺭﺑﻴﻬﺎ : ﺍﺻﻠﻚ ﻣﺪﻟﻌﺎﻫﺎ ﻭﻣﻘﻮﻳﺎﻫﺎ ﻋﻠﻴﻨﺎ ﻫﺪﻱ ﺷﺎﻳﻔﺎﻧﻲ ﺑﻌﻴﻨﻚ ﻣﻦ
ﺍﺻﺤﺎ ﺍﻧﻀﻒ ﻭﺍﻏﺴﻞ ﺍﻟﻌﺪﻩ ﻭﻟﻮ ﻓﻲ ﻏﺴﻴﻞ ﻭﻻ ﻣﻜﻮﻩ ﺍﻋﻤﻠﻬﻢ ﻭﺍﻋﻤﻞ ﺍﻟﻔﻄﻮﺭ
ﻭﻣﻠﺤﻘﺎﺗﻮ ﻭﺑﻌﺪ ﺩﺍ ﺑﺴﺎﻫﺮ ﺍﻗﺮﺍﺀ ﻟﻴﻪ ﻳﻌﻨﻲ ﺑﺮﺍﻱ ﺑﻨﺖ ﺍﻧﺎ ﻓﻲ ﺍﻟﺒﻴﺖ ﺩﺍ ﺩﺍ
ﻇﻠﻢ : ﻫﻮﻱ ﻫﻮﻱ ﺑﻼ ﻇﻠﻢ ﻣﻌﺎﻙ ﻣﺎ ﺗﻘﻌﺪﻱ ﺗﻘﻠﻲ ﺍﺩﺑﻚ ﻣﺎ ﺩﺍﻳﺮﻩ ﺗﺸﺘﻐﻠﻲ
ﺍﻣﺸﻲ ﻫﺪﺍ ﺍﻟﺴﺮﻳﺮ ﺍﺭﻗﺪﻱ ﻧﻮﻣﻲ ﻭﺷﺨﺮﻱ ﻣﺎ ﻓﺎﺿﻴﻪ ﻟﺸﻐﻠﻜﻢ ﺍﻧﺎ ﺍﻟﺒﺘﻘﻠﻮ ﻋﻠﻲ
ﺍﺩﺑﻜﻢ ﻋﺸﺎﻧﻮ ﺍﻧﺎ ﺍﻟﺤﻤﺪﻟﻠﻪ ﺑﺼﺤﺘﻲ ﻭﻣﺎ ﻣﻜﺴﺮﻩ ﻣﺶ ﺍﻟﻌﺪﻩ ﺩﻱ ﺑﺮﺍﻱ ﺑﻐﺴﻼ
ﺣﺴﻴﺖ ﺑﺤﺴﺮﻩ ﻛﺒﻴﺮﻩ ﻭﻛﻢ ﻫﺎﺋﻞ ﻣﻦ ﺍﻟﺴﻠﺒﻴﻪ ﻇﻬﺮﺕ ﻓﻲ ﻛﺴﺮﺓ ﻋﻴﻨﻲ
ﻭﻣﺸﻴﺖ ﺧﻠﻴﺖ ﻣﺜﺎﻧﻲ ﺗﻀﺤﻚ ﻭﺗﻌﻤﻞ ﻟﻲ ﺣﺮﻛﺎﺕ ﺑﻮﺷﺎ ﻧﻈﺎﻡ ﺷﺎﻛﻠﻮﻙ ﻭﺍﻧﺎ
ﺍﺿﻄﺮﻳﺖ ﺍﻣﺸﻲ ﺍﻏﺴﻞ ﺟﺒﻞ ﺍﻟﻌﺪﻩ ﺍﻟﻜﺎﻥ ﺭﺍﺟﻲ ﻣﺜﺎﻧﻲ ﻭﻛﺎﻟﻌﺎﺩﻩ ﻋﻤﻠﺖ ﺷﻐﻞ
ﺍﻟﺒﻴﺖ ﻛﻠﻮ ﺑﺮﺍﻱ ﻭﺍﺑﻜﻲ ﻓﻲ ﺻﻤﺖ ﻭﺍﻣﻲ ﻟﻤﻦ ﺷﺎﻓﺖ ﺩﻣﻮﻉ ﺑﻘﺖ ﺧﺎﺷﻪ
ﻭﻣﺎﺭﻗﻪ ﻓﻴﻨﻲ ﺗﻄﻨﻄﻦ
ﻣﺎﻓﻲ ﺯﻭﻝ ﺟﺒﺮﻙ ﻳﺎ ﺯﻭﻟﻪ ﻣﺎ ﻗﻠﻨﺎ ﻟﻚ ﺍﺷﺘﻐﻠﻲ ﺍﻟﺸﻐﻞ ﻛﻠﻮ ﺑﺮﺍﻙ ﻋﺸﺎﻥ ﻣﺎ
ﺗﻘﻌﺪﻱ ﺗﻤﺜﻠﻲ ﻟﻴﻨﺎ ﺩﻭﺭ ﺍﻟﻤﻈﻠﻮﻣﻪ ﻭﺗﻘﻠﻲ ﺍﺩﺑﻚ ﻭﺗﺘﺒﺎﻛﻲ ﻋﺸﺎﻥ ﺍﺑﻮﻙ ﻳﺠﻲ
ﻳﺸﺎﻛﻞ ﺍﺧﻮﺍﺗﻚ : ﺑﻨﺎﺗﻚ ﺍﻧﺎ ﻣﺎ ﺳﺄﻟﺘﻬﻢ ﺧﻠﻴﻬﻢ ﺑﺸﺘﻐﻞ ﺑﺮﺍﻱ ﻣﺎ ﺑﺨﻠﻲ ﺍﻟﺒﻴﺖ
ﻭﺳﺨﺎﻥ ﻻﻧﻮ ﺍﻟﻀﻴﻒ ﺍﻟﺒﺠﻲ ﻣﺎ ﺑﺸﻮﻑ ﻏﻴﺮ ﺍﻧﻮ ﺍﻟﺒﻴﺖ ﻭﺳﺨﺎﻥ ﻭﻓﻴﻪ ﺍﺭﺑﻌﻪ
ﻧﺴﻮﺍﻥ
ﻣﺜﺎﻧﻲ ﺩﻱ ﻗﺎﻋﺪﻩ ﺗﻘﺮﺍﺀ ﻳﺎ ﺑﻨﺖ : ﻟﻮ ﻓﺮﺿﻨﺎ ﺍﻧﻬﺎ ﺑﺘﻘﺮﺍﺀ ﺑﺎﻟﺠﺪ ﺍﻟﻌﺮﻭﺱ ﺍﻟﻨﺎﻳﻤﻪ
ﺟﻮﺍ ﺩﻱ ﺍﺣﺴﻦ ﻣﻦ ﻣﻨﻮ : ﻧﺒﺮﺍﺱ ﺩﻱ ﻣﺎ ﻋﻨﺪﻙ ﺷﻐﻠﻪ ﺑﻬﺎ ﻗﺎﻟﺖ ﻣﺼﺪﻋﻪ
ﻭﺩﻱ ﺟﻴﺘﺎ ﻣﻦ ﺍﻟﺠﺎﻣﻌﻪ : ﻣﺎ ﺍﻧﺎ ﺑﺮﺿﻮ ﺩﻱ ﺟﻴﺘﻲ ﻣﻦ ﺍﻟﺠﺎﻣﻌﻪ ﻭﻣﺼﺪﻋﻪ
ﺩﻱ ﺷﻜﻞ ﺣﻴﺎﺗﻲ ﻳﺎ ﺟﻤﺎﻋﻪ ﺍﻧﺎ ﺳﻤﺮ ﻋﻤﺮﻱ ١٩ ﺳﻨﻪ ﻓﻲ ﺗﺎﻧﻴﻪ ﺟﺎﻣﻌﻪ ﺍﻻﺧﺖ
ﺍﻟﻮﺳﻄﺎﻧﻴﻪ ﻭﺍﻟﺤﺒﺸﻴﻪ ﺑﺘﺎﻋﺔ ﺍﻟﺒﻴﺖ ﻧﺒﺮﺍﺱ ﺍﻟﻜﺒﻴﺮﻩ ﻣﺎ ﺑﺘﺸﺘﻐﻞ ﺍﻱ ﺣﺎﺟﻪ
ﻭﻟﻤﻦ ﺗﻠﻘﻰ ﺍﻟﺒﻴﺖ ﻭﺳﺨﺎﻥ ﺗﺸﺎﻛﻞ ﻭﺗﻨﺒﺬ ﻓﻴﻨﺎ ﻭﻟﻮ ﻋﻤﻠﺖ ﺍﻗﻞ ﺣﺮﻛﻪ ﺗﺤﺴﺴﻨﺎ
ﺍﻧﻬﺎ ﻣﺄﻛﻼﻧﺎ ﻭﻣﺸﺮﺑﺎﻧﺎ ﻭﻣﻨﻀﻔﺎﻧﺎ ﻭﻣﻘﺮﻳﺎﻧﺎ ﻭﻭﺍﻟﺪﺍﻧﺎ ﺯﺍﺗﻮ ﻃﺒﻌﺎ ﻫﻲ ﻋﺎﻳﺸﻪ ﻓﻲ
ﻋﺎﻟﻢ ﺗﺎﻧﻲ ﺧﺎﻟﺺ ﻭﺷﺎﻳﻔﻪ ﺍﻧﻬﺎ ﺍﺣﺴﻦ ﻣﻨﻨﺎ ﻛﻠﻨﺎ ﻭﻋﺸﺎﻥ ﻣﻦ ﺻﻐﻴﺮﻩ ﺑﻘﻮﻟﻮ ﻟﻬﺎ
ﺍﻧﺘﻲ ﺑﺘﺸﺒﻬﻲ ﻫﻴﻔﺎﺀ ﻭﻫﺒﻲ ﻋﺎﻳﺸﻪ ﺩﻭﺭﺍ ﺣﺘﻰ ﺍﻣﻲ ﻣﺴﺎﻋﺪﺍ ﻓﻲ ﻛﺪﺍ ﻭﺩﺍﻳﻤﺎ
ﺑﺘﺤﺴﺴﻨﻲ ﺍﻧﻲ ﺍﻗﻞ ﻣﻨﻬﺎ ﻫﻲ ﺧﺮﻳﺠﻪ ﺍﻟﺴﻨﻪ ﺩﻱ ﻭﺍﻟﺼﻐﻴﺮﻩ ﻣﺜﺎﻧﻲ ﻓﺼﻴﺤﻪ
ﻭﻗﻠﻴﻠﺔ ﺍﺩﺏ ﻭﺣﻠﺒﻴﻪ ﻭﻻﻧﻬﺎ ﺍﺻﻐﺮ ﺑﻨﺖ ﻣﺪﻟﻌﻪ ﺍﻛﺘﺮ ﻣﻦ ﺍﻟﻼﺯﻡ ﻭﺍﻣﻲ ﻣﺎ
ﺑﺘﺮﺿﻰ ﻓﻴﻬﺎ ﻭﻣﺎ ﻋﺎﻭﺯﺍﻫﺎ ﺗﺮﻓﻊ ﻗﺸﻪ ﻣﻊ ﺍﻧﻬﺎ ﻛﺒﺮﺕ ﻭﻓﻲ ﺍﻟﺜﺎﻧﻮﻱ ﺑﺲ ﻣﻼﺑﺴﺎ
ﻣﺎ ﺑﺘﻐﺴﻼ ﻭﻟﻮ ﺍﻧﺎ ﺍﺗﺸﺎﻛﻠﺖ ﻣﻌﺎﻫﺎ ﺍﻣﻲ ﺑﺘﺸﺎﻛﻠﻨﻲ ﻟﻬﺎ ﻭﺗﻄﻠﻌﻨﻲ ﺍﻟﻐﻠﻄﺎﻧﻪ
ﺑﺤﺠﺔ ﺍﻧﺎ ﺍﻛﺒﺮ ﻣﻨﻬﺎ ﻭﻟﻮ ﺍﺗﺸﺎﻛﻠﺖ ﻣﻊ ﻧﺒﺮﺍﺱ ﺑﺮﺿﻮ ﺑﺘﺸﺎﻛﻠﻨﻲ ﺍﻧﺎ ﻭﺗﻘﻮﻝ ﻟﻲ
ﺍﺣﺘﺮﻣﻴﻬﺎ ﻭﻟﻮ ﻗﻠﺖ ﻟﻬﺎ ﺍﺳﻲ ﻣﺜﺎﻧﻲ ﻣﺎ ﺗﺤﺘﺮﻣﻨﻲ ﺗﻘﻮﻝ ﻟﻲ ﻣﺜﺎﻧﻲ ﺩﻱ ﺟﺎﻫﻠﻪ
ﻭﺻﻐﻴﺮﻩ ﻛﻤﺎﻥ ﺩﺍﻳﺮﻩ ﺗﺨﺘﻲ ﺭﺍﺳﻚ ﺑﺮﺍﺳﺎ ﺍﻧﺎ ﺍﻟﻮﺣﻴﺪﻩ ﺍﻟﺒﺘﺒﻬﺪﻝ ﻭﺍﺷﺘﻐﻞ
ﺍﻟﻤﺎﺑﻌﺮﻧﺎ ﻳﻘﻮﻝ ﺍﻧﺎ ﻣﺎ ﺑﻨﺘﻬﻢ ﻣﺤﺴﺴﻨﻲ ﺍﻧﻲ ﻧﻜﺮﻩ ﺍﻱ ﺷﻐﻞ ﺻﻌﺐ ﻭﻣﺮﻫﻖ
ﻟﺴﻤﺮ ﻭﺍﻱ ﺣﺎﺟﻪ ﻣﺮﻳﺤﻪ ﻟﻨﺒﺮﺍﺱ ﺍﺧﻮﺍﻧﻲ ﺍﻟﺼﻐﺎﺭ ﺩﻳﻞ ﺭﺑﻴﺘﻬﻢ ﻣﻊ ﺍﻣﻲ ﻳﺪ
ﺑﻴﺪ ﻭﺑﻌﺪﺍ ﺩﺍ ﻻ ﺍﺩﺏ ﻻ ﺍﺣﺘﺮﺍﻡ ﻭﻻ ﺗﻘﺪﻳﺮ ﻟﻲ ﻣﻌﺎﻱ ﺍﻟﻜﻠﻤﻪ ﺑﺎﻟﻜﻠﻤﻪ ﻭﺍﻣﻲ ﻣﺎ
ﺑﺘﺴﺄﻟﻬﻢ ﺣﺘﻰ ﺍﺑﻮﻱ ﻣﺤﺴﺴﻨﻲ ﺍﻧﻲ ﺍﻧﺎ ﺍﻟﻤﺴﺆﻭﻟﻪ ﻓﻲ ﺍﻟﺒﻴﺖ ﺩﺍ ﻭﺍﻧﻲ ﺍﻟﻜﺒﻴﺮﻩ
ﻭﺍﻱ ﻣﺸﻜﻠﻪ ﻻﺯﻡ ﺍﺣﻼ ﻭﺍﺗﺤﺎﺳﺐ ﻋﻠﻰ ﺍﻱ ﺣﺎﺟﻪ ﻋﺎﻳﺸﻪ ﺣﺒﺸﻴﻪ ﻭﺩﺍﺩﺍ
ﻻﺧﻮﺍﻧﻲ ﻣﻦ ﺍﻟﺼﺒﺎﺡ ﺍﻗﻮﻡ ﺍﻛﻨﺲ ﺍﻟﻤﻄﺒﺦ ﻭﺍﻋﻤﻞ ﺍﻟﺸﺎﻱ ﻟﻮ ﻣﺎﻓﻲ ﺷﺎﻱ ﻣﺎﻓﻲ
ﻭﺍﺣﺪ ﺑﺼﺤﻰ ﻳﺘﺮﺳﻞ ﻟﻲ ﺍﻣﺸﻲ ﺍﻟﺪﻛﺎﻥ ﺍﺟﻴﺒﻮ ﺍﻋﻤﻠﻮ ﻭﺍﺟﻬﺰﻭ ﻟﻬﻢ ﺍﻛﻮﻱ ﻟﻬﻢ
ﻣﻼﺑﺲ ﺍﻟﻤﺪﺭﺳﻪ ﻭﺍﺻﺤﻴﻬﻢ ﻓﺮﺩﺍ ﻓﺮﺩﺍ ﺍﺑﻮﻱ ﻓﺘﺤﺖ ﻋﻴﻨﻮ ﺑﺲ ﻳﻘﻮﻝ ﻟﻲ
ﺻﺤﻲ ﺍﺧﻮﺍﻧﻚ ﻟﻮ ﻣﺎ ﺻﺤﻮ ﻳﺸﺎﻛﻠﻨﻲ ﺍﻧﺎ ﻭﺧﺎﻻﻫﻢ ﻧﺎﻳﻤﻴﻦ ﻟﻴﻪ ﻋﻨﺪﻫﻢ
ﻣﺪﺍﺭﺱ ﺗﺎﻧﻲ ﺍﺑﻘﻰ ﻓﻲ ﻣﻮﺿﻮﻉ ﺍﻟﻨﻀﺎﻓﻪ ﻣﻦ ﻏﺮﻓﻪ ﻟﻐﺮﻓﻪ ﺍﻣﻲ ﺑﺘﻨﻀﻒ
ﻏﺮﻓﺘﺎ ﺗﻌﺪﻱ ﺍﻟﺼﺒﺎﺡ ﻛﻠﻮ ﻓﻲ ﻧﻀﺎﻓﺘﺎ ﺣﻴﻠﻲ ﺍﺗﻬﺪﺍ ﻋﺪﻳﻞ ﻓﻲ ﺍﻟﺒﻴﺖ ﺩﺍ ﻭﺯﻭﻝ
ﻣﻘﺪﺭ ﻣﺎﻓﻲ ﻭﻣﺤﺴﺴﻨﻲ ﺍﻧﻲ ﻣﺎ ﺑﻌﺮﻑ ﺍﻱ ﺷﻲ ﺑﺴﺄﻟﻮ ﻧﺒﺮﺍﺱ ﺑﺲ ﻣﻦ ﺍﻱ
ﺣﺎﺟﻪ ﻋﻠﻰ ﺍﺳﺎﺱ ﺍﻧﻬﺎ ﺫﻛﻴﻪ ﺑﺘﻌﺮﻑ ﺍﻱ ﺷﻲ ﻭﺍﻧﺎ ﻏﺒﻴﻪ ﻓﻲ ﺍﻟﺠﺎﻣﻌﻪ ﺗﺘﺄﺧﺮ
ﻭﺗﺮﺟﻊ ﻋﻠﻰ ﺭﺍﺣﺘﺎ ﻭﻫﻢ ﻳﻘﻠﻘﻮ ﻭﻳﺠﻨﻮ ﻋﻠﻴﻬﺎ ﻋﺪﻳﻞ ﺗﺮﺟﻊ ﺗﺘﺤﺠﺞ ﻟﻬﻢ
ﺑﺎﻟﻤﻮﺍﺻﻼﺕ ﺍﻧﺎ ﻟﻮ ﻗﻠﺖ ﻟﻬﻢ ﺍﻟﻤﻮﺍﺻﻼﺕ ﺻﻌﺒﻪ ﻳﺸﺎﻛﻠﻮﻧﻲ ﻫﻲ ٢٤ ﺳﺎﻋﻪ
ﺗﺘﻜﻠﻢ ﺑﺎﻟﺘﻠﻔﻮﻥ ﺍﻧﺎ ﺗﻠﻔﻮﻧﻲ ﺩﻗﺎ ﻳﻔﺘﺤﻮﻩ ﻗﺒﺎﻟﻲ ﻻﻏﻴﻦ ﺷﺨﺼﻴﺘﻲ ﺧﺎﻟﺺ
ﻭﺷﺎﻳﻔﻨﻲ ﻃﺎﻳﺸﻪ ﻭﺑﻠﻴﺪﻩ ﻭﻣﺎ ﺑﻌﺮﻑ ﺍﻱ ﺷﻲ ﻭﺍﻱ ﺯﻭﻝ ﻣﻤﻜﻦ ﻳﻐﺸﻨﻲ ﻃﺒﻌﺎ
ﺍﺧﻮﺍﻧﻲ ﺍﻻﻭﻻﺩ ﻛﻠﻬﻢ ﺻﻐﺎﺭ ﻭﻧﺒﺮﺍﺱ ﺯﻭﻝ ﻗﺎﺩﺭ ﻋﻠﻴﻬﺎ ﻣﺎﻓﻲ ﻋﺎﻳﺸﻪ ﺣﻴﺎﺗﺎ ﺑﻜﻞ
ﺗﻔﺎﺻﻴﻼ ﺗﺤﺐ ﻭﺗﺘﻤﻌﺸﻖ ﻭﺗﻘﺎﺑﻞ ﺍﻧﺎ ﻓﻲ ﺍﻟﺠﺎﻣﻌﻪ ﻋﻼﻗﺎﺗﻲ ﻭﺍﺳﻌﻪ ﺷﺪﻳﺪ
ﺑﺤﺎﻭﻝ ﺍﻋﻮﺽ ﺍﻟﻨﻘﺺ ﺍﻟﻔﻴﻨﻲ ﻳﻌﻨﻲ ﺍﻱ ﺯﻭﻝ ﻳﺤﺼﻞ ﻟﻲ ﻣﻌﺎﻩ ﻣﻮﻗﻒ
ﺍﺻﺎﺩﻗﻮ
ﺷﻠﺘﻨﺎ ﺳﺒﻌﻪ ﺍﻧﺎ ﻭﺧﺎﻟﺪ ﺩﺍ ﺑﺘﺎﻉ ﺩﺭﺍﻣﺎﺕ ﻭﻗﺮﻳﺐ ﻟﻲ ﺷﺪﻳﺪ ﻧﻬﻰ ﺍﻟﻤﺰﻩ ﻣﻜﺴﺮﻩ
ﺍﻟﺠﺎﻣﻌﻪ ﻛﻠﻬﺎ ﻭﻣﻔﺘﺮﻳﻪ ﻭﻣﺎ ﻋﻨﺪﻫﺎ ﺣﺎﺟﻪ ﻟﺰﻭﻝ ﻓﺮﺡ ﻭﻫﺎﻟﻪ ﺩﻳﻞ ﺑﺮﺍﻟﻤﻪ ﻭﻫﻢ
ﺍﻭﻻﺩ ﺧﺎﻻﺕ ﺍﻏﻨﻰ ﺍﺗﻨﻴﻦ ﻓﻲ ﺍﻟﺪﻓﻌﻪ ﻭﺍﻣﻜﻦ ﺍﻟﺠﺎﻣﻌﻪ ﻛﻠﻬﺎ ﻋﻠﻴﻬﻢ ﺭﻗﻲ ﻓﻲ
ﺍﻟﻜﻼﻡ ﻭﺍﻟﻠﺒﺲ ﻭﺑﻌﺪ ﺩﺍ ﺷﻄﺎﺭ ﺷﺪﻳﺪ ﻭﻣﺜﻘﻔﻴﻦ ﺧﺎﻟﻬﻢ ﺩﻛﺘﻮﺭ ﻓﻲ ﺍﻟﺠﺎﻣﻌﻪ
ﺻﻐﺎﺭ ﺷﺪﻳﺪ ﺍﻣﻜﻦ ﺩﺧﻠﻮﻫﻢ ﺍﻟﻤﺪﺭﺳﻪ ﻗﺒﻞ ﻳﺼﻠﻮ ﻋﻤﺮﺍ ﻣﺎﻓﻲ ﺯﻭﻝ ﻣﺎ ﺑﺤﺒﻬﻢ
ﻓﺮﺡ ﻛﺴﺎﺍﺍﺍﺭ ﻋﺪﻳﻞ ﻭﺍﻟﺒﻨﺎﺕ ﻣﻨﺒﺮﺷﺎﺕ ﻓﻴﻪ ﻋﻨﺪﻭ ﻏﻤﺎﺯﺍﺕ ﻛﺪﺍ ﺍﺳﺘﻐﻔﺮ ﺍﻟﻠﻪ
ﺑﺲ ﻭﺣﻠﺒﻲ ﺷﺪﻳﺪ
ﻭﺍﻟﻠﻪ ﺧﺎﻳﻔﻪ ﻣﺎ ﺍﺟﻴﺐ ﻣﻌﺪﻝ ﻛﻮﻳﺲ ﺍﻟﺴﻨﻪ ﺩﻱ ﻣﺎ ﻗﺮﻳﺖ ﺍﻱ ﺷﻲ ﺑﺎﺑﺎ ﺑﻘﺘﻠﻨﻲ
ﻗﻌﺪﺕ ﺍﺿﺤﻚ ﻭﻗﻠﺖ ﻟﻬﺎ ﻳﺎ ﺑﻨﺖ ﺩﻱ ﺟﺎﻣﻌﻪ ﻣﺎ ﻣﺪﺭﺳﻪ ﻭﻫﻮ ﺍﺻﻼ ﻳﻌﺮﻑ
ﻛﻴﻒ ﻟﻮ ﺭﺳﺒﺘﻲ ﻛﺬﺑﻲ ﻋﻠﻴﻪ ﺑﺲ : ﻭﻳﻴﻴﻦ ﺍﻟﻨﺘﻴﺠﺔ ﺩﻱ ﻫﻮ ﺑﻌﺮﻓﺎ ﻗﺒﻞ ﺗﺘﻌﻠﻖ
ﺯﺍﺗﻮ ﺧﺎﻟﻮ ﺑﻮﺭﻳﻪ ﻗﺒﺎﻟﻲ ﺍﻧﺎ ﺯﺍﺗﻲ : ﻭﺍﻟﻠﻪ ﻏﺎﻳﺘﻮ ﻧﺎﺳﻜﻢ ﺩﻳﻞ ﻏﺮﻳﺒﻴﻦ ﺧﻼﺹ ﺍﻧﺎ
ﻧﺘﻴﺠﺔ ﺍﻟﻤﺪﺭﺳﻪ ﻣﺎ ﻛﻨﺖ ﺑﺨﺎﻑ ﻣﻨﻬﺎ ﻛﺪﺍ ﻭﻣﺎﻓﻲ ﺯﻭﻝ ﻣﺨﻮﻓﻨﻲ ﻭﻻ ﻓﻲ
ﺑﺠﻨﻨﻲ ﺍﻳﺎﻡ ﺍﻻﻣﺘﺤﺎﻧﺎﺕ ﺍﻗﺮﻱ ﻭﺍﻗﺮﻱ ﻭﻣﺮﺍﺕ ﻳﻮﻡ ﺍﻟﻨﺘﻴﺠﺔ ﺯﺍﺗﻮ ﻣﺎ ﺑﻜﻮﻥ
ﻋﺎﺭﻓﺎﻩ ﻣﺘﻴﻦ ﺧﺎﻟﺪ ﻗﺎﻝ ﻟﻲ ﻳﺎﺯﻭﻟﻪ ﺟﺒﺘﻴﻬﺎ ﻛﺒﻴﺮﻩ ﻋﺪﻳﻞ ﻣﺎ ﻗﺪﺭ ﺩﺍ ﻟﻜﻦ ﻫﻮ ﺍﻧﺎ
ﺍﻟﻮﻟﺪ ﻛﻨﺖ ﺑﺘﺠﻠﺪ ﻳﻮﻡ ﺍﻟﻨﺘﻴﺠﺔ ﺯﻱ ﺍﻟﻜﻠﺐ ﻭﺍﻛﺘﺮ ﻓﺘﺮﻩ ﺑﻜﺮﻫﺎ ﻓﺘﺮﺓ
ﺍﻻﻣﺘﺤﺎﻧﺎﺕ ﻧﺎﺱ ﺍﻟﺒﻴﺖ ﻣﺎ ﺑﺮﻳﺤﻮﻙ ﺧﺎﻟﺺ ﻧﻬﻰ ﻗﺎﻟﺖ ﻟﻪ ﺑﺎﻟﺠﺪ ﻭﺍﻟﻠﻪ ﻟﺤﺪﻱ
ﺍﺳﻲ ﻓﻲ ﺍﻟﺠﺎﻣﻌﻪ ﺑﻘﻮﻟﻮ ﻟﻲ ﺍﻗﺮﻱ ﺳﻤﺮ ﺩﻱ ﺳﺎﻳﻘﺎﻧﺎ ﺑﺎﻟﺨﻼ ﺳﺎﻱ : ﻭﺍﻟﻠﻪ
ﺳﺎﻳﻘﺎﻧﺎ ﺑﺎﻟﺤﺎﺝ ﻳﻮﺳﻒ ﻋﺪﻳﻞ ﺗﻠﻘﺎﻫﺎ ﺍﻛﺘﺮ ﻭﺍﺣﺪﻩ ﻣﻌﺼﻮﺭﻩ ﻓﻲ ﺍﻟﻘﺮﺍﻳﻪ ﻭﺍﺳﻲ
ﻗﻠﺒﺎ ﺑﺪﻕ
ﺍﻧﺎ ﻓﻲ ﻟﺤﻈﻪ ﻣﺰﺍﺟﻲ ﺍﺗﻐﻴﺮ ١٨٠ ﺩﺭﺟﻪ ﻻﻧﻮ ﺩﻱ ﺍﻟﺤﻘﻴﻘﻪ ﺍﻧﺎ ﻓﻲ ﺯﻭﻝ ﻛﺎﻥ
ﺑﻬﺘﻢ ﺑﻲ ﻗﺮﻳﺖ ﻣﺎ ﻗﺮﻳﺖ ﻣﺎ ﻏﺮﺿﻬﻢ ﻭﻟﻮ ﺟﺒﺖ ﻧﺴﺒﻪ ﻛﻌﺒﻪ ﺍﺑﻮﻱ ﺑﻘﻮﻝ ﻫﻲ
ﺩﻱ ﺍﺻﻼ ﻣﺎ ﻧﺎﻓﻌﻪ ﻭﻣﺮﺍﺕ ﺑﻘﻮﻝ ﻟﻲ ﺍﻟﻨﺘﻴﺠﺔ ﺩﻱ ﺷﺮﻃﻴﻬﺎ ﻓﻲ ﺍﻟﺸﺎﺭﻉ ﻭﻻ
ﺗﺼﻠﻲ ﺑﻬﺎ ﺯﺍﺗﻮ ﺍﻟﻔﺎﺿﻲ ﻟﻬﺎ ﻣﻨﻮ ﺣﺴﻴﺖ ﺍﻧﻲ ﻛﺎﺋﻦ ﻓﻀﺎﺋﻲ ﻭﺳﻄﻬﻢ ﻗﻤﺖ ﻓﺮﺡ
ﺟﺎﺀ ﻻﺣﻘﻨﻲ
ﻣﺎﻟﻚ ﻳﺎ ﺯﻭﻟﻪ ﻗﻠﺒﺘﻴﻪ ﺟﺪ ؛ ﻻﻻ ﺟﺪ ﺷﻨﻮ ﺍﺻﻼ ﻛﻨﺖ ﺑﻬﺎﻇﺮ ﻓﻲ ﺯﻭﻝ ﺍﻫﻠﻮ ﻣﺎ
ﺑﻬﺘﻤﻮ ﺑﻪ؟؟ : ﻣﺎﻓﻲ ﻭﺍﻟﻠﻪ ﺍﻭﻭﻭﻭﻭﻭﻭﻭﻭ ﺍﻟﺨﺎﻝ ﻛﺒﺲ ﻛﺪﻱ ﺍﻣﺸﻲ ﺍﺷﻐﻼ ﻟﻪ
ﺍﻟﻠﻴﻠﻪ ﺑﺎﻟﺒﺪﻟﻪ ﺩﻱ ﻗﺎﻳﻞ ﺭﻭﺣﻮ ﻋﺮﻳﺲ ﻧﻬﻰ ﻃﻮﺍﻟﻲ ﺟﺎﺗﻨﻲ ﺟﺎﺭﻳﻪ
ﻭﺍﺍﺍﻱ ﺍﻧﺎ ﻣﻦ ﺧﺎﻟﻬﻢ ﺩﺍ ﻋﻠﻴﻪ ﺟﻨﺲ ﺳﻤﺎﺣﻪ : ﺑﺎﻟﺠﺪ؟ : ﺍﻧﺘﻲ ﻣﺎ ﺣﺼﻞ
ﺷﻔﺘﻴﻪ ؟ : ﺑﺮﻱ : ﺗﻌﺎﻟﻲ ﺗﻌﺎﻟﻲ ﺍﺻﻼ ﻫﻮ ﺣﺎﻳﺸﺘﻐﻞ ﻣﻌﺎﻧﺎ ﺍﻟﺴﻤﺴﺘﺮ ﺍﻟﺠﺎﻱ
ﻭﻧﺸﺒﻊ ﻣﻦ ﺷﻮﻓﺘﻮ
ﻃﺒﻌﺎ ﻣﻦ ﻛﻼﻡ ﺍﻟﻨﺎﺱ ﺍﻧﺎ ﺧﺘﻴﺖ ﻓﻲ ﺑﺎﻟﻲ ﺍﻧﻮ ﺩﻛﺘﻮﺭ ﺍﻟﻬﺎﺩﻱ ﺩﺍ ﻭﻟﺪ ﺷﺎﺏ ﻛﺪﺍ
ﻭﻗﺮﺿﻪ ﻭﺷﻴﻚ ﻭﺩﻣﻮ ﺧﻔﻴﻒ ﻋﺎﻳﻨﺖ ﻓﻴﻪ ﺑﺎﻟﺠﻨﺒﻪ ﻛﺪﺍ ﺑﺲ ﺷﻔﺖ ﻟﻚ ﺍﻟﺸﻴﺐ
ﺩﺍ ﻻ ﺣﻮﻻ ﺍﻟﻠﻪ ﻳﺠﺎﺯﻳﻚ ﻳﺎ ﻧﻬﻰ ﺩﺍ ﺭﺍﺟﻞ ﺗﻨﺒﺮﺷﻲ ﻓﻴﻪ ؟ ﻋﺠﻮﺯ ﺷﺎﻳﺐ ﻓﻲ
ﻋﻤﺮ ﺍﺑﻮﻙ ﻗﻌﺪﺕ ﺗﻀﺤﻚ ﻭﻗﺎﻟﺖ ﻟﻲ ﻣﺎﻫﻮ ﺷﻴﺒﻮ ﺩﺍ ﺍﺣﻠﻰ ﺣﺎﺟﻪ ﻓﻴﻪ :
ﺗﺘﺠﺎﺯﻱ ﺍﻧﺸﺎﺀﺍﻟﻠﻪ ﻭﻣﺸﻴﺖ ﺧﻠﻴﺘﺎ
ﻛﺎﻧﺖ ﺍﺧﺮ ﻣﺤﺎﺿﺮﻩ ﻟﻴﻨﺎ ﻓﻲ ﺍﻟﺴﻤﺴﺘﺮ ﻃﻠﻌﻨﺎ ﻣﺘﺄﺧﺮﻳﻦ ﻓﺮﺡ ﻭﻫﺎﻟﻪ ﻛﺎﻧﻮ
ﺭﺍﻛﺒﻴﻦ ﻓﻲ ﻋﺮﺑﻴﺔ ﺧﺎﻟﻬﻢ ﻓﺮﺡ ﻧﺰﻝ ﺍﻟﻘﺰﺍﺯ ﻗﺎﻝ ﻟﻲ ﺍﺭﻛﺒﻲ ﻧﻮﺻﻠﻚ : ﻻﻻ ﺑﻠﻘﻰ
ﻣﻮﺍﺻﻼﺕ ﻫﺎﻟﻪ ﻗﺎﻟﺖ ﻟﻲ ﻳﺎ ﺑﻨﺖ ﺍﻟﺰﻣﻦ ﺍﺗﺄﺧﺮ ﻣﺎ ﺑﺘﻠﻘﻲ : ﻻﻻ ﺍﻟﻤﻮﺍﺻﻼﺕ
ﻣﺘﻮﻓﺮﻩ ﺣﺘﻰ ﺧﺎﻟﻬﻢ ﺍﺗﺪﺧﻞ ﻗﺎﻝ ﻟﻲ ﺍﺭﻛﺒﻲ ﻳﺎ ﺑﻨﺘﻲ ﺍﻟﻄﺮﻳﻖ ﻣﺎ ﻣﻀﻤﻮﻥ
ﻭﺍﻧﺘﻲ ﺑﺮﺍﻙ : ﻻﻻ ﻋﺎﺩﻱ : ﻃﻴﺐ ﺍﺗﺼﻠﻲ ﺑﺎ ﺍﺑﻮﻙ ﻭﻻ ﺍﻱ ﻭﺍﺣﺪ ﻣﻦ ﺍﻭﻻﺩ ﺑﻴﺘﻜﻢ
ﻃﻤﻨﻴﻬﻢ ﺍﻛﻴﺪ ﺣﺎﻳﻜﻮﻧﻮ ﻗﻠﻘﺎﻧﻴﻦ ﺍﻟﺰﻣﻦ ﺍﺗﺄﺧﺮ ﻣﺴﺎﻓﺔ ﺗﺼﻠﻲ ﺍﻟﻤﻐﺮﺏ ﺑﺄﺫﻥ ﻟﻚ
ﺿﺤﻜﺖ ﻓﻲ ﻧﻔﺴﻲ ﻗﻠﺖ ﻳﻘﻠﻘﻮ ﻭﻳﻦ ﺍﻧﺎ ﻟﻮ ﺟﻴﺖ ﺍﺫﺍﻥ ﺍﻟﺼﺒﺢ ﻣﺎﻓﻲ ﺯﻭﻝ
ﺑﻘﻮﻝ ﻟﻲ ﺍﻷﺧﺮﻙ ﺷﻨﻮ ﻃﺒﻌﺎ ﺍﻟﻤﻮﺍﺻﻼﺕ ﺯﺣﻤﻪ ﻭﺩﻓﺮ ﺍﻧﺎ ﺩﻱ ﺑﻌﺪ ﻭﺻﻠﺖ
ﺍﻟﺒﺎﺏ ﺩﻓﺮﻧﻲ ﻭﻟﺪ ﻟﻤﻦ ﻭﻗﻌﺖ ﻣﺎ ﺑﺘﺘﺨﻴﻠﻮ ﺍﻟﺒﺸﺎﻋﻪ ﻭﺍﻟﻤﻮﺍﻗﻒ ﺍﻟﺒﺘﺤﺼﻞ ﻟﻲ
ﻓﻲ ﺍﻟﻤﻮﺍﺻﻼﺕ ﻻﻓﻲ ﺯﻭﻝ ﺑﺤﺘﺮﻡ ﻛﺒﻴﺮ ﻭﻻ ﻣﺮﻳﺾ ﺍﻻﻭﻻﺩ ﺩﻳﻞ ﻳﺪﻓﺮﻭ
ﺍﻟﻨﺴﻮﺍﻥ ﺯﻱ ﻛﺄﻧﻬﻢ ﺍﻧﺪﺍﺩ ﻟﻬﻢ ﻭﺍﻧﺘﻲ ﺭﺍﻛﺒﻪ ﻋﺎﺩﻱ ﺍﻟﻮﻟﺪ ﻳﺪﻓﺮﻙ ﻳﺠﺮﻙ ﻣﻦ
ﻃﺮﺣﺘﻚ ﻳﺘﻠﺼﻖ ﻓﻴﻚ ﻳﻠﻤﺴﻚ ﻓﻲ ﺍﻱ ﻣﻜﺎﻥ ﻭﻟﻮ ﻧﺒﺤﺘﻲ ﻟﻠﺼﺒﺎﺡ ﺯﻭﻝ ﺑﺠﻴﺐ
ﺧﺒﺮﻙ ﻣﺎﻓﻲ ﺩﺍ ﻏﻴﺮ ﺍﻟﺘﺤﺮﺵ ﺩﺍﺧﻞ ﺍﻟﺤﺎﻓﻠﻪ ﻧﻔﺴﺎ ﺍﻧﺎ ﻭﻗﻌﺖ ﻋﺪﻳﻞ ﻟﻤﻦ
ﺭﺟﻠﻲ ﺍﻧﻜﺸﻔﺖ ﻭﺧﺠﻠﺖ ﺍﺗﺒﻬﺪﻟﺖ ﻗﺪﺍﻡ ﺍﻟﻨﺎﺱ ﻧﺎﺱ ﺍﺷﻔﻘﻮ ﻋﻠﻲ ﻭﺑﻠﻌﻨﻮ ﻓﻲ
ﺍﻟﻮﺿﻊ ﻭﺍﻟﺤﺎﻟﻪ ﺍﻟﻮﺻﻠﻨﺎ ﻟﻬﺎ ﻭﻧﺎﺱ ﻣﺎﺑﺘﺮﺣﻢ ﻫﻲ ﺗﺴﺘﺎﻫﻞ ﻫﻲ ﺍﻟﺒﺨﻠﻴﻬﺎ ﺗﺪﺍﻓﺮ
ﺍﻟﺮﺟﺎﻝ ﺷﻨﻮ ﻗﻌﺪﻧﺎ ﻛﺪﺍ ﻧﻜﺎﺑﺲ ﻓﻲ ﺍﻟﻤﻮﺍﺻﻼﺕ ﻟﻠﻤﻐﺮﺏ ﻭﻣﺎ ﺑﻌﺪﻭ ﺍﻧﺎ ﺯﻭﻝ ﻣﻦ
ﻧﺎﺱ ﺍﻟﺒﻴﺖ ﻃﺮﺍﻧﻲ ﻣﺎﻓﻲ ﻟﺪﺭﺟﺔ ﺍﻧﻮ ﻓﺮﺡ ﺍﺗﺼﻞ ﺑﻲ ﻟﻤﻦ ﺳﻤﻌﺖ ﺻﻮﺕ
ﺍﻟﺘﻠﻔﻮﻥ ﻗﻠﺖ ﺩﻱ ﺑﺘﻜﻮﻥ ﺍﻣﻲ ﻭﻻ ﻣﺜﺎﻧﻲ ﺑﺲ ﺍﻧﺼﺪﻣﺖ ﻫﻮ ﻛﺎﻥ ﻭﺻﻞ ﻭﺻﻠﻰ
ﺍﻟﻤﻐﺮﺏ ﻗﺎﻝ ﻟﻲ ﺍﻫﺎ ﻭﺻﻠﺘﻲ ﻭﻻ ﻟﺴﻪ ﻗﻠﺖ ﻟﻪ ﻟﺴﻪ ﺍﻧﺪﻫﺶ ﻭﻗﺎﻝ ﻟﻲ ﺧﻠﻲ
ﺍﺑﻮﻙ ﻳﺠﻴﻚ : ﻣﺎ ﻋﻨﺪﻭ ﻋﺮﺑﻴﻪ : ﺍﻃﻠﺒﻲ ﺗﺮﺣﺎﻝ ﻳﺎﺑﻨﺖ ﺳﻜﺘﺖ ﻭﻫﻮ ﻓﻬﻢ ﺍﻧﻮ ﻣﺎ
ﻣﻌﺎﻱ ﻗﺎﻝ ﻟﻲ ﻃﻴﺐ ﺍﻧﺎ ﺣﺎﺍﺟﻲ ﺍﺧﺪﻙ : ﻻﻻ ﻣﺎﻓﻲ ﺩﺍﻋﻲ ﺑﻘﻴﻨﺎ ﻧﺘﻨﺎﻗﺶ ﺑﺠﻲ
ﻣﺎ ﺗﺠﻲ ﻟﺤﺪﻱ ﻣﺎ ﺟﺎﺕ ﻋﺮﺑﻴﻪ ﻭﺍﻧﺎ ﻓﻜﻴﺖ ﺍﻟﺠﺮﻳﻪ ﺑﺲ ﺍﺣﺲ ﻟﻚ ﺑﺰﻭﻝ ﻗﻠﻊ
ﺗﻠﻔﻮﻧﻲ ﻣﻦ ﻳﺪﻱ
ﺣﺮﺍﺍﺍﺍﺍﺍﺍﻣﻲ ﻗﻌﺪﺕ ﺍﺻﺮﺥ ﺷﻔﺖ ﻭﻟﺪ ﺟﺎﺭﻱ ﺳﻜﻴﺘﻮ ﻭﺍﺻﺮﺥ ﻓﻴﻪ ﻗﻠﺒﻲ ﺩﺍ
ﺍﻧﻘﻄﻊ ﻋﺪﻳﻞ ﻭﻫﻮ ﺍﺻﻠﻮ ﻣﺎﻭﻗﻒ ﺍﺻﺮﺥ ﻭﺍﺷﺎﻛﻞ ﺯﻭﻝ ﺟﺎﺏ ﺧﺒﺮﻱ ﻣﺎﻑ ﺍﻧﺎ
ﻭﺻﻠﺖ ﺍﻗﺼﻰ ﺩﺭﺟﺎﺕ ﺍﻟﺘﻌﺐ ﺑﺲ ﻣﺎ ﻗﺎﺩﺭﻩ ﺍﻗﻴﻒ ﻳﻌﻨﻲ ﻋﻴﻨﻲ ﻟﻪ ﺟﺎﺭﻱ
ﺑﺘﻠﻔﻮﻧﻲ ﺍﺧﻠﻴﻪ؟ ﻭﺻﻞ ﺯﻗﺎﻕ ﻣﻀﻠﻢ ﻛﺪﺍ ﻭﻓﺎﺿﻲ ﻃﻮﺍﻟﻲ ﻭﻗﻒ ﺍﻧﺎ ﻗﻠﺖ
ﺧﻼﺹ ﺯﺭﻳﺘﻮ ﻭﺟﺮﻳﺖ ﻓﻴﻪ ﻃﻮﺍﻟﻲ ﻃﻠﻊ ﻟﻲ ﺳﻜﻴﻦ ﺗﻠﻤﻊ ﻗﺮﺑﺖ ﺍﻣﻮﺕ ﺧﻔﺖ
ﺧﻮﻑ ﻭﻗﻠﺒﻲ ﺷﻐﺎﻝ ﺩﻕ ﺩﻕ ﺩﻕ ﻗﺎﻝ ﻟﻲ ﺟﻴﺒﻲ ﺍﻟﺸﻨﻄﻪ ﺩﻱ ﻗﺎﺩﺭﻳﻦ ﺗﺘﺨﻴﻠﻮ
ﺑﺠﺎﺣﺘﻮ؟؟ ﺍﻧﻔﻌﻠﺖ ﻓﻴﻪ ﺍﻧﺖ ﻗﺎﻳﻞ ﺭﻭﺣﻚ ﻣﻨﻮ ﻳﺎ ﺣﺮﺍﻣﻲ ﻳﺎ ﻛﻠﺐ ﻛﻤﺎﻥ
ﺣﺮﺍﻣﻲ ﻭﻋﻴﻨﻚ ﻗﻮﻳﻪ ﺍﻧﺖ ﻗﺎﻳﻞ ﺍﻟﺒﻠﺪ ﺩﻱ ﻣﺎ ﻓﻴﻬﺎ ﻗﺎﻧﻮﻥ ؟؟ ﻭﺍﻟﻠﻪ ﺍﺳﻲ
ﺍﺻﺮﺥ ﺍﻟﻢ ﻋﻠﻴﻚ ﺍﻟﺪﻧﻴﺎ ﺩﻱ ﻛﻠﻬﺎ ﺍﺩﻳﻨﻲ ﺗﻠﻔﻮﻧﻲ ﻭﺑﻘﻴﺖ ﺍﺣﺎﻭﻝ ﺍﺗﻘﺎﻟﻊ ﻣﻌﺎﻩ
ﺟﺮﺣﻨﻲ ﻓﻲ ﻳﺪﻱ ﻭﺷﺎﻝ ﺍﻟﺸﻨﻄﻪ ﺑﻌﺪﺍﻙ ﺩﻓﺮﻧﻲ ﺍﻧﺎ ﺯﻋﻠﺖ ﺯﻋﻞ ﻓﻲ ﺍﻟﺪﻧﻴﺎ ﺩﻱ
ﻣﺎ ﻋﺎﺩﻱ ﻭﺍﺗﻘﻬﺮﺕ ﺑﻘﻴﺖ ﺍﺻﺮﺥ ﻓﻴﻪ ﺑﺪﻭﻥ ﻭﻋﻲ ﻭﺍﻟﻠﻪ ﻣﺎ ﺍﺧﻠﻴﻚ ﻳﺎ ﺣﺮﺍﻣﻲ
ﺷﻜﻴﺘﻚ ﻻ ﺍﻟﻠﻪ ﺍﻧﺸﺎﺀﺍﻟﻠﻪ ﻳﺪﻙ ﺗﺘﺸﻞ ﻭﻣﺎ ﺗﺘﻬﻨﻰ ﺑﺘﻠﻔﻮﻧﻲ ﺍﻧﺸﺎﺀﺍﻟﻠﻪ ﺗﻤﻮﺕ
ﻭﺗﻨﻘﺮﺽ ﺍﻧﺖ ﻭﻗﺒﻴﻠﺘﻚ ﻛﻠﻬﺎ ﻗﺎﻝ ﻟﻲ ﻛﻤﺎﻥ ﺟﺎﺑﺖ ﻟﻬﺎ ﻗﻠﺔ ﺍﺩﺏ : ﺍﻧﺖ ﺍﻟﻘﻠﻴﻞ
ﺍﺩﺏ ﺍﻧﺖ ﺍﻟﻤﻔﺮﻭﺽ ﻋﻴﻨﻚ ﻣﺎ ﺗﺮﻓﻌﺎ ﺗﺴﺮﻗﻨﻲ ﻭﺗﻌﻮﻗﻨﻲ ﻓﻲ ﺣﻘﻲ ﻭﻛﻤﺎﻥ
ﺗﻘﻮﻝ ﻟﻲ ﻗﻠﻴﻠﺔ ﺍﺩﺏ ﺍﻟﻠﻪ ﻳﻠﻌﻨﻚ ﺍﻟﻠﻪ ﻳﻌﺪﻣﻚ ﺍﻟﺼﺤﻪ ﻭﺍﻟﻌﺎﻓﻴﻪ ﻣﺤﻞ ﻣﺎ ﺗﻘﺒﻞ
ﻳﻌﻜﺴﺎ ﻋﻠﻴﻚ ﻭﻣﺎ ﺗﻠﻘﻰ ﺟﻨﺒﻪ ﺗﺮﻳﺤﻚ : ﻗﻔﻠﻲ .............. ﺩﺍ ﺑﻌﻤﻞ ﺍﻟﻌﺎﻭﺯﻭ
ﻳﺎ ....... ﻳﺎ .......... ﺍﻧﺖﻱ ﻃﺎﻳﺮﻩ ﻟﻚ ﻭﻻ ﺷﻨﻮ ﺩﻱ ﺍﻟﺰﻗﺎﻕ ﺩﺍ ﺣﻘﻨﺎ ﺑﻌﺪ ﻟﻚ
ﻟﺤﺪﻱ ٣ ﻣﺎ ﺗﺘﺨﺎﺭﺟﻲ ﻣﻦ ﻫﻨﺎ ﻭﺍﻟﻠﻪ ﻳﺒﻘﻦ ﻋﻠﻴﻚ ﺳﺮﻗﻪ ﻭﺟﺮﺣﻪ ﻭﺍﻏﺘﺼﺎﺏ :
ﻣﺎ ﺑﻤﺸﻲ ﻣﺎ ﺑﻤﺸﻲ ﻗﺎﻳﻠﻨﻲ ﺑﺨﺎﻑ ﻣﻨﻚ ﻃﻮﺍﻟﻲ ﺻﻔﺮ ﻭﺑﻘﻰ ﺑﺘﻘﺪﻡ ﺑﺎﺗﺠﺎﻫﻲ
ﺑﻌﺪ ﺷﻮﻳﻪ ﺟﻮ ﺷﻤﺎﺳﻪ ﻛﺪﺍ ﻣﺘﻠﺒﻴﻦ ﺍﻱ ﻭﺍﺣﺪ ﻣﻦ ﺣﻴﻄﻪ ﻭﺍﻧﺎ ﻓﻲ ﺍﻟﻠﺤﻈﻪ
ﺩﻳﻚ ﺭﻛﺒﻲ ﺳﺎﺣﺖ ﻭﻟﻘﻴﺖ ﻧﻔﺴﻲ ﻋﻠﻰ ﺍﻻﺭﺽ
يتبــــــــــــــــــــــــــــــــــــــــــــع.