رواية ما بين الصباح والمساء الفصل الثاني 2 بقلم مشاعر مبعثره
ﻓﻲ ﺍﻟﻠﺤﻈﻪ ﺩﻳﻚ ﺍﻧﺎ ﺭﻛﺒﻲ ﺳﺎﺣﺖ ﻭﻟﻘﻴﺖ ﻧﻔﺴﻲ ﻋﻠﻰ ﺍﻻﺭﺽ ﻣﺎ ﻗﺎﺩﺭﻩ
ﺍﺷﻴﻞ ﻧﻔﺴﻲ ﺯﺣﻔﺖ ﻋﺪﻳﻞ ﺣﺘﻰ ﻗﺪﺭﺕ ﺍﻣﺸﻲ ﻛﻢ ﺧﻄﻮﻩ ﺑﻌﺪﻫﺎ ﺟﺮﻳﺖ
ﺟﺮﻳﺖ ﻭﺳﺎﻣﻌﺎﻫﻢ ﺑﻀﺤﻜﻮ ﻭﺍﺣﺪ ﻗﺎﻝ ﻛﺎﻥ ﺗﺨﻠﻴﻬﺎ ﻟﻴﻨﺎ ﻧﺘﻌﺸﻰ : ﻭﻻ ﺑﺨﺎﻃﺮ
ﺯﺍﺗﻮ ﺍﻟﺒﻨﺖ ﺍﻟﺪﻋﺎﻳﻪ ﺍﻟﺸﻜﺎﻳﻪ ﺩﻱ ﻭﺍﻟﻠﻪ ﺩﻋﻮﻩ ﻭﺃﺣﺪﻩ ﻣﻨﻬﺎ ﺗﻐﻄﺲ ﺣﺠﺮﻧﺎ
ﻟﺴﺎﻧﺎ ﺯﺍﺗﻮ ﻣﻨﻘﻂ
ﺍﻧﺎ ﻣﺎ ﻋﺎﺭﻓﻪ ﻭﺻﻠﺖ ﺍﻟﻤﻮﻗﻒ ﻛﻴﻒ ﻭﻣﺘﻴﻦ ﻃﺒﻌﺎ ﺧﻼﺹ ﺍﻟﻨﺎﺱ ﺍﻏﻠﺒﻬﻢ ﺭﻛﺒﻮ
ﻭﻓﻲ ﻧﺎﺱ ﻣﻠﺤﻮ ﻭﺍﻟﻌﺮﺑﺎﺕ ﺍﻟﻤﻼﻛﻲ ﺩﻱ ﺗﻘﻴﻒ ﺑﺎﻟﺼﻒ ﺩﻱ ﻭﺭﺍ ﺩﻱ ﺍﻱ ﻭﺍﺣﺪ
ﻳﺮﻓﻊ ﻟﻲ ﺍﻟﻘﺰﺍﺯ ﻭﺍﻧﺎ ﺧﺎﻳﻔﻪ ﻭﺩﻣﻮﻋﻲ ﻣﻄﺮ ﻃﺒﻌﺎ ﺑﻴﺘﻨﺎ ﺑﻌﻴﺪ ﻣﻦ ﺍﻟﺠﺎﻣﻌﻪ ﺍﻻ
ﺍﺭﻛﺐ ﻣﺮﺗﻴﻦ ﺟﺎﺀ ﺑﺎﺹ ﺍﻟﻮﺍﻟﻲ ﻭﺍﻟﻨﺎﺱ ﻛﻠﻬﻢ ﺭﻛﺒﻮ ﻭﺍﻧﺎ ﻭﻻ ﻗﺮﺵ ﻣﺎ ﻋﻨﺪﻱ
ﺍﻟﻜﻤﺴﺎﺭﻱ ﻗﺎﻝ ﻟﻲ ﻭﺍﻧﺘﻲ ﺭﺍﺟﻴﻪ ﺷﻨﻮ ﻗﻠﺖ ﻟﻪ ﻗﺮﻭﺷﻲ ﺍﺗﺴﺮﻗﺖ ﻗﺎﻝ ﻟﻲ ﻳﺎﻫﻮ
ﺣﻨﻜﻢ ﺗﻤﺸﻮ ﻣﻠﺢ ﻭﺗﺠﻮ ﻣﻠﺢ ﻭﺍﻧﺎ ﺩﻣﻮﻋﻲ ﺟﺮﺕ ﺍﻟﺴﻮﺍﻕ ﻗﺎﻝ ﻟﻪ ﺭﻛﺒﺎ ﻳﺎﺥ
ﻋﺎﻭﺯ ﺗﺨﻠﻴﻬﺎ ﺑﺮﺍﻫﺎ ﻛﺪﺍ ﻭﻓﻲ ﺍﻟﺰﻣﻦ ﺍﻟﻤﺘﺄﺧﺮ ﺩﺍ ﻋﺸﺎﻥ ٣٠ ﺟﻨﻴﻪ ﻭﺍﻟﻨﺎﺱ ﻛﻠﻬﺎ
ﺟﺎﻃﺖ ﻓﻴﻪ ﻭﺍﻱ ﻭﺍﺣﺪ ﻳﻘﻮﻝ ﺍﻧﺎ ﺑﺪﻓﻊ ﻟﻬﺎ ﺍﻫﺎ ﺭﻛﺒﻮﻧﻲ ﻭﻭﺻﻠﺖ ﻭﺍﻧﺎ ﻓﺎﻛﺮﻩ
ﺍﻟﻤﻮﺿﻮﻉ ﺳﺎﻫﻞ ﻭﺍﻟﻨﺎﺱ ﻛﻠﻬﺎ ﺣﺎﺗﺘﻌﺎﻃﻒ ﻣﻌﺎﻱ ﺭﻛﺒﺖ ﺍﻟﺤﺎﻓﻠﻪ ﺍﻟﺘﺎﻧﻴﻪ
ﻭﺍﻟﻜﻤﺴﺎﺭﻱ ﻃﻘﻄﻖ ﻟﻲ ﺍﺗﻠﻔﺖ
ﻳﺎ ﺑﺘﻨﺎ ﺍﺭﺡ ﺍﺩﻳﻨﺎ ﻗﻠﺖ ﻟﻪ ﻣﺎ ﻋﻨﺪﻱ ﻗﺮﻭﺵ ﺍﻧﺎ ﺍﺗﺴﺮﻗﺖ ﺍﺳﻲ ﻓﻲ ﺍﻟﻤﻮﻗﻒ
ﺗﻠﻔﻮﻧﻲ ﻭﺷﻨﻄﺘﻲ ﻭﺿﺮﺑﻮﻧﻲ ﻓﻲ ﻳﺪﻱ ﺷﻮﻑ ﻗﺎﻡ ﻳﺠﻮﻁ ﻭﻳﻘﻞ ﺍﺩﺑﻮ ﻋﻠﻲ
ﻭﺍﻟﺴﻮﺍﻕ ﻗﺎﻝ ﺩﻱ ﺍﻣﻮﺭ ﻓﺎﺭﻏﻪ ﻗﻠﺖ ﻟﻪ ﺍﻧﺖ ﻣﺎ ﺷﺎﻳﻒ ﺷﻜﻠﻲ؟ ﻫﺪﻱ ﻣﺒﺸﺘﻨﻪ
ﻭﻣﺠﺮﻭﺣﻪ ﻻ ﺷﻨﻄﻪ ﻻ ﺗﻠﻔﻮﻥ ﻓﻲ ﻃﺎﻟﺒﻪ ﺟﺎﻣﻌﻴﻪ ﺑﺘﺮﺟﻊ ﺍﻟﺒﻴﺖ ﻛﺪﺍ ﻟﻮ ﻣﺎ
ﺣﺼﻞ ﻟﻬﺎ ﻗﺪﺭ ؟ : ﺍﻟﻤﻘﺎﺩﻳﺮ ﻛﺘﻴﺮﻩ ﻭﻣﺎ ﻣﻌﺮﻭﻑ ﺟﺎﻳﻪ ﺑﻴﺎﺗﻮ ﻣﺼﻴﺒﻪ : ﻗﺼﺪﻙ
ﺷﻨﻮ ﺍﻧﺖ ﻳﻌﻨﻲ : ﻗﺼﺪﻱ ﻭﺍﺿﺢ ﻣﺎ ﻋﻨﺪﻙ ﺍﻧﺰﻟﻲ ﻧﺤﻦ ﺍﻟﺤﺮﻛﺎﺕ ﺩﻱ ﺑﻨﻌﺮﻓﺎ
ﻛﻮﻳﺲ ﻭﻻ ﺗﻘﻮﻟﻲ ﻟﻲ ﺑﻨﺖ ﺟﺎﻣﻌﻪ ﻭﻻ ﺯﻓﺖ ﺍﺻﻼ ﺍﻧﺘﻮ ﺍﺻﻞ ﺍﻟﺒﻼﺀ ﻓﻲ ﺍﻟﺒﻠﺪ
ﺩﻱ ﺍﻫﻠﻜﻢ ﺑﺲ ﻓﺎﻛﻨﻜﻢ ﻟﻴﻨﺎ ﻣﺮﺽ ﻓﻲ ﺍﻟﺸﻮﺍﺭﻉ : ﺍﺣﺘﺮﻡ ﻧﻔﺴﻚ ﻳﺎ ﻗﻠﻴﻞ ﺍﺩﺏ
ﻳﺎ ﻣﺎ ﻣﺤﺘﺮﻡ ﺍﻫﻠﻲ ﺍﺷﺮﻑ ﻣﻦ ﺍﻧﻮ ﻳﻨﺰﻛﺮﻭ ﻋﻠﻰ ﻟﺴﺎﻧﻚ ﺍﻟﻌﻜﺮﺍﻥ : ﻛﻤﺎﻥ
ﺑﺘﺘﻼﻣﻀﻲ ﻭﺗﻘﻠﻲ ﺍﺩﺑﻚ ﺍﻧﺰﻟﻲ ﻳﻼ ﺷﻮﻓﻲ ﻟﻚ ﺷﻐﻠﻪ ﻣﻠﺤﻲ ﺯﺍﺗﻮ ﺍﺻﻠﻜﻢ
ﺑﺘﺎﻋﻴﻦ ﻣﻠﺢ : ﺍﻟﻤﻠﺤﻪ ﺍﻟﺘﻌﺸﺮﻗﻚ ﻧﺎﺯﻟﻪ ﻣﻨﻬﺎ ﻋﺮﺑﻴﺔ ﺷﺎﻩ ﺭﻭﺧﺎﻥ ﺩﻱ : ﻃﻴﺮﻱ
ﻳﺎﺥ
ﻧﺰﻟﺖ ﻭﻛﻤﻠﺖ ﻣﺸﻲ ﺭﺟﻮﻟﻲ ﺩﻱ ﺍﺗﻮﺭﻣﺖ ﻋﺪﻳﻞ ﻋﻠﻰ ﺍﻟﺘﻌﺐ ﺍﻟﻌﻠﻲ ﻛﻞ ﻣﺎ
ﺍﺳﻤﻊ ﺻﻮﺕ ﻛﻠﺐ ﺍﺟﺮﻱ ﻟﺤﺪﻱ ﻡ ﻭﺻﻠﺖ ﺍﻟﺒﻴﺖ ﻭﻟﻘﻴﺘﻬﻢ ﻗﺎﻋﺪﻳﻦ ﻓﻲ
ﺍﻟﺘﻠﻔﺰﻳﻮﻥ ﻭﻻ ﻏﺮﺿﻬﻢ ﻧﺒﺮﺍﺱ ﻗﺎﻟﺖ ﻟﻬﻢ ﺷﺮﻓﺖ ﺍﻟﻬﺎﻧﻢ ﻫﺪﻱ ﺑﻌﺪ ﻛﻤﻠﺖ
ﺻﻴﺎﻋﺘﺎ ﻭﺍﻣﻲ ﺟﺎﺕ ﻟﻤﺖ ﻓﻴﻨﻲ ﻧﺒﺬ ﻗﻠﺖ ﻟﻬﺎ ﻟﻮ ﺑﻬﻤﻜﻢ ﻛﺎﻥ ﺍﺗﺼﻠﺘﻮ ﺷﻔﺘﻮﻧﻲ
ﻣﺎﻟﻲ : ﺷﺎﻓﻌﻪ ﺍﻧﺘﻲ ﻋﺸﺎﻥ ﻳﺘﺼﻠﻮ ﺑﻚ ﻛﻞ ﺩﻗﻴﻘﻪ؟؟ ﻭﻻ ﻣﺎ ﺑﺘﻌﺮﻓﻲ ﺩﺭﺏ
ﺍﻟﺒﻴﺖ ﻫﻢ ﻭﻻ ﻻﺣﻈﻮ ﻟﺸﻜﻠﻲ ﻣﻼﺑﺴﻲ ﺍﻟﻤﺒﻬﺪﻟﻪ ﺟﺮﺣﺘﻲ ﻋﺪﻡ ﻭﺟﻮﺩ ﺷﻨﻄﺘﻲ
ﻣﺸﻴﺖ ﺍﻟﻐﺮﻓﻪ ﺍﺑﻜﻲ ﻭﺯﻭﻝ ﺟﺎﺏ ﺧﺒﺮﻱ ﻣﺎﻑ ﺍﻟﻤﻮﺿﻮﻉ ﺧﻠﺺ ﻋﻨﺪﻫﻢ
ﺑﺘﺄﻧﻴﺒﻲ ﺍﺗﻤﻨﻴﺖ ﻳﻘﻮﻟﻮ ﻟﻲ ﺍﻷﺧﺮﻙ ﺷﻨﻮ ﻭﻻ ﺍﺗﺼﻠﻨﺎ ﻭﻟﻘﻴﻨﺎ ﺗﻠﻔﻮﻧﻚ ﻣﻘﻔﻮﻝ
ﻭﺍﻻﻛﻞ ﺩﺍ ﻫﻬﻬﻬﻬﻬﻬﻬﻬﻬﻬﻬﻬﻪ ﻭﺁﻟﻠﻪ ﻟﻮ ﺍﻗﻌﺪ ﺍﻟﻴﻮﻡ ﻛﻠﻮ ﻣﻦ ﻏﻴﺮ ﺍﻛﻞ ﻣﺎ ﺑﺴﺄﻟﻮ
ﻓﻴﻨﻲ ﻧﺤﻦ ﺑﻴﺘﻨﺎ ﺩﺍ ﺯﻭﻝ ﻳﺰﻋﻞ ﻭﻳﺤﺮﺩ ﺍﻻﻛﻞ ﺩﺍ ﻭﻻ ﺑﺸﺘﻐﻠﻮ ﺑﻪ ﻟﻮ ﻳﻤﻮﺕ
ﺑﺎﻟﺠﻮﻉ ﺍﻻ ﺍﻧﺎ ﺍﻟﺒﺤﻨﺲ ﻭﺍﺭﺍﺿﻲ ﻭﺍﺟﻴﺐ ﻟﻠﻮﺍﺣﺪ ﺍﻻﻛﻞ ﻟﺤﺪﻱ ﻋﻨﺪﻭ ﻓﻲ
ﺍﻟﻤﻘﺎﺑﻞ ﻣﺎﻓﻲ ﺯﻭﻝ ﺑﻌﻤﻞ ﻛﺪﺍ ﻣﻌﺎﻱ ﺭﻗﺪﺕ ﺑﺲ ﻣﻮﻳﻪ ﺩﻱ ﻣﺎ ﺷﺮﺑﺘﻬﺎ ﻭﺍﻟﺠﺮﺣﻪ
ﻭﺍﺟﻌﺎﻧﻲ ﻟﻤﻦ ﻋﺎﻣﻠﻪ ﻟﻲ ﺻﺪﺍﻉ ﻣﺜﺎﻧﻲ ﺑﺘﻨﻮﻡ ﻣﻌﺎﻱ ﻃﺒﻌﺎ ﺑﻌﺪ ﻣﺎ ﺧﻠﺼﺖ ﻓﻠﻤﺎ
ﺟﺎﺕ ﺍﻟﻐﺮﻓﻪ ﻭﺗﺴﺒﺖ ﺳﺎﻋﺘﻴﻦ ﺣﺘﻰ ﺍﺗﻠﻔﺘﺖ ﻭﺍﺗﺬﻛﺮﺕ ﺍﻧﻮ ﻓﻲ ﺣﻴﻮﺍﻥ ﺭﺍﻗﺪ
ﻣﻌﺎﺍﻫﺎ ﻭﺑﺒﻜﻲ ﻟﻤﻦ ﻧﻔﺴﻮ ﻣﻘﻄﻮﻉ ﻟﻤﻦ ﻣﺎ ﻗﺎﺩﺭ ﻳﻨﻮﻡ ﻫﻲ ﻋﺎﺭﻓﺎﻧﻲ ﺍﻧﺎ ﺍﻟﻜﻞ
ﻣﺮﻩ ﺑﺤﻨﺴﺎ ﻟﻤﻦ ﺗﺰﻋﻞ ﻭﺍﺣﻞ ﻟﻬﺎ ﻣﺸﺎﻛﻼ ﺟﺎﺕ ﻗﺎﻟﺖ ﻟﻲ ﺳﻤﺮ ﻣﺎ ﻋﺎﻭﺯﻩ
ﺗﺎﻛﻠﻲ ؟ ﻗﻠﺖ ﻟﻬﺎ ﺷﺒﻌﺎﻧﻪ ﻗﺎﻟﺖ ﻃﻴﺐ ﺍﺗﺄﺧﺮﺗﻲ ﻛﺪﺍ ﻣﺎﻟﻚ ﻗﻌﺪﺕ ﺍﺑﻜﻲ
ﺑﺴﻢ ﻟﻠﻪ ﻳﺎ ﺑﻨﺖ ﺍﻭﻋﺎ ﺗﻜﻮﻧﻲ ﻋﻤﻠﺘﻲ ﺣﺎﺟﻪ ﻏﻠﻂ ؟ ﺻﺮﻳﺖ ﻟﻬﺎ ﻗﺎﻟﺖ ﻟﻲ
ﺍﻏﺘﺼﺒﻮﻙ ﺻﺢ؟؟ : ﺍﻧﺘﻲ ﺣﻴﻮﺍﻧﻪ؟؟ ﻃﻴﺮﻱ ﻣﻦ ﻭﺷﻲ ؛ ﻃﻴﺐ ﻣﺎﻟﻚ ﻭﺍﻟﻠﻪ
ﺍﺑﻮﻱ ﻳﺴﻤﻌﻚ ﻭﻻ ﺍﻣﻲ ﺍﻻ ﻳﻘﻮﻟﻮ ﻋﻤﻠﺘﻲ ﺣﺎﺟﻪ ﻟﻮ ﺣﻠﻔﺘﻲ ﺑﻴﺪﻙ ﻭﻛﺮﺍﻋﻚ ﻣﺎ
ﺑﺼﺪﻗﻮﻙ ﺧﺎﺻﺔ ﻭﺍﻧﺘﻲ ﺭﺍﺟﻌﻪ ﻣﺘﺄﺧﺮﻩ ﻛﺪﺍ ﻭﺷﻜﻠﻚ ﻣﺎ ﻳﺎﻫﻮ : ﺳﺮﻗﻮ ﺗﻠﻔﻮﻧﻲ
ﺟﻨﺐ ﺍﻟﺠﺎﻣﻌﻪ ﻓﻲ ﺍﻟﻤﻮﻗﻒ ﺳﻜﻴﺖ ﺍﻟﺤﺮﺍﻣﻲ ﺩﺧﻞ ﺑﻲ ﺯﻗﺎﻕ ﻃﻠﻊ ﻟﻲ ﺳﻜﻴﻦ
ﺟﺮﺣﻨﻲ ﺑﻬﺎ ﻭﻫﺪﺩﻧﻲ ﻭﺷﺎﻝ ﺷﻨﻄﺘﻲ ﻭﻛﻤﺎﻥ ﻧﺎﺩﻯ ﺍﻟﺸﻤﺎﺳﻪ ﺍﻟﻤﻌﺎﻩ ﻭﻋﺎﻭﺯﻳﻦ
ﻳﻐﺘﺼﺒﻮﻧﻲ ﺍﻻ ﺟﺮﻳﺖ : ﻣﻦ ﺍﻻﻭﻝ ﻛﻨﺖ ﺷﺎﻣﻪ ﺭﻳﺤﺔ ﺍﻏﺘﺼﺎﺏ ﻓﻲ ﺍﻟﻤﻮﺿﻮﻉ
ﺻﺮﻳﺖ ﻟﻬﺎ ﻗﻌﺪﺕ ﺗﻀﺤﻚ ﺧﻼﺹ ﺍﺳﻒ ﺑﺲ ﻳﺎ ﺳﻤﺮ ﺍﻧﺘﻲ ﻏﻠﻄﺎﻧﻪ ﻓﻲ ﺯﻭﻝ
ﺑﺴﻚ ﻟﻪ ﺣﺮﺍﻣﻲ ﻣﻌﺮﻭﻑ ﺍﻟﺤﺮﺍﻣﻴﻪ ﺑﻘﻮ ﺻﻌﺒﻴﻦ ﻭﺑﻘﺘﻠﻮ ﺍﻟﺰﻭﻝ ﻓﻲ ﺣﻘﻮ ﻭﻟﻮ
ﺣﺘﻰ ﻛﻨﺘﻲ ﻗﺒﻀﺘﻴﻪ ﻭﺭﺟﻌﺘﻲ ﺗﻠﻔﻮﻧﻚ ﺣﺎﻳﺘﺮﺻﺪﻙ ﻳﻮﻣﻲ ﻟﺤﺪﻱ ﻣﺎ ﺗﻘﻌﻲ ﻓﻲ
ﻳﺪﻭ : ﻭﻳﻐﺘﺼﺒﻨﻲ ﺻﺢ ﺩﺍ ﺍﻟﻌﺎﻭﺯﻩ ﺗﺼﻠﻲ ﻟﻪ ﺍﻧﺘﻲ ﻣﺎ ﻋﻨﺪﻙ ﺳﻴﺮﻩ ﻏﻴﺮ
ﺍﻏﺘﺼﺎﺏ : ﺧﻼﺹ ﻳﻘﺘﻠﻚ ﻗﺒﻠﺖ ﻭﺷﻲ ﻣﻨﻬﺎ ﻗﺎﻟﺖ ﻭﺍﻟﻠﻪ ﺩﺍ ﻓﻴﻠﻢ ﺭﻫﻴﺐ ﻋﺪﻳﻞ
ﺟﺎﺭﻳﻪ ﺍﺭﻓﻊ ﺍﺳﺘﻮﺭﻱ ﻏﺎﻇﺘﻨﻲ ﺯﻳﺎﺩﻩ ﺣﺴﻦ ﺍﺧﻮﻱ ﻛﺎﻥ ﻭﺍﻗﻒ ﺟﻨﺐ ﺍﻟﺒﺎﺏ
ﺳﻤﻊ ﻛﻼﻣﻨﺎ ﻭﻣﺸﻰ ﻗﺎﻝ ﻻﻣﻲ ﺳﻤﺮ ﺩﻗﻮﻫﺎ ﻭﺳﺮﻗﻮ ﺗﻠﻔﻮﻧﺎ ﺍﻣﻲ ﺟﺎﺕ ﺗﻨﺒﺢ ﻣﺎ
ﺧﻠﺖ ﻟﻲ ﺷﻲ ﺍﻟﺤﻤﺎﺭﻩ ﺍﻟﻤﺎﺑﺘﻔﻬﻤﻲ ﻭﺍﺑﻮﻱ ﺟﺎﺀ ﻛﻠﻤﺘﻮ ﻗﺎﻡ ﻫﺎﺝ
ﺍﻧﺘﻲ ﻗﺎﻳﻠﻪ ﺍﻟﺘﻠﻔﻮﻥ ﺩﺍ ﺑﻠﻘﻮﻩ ﻓﻲ ﺍﻷﺭﺽ ؟؟ ﻟﻚ ﺍﻟﺤﻖ ﻋﺎﺩ ﻧﺤﻦ ﻧﺸﻘﻰ
ﻭﻧﺘﻌﺐ ﻭﻧﺠﻴﺐ ﻟﻜﻢ ﻋﺸﺎﻥ ﺗﻮﻗﻌﻮ ﻟﻠﺤﺮﺍﻣﻴﻪ ﻣﻊ ﺍﻧﻲ ﺍﻟﺘﻠﻔﻮﻥ ﺍﺧﺪﺗﻮ ﻣﻦ
ﻗﺮﻭﺷﻲ ﺍﻟﺒﻠﻤﻬﺎ ﻫﻮ ﺟﺎﺏ ﻟﻲ ﺑﺲ ﺗﻠﻔﻮﻥ ﺭﺑﻴﻜﺎ ﻣﻦ ﺩﺧﻠﺖ ﺍﻟﺠﺎﻣﻌﻪ ﻭﺍﻧﺎ ﺑﺤﺮﻡ
ﻧﻔﺴﻲ ﻣﻦ ﺣﺎﺟﺎﺕ ﻛﺘﻴﺮﻩ ﻋﺸﺎﻥ ﺍﻟﻢ ﺣﻖ ﺍﻟﺘﻠﻔﻮﻥ ﻳﺎﺥ ﺍﻧﺎ ﻣﺎﻓﻲ ﺯﻭﻝ ﻣﺎ
ﺷﺎﻛﻠﻨﻲ ﻭﻧﺒﺮﺍﺱ ﺗﺸﻴﻞ ﻭﺗﻤﻠﻰ ﻓﻴﻬﻢ ﻭﺗﺤﺮﺵ ﺍﻟﻠﻴﻞ ﺩﺍ ﻛﻠﻮ ﻋﺪﻳﺘﻮ ﺑﻜﺎﺀ ﻭﻣﺎ
ﻧﻤﺖ ﻃﺒﻌﺎ ﺍﻧﺎ ﻣﻦ ﺻﻐﻴﺮﻩ ﺑﺘﺠﻴﻨﻲ ﺧﻮﻓﻪ ﺑﻠﻴﻞ ﻭﻣﺎ ﺑﻌﺮﻑ ﺍﻧﻮﻡ ﺍﻻ ﻳﻜﻮﻥ
ﺍﻟﻨﻮﺭ ﻣﻮﻟﻊ ﻟﻤﻦ ﻛﺒﺮﺕ ﻃﺒﻌﺎ ﻣﺎ ﺑﻘﺪﺭ ﻻﻧﻮ ﻣﺎ ﺑﺮﺿﻮ ﻳﺨﻠﻮﻩ ﻟﻲ ﺑﻘﻴﺖ ﺍﺿﻮﻱ
ﺍﻱ ﺣﺎﺟﻪ ﻓﻼﺵ ﺗﻠﻔﻮﻥ ﺑﻜﺎﺭﻳﻪ ﺻﻐﻴﺮﻩ ﺍﻱ ﺿﻮ ﺑﺲ ﻭﻣﺎ ﺑﻌﺮﻑ ﺍﻧﻮﻡ ﺑﺮﺍﻱ
ﻧﻬﺎﺋﻲ ﻻﺯﻡ ﻳﻜﻮﻥ ﻣﻌﺎﻱ ﺯﻭﻝ ﺍﻧﺸﺎﺀﺍﻟﻠﻪ ﺑﻴﺒﻲ ﺍﺧﻮﺍﻧﻲ ﺍﻟﺼﻐﺎﺭ ﺩﻳﻞ ﻗﺒﻞ ﻳﻜﺒﺮﻭ
ﻛﻨﺖ ﺑﻨﻮﻣﻬﻢ ﻣﻌﺎﻱ ﻭﺟﻮﺩﻫﻢ ﺑﻄﻤﻨﻲ ﺷﻮﻳﻪ ﻳﻼ ﺍﻟﺴﺒﺐ ﺍﻧﻮ ﺍﻣﻲ ﻭﺍﺑﻮﻱ ﻛﺎﻧﻮ
ﺑﺮﻗﺪﻭﻧﺎ ﺑﺮﺍﻧﺎ ﻣﻦ ﻛﻨﺎ ﺻﻐﺎﺭ ﺷﺪﻳﺪ ﻳﻌﻨﻲ ﻋﻤﺮ ٣ ﻭ٤ ﻭﻳﻄﻔﻮ ﺍﻟﻨﻮﺭ ﻭﻧﺤﻦ ﻛﻨﺎ
ﻟﺴﻪ ﺑﻨﺨﺎﻑ ﻣﺎﻓﻲ ﻭﺍﺣﺪ ﻓﻴﻨﺎ ﻛﺒﻴﺮ ﻛﻠﻨﺎ ﺻﻐﺎﺭ ﺷﺪﻳﺪ ﻃﺒﻌﺎ ﻣﺎ ﺻﺢ ﻧﻨﻮﻡ
ﻣﻌﺎﻫﻢ ﻓﻲ ﺍﻟﻐﺮﻓﻪ ﺑﺲ ﻋﻠﻰ ﺍﻻﻗﻞ ﻓﻲ ﺍﻟﻌﻤﺮ ﺩﺍ ﻭﻧﺤﻦ ﺑﻨﺨﺎﻑ ﻳﻌﻨﻲ ﻣﻤﻜﻦ
ﻳﺨﻮﻧﺎ ﻧﻨﻮﻡ ﻭﻫﻢ ﻳﻄﻠﻌﻮ ﺑﻌﺪﺍﻙ ﻭﻻ ﻳﺘﺼﺮﻓﻮ ﺍﻧﺎ ﻭﺍﻟﻠﻪ ﺍﻣﻲ ﺩﻱ ﻣﻦ ﻓﻄﻤﺘﻨﻲ
ﺑﻘﺖ ﺗﻨﻮﻣﻨﻲ ﻣﻊ ﻧﺒﺮﺍﺱ ﺑﺮﺍﻧﺎ ﻓﻲ ﻏﺮﻓﻪ ﺿﻴﻘﻪ ﺟﻨﺐ ﺍﻟﻤﻄﺒﺦ ﻭﺑﻌﻴﺪﻩ ﺷﺪﻳﺪ
ﻣﻨﻬﻢ ﻭﺍﻧﺎ ﺍﺑﻜﻲ ﻭﺍﺻﺮﺥ ﺍﻣﻲ ﺗﻨﻬﺮﻧﻲ ﻭﺍﻻ ﺍﺣﻀﻦ ﻧﺒﺮﺍﺱ ﺣﺘﻰ ﺍﻧﻮﻡ ﻭﻫﻲ
ﺑﺮﺿﻮ ﺑﺘﻜﻮﻥ ﺧﺎﻳﻔﻪ ﺯﻳﻲ ﻻﻧﻮ ﺑﺮﺿﻮ ﺻﻐﻴﺮﻩ ﺑﻨﻨﻮﻡ ﻓﻲ ﺳﺮﻳﺮ ﻭﺍﺣﺪ ﻳﻼ ﺑﻌﺪ
ﻛﺒﺮﺕ ﺑﻘﺖ ﺗﻘﻮﻝ ﺍﻧﺎ ﺑﺮﻓﺲ ﻭﺑﻀﺎﻳﻘﺎ ﻭﺑﻘﻴﺖ ﺍﻧﻮﻡ ﺑﺮﺍﻱ ﻓﻲ ﺳﺮﻳﺮ ﻭﺍﺣﺪ ﺍﻟﻠﻴﻞ
ﻛﻠﻮ ﺍﺑﻜﻲ ﻭﺍﻗﻠﻖ ﺍﻻ ﻳﻔﺘﺤﻮ ﻟﻲ ﺍﻟﻨﻮﺭ ﻟﻠﺼﺒﺎﺡ
ﺣﻜﺎﻳﺔ ﺍﻧﻮ ﺍﻻﻡ ﻭﺍﻻﺏ ﻳﻘﻌﺪﻭ ﻣﻊ ﺍﻭﻻﺩﻫﻢ ﻓﻲ ﻧﻔﺲ ﺍﻟﻐﺮﻓﻪ ﺩﺍ ﻏﻠﻂ ﻣﻌﺮﻭﻑ
ﻭﺍﻛﺒﺮ ﻏﻠﻂ ﻛﻤﺎﻥ ﻭﺧﻄﺮ ﻋﻠﻰ ﺍﻟﻄﻔﻞ ﺑﺲ ﻛﻤﺎﻥ ﺍﻧﻮ ﻳﻨﻮﻡ ﺑﺮﺍﻩ ﻓﻲ ﺳﻦ
ﺻﻐﻴﺮﻩ ﺩﻱ ﻣﺎ ﺑﺘﺠﻲ ﺍﻻ ﻓﻲ ﺣﺎﻟﺔ ﻳﻜﻮﻥ ﻣﻌﺎﻩ ﺯﻭﻝ ﻛﺒﻴﺮ ﻭﻣﺘﻌﻠﻖ ﺑﻪ ﺍﻻﻫﻞ
ﻫﻢ ﺍﻟﻴﺘﺼﺮﻓﻮ ﻭﻳﺘﺤﻜﻤﻮ ﻓﻲ ﺍﻟﺸﻲ ﺩﺍ ﻣﺎ ﻋﻠﻰ ﺣﺴﺎﺏ ﺍﻻﻭﻻﺩ ﻫﻢ ﻳﺎﺧﺪﻭ
ﺭﺍﺣﺘﻢ ﺍﻟﻠﻴﻞ ﺩﺍ ﻣﺎ ﻣﻌﺮﻭﻑ ﻭﻣﻤﻜﻦ ﺍﻱ ﺷﻲ ﻳﺤﺼﻞ ﺍﻟﻤﻬﻢ ﺍﻧﺎ ﺷﺨﺼﻴﺘﻲ
ﺍﺗﺤﻮﺭﺕ ﻟﻠﺴﺒﺐ ﺩﺍ ﻭﺍﻟﻴﻮﻡ ﺩﺍﻙ ﻏﻠﺒﻨﻲ ﺍﻟﻨﻮﻡ ﻭﺧﻔﺖ ﻻﻧﻮ ﻣﺎ ﻣﻌﺎﻱ ﺗﻠﻔﻮﻥ
ﺍﺿﻮﻱ ﺑﻪ ﻭﻣﺜﺎﻧﻲ ﻣﺴﺘﺤﻴﻞ ﺗﺪﻳﻨﻲ ﺗﻠﻔﻮﻧﺎ ﻭﻟﻮ ﻗﻠﺖ ﺍﻭﻟﻊ ﺍﻟﻨﻮﺭ ﺑﺘﻘﻮﻝ ﻣﺎ
ﺑﺘﻘﺪﺭ ﺗﻨﻮﻡ ﻭﺍﻣﻲ ﻭﺍﺑﻮﻱ ﻣﺎ ﻋﺎﺭﻓﻴﻦ ﺍﺻﻼ ﺍﻧﻲ ﺑﺨﺎﻑ ﺍﻧﻮﻡ ﻓﻲ ﺍﻟﻈﻼﻡ ﻗﻠﺖ
ﺍﻣﺸﻲ ﺍﺭﻗﺪ ﺟﻨﺒﻬﺎ ﺑﺲ ﺑﺮﺿﻮ ﻣﺎ ﻇﺎﺑﻄﻪ ﻓﻀﻠﺖ ﻗﺎﻋﺪﻩ ﻓﻲ ﺍﻟﺴﺮﻳﺮ ﻭﺧﺎﻳﻔﻪ
ﻟﻠﺼﺒﺎﺡ ﻃﺒﻌﺎ ﺍﺑﻮﻱ ﻣﺎ ﺑﻘﻮﻡ ﺍﺫﺍﻥ ﺍﻟﺼﺒﺢ ﻋﺸﺎﻥ ﻛﺪﺍ ﻣﺎﻓﻴﻨﺎ ﺯﻭﻝ ﻳﺘﻌﻮﺩ
ﻳﺼﺤﻰ ﺍﻟﺼﺒﺢ ﺍﻧﺎ ﺳﺎﻫﺮﺕ ﻟﻤﻦ ﺍﻻﺫﺍﻥ ﺍﺫﻥ ﻗﻤﺖ ﻭﻟﻌﺖ ﺍﻟﻨﻮﺭ ﻣﺸﻴﺖ
ﺍﺳﺘﺤﻤﻴﺖ ﻭﺻﻠﻴﺖ ﻭﻣﺜﺎﻧﻲ ﻓﻲ ﺳﺎﺑﻊ ﻧﻮﻣﻪ ﻣﺎ ﺟﺎﻳﺒﻪ ﺧﺒﺮ ﺍﻧﺎ ﺻﻠﻴﺖ
ﻭﻗﻌﺪﺕ ﺍﻗﺮﺍ ﻗﺮﺃﻥ ﻭﺣﺎﺳﻪ ﺑﺼﺪﺍﻉ ﺷﺪﻳﺪ ﻭﺍﻟﻢ ﺍﻟﺠﺮﺣﻪ ﺍﻟﻤﺎ ﻋﻤﻠﺖ ﻟﻬﺎ ﺣﺘﻰ
ﻣﻠﺢ ﺟﺎﺗﻨﻲ ﻏﻔﻮﺓ ﻧﻤﺖ ﺻﺤﻴﺖ ﺑﺤﻤﻰ ﻭﻣﺎ ﻛﺎﻥ ﻓﻲ ﺯﻭﻝ ﺍﻟﻤﺸﻰ ﺟﺎﻣﻌﺘﻮ
ﻭﺍﻟﻤﺸﻰ ﻣﺪﺭﺳﺘﻮ ﻭﺍﻣﻲ ﺗﺸﺎﻛﻞ ﺳﺎﺍﺍﻱ ﻋﺸﺎﻥ ﺍﻧﺎ ﻣﺎ ﻗﻤﺖ ﻋﻤﻠﺖ ﺍﻟﺸﺎﻱ
ﻭﺟﻬﺰﺕ ﺍﻻﻭﻻﺩ ﻟﻠﻤﺪﺭﺳﻪ ﻭﻓﻄﻮﺭﻫﻢ ﻃﺒﻌﺎ ﻫﻲ ﻣﻦ ﻛﺒﺮﻧﺎ ﺑﻄﻠﺖ ﺍﻟﺤﺎﺟﺎﺕ ﺩﻱ
ﻋﺸﺎﻥ ﻛﺪﺍ ﺑﻘﻰ ﻟﻬﺎ ﺻﻌﺐ ﺗﻀﺮﺏ ﻓﻲ ﺍﻟﺤﺎﺟﺎﺕ ﺳﺎﻱ ﻛﺸﻮ ﻛﺸﻮ ﺟﺎﺕ ﺿﺮﺑﺖ
ﻟﻲ ﺑﺎﺏ ﺍﻟﻐﺮﻓﻪ ﻃﺎﺍﺍﺍﺍﺥ ﻟﻤﻦ ﻗﻠﺒﻲ ﺭﺟﻒ
ﻗﻮﻣﻲ ﺗﻘﻮﻡ ﻗﻴﺎﻣﺘﻚ ﺍﻟﻨﺎﻳﻤﻪ ﻟﻬﺎ ﺷﻨﻮ ﻭﺍﻟﺒﻴﺖ ﻭﺳﺨﺎﻥ ﻭﻗﺮﻓﺎﻥ ﺍﺻﻼ ﻏﻴﺮ
ﺍﻟﻨﻮﻡ ﻣﺎ ﺑﺘﻌﺮﻓﻮ ﻟﺸﻲ ﺑﺲ ﻭﺍﻟﺪﻩ ﻟﻲ ﺑﻨﺎﺕ ﺑﺎﻻﺳﻢ ﻣﺎ ﻧﺎﻓﻌﺎﺕ ﺑﺸﻲ ﻃﺒﻌﺎ ﻟﻤﻦ
ﺗﺠﻲ ﻟﻠﺸﻜﻞ ﺑﺘﺠﻤﻌﻨﻲ ﻣﻌﺎﻫﻢ ﻣﻊ ﺍﻧﻲ ﺑﺸﺘﻐﻞ ﻫﻲ ﻗﺎﻟﺖ ﻛﻼﻣﺎ ﺩﺍ ﻭﺍﻧﺎ ﺭﺍﺳﻲ
ﻣﺎ ﻗﺎﺩﺭﻩ ﺍﺭﻓﻌﻮ ﻫﻲ ﻣﺎ ﻫﻤﺎﻫﺎ ﺍﻣﺸﻲ ﺍﻟﺠﺎﻣﻌﻪ ﻭﻻﻻ ﺑﺲ ﺍﻗﻮﻡ ﺍﺷﺘﻐﻞ ﻟﻬﺎ
ﻛﻨﺖ ﺣﺎﺳﻪ ﺑﺤﻤﻰ ﺷﺪﻳﺪﻩ ﻭﺻﺪﺍﻉ ﻋﺎﻭﺯ ﻳﻜﺴﺮ ﺭﺍﺳﻲ ﻗﻌﺪﺕ ﺍﺑﻜﻲ ﺟﺎﺗﻨﻲ
ﺭﻓﻌﺖ ﻣﻨﻲ ﺍﻟﻤﻼﻳﻪ ﻟﻘﺘﻨﻲ ﻣﻜﺮﻓﺴﻪ ﻓﻲ ﻧﺺ ﺍﻟﺴﺮﻳﺮ ﻭﺑﺮﺟﻒ
ﻣﺎﻟﻚ ﻳﺎ ﺑﻨﺖ ﻓﻲ ﺷﻨﻮ ﻭﺍﻧﺎ ﺍﺑﻜﻲ ﺍﻧﻄﻘﻲ ﻳﺎ ﺑﻨﺖ ﻣﺎﻟﻚ ﻗﻠﺖ ﻟﻬﺎ ﻣﺼﺪﻋﻪ
ﻟﻤﺴﺖ ﺟﺒﻬﺘﻲ ﺣﺘﻰ ﺟﺎﺑﺖ ﻟﻲ ﺷﺎﻱ ﻭﻋﻴﺸﻪ ﻣﺎ ﻫﺒﺸﺘﻬﻢ ﻭﻫﻲ ﻣﺎ ﺣﻨﺴﺘﻨﻲ
ﺑﺲ ﺑﺘﻘﻮﻝ ﻟﻲ ﻗﻮﻣﻲ ﺍﻓﻄﺮﻱ ﻭﺍﺑﻠﻌﻲ ﻟﻚ ﺑﻨﺪﻭﻝ ﻟﻤﻦ ﺷﺎﻓﺘﻨﻲ ﻟﻠﻀﻬﺮ ﻣﺎ ﻗﻤﺖ
ﻭﻣﺎ ﺟﻴﺖ ﺍﻓﻄﺮ ﻗﺎﻣﺖ ﺗﺸﺎﻛﻞ ﻓﻴﻨﻲ ﺷﺎﻓﻌﻪ ﺍﻧﺘﻲ ﻋﺸﺎﻥ ﺗﺮﻗﺪﻱ ﻛﺪﺍ ﺑﺪﻭﻥ
ﺍﻛﻞ ﻭﺷﺮﺍﺏ ؟؟ ﻭﻻ ﻋﺎﻭﺯﻩ ﻳﺄﻛﻠﻮﻙ ﻓﻲ ﺧﺸﻤﻚ ﺩﺍ ﻋﻤﻠﺖ ﻟﻲ ﻋﺼﻴﺮ ﺑﺮﺿﻮ ﻣﺎ
ﺷﺮﺑﺘﻮ ﻃﺒﻌﺎ ﻧﺤﻦ ﺍﻟﻌﺼﻴﺮ ﻓﻲ ﺑﻴﺘﻨﺎ ﺑﻌﻤﻠﻮ ﻟﻠﻀﻴﻒ ﻭﺍﻟﺰﻭﻝ ﺍﻟﻌﻴﺎﻥ ﺑﺲ ﻓﻠﻤﺎ
ﻳﻌﻤﻠﻮ ﻟﻚ ﻭﻣﺎ ﺗﺸﺮﺑﻮ ﺑﺘﻐﻴﻈﻬﻢ ﺷﺪﻳﺪ
ﺍﻭﻋﻚ ﺗﺒﻜﻲ ﻟﻲ ﺑﺘﻌﺮﻓﻲ ﺩﺭﺏ ﺍﻟﻤﺴﺘﺸﻔﻰ ﻛﻮﻳﺲ ﻭﺑﺒﻄﺎﻗﺘﻚ ﺍﻣﺸﻲ ﺍﻓﺤﺼﻲ
ﻛﻞ ﻣﺎ ﺗﻜﺒﺮﻭ ﺗﻘﻠﻮ ﺍﺩﺑﻜﻢ ﺯﻳﺎﺩﻩ ﻭﺗﺪﻟﻌﻮ ﻧﺸﻔﺘﻮﻧﻲ ﻓﻲ ﺍﻟﺪﻧﻴﺎ ﺩﻱ ﻭﻗﻄﻌﺘﻮ
ﻗﻠﺒﻲ ﺍﺧﻮﺍﻧﻲ ﺍﻟﺼﻐﺎﺭ ﺟﻮ ﻭﺟﻮﻃﻪ ﻭﺻﺮﻳﺦ ﻫﻲ ﺯﻋﻼﻧﻪ ﻋﺸﺎﻥ ﺷﻐﻞ ﺍﻟﺒﻴﺖ
ﻭﺍﻟﺠﻮﻃﻪ ﺑﻘﻰ ﻟﻬﺎ ﺣﺎﺭ ﻭﺍﻧﺎ ﻛﻨﺖ ﺑﻨﻀﻒ ﻭﺍﻏﺴﻞ ﺍﻟﻌﺪﻩ ﺣﺘﻰ ﺍﻣﺸﻴﺎﻟﺠﺎﻣﻌﻪ
ﺍﺟﻲ ﺍﻃﺒﺦ ﻭﺍﻏﺴﻞ ﻋﺪﺓ ﺍﻟﻔﻄﻮﺭ ﻭﺍﻗﺮﻱ ﺍﻟﺸﻔﻊ ﺍﺍﺍﺥ ﺍﻧﺎ ﻃﺒﻌﺎ ﻣﺜﺎﻧﻲ ﺍﺗﺄﺧﺮﺕ
ﻗﻠﺖ ﻻﻣﻲ ﺍﺗﺼﻠﻲ ﺷﻮﻓﻴﻬﺎ :: ﻫﻲ ﻛﻤﺎﻥ ﺑﻘﺖ ﻟﻜﻢ ﻣﻮﺿﻪ ﻛﻞ ﻳﻮﻡ ﻭﺍﺣﺪﻩ ﺍﻟﻠﻪ
ﻳﺠﺎﺯﻳﻜﻦ ﻧﺸﻔﺘﻨﻲ ﻭﻛﺸﻔﺘﻦ ﺣﺎﻟﻲ ﺩﻱ ﻃﺒﻌﺎ ﺣﺒﻴﺒﺔ ﻗﻠﺒﺎ ﻗﻠﻘﺖ ﻋﻠﻴﻬﺎ ﻃﻮﺍﻟﻲ
ﻭﺍﺗﺼﻠﺖ ﺑﺼﺤﺒﺘﺎ ﺑﺮﺿﻮ ﻋﺸﺎﻥ ﺗﺘﺄﻛﺪ ﺍﻧﻬﺎ ﻣﻌﺎﻫﺎ ﻭﻓﻲ ﺍﻟﺠﺎﻣﻌﻪ ﻭﺍﺗﺼﻠﺖ ﺏ
ﺍﺑﻮﻱ ﺑﺮﺿﻮ ﻗﺎﻟﺖ ﻟﻪ ﺳﻤﺮ ﻋﻴﺎﻧﻪ ﻗﺎﻡ ﻳﻨﻘﻨﻖ ﻗﺎﻝ ﻟﻬﺎ ﺟﻴﺒﻲ ﻟﻬﺎ ﺣﺒﻮﺏ ﻣﻼﺭﻳﺎ
ﻭﺑﻘﻮ ﻳﺘﻨﺎﻗﺸﻮ ﺗﺴﻤﻌﻮ ﻭﻳﺴﻤﻌﺎ ﻃﺒﻌﺎ ﺑﺘﺰﻋﻞ ﻣﻨﻮ ﻋﺸﺎﻥ ﻣﺎ ﺑﻌﺮﻑ ﻳﻮﺩﻱ ﺯﻭﻝ
ﻋﻴﺎﻥ ﺍﻟﻤﺴﺘﺸﻔﻰ ﻧﻬﺎﺋﻲ ﺍﻻ ﻳﻘﺮﺏ ﻳﻤﻮﺕ ﺟﺎﺀ ﺍﻟﺒﻴﺖ ﻳﻄﻨﻄﻦ ﻣﻦ ﺍﻟﺒﺎﺏ
ﻛﻞ ﻳﻮﻡ ﺯﻭﻝ ﻋﻴﺎﻥ ﻫﻮ ﺑﺲ ﻗﺮﻭﺵ ﻗﺮﻭﺵ ﻛﺮﻫﺘﻮﻧﺎ ﺍﻟﺰﻭﻝ ﻳﺸﻘﻰ ﻭﻳﺘﻌﺐ
ﻋﺸﺎﻥ ﻳﻠﻢ ﻗﺮﻭﺵ ﻳﻀﻴﻌﻬﺎ ﻓﻲ ﺍﻟﺪﻛﺎﺗﺮﻩ ﻭﺍﻟﺼﻴﺪﻟﻴﺎﺕ : ﻳﻌﻨﻲ ﺍﻟﻨﺎﺱ ﻣﺎ ﺗﻤﺮﺽ
ﻋﺸﺎﻥ ﺣﻀﺮﺗﻚ ﻣﺎ ﺗﻄﻠﻌﻘﺮﻭﺵ ﻭﻫﻮ ﺯﻋﻼﻥ ﺯﻋﻞ ﻋﺸﺎﻥ ﻗﺮﻭﺵ ﺍﻟﻤﻮﺍﺻﻼﺕ
ﻭﺍﻟﺪﻭﺍﺀ ﺍﻟﺤﺎﻳﺸﺘﺮﻳﻪ ﺑﺮﺑﻊ ﺍﻟﻘﻴﻤﻪ ﺟﺎﺀ ﺷﺎﻓﻨﻲ ﺍﺩﺍﻧﻲ ﺑﻨﺪﻭﻝ ﺑﺲ ﻭﻣﺸﻰ ﻧﻤﺖ
ﻭﺻﺤﻴﺖ ﺗﻌﺒﺎﻧﻪ ﺍﻛﺘﺮ ﻟﻘﻴﺖ ﺍﻣﻲ ﻋﺎﻣﻠﻪ ﻟﻲ ﺑﻴﺖ ﻋﻨﻜﺒﻮﺕ ﻓﻲ ﺍﻟﺠﺮﺣﻪ
ﻭﺭﺍﺑﻄﺎﻫﺎ ﺑﺲ ﻭﺟﻌﺎ ﻣﺎ ﺯﺍﻝ ﻭﻗﺎﻋﺪﻩ ﺑﺪﻭﻥ ﺍﻛﻞ ﻭﺟﺴﻤﻲ ﻫﺎﺑﻂ ﻭﺍﻧﺎ ﺍﺻﻼ ﻓﻲ
ﺍﻟﻤﺮﺽ ﻃﺒﻌﻲ ﻛﻌﺐ ﻭﺑﺰﻫﺠﻨﻲ ﺑﺲ ﺑﺮﻗﺪ ﻭﺑﺒﻜﻲ ﻟﺤﺪﻱ ﺗﺎﻧﻲ ﻳﻮﻡ ﻣﺎ ﻗﻤﺖ
ﺍﻣﻲ ﺷﺎﻛﻠﺖ ﺍﺑﻮﻱ ﻗﺎﻡ ﺍﺩﺍﻧﻲ ﻗﺮﻭﺵ ﻭﺑﻘﻰ ﻳﺸﺎﻛﻞ ﻗﻮﻣﻲ ﺍﻣﺸﻲ ﻳﻼ ﺭﺍﺟﻴﻪ
ﺷﻨﻮ ﺑﻌﺪ ﺍﺩﻳﻨﺎﻙ ﺍﻟﻘﺮﻭﺵ ﻭﻻ ﺷﺎﻓﻌﻪ ﻳﺸﻴﻠﻮﻙ؟؟ ﻭﺍﻣﻲ ﻧﻔﺲ ﺍﻟﺸﻲ ﻗﻠﺖ ﻟﻬﺎ
ﺍﻣﺸﻲ ﻣﻌﺎﻱ ﺍﺑﺖ ﻗﺎﻟﻚ ﻟﻲ ﻣﺎﻟﻚ ﺻﻐﻴﺮﻩ ﻳﺴﻮﻗﻮﻙ ﻭﻣﺜﺎﻧﻲ ﻭﻧﺒﺮﺍﺱ ﺍﻱ
ﻭﺍﺣﺪﻩ ﻣﺎ ﺭﺍﺿﻴﻪ ﺗﻤﺸﻲ ﻣﻌﺎﻱ ﻭﺍﻣﻲ ﺗﺨﺶ ﻭﺗﻤﺮﻕ ﺗﺸﺎﻛﻠﻨﻲ ﻋﺸﺎﻥ ﻣﺎ
ﻣﺸﻴﺖ ﻗﻠﺖ ﻟﻨﺒﺮﺍﺱ ﻛﻮﻳﺲ ﺑﺘﺤﺘﺎﺟﻮ ﻟﻲ ﻛﻠﻜﻢ ﻟﻤﻦ ﺗﻤﺮﺿﻮ ﺍﻟﻘﺎﻋﺪ ﻳﻤﺸﻲ
ﻣﻌﺎﻛﻢ ﺍﻟﻤﺴﺘﺸﻔﻰ ﻏﻴﺮﻱ ﻣﻨﻮ ﺑﺲ ﺗﺎﻧﻲ ﻣﺎﻓﻲ ﻟﻜﻢ ﺍﻣﻲ ﻗﺎﻟﺖ ﻟﻤﺜﺎﻧﻲ ﻗﺪﻣﻴﻬﺎ
ﺍﺑﺖ ﺍﺿﻄﺮﻳﺖ ﺍﻣﺸﻲ ﺑﺮﺍﻱ ﻭﺍﻟﻤﺴﺘﺸﻔﻰ ﺩﻱ ﻣﻮﺿﻮﻉ ﺗﺎﻧﻲ ﺍﻛﺒﺮ ﻟﻮ ﺍﻟﺰﻭﻝ
ﻣﺸﻰ ﻟﻬﺎ ﺯﻳﺎﺭﻩ ﺳﺎﻱ ﻳﻤﺮﺽ ﻳﺎﺥ ﺍﻧﺎ ﺭﻭﺣﻲ ﻣﺮﻗﺖ ﻭﺑﺨﺎﻑ ﻣﻦ ﺍﻟﺤﻘﻦ
ﺍﻟﻤﻤﺮﺿﻪ ﻟﻤﻦ ﻧﻬﺮﺗﻨﻲ ﻗﻴﻠﺖ ﻓﻲ ﺍﻟﻤﺴﺘﺸﻔﻰ ﺩﻱ ﻣﺎ ﺑﻴﻦ ﺻﻔﻮﻑ ﻣﻘﺎﺑﻠﺔ
ﺍﻟﺪﻛﺘﻮﺭ ﻭﺍﻟﻔﺤﺺ ﻭﺍﻧﺘﻈﺎﺭ ﺍﻟﻨﺘﻴﺠﻪ ﺗﻠﻔﻮﻥ ﻣﺎ ﻋﻨﺪﻱ ﻃﺒﻌﺎ ﺭﻛﺒﻮ ﻟﻲ ﺩﺭﺏ
ﻭﺍﻟﻠﻪ ﺍﻻ ﻟﻘﻴﺖ ﺑﻨﺖ ﻇﺮﻳﻔﻪ ﻭﻗﻔﺖ ﻣﻌﺎﻱ ﻭﺟﺎﺑﺖ ﻟﻲ ﺍﻟﻨﺘﻴﺠﻪ ﻃﻠﻌﺖ ﻟﻲ
ﻣﻼﺭﻳﺎ ﺭﺟﻌﺖ ﺍﻟﺒﻴﺖ ﻣﻨﺘﻬﻴﻪ ﻋﺪﻳﻞ ﻭﻣﺸﻴﺖ ﻏﺮﻓﺘﻲ ﻭﺳﺎﻣﻌﻪ ﺻﻮﺕ ﻧﺎﺱ
ﻓﻲ ﺍﻟﺼﺎﻟﻮﻥ ﻭﻓﻲ ﻋﺮﺑﻴﻪ ﻭﺍﻗﻔﻪ ﺑﺮﺍ ﻣﺎ ﺍﺷﺘﻐﻠﺖ ﺑﻬﻢ ﻛﺘﻴﺮ ﺟﺎﺕ ﻧﺒﺮﺍﺱ ﻗﺎﻟﺖ
ﻟﻲ ﻣﺎ ﺣﺎﺗﻤﺸﻲ ﺗﺴﻠﻤﻲ ﻋﻠﻰ ﺍﺻﺤﺎﺑﻚ ؟ : ﻣﻨﻮ؟ : ﺍﺻﺤﺎﺑﻚ ﺍﻟﻔﻲ ﺍﻟﺠﺎﻣﻌﻪ
ﺟﻮ ﺑﺪﻛﺘﻮﺭﻙ ﻋﺎﺩ ﻟﻜﻦ ﻃﻠﻌﺘﻲ ﻣﺎ ﻫﻴﻨﻪ ﻣﺸﻴﺖ ﻟﻬﻢ ﻭﻋﻴﻮﻧﻲ ﻭﺍﻗﻌﻪ ﺍﻟﺸﻠﻪ
ﻛﻠﻬﺎ ﺟﺎﺕ ﻣﻊ ﻓﺮﺡ ﻭﻫﺎﻟﻪ ﺑﻌﺮﺑﻴﺔ ﺧﺎﻟﻬﻢ ﻭﺍﻧﺎ ﻛﻌﺒﻪ ﺷﺪﻳﺪ ﺣﺴﻴﺖ ﺑﻬﻢ ﺍﺷﻔﻘﻮ
ﻋﻠﻲ ﻋﺪﻳﻞ ﻭﻟﻤﻦ ﺣﻜﻴﺖ ﻟﻬﻢ ﺑﻤﻮﺿﻮﻉ ﺍﻟﺴﺮﻗﻪ ﻭﻣﺮﺿﻲ ﺍﺗﺄﺛﺮﻭ ﺷﺪﻳﺪ ﻫﺎﻟﻪ
ﻟﻤﻦ ﺑﻜﺖ ﻓﺮﺡ ﺯﻋﻞ ﻭﻗﺎﻝ ﻟﻲ ﻣﻦ ﺍﻻﻭﻝ ﻗﻠﺖ ﻟﻚ ﺗﻌﺎﻟﻲ ﻣﻌﺎﻧﺎ ﺑﺲ ﻋﻨﻴﺪﻩ ﻭﻣﺎ
ﺑﺘﺴﻤﻌﻲ ﺍﻟﻜﻼﻡ ﺩﻛﺘﻮﺭ ﺍﻟﻬﺎﺩﻱ ﺩﺍﺧﻞ ﻛﺎﻥ ﻣﻨﺘﻈﺮﻫﻢ ﺑﺮﺍ ﺍﺑﻮﻱ ﺩﺧﻠﻮ ﺳﻠﻢ ﻋﻠﻲ
ﻭﻛﻔﺮ ﻟﻲ ﻗﺎﻝ ﻟﻬﻢ ﻧﻤﺸﻲ ﺑﻌﺪ ﺩﺍ ﺍﺻﻼ ﻋﻴﺎﺩﺓ ﺍﻟﻤﺮﻳﺾ ﻻﺯﻡ ﺗﻜﻮﻥ ﺧﻔﻴﻔﻪ
ﻭﻋﺎﺩ ﺟﺎﺑﻮ ﻟﻲ ﺟﻨﺲ ﺷﻲ ﺍﻟﻔﻮﺍﻛﻪ ﺩﻱ ﺑﺄﻧﻮﺍﻋﺎ ﻭﺍﻟﺴﻜﺮ ﻭﻋﺼﻴﺮ ﻭﺣﻠﻮﻳﺎﺕ
ﻓﺮﺡ ﺍﺗﺼﻞ ﺑﻲ ﺑﻌﺪ ﻣﺸﻮ
ﺟﺒﺖ ﻟﻚ ﻋﻠﺒﺔ ﻧﻮﺗﻴﻼ ﻋﺸﺎﻥ ﻋﺮﻓﻚ ﺑﺘﺤﺒﻴﻬﺎ ﺑﺲ ﻧﺴﻴﺘﺎ ﻓﻲ ﺍﻟﻌﺮﺑﻴﻪ ﺟﻴﺖ
ﺭﺍﺟﻊ ﺑﺘﻘﺪﺭﻱ ﺗﺠﻲ ﺍﻟﺒﺎﺏ ﺗﺎﺧﺪﻳﻬﺎ ﻣﺸﻴﺖ ﺍﻧﺎ ﻭﻣﺜﺎﻧﻲ ﻟﻘﻴﻨﺎﻩ ﺑﺮﺍ ﻭﻣﻠﻬﻮﻑ
ﻋﻠﻲ ﺷﺪﻳﺪ ﻭﺍﻧﺎ ﻗﺮﺑﺖ ﺍﺑﻜﻲ ﺍﺩﺍﻧﻲ ﻟﻬﺎ ﻭﻣﺸﻰ ﻭﻣﺜﺎﻧﻲ ﺗﺘﻬﺎﺑﻞ
ﻭﺍﻟﻠﻪ ﺍﻟﻮﻟﺪ ﺩﺍ ﺷﻜﻠﻮ ﺑﺤﺒﻚ : ﻳﺎﺧﻲ؟ : ﻭﺍﺿﺤﻪ ﻣﻦ ﻧﻈﺮﺍﺗﻮ ﻭﻛﻼﻣﻮ ﻭﺷﻮﻓﻲ
ﺟﺎﻙ ﺭﺍﺟﻊ ﻭﺟﺎﺏ ﻟﻚ ﻧﻮﺗﻴﻼ ﻭﺷﻮﻓﻲ ﺩﻣﻮﻋﻚ ﺍﻧﺘﻲ ﺯﺍﺗﻚ ﺑﺘﺤﺒﻴﻪ : ﺣﺒﻪ
ﺗﺨﻨﻘﻚ ﺩﺍ ﻣﺠﺮﺩ ﺍﻫﺘﻤﺎﻡ ﻳﺎ ﺟﺎﻫﻠﻪ ﻭﺍﻟﺤﺎﺟﺎﺕ ﺩﻱ ﻛﺒﻴﺮﻩ ﻋﻠﻴﻜﻢ ﺍﻧﺘﻮ ﻡ
ﺑﺘﻌﺮﻓﻮﻫﺎ ﻓﻲ ﺍﻟﻮﺍﻗﻊ ﺍﻟﻨﺎﺱ ﻋﺎﻳﺸﻴﻦ ﻛﺪﺍ ﺩﻱ ﺍﻟﺤﻴﺎﺓ ﺍﻟﺼﺢ ﺍﻣﺎ ﻧﺤﻦ ﻣﺎ
ﻋﺎﻳﺸﻴﻦ ﺍﺻﻼ
ﺑﻌﺪ ﺍﺗﺤﺴﻨﺖ ﺭﺟﻌﺖ ﺍﻟﺠﺎﻣﻌﻪ ﻋﺎﺩﻱ ﻣﺎﻓﻲ ﺍﻱ ﺗﻘﺪﻡ ﺍﻭ ﺗﻐﻴﻴﺮ ﻓﻲ ﺣﻴﺎﺗﻲ
ﺳﻤﻌﺖ ﻧﺒﺮﺍﺱ ﻭﻣﺜﺎﻧﻲ ﺑﺘﻜﻠﻤﻮ ﺑﺎﻟﺘﻠﻔﻮﻥ ﻭﻳﻀﺤﻜﻮ ﻣﺎ ﻋﺎﺭﻓﻪ ﻣﻊ ﻣﻨﻮ ﺩﺧﻠﺖ
ﻗﻠﺖ ﻟﻬﻢ ﺧﻴﺮ
ﺗﻌﺎﻟﻲ ﻳﺎ ﺳﻤﺮ ﺷﻮﻓﻲ ﻭﺭﻭﻧﻲ ﺻﻮﺭﺓ ﻭﻟﺪ ﻣﺎﺷﺎﺀﺍﻟﻠﻪ ﻃﻮﻳﻞ ﻛﺪﺍ ﻭﺍﺧﺪﺭﺍﻧﻲ
ﻗﻠﺖ ﻟﻬﻢ ﺩﺍ ﻣﻨﻮ ﻣﺜﺎﻧﻲ ﻗﺎﻟﺖ ﺩﺍ ﻋﺮﻳﺲ ﻳﺎﺍﺧﺘﻲ ﺍﺗﻘﺪﻡ ﻟﻨﺒﺮﺍﺱ : ﻃﻴﺐ
ﺑﺘﻀﺤﻜﻮ ﻟﻴﻪ ؟ : ﻋﺎﻳﻨﻲ ﺍﺿﻨﻴﻪ ﻃﻮﺍﻝ ﻛﻴﻒ ﻭﺷﻠﻴﻖ ﺷﻼﻗﻪ ﻳﺨﺠﻞ ﻭﺍﻟﻠﻪ ﺩﺍ
ﺗﻌﺮﺳﻮ ﺗﻨﺪﻡ : ﺑﺎﻟﺠﺪ ؟؟ ﻧﺒﺮﺍﺱ ﻗﺎﻟﺖ ﻟﻲ ﺍﻱ ﻭﺍﻟﻠﻪ ﻭﻋﺒﻴﻂ ﻛﻤﺎﻥ ﻗﻠﺖ ﻟﻪ ﻣﺎ
ﻣﻮﺍﻓﻘﻪ ﻗﺎﻡ ﻣﺸﻰ ﻛﻠﻢ ﺍﺑﻮﻱ ﻗﺎﻳﻞ ﺭﻭﺣﻮ ﺑﻀﻐﻂ ﻋﻠﻲ ﻛﺪﺍ ﺿﺤﻜﻨﺎ ﻓﻴﻪ ﻛﺪﺍ
ﻗﺪﺭﺗﻨﺎ ﺑﻠﻴﻞ ﺍﻣﻲ ﻧﺎﺩﺗﻨﻲ
ﺧﻴﺮ : ﺟﺎﻙ ﻋﺮﻳﺲ ﺍﻧﺎ ﺍﺗﺒﻜﻤﺖ ﻗﺎﻟﺖ ﻟﻲ ﻋﺎﻣﺮ ﻭﺩ ﺻﺎﺣﺐ ﺍﺑﻮﻙ ﺷﺎﻓﻜﻢ٣ﻓﻲ
ﻋﺮﺱ ﺍﺧﺘﻮ ﻭﻗﺎﻝ ﻋﺎﻭﺯ ﻭﺍﺣﺪﻩ ﻓﻴﻜﻢ ﻭﻧﺤﻦ ﺍﺧﺘﺮﻧﺎﻙ ﺍﻧﺘﻲ
ﻭﻳﺎﺩﺍﺏ ﺍﺗﺬﻛﺮﺕ ﺍﻧﻮ ﻳﺎﻫﻮ ﻧﻔﺴﻮ ﺳﻴﺪ ﺍﻟﺼﻮﺭﻩ ﺍﻟﻀﺤﻜﻨﺎ ﻋﻠﻴﻪ ﻭﺑﺘﺬﻛﺮ ﻓﻲ
ﻋﺮﺱ ﺍﺧﺘﻮ ﻛﺎﻥ ﺑﺤﺎﻭﻝ ﻳﺤﻨﻚ ﻧﺒﺮﺍﺱ ﻗﻠﺖ ﻻﻣﻲ ﻫﻮ ﻗﺎﻝ ﻋﺎﻭﺯ ﻧﺒﺮﺍﺱ ﻣﺎ
ﺍﻧﺎ : ﻣﺎ ﺑﺘﻔﺮﻕ ﻓﻲ ﺷﻲ : ﻻ ﺑﺘﻔﺮﻕ ﻓﻲ ﺍﻧﻮ ﻧﺒﺮﺍﺱ ﺭﻓﻀﺘﻮ ﺍﻗﺒﻠﻮ ﺍﻧﺎ ؟ ﻏﻴﺮ
ﻛﺪﺍ ﺍﻧﺘﻮ ﻣﺎﺍﻟﻤﻔﺮﻭﺽ ﺗﺪﻭﻩ ﺧﻴﺎﺭﺍﺕ : ﻳﺎ ﺑﻨﺖ ﻳﺎ ﻏﺒﻴﻪ ﺍﻟﻨﺎﺱ ﺩﻳﻞ ﻛﻠﻬﻢ ﺑﻌﻤﻠﻮ
ﻛﺪﺍ ﻟﻮ ﺍﺗﻘﺪﻡ ﻟﻬﻢ ﻋﺮﻳﺲ ﻟﻮ ﺍﻟﻄﻠﺒﺎ ﻣﺎ ﻣﻨﺎﺳﺒﻪ ﺑﺪﻭﻩ ﺍﻟﺘﺎﻧﻴﻪ : ﻭﻧﺒﺮﺍﺱ ﻣﺎﻻ
ﻋﺰﺭﺍ ﺷﻨﻮ : ﻗﺎﻟﺖ ﻋﻨﺪﻫﺎ ﻭﺍﺣﺪ ﻋﺎﻳﻨﺖ ﻟﻬﺎ ﺣﺪﺭﺕ ﻟﻲ ﻗﻠﺖ ﻟﻬﺎ ﻭﻟﻴﻪ ﻣﺎ
ﻣﺜﺎﻧﻲ : ﻣﺜﺎﻧﻲ ﺻﻐﻴﺮﻩ ﺍﻻﻧﺴﺐ ﺍﻧﺘﻲ : ﺑﺲ ﺍﻧﺎ ﻣﺎ ﻣﻮﺍﻓﻘﻪ ﺑﻘﺖ ﺗﺸﺎﻛﻞ ﻓﻴﻨﻲ
ﻭﻻ ﺍﺷﺘﻐﻠﺖ ﺑﻬﺎ ﻭﻣﺜﺎﻧﻲ ﻭﻧﺒﺮﺍﺱ ﺍﻟﺤﺴﻮﺩﺍﺕ ﺭﺍﻳﻬﻢ ﺍﺗﻐﻴﺮ ١٨٠ ﺩﺭﺟﻪ ﻭﺑﻘﻮ
ﻳﺸﻜﺮﻭ ﻓﻴﻪ ﻋﻨﺪﻭ ﻭﻋﻨﺪﻭ ﻭﺳﻤﺢ ﻋﺎﻭﺯﺍﺕ ﺍﻧﻲ ﺍﻭﺍﻓﻖ ﻭﺍﻧﺎ ﻣﺼﺮﻩ ﺑﺲ ﻻ ﻟﻤﻦ
ﺍﻣﻲ ﻛﺮﻫﺘﻨﻲ ﺍﻟﺒﻴﺖ ﻣﺎﺷﻪ ﻭﺟﺎﻳﻪ ﻓﻲ ﺳﻴﺮﺗﻮ ﻗﺮﺑﺖ ﺍﻃﻔﺶ ﻣﻨﻬﻢ
ﻗﺎﻳﻠﻪ ﺭﻭﺣﻚ ﺻﻐﻴﺮﻩ ﺍﻟﻘﺪﺭﻙ ﻋﺮﺳﻦ ﻛﻤﺎﻥ ﻗﺎﻝ ﻣﺎ ﻣﻮﺍﻓﻘﻪ : ﻳﺎ ﺍﻣﻲ ﻧﺒﺮﺍﺱ ﺩﻱ
ﻣﺎ ﺭﻓﻀﺘﻮ ﻟﻴﻪ ﻣﺎ ﻗﻠﺘﻮ ﻟﻴﻬﺎ ﺷﻲ ﻭﻛﻞ ﺍﻟﻌﺮﺳﺎﻥ ﺍﻟﺒﺠﻮﻫﺎ ﺑﺘﺮﻓﻀﻬﻢ : ﺍﻧﺘﻲ ﺯﻱ
ﻧﺒﺮﺍﺱ ﻧﺒﺮﺍﺱ ﺩﻱ ﻣﺎ ﻋﻠﻴﻬﺎ ﺧﻮﻑ ﺑﺘﻠﻘﻰ ﺍﻟﻌﺮﻳﺲ ﺍﻟﻤﻨﺎﺳﺐ ﺍﻟﻜﻼﻡ ﺍﻧﺘﻲ
ﻧﺒﺮﺍﺱ ﻗﺎﻟﺖ ﻟﻬﺎ ﻛﻠﻤﻲ ﻟﻬﺎ ﺍﺑﻮﻱ ﺑﺲ ﺍﻭﻋﺎ ﺗﺨﻠﻮﻫﺎ ﺗﻀﻴﻊ ﺍﻟﻌﺮﻳﺲ ﺩﺍ ﺍﻧﺎ ﻃﺒﻌﺎ
ﻣﺎ ﻗﺎﻋﺪﻳﻦ ﻳﺠﻮﻧﻲ ﻋﺮﺳﺎﻥ ﺯﻱ ﻧﺒﺮﺍﺱ ﻭﻣﺜﺎﻧﻲ ﻻﻧﻲ ﻣﺎ ﺣﻠﻮﺓ ﺯﻳﻬﻢ ﻭﻣﺎ ﺑﻬﺘﻢ
ﺑﻨﻔﺴﻲ ﺍﻣﻲ ﻗﺎﻟﺖ ﻟﻲ ﻭﺍﻟﻠﻪ ﺍﺣﺴﻦ ﻟﻚ ﺗﺤﺘﺮﻣﻲ ﻧﻔﺴﻚ ﺍﺑﻮﻙ ﻟﻮ ﻗﺎﻡ ﻋﻠﻴﻚ ﻣﺎ
ﺑﺮﻳﺤﻚ ﺧﺎﺻﺔ ﺍﻧﺘﻲ ﻣﺎﺣﺼﻞ ﺯﻭﻝ ﺩﻗﺎ ﺑﺎﺑﻚ ﺍﻻ ﺗﺒﻮﺭﻱ : ؛ ﺧﻠﻴﻨﻲ ﺍﺑﻮﺭ
ﺍﻧﺸﺎﺀﺍﻟﻠﻪ ﻋﻤﺮ ﻣﺎ ﺍﻋﺮﺱ
ﺍﻧﺎ ﺍﻟﺪﻧﻴﺎ ﺩﻱ ﺿﺎﻗﺖ ﺑﻲ ﻭﻣﺴﺨﺖ ﺷﺪﻳﺪ ﻭﺑﻜﻴﺖ ﺑﻜﺎﺀ ﺑﺴﺒﺐ ﺍﻟﻜﻼﻡ
ﻭﺍﻟﻤﻮﻗﻒ ﺍﻟﺠﺎﺭﺣﻪ ﺩﻱ ﻫﻢ ﻟﻴﻪ ﻳﻌﻨﻲ ﺑﻌﻤﻠﻮ ﻣﻌﺎﻱ ﻛﺪﺍ ﻋﺎﻭﺯﻳﻦ ﻳﺘﺨﻠﺼﻮ ﻣﻨﻲ
ﺑﺲ ﺣﺘﻰ ﻟﻮ ﺣﺎﻳﺮﻣﻮﻧﻲ ﻟﻠﺠﺤﻴﻢ ﻭﻣﺎ ﺑﺮﺍﻋﻮ ﻟﻤﺸﺎﻋﺮﻱ ﻧﻬﺎﺋﻲ ﻣﺎﻓﻲ ﺯﻭﻝ ﺍﺗﻘﺪﻡ
ﻟﻚ ﺍﻣﻲ ﻗﺎﻟﺘﺎ ﻟﻲ ﺑﻜﻞ ﺑﺴﺎﻃﻪ ﻭﻣﺎ ﻋﺎﺭﻓﻪ ﺍﻧﻬﺎ ﻏﺮﺳﺖ ﺑﻬﺎ ﺳﻜﻴﻦ ﻓﻲ ﻗﻠﺒﻲ
ﺩﺍﻳﻤﺎ ﻣﺤﺴﺴﻨﻲ ﺍﻧﻲ ﺍﻗﻞ ﻣﻦ ﺍﺧﻮﺍﻧﻲ ﻭﻣﺎﺑﺸﺒﻬﻬﻢ ﻭﻣﺎ ﻣﺴﺘﻮﺍﻫﻢ ﻭﻻ ﻋﻤﺮﻱ
ﺣﺎﺍﻛﻮﻥ ﺯﻳﻬﻢ ﻋﺎﻭﺯﻳﻦ ﻟﻨﺒﺮﺍﺱ ﻭﻣﺜﺎﻧﻲ ﺍﻟﻌﺮﻳﺲ ﺍﻟﺴﻤﺢ ﻭﺍﻟﻐﻨﻲ ﺍﻟﻘﺎﺭﻱ ﺍﻣﺎ ﺍﻧﺎ
ﺑﺲ ﺭﺍﺟﻞ ﻫﻮ ﺷﻨﻮ ﻣﺎ ﻣﻬﻢ ﻭﺭﺃﻳﻲ ﻣﻠﻐﻲ ﺧﺎﻟﺺ ﻻﻧﻲ ﻣﺎ ﺣﻠﻮﻩ ﺯﻱ ﺍﺧﻮﺍﺗﻲ
ﻣﺎ ﻣﻦ ﺣﻘﻲ ﺍﺧﺘﺎﺭ ﻛﺄﻧﻲ ﺣﺎﺍﻋﻴﺶ ﻳﻮﻡ ﻭﻻ ﻳﻮﻣﻴﻦ ﺍﺑﻮﻱ ﺟﺎﺀ ﻭﻧﺎﺩﺍﻧﻲ
يتبــــــــــــــــــــــــــــــــــــــــــــع.