رواية ما بين الصباح والمساء الفصل الثالث 3 بقلم مشاعر مبعثره
ﺍﺑﻮﻱ ﻧﺎﺩﺍﻧﻲ ﻭﺍﺗﻜﻠﻢ ﻣﻌﺎﻱ ﻓﻲ ﻧﻔﺲ ﺍﻟﻤﻮﺿﻮﻉ ﻭﺍﻧﺎ ﻃﺒﻌﺎ ﺑﺨﺎﻑ ﻣﻨﻮ ﻣﺎ
ﻗﺪﺭﺕ ﺍﻗﻮﻝ ﺷﻲ ﺍﻧﺎ ﺷﻮﻳﻪ ﺷﻮﻳﻪ ﺑﺪﻳﺖ ﺍﻗﻨﻊ ﻧﻔﺴﻲ ﺑﻪ ﻭﻫﻮ ﺑﺼﺮﺍﺣﻪ ﻣﺎ
ﻓﻴﻪ ﻋﻴﺐ ﺍﺻﻼ ﺍﺣﺴﻦ ﻟﻲ ﺍﺭﺗﺎﺡ ﻣﻦ ﻋﻴﺸﺔ ﺑﻴﺘﻨﺎ ﺍﻟﻤﺮﺽ ﺩﻱ ﻭﻫﻢ ﻳﺸﻜﺮﻭ
ﻟﻲ ﻓﻴﻪ ﺳﺎﺍﺍﺍﻱ ﺍﺗﺠﺎﻭﺯﺕ ﻛﻼﻡ ﻗﻠﺒﻲ ﺍﻟﺮﺍﻓﺾ ﻷﺧﺮ ﻟﺤﻈﻪ ﻭﺑﻘﻮﻝ ﻟﻲ ﻣﺎ
ﺗﻌﻤﻠﻲ ﻓﻲ ﻧﻔﺴﻚ ﻛﺪﺍ ﻣﺎﻓﻲ ﺣﺎﺟﻪ ﺑﺘﺴﺘﺎﻫﻞ ﺍﻟﻐﺮﻳﺒﻪ ﺍﻧﻮ ﺍﻧﺎ ﺑﻌﺪ ﻭﺍﻓﻘﺖ ﻣﺎ
ﺷﺎﻳﻔﻪ ﺍﻧﻮ ﻋﻤﻞ ﺷﻲ ﻭﻻ ﺣﺘﻰ ﺍﺗﺼﻞ ﺑﻲ ﺍﺻﻼ ﻣﺎ ﺷﺎﻝ ﺭﻗﻤﻲ ﺍﺑﻮﻱ ﻗﺎﻝ ﻟﻲ
ﻫﻮ ﺟﺎﻱ ﻳﺸﻮﻓﻚ ﻭﻋﺎﺍﺍﺍﺩ ﺗﻮﺗﺮ ﺷﺪﻳﺪ ﻳﺎﺭﺑﻲ ﺣﺎﻳﺤﺼﻞ ﺷﻨﻮ ﻭﻫﻮ ﺷﻜﻠﻮ ﻛﻴﻒ
ﺍﻧﺎ ﻣﺎ ﺣﺼﻞ ﺷﻔﺘﻮ ﻋﺪﻳﻞ ﻭﻻ ﺍﺗﻜﻠﻤﺖ ﻣﻌﺎﻩ ﺟﺎﺀ ﻣﻊ ﺻﺎﺣﺒﻮ ﻧﻈﺎﻡ ﻋﺎﻭﺯﻳﻦ
ﻳﺴﻠﻤﻮ ﺑﺲ ﻻﻧﻮ ﻣﺎﻓﻲ ﺧﻄﻮﻁ ﻭﺍﺿﺤﻪ ﻟﺴﻪ ﻛﻨﺎ ﻗﺎﻋﺪﻳﻦ ﺍﻧﺎ ﻭﻣﺜﺎﻧﻲ ﻭﻧﺒﺮﺍﺱ
ﻭﻫﻮ ﻗﺼﺎﺩﻧﺎ ﻋﺎﻳﻦ ﻟﻲ ﻣﺮﻩ ﻭﺍﺣﺪﻩ ﺟﻮﺍ ﻋﻴﻮﻧﻲ ﻫﻮ ﺍﻟﺼﺮﺍﺣﻪ ﻣﺎ ﺷﻴﻦ ﺷﺪﻳﺪ
ﻋﺸﺎﻥ ﻛﺪﺍ ﺣﻤﺪﺕ ﺭﺑﻲ ﺍﻧﻲ ﻭﺍﻓﻘﺖ ﻋﺪﺕ ﻓﺘﺮﻩ ﻭﻣﺎﻓﻲ ﺯﻭﻝ ﺍﺗﻜﻠﻢ ﻓﻲ
ﺍﻟﻤﻮﺿﻮﻉ ﻭﻫﻮ ﻻ ﺍﺗﺼﻞ ﺑﻲ ﻻ ﺟﺎﺏ ﺧﺒﺮﻱ ﻭﺍﻧﺎ ﻃﺒﻌﺎ ﻣﺎ ﺑﻘﺪﺭ ﺍﺳﺄﻟﻮ ﻭﻫﻢ
ﻣﻦ ﻛﺎﻥ ﻋﺎﻣﻠﻴﻦ ﺍﻟﻤﻮﺿﻮﻉ ﺣﺪﻳﺚ ﺍﻟﺼﺒﺎﺡ ﻭﺍﻟﻤﺴﺎﺀ ﺑﻘﻮ ﻣﺎ ﺑﺠﻴﺒﻮ ﺳﻴﺮﺗﻮ ﻭﺍﻧﺎ
ﻋﺎﻭﺯﻩ ﺍﻋﺮﻑ ﺍﻟﺤﺎﺻﻞ ﺷﻨﻮ ﻋﺸﺎﻥ ﺍﻭﺭﻱ ﺍﺻﺤﺎﺑﻲ
ﻳﻮﻡ ﻛﻨﺖ ﻓﻲ ﺍﻟﺠﺎﻣﻌﻪ ﺟﺎﻧﻲ ﺍﺗﺼﺎﻝ ﻣﻦ ﺭﻗﻢ ﻏﺮﻳﺐ ﺭﺩﻳﺖ ﺑﺒﺮﻭﺩ ﻗﺎﻝ ﻟﻲ
ﻣﻌﺎﻙ ﻋﺎﻣﺮ ﻋﺮﻓﺘﻮ ﻃﻮﺍﻟﻲ ﻟﺴﺎﻧﻲ ﺍﺗﺮﺑﻂ ﻗﺎﻝ ﻟﻲ ﺑﺘﻘﺮﻱ ﻭﻳﻦ ﻋﺎﻭﺯ ﺍﻻﻗﻴﻚ
ﻗﺮﺑﺖ ﺍﻣﻮﺕ ﻭﺻﻔﺖ ﻟﻪ ﺍﻟﻤﺠﻤﻊ ﻭﻛﻠﻤﺖ ﻧﻬﻰ ﻛﺎﻧﺖ ﻣﻌﺎﻱ ﺑﻌﺪ ﻣﺎ ﺷﺎﻛﻠﺘﻨﻲ
ﻭﺷﺮﺷﺤﺘﻨﻲ ﻋﺸﺎﻥ ﻣﺎ ﻭﺭﻳﺘﺎ ﻗﺎﻟﺖ ﻭﺍﺍﺍﻱ ﻳﺎ ﺳﻤﺮ ﻣﺎﺷﻪ ﺗﻼﻗﻴﻪ ﻛﺪﺍ؟؟ : ﺍﻧﺎ
ﻣﺎﻟﻲ ﺍﺳﻲ : ﺗﻌﺎﻟﻲ ﺗﻌﺎﻟﻲ ﺩﺧﻠﺘﻨﻲ ﺍﻻﺳﺘﺮﺍﺣﻪ ﻭﻫﻲ ﺍﺻﻼ ﺑﺘﻤﻜﻴﺞ ﺣﻠﻮ ﻛﻨﺎ
ﺍﻻﺗﻨﻴﻦ ﻻﺑﺴﻴﻦ ﺍﺳﻜﻴﺮﺗﺎﺕ ﺳﻮﺩ ﺑﺪﻟﺘﻨﻲ ﺑﺎﻟﻘﻤﻴﺺ ﻋﺸﺎﻥ ﺣﻘﻬﺎ ﺣﻠﻮ ﻭﻋﻤﻠﺖ
ﻟﻲ ﺣﺘﺔ ﺭﻭﺝ ﻭﺑﺪﺭﻩ ﻭﻣﺎﺳﻜﺮﺍ ﺍﺗﻮﺟﻬﺖ ﺷﻮﻳﻪ ﻛﺪﺍ ﺍﺗﺼﻞ ﺑﻲ ﻃﻠﻌﺖ ﻟﻪ ﻗﻌﺪﻧﺎ
ﻓﻲ ﺍﻟﻜﺎﻓﺘﺮﻳﺎ ﺣﺴﻴﺖ ﺑﻪ ﻋﺎﻭﺯ ﻳﻘﻮﻝ ﺣﺎﺟﻪ ﻭﻣﺘﺮﺩﺩ
ﺳﻤﺮ ﺍﻧﺘﻲ ﻣﻐﺼﻮﺑﻪ ﻋﻠﻰ ﺍﻟﺰﻭﺍﺝ ﺩﺍ ﺻﺢ؟ : ﻻ : ﺣﺎﺳﻲ ﺍﻧﻚ ﻣﺎ ﻣﻮﺍﻓﻘﻪ
ﺳﻜﺘﺖ ﻭﻫﺰﻳﺖ ﺭﺍﺳﻲ ﻭﻫﻮ ﺑﺮﺿﻮ ﺳﻜﺖ ﺗﺎﻧﻲ ﻗﺎﻝ ﻟﻲ ﻋﺎﻳﻨﻲ ﻳﺎ ﺳﻤﺮ ﺍﻧﺘﻲ
ﻳﺪﺍﺏ ﺑﺪﻳﺘﻲ ﺟﺎﻣﻌﻪ ﻭﻟﺴﻪ ﻋﻠﻴﻚ ﻭﺍﻧﺎ ﺍﺻﻼ ﻛﻨﺖ ﻧﺎﻭﻱ ﺍﺗﺰﻭﺟﻚ ﻭﺍﺳﻮﻗﻚ
ﻣﻌﺎﻱ ﻃﻮﺍﻟﻲ ﺑﺲ ﻟﺴﻪ ﻗﺪﺍﻣﻚ ﺳﻨﺘﻴﻦ ﺗﻘﺮﻳﺒﺎ ﻣﺎ ﻋﺮﻓﺖ ﺍﻗﻮﻝ ﻟﻪ ﺷﻨﻮ ﻗﺎﻝ
ﻟﻲ ﺍﻧﺎ ﻣﻦ ﺍﻻﻭﻝ ﺍﺧﺘﺮﺕ ﻧﺒﺮﺍﺱ ﻋﺸﺎﻥ ﻫﻲ ﺧﺮﻳﺠﻪ ﻭﺧﻼﺹ
ﻫﻮ ﺑﻘﻰ ﻳﻘﻮﻝ ﻛﻼﻡ ﻣﺎ ﻣﻔﻬﻮﻡ ﻭﺍﻧﺎ ﺳﺎﻛﺘﻪ ﻣﺎ ﻋﺎﺭﻓﻪ ﺍﻗﻮﻝ ﻟﻪ ﺷﻨﻮ ﺑﺲ ﺑﻌﺎﻳﻦ
ﻟﻪ ﺷﺮﺏ ﻣﻮﻳﻪ ﻭﻗﺶ ﺟﺒﻬﺘﻮ ﻗﺎﻝ ﻟﻲ ﺧﻠﻴﻨﺎ ﻧﺄﺟﻞ ﺍﻟﻤﻮﺿﻮﻉ ﺩﺍ ﺷﻮﻳﻪ ﻳﻌﻨﻲ
ﻭﺭﻱ ﺍﻫﻠﻚ ﺗﻤﺎﻡ؟؟ ﻫﺰﻳﺖ ﺭﺍﺳﻲ ﻭﻫﻮ ﻃﻮﺍﻟﻲ ﻗﺎﻡ ﺍﺳﺘﺄﺫﻥ ﻭﻣﺸﻲ ﺍﻧﺎ ﺗﻠﻘﺎﺋﻴﺎ
ﻓﻬﻤﺖ ﺍﻧﻮ ﻣﺎ ﻣﻮﺍﻓﻖ ﻋﻠﻲ ﻭﻣﺎ ﻋﺎﺭﻑ ﻳﻘﻮﻻ ﻟﻲ ﻭﻳﺤﺮﺟﻨﻲ ﻋﺎﻭﺯﻧﻲ ﺍﻧﺎ
ﺍﻷﺭﻓﻀﻮ ﻟﻤﻦ ﺭﺟﻌﺖ ﺍﻟﺒﻴﺖ ﺳﻤﻌﺖ ﺍﻣﻲ ﺑﺘﺘﻜﻠﻢ ﺑﺎﻟﺘﻠﻔﻮﻥ ﻣﻊ ﺧﺎﻟﻲ
ﺍﻱ ﻭﺍﻟﻠﻪ ﻫﻮ ﻗﺎﻝ ﺑﺲ ﻋﺎﻭﺯ ﻧﺒﺮﺍﺱ ﻭﻣﺪﺍﻡ ﻫﻲ ﺭﻓﻀﺖ ﺧﻼﺹ ﻻﻻ ﺍﻟﻘﺎﻝ ﻟﻚ
ﻣﻨﻮ ﻭﻫﻮ ﻣﻨﻮ ﻋﺸﺎﻥ ﻳﺮﻓﺾ ﺳﻤﺮ ﺑﻨﺘﻲ ﻫﻲ ﺍﺻﻼ ﻣﺎ ﻋﻨﺪﻫﺎ ﻋﻠﻢ ﺑﺎﻟﻤﻮﺿﻮﻉ
ﺑﻌﺪ ﻗﻔﻠﺖ ﻗﻌﺪﻭ ﻫﻲ ﻭﻣﺜﺎﻧﻲ ﻳﺘﻮﺳﻮﺳﻮ ﻣﺜﺎﻧﻲ ﻗﺎﻟﺖ ﻫﻮ ﺍﺻﻼ ﺷﻴﻦ ﻭﻣﺎ
ﻋﻨﺪﻭ ﻃﺒﻊ ﻭﺍﻫﻠﻮ ﻛﻌﺒﻴﻦ ﻋﺎﻭﺯﻳﻦ ﺑﻪ ﺷﻨﻮ ﻟﻤﻦ ﺑﺪﻟﻊ ﻛﻤﺎﻥ : ﺍﻱ ﻭﺍﻟﻠﻪ ﻋﻮﺍﻟﻴﻖ
ﺑﺲ ﺍﻭﻋﺎ ﺍﺧﺘﻚ ﺗﻌﺮﻑ ﺑﺘﺰﻋﻞ ﻭﺍﻟﻠﻪ ﻫﻲ ﺯﺍﺗﺎ ﻣﺎ ﻋﻨﺪﺍ ﺣﻆ ﻧﻬﺎﺋﻲ ﺍﻧﺎ ﺧﺎﻳﻔﺎﻫﺎ
ﺗﺒﻮﺭ ﻭﻣﺎ ﺗﻠﻘﻰ ﺯﻭﻝ ﻳﻌﺮﺳﺎ ﺟﻴﺖ ﺩﺍﺧﻠﻪ ﻭﻋﻴﻮﻧﻲ ﻛﻠﻬﺎ ﺩﻣﻮﻉ ﺑﺲ ﻣﺴﻜﺘﺎ
ﻭﻋﻤﻠﺖ ﻧﻔﺴﻲ ﻣﺎ ﺳﻤﻌﺘﻬﻢ ﺩﺧﻠﺖ ﺍﻟﻐﺮﻓﻪ ﺷﺒﻌﺖ ﺑﻜﺎﺀ ﺍﻧﺎ ﻋﺸﺖ ﺣﺎﻟﻪ ﻧﻔﺴﻴﻪ
ﺻﻌﺒﻪ ﺧﻼﺹ ﻭﻗﺮﺑﺖ ﺍﻛﺘﺌﺐ ﻓﻲ ﺍﻟﻔﺘﺮﻩ ﺩﻱ ﻋﺎﻳﺸﻪ ﺣﺰﻧﻲ ﺑﺮﺍﻱ ﻭﻗﺪﺍﻣﻬﻢ
ﺑﻌﻤﻞ ﻧﻔﺴﻲ ﻣﺎ ﻓﺎﺭﻗﻪ ﻣﻌﺎﻱ ﻭﻫﻢ ﺷﻮﻳﻪ ﺷﻮﻳﻪ ﺑﻘﻮ ﻳﺘﻜﻠﻤﻮ ﻓﻲ ﺍﻟﻤﻮﺿﻮﻉ
ﻋﺎﺩﻱ ﻗﺪﺍﻣﻲ ﻭﻳﻨﺒﺰﻭ ﻋﺎﻣﺮ ﻏﺎﻳﺘﻮ ﻛﺎﻧﺖ ﺍﻳﺎﻡ ﺍﻋﻮﺫ ﺑﺎﻟﻠﻪ ﻣﻨﻬﺎ ﺳﻮﺩﺍﺀ ﻋﺪﻳﻞ
ﻭﻣﺎ ﻋﺎﺭﻓﻪ ﻋﺪﺕ ﻛﻴﻒ ﻟﻤﻦ ﻣﺮﺿﺖ ﻋﺪﻳﻞ ﻳﻌﻨﻲ ﺍﺻﻌﺐ ﺣﺎﺟﻪ ﺍﻧﻮ ﺍﻟﻨﺎﺱ ﻣﺎ
ﺗﺘﻘﺒﻠﻚ ﻭﺗﺘﺮﻓﺾ ﻭﻣﻮﻗﻒ ﺍﻫﻠﻲ ﺯﻋﻠﻨﻲ ﺍﻛﺘﺮ ﺍﺻﺤﺎﺑﻲ ﻫﻢ ﺍﻟﻮﺣﻴﺪﻳﻦ
ﺍﻟﺤﺴﻮﻧﻲ ﻣﺎ ﺗﻤﺎﻡ ﻭﻛﺎﻧﻮ ﺑﺤﺎﻭﻟﻮ ﻳﻔﺮﻗﻮ ﻟﻲ ﺧﺎﺻﺔ ﻓﺮﺡ ﻳﻮﻡ ﻛﺎﻥ ﻋﻨﺪﻧﺎ ﻗﻌﺪﻩ
ﻗﻠﺖ ﻛﺪﻱ ﺍﻓﺮﻕ ﺗﺎﺑﻌﺖ ﻧﻬﻰ ﺍﻟﺒﺘﺤﺐ ﺍﻟﺤﺎﺟﺎﺕ ﺩﻱ ﻭﺍﻟﺰﻣﻦ ﺍﺗﺄﺧﺮ ﻫﻲ ﺑﻴﺘﻬﻢ
ﻗﺮﻳﺐ ﻣﺸﺖ ﺧﻠﺘﻨﻲ ﺑﺠﻬﺰ ﻧﻔﺴﻲ ﻟﻠﺤﺎﻳﺤﺼﻞ ﻛﻠﻮ ﻭﺗﻠﻔﻮﻥ ﻣﺎ ﻋﻨﺪﻱ ﻭﺍﻗﻔﻪ
ﻓﻲ ﺍﻟﻤﻮﻗﻒ ﺑﺲ ﺟﺎﺕ ﻋﺮﺑﻴﻪ ﻭﻗﻔﺖ ﻗﺪﺍﻣﻲ ﻟﻤﻦ ﺍﻧﺨﻠﻌﺖ ﺳﻤﻌﺖ ﺯﻭﻝ ﺑﻨﺎﺩﻱ
ﺑﺎﺍﺳﻤﻲ ﺍﺗﻠﻔﺖ ﻟﻘﻴﺘﻮ ﺩﻛﺘﻮﺭ ﺍﻟﻬﺎﺩﻱ ﻭﺭﺍﻓﻊ ﺍﻟﻘﺰﺍﺯ ﻗﺎﻝ ﻟﻲ ﺍﺭﻛﺒﻲ ﻗﻠﺖ ﻟﻪ ﻻ
ﻗﺎﻡ ﻧﺰﻝ ﻭﺟﺎﻧﻲ ﺍﺭﻛﺒﻲ ﻳﺎ ﺑﻨﺘﻲ ﺧﻠﻴﻨﻲ ﺍﻭﺻﻠﻚ : ﻻﻻ ﻣﺎﻓﻲ ﺩﺍﻋﻲ ﻳﺎ ﺩﻛﺘﻮﺭ
ﺑﻠﻘﻰ ﻣﻮﺍﺻﻼﺕ : ﻻ ﻣﺎ ﺣﺎﺗﻠﻘﻲ ﻭﺣﺎﺗﻔﻀﻠﻲ ﻭﺍﻗﻔﻪ ﻛﺪﺍ ﻟﻤﻦ ﻳﺘﻜﺮﺭ ﻣﻌﺎﻙ
ﺍﻟﺤﺼﻞ ﺍﻟﻤﺮﻩ ﺍﻟﻔﺎﺗﺖ : ﻻﻻ ﻣﺎ ﺑﺤﺼﻞ ﺗﻠﻔﻮﻥ ﺯﺍﺗﻮ ﻣﺎ ﻋﻨﺪﻱ : ﻳﺎ ﺑﻨﺖ ﻣﺎ
ﺗﻨﺸﻔﻲ ﺭﺍﺳﻚ ﻭﻻ ﺧﺎﻳﻔﻪ ﺍﺧﻄﻔﻚ؟؟ ﺳﻜﺘﺖ ﻗﺎﻝ ﻟﻲ ﺍﺗﻔﻀﻠﻲ ﺍﺭﻛﺒﻲ ﺭﻛﺒﺖ
ﻭﺍﻧﺎ ﻣﺘﻮﺗﺮﻩ ﺷﺪﻳﺪ ﻣﺎ ﺑﻌﺮﻑ ﺍﺗﻌﺎﻣﻞ ﻣﻊ ﺍﻟﺪﻛﺎﺗﺮﻩ ﻭﻻ ﺑﻬﻀﻤﻬﻢ ﻭﻫﻮ ﻳﺴﺄﻝ
ﻓﻴﻨﻲ ﺳﺎﺍﻱ ﻋﻦ ﺍﻟﻤﺬﺍﻛﺮﻩ ﻭﻛﺪﺍ ﺗﻠﻔﻮﻧﻮ ﺩﻗﺎ ﻭﺑﻘﻰ ﻳﺘﻜﻠﻢ ﺷﻜﻼ ﺩﻱ ﻣﺮﺗﻮ
ﻳﺘﻜﻠﻢ ﻟﻤﻦ ﻭﺻﻠﻨﺎ ﺷﺎﺭﻉ ﺍﻟﺒﻴﺖ ﻗﻠﺖ ﻟﻪ ﻧﺰﻟﻨﻲ ﻫﻨﺎ : ﻻﻻ ﻻﺯﻡ ﺍﻭﺻﻠﻚ ﻟﺤﺪﻱ
ﺍﻟﺒﻴﺖ : ﺑﺲ : ﻣﺎ ﺑﺲ ﻋﺎﺭﻑ ﺍﻧﻚ ﺧﺎﻳﻔﻪ ﻣﻦ ﺍﻫﻠﻚ ﻭﺍﻧﺎ ﺣﺎﺍﺩﺧﻞ ﻣﻌﺎﻙ ﻏﺸﺎﻥ
ﻳﺘﻄﻤﻨﻮ ﺍﻛﺘﺮ ﻭﻋﺎﺩﻱ ﻣﺎﻓﻴﻬﺎ ﺣﺎﺟﻪ ﺍﺻﻼ ﺍﻟﻤﻔﺮﻭﺽ ﻳﻘﻠﻘﻮ ﻟﻮ ﻣﺎ ﻭﺻﻠﺘﻚ
ﻭﻭﺻﻠﺖي ﻣﺘﺄﺧﺮﻩ ﺑﺮﺍﻙ ﻣﺎ ﻋﺮﻓﺖ ﺍﺭﺩ ﻟه ﻭﻫﻮ ﻭﺻﻠﻨﻲ ﻭﺩﺧﻞ ﻣﻌﺎﻱ ﺍﻫﻠﻲ
ﻳﺘﻜﺒﻜﺒﻮ ﺳﺎﺍﺍﻱ ﻋﻠﻰ ﺍﺳﺎﺱ ﺑﺨﺎﻓﻮ ﻋﻠﻲ ﻏﺎﻳﺘﻮ ﺟﻨﺲ ﺗﻤﺜﻴﻞ ﻧﺒﺮﺍﺱ ﻗﺎﻟﺖ
ﻻﻣﻲ ﻭﺍﻟﻠﻪ ﺍﻟﺪﻛﺎﺗﺮﻩ ﺩﻳﻞ ﻗﻠﻴﻠﻴﻦ ﺍﺩﺏ ﻣﺎ ﺗﺸﻮﻓﻴﻪ ﺭﺍﺟﻞ ﻛﺒﻴﺮ ﻭﺍﻟﻠﻪ ﺗﻠﻘﻴﻪ ﺍﻛﺒﺮ
ﺻﺎﻳﻊ ﻭﻋﺎﻭﺯ ﻳﻐﺸﻬﺎ ﻭﺍﻣﻲ ﻟﻤﺖ ﻓﻴﻨﻲ ﺷﻜﻞ ﻟﻤﻦ ﺑﻜﻴﺖ ﺑﻌﺪ ﻓﺘﺮﻩ ﻧﺒﺮﺍﺱ
ﺗﻠﻔﻮﻧﺎ ﺧﺴﺮ ﻭﺍﺑﻮﻱ ﻃﻮﺍﻟﻲ ﺟﺎﺏ ﻟﻬﺎ ﻭﺍﺣﺪ ﺟﺪﻳﺪ ﻭﺍﻧﺎ ﺯﻋﻠﺖ ﺯﻋﻞ ﺑﺲ ﺍﺻﻠﻲ
ﻣﺎ ﺍﺗﻜﻠﻤﺖ ﻣﻌﺎﻩ ﺍﻣﻲ ﻗﺎﻟﺖ ﻟﻲ ﺍﻣﺸﻲ ﻗﻮﻟﻲ ﻟﻪ ﻳﺠﻴﺐ ﻟﻚ ﺍﻧﺘﻲ ﺯﺍﺗﻚ ﺑﺲ
ﺍﺻﻠﻲ ﻣﺎ ﻗﻠﺖ ﻗﻠﺖ ﺑﺲ ﺑﺨﻠﻴﻬﻢ ﺍﺷﻮﻑ ﺣﺪﻫﻢ ﻭﺍﻟﻔﺮﺯ ﺩﺍ ﺍﺧﺮﻭ ﺷﻨﻮ ﻳﻌﻨﻲ
ﺍﻧﺎ ﺟﺎﻳﺒﻨﻲ ﻣﻦ ﺍﻟﺸﺎﺭﻉ ﻭﻻ ﺑﻨﺖ ﺍﻟﻤﺮﺍ ﺍﻟﺘﺎﻧﻴﻪ ﻋﺸﺎﻥ ﻳﻌﺎﻣﻠﻮﻧﻲ ﻛﺪﺍ ﺳﻔﻬﺘﻬﻢ
ﻛﻠﻬﻢ ﺣﺘﻰ ﻫﻢ ﻻﺣﻈﻮ ﻣﺎ ﺑﺘﻜﻠﻢ ﻣﻊ ﺍﻱ ﺯﻭﻝ ﺍﻻ ﺍﺧﻮﺍﻧﻲ ﺍﻟﺼﻐﺎﺭ ﺑﺲ ﺑﺎﻛﻞ
ﻭﺑﺸﺮﺏ ﻭﺑﺸﺘﻐﻞ ﻭﺑﻤﺸﻲ ﺍﻟﺠﺎﻣﻌﻪ ﻭﺍﻧﻮﻡ ﺍﺑﻮﻱ ﺣﺲ ﺍﻧﻲ ﺑﻀﻐﻂ ﻋﻠﻴﻬﻢ ﺟﺎﺏ
ﻟﻲ ﺗﻠﻔﻮﻥ ﺻﻐﻴﺮ ﻛﺪﺍ ﻣﺎ ﺯﻱ ﺣﻖ ﻧﺒﺮﺍﺱ ﻓﺮﺣﺖ ﺑﻪ ﺯﻱ ﺍﻟﻄﻔﻞ ﺍﻟﺒﻐﺸﻮﻩ ﺑﻜﻴﺲ
ﺍﻟﺤﻼﻭﻩ ﺍﻟﻤﻬﻢ ﺭﺟﻌﺖ ﺭﻳﻤﺎ ﺍﻟﻘﺪﻳﻤﻪ ﻭﺍﻧﺎ ﺍﺻﻼ ﻛﺪﺍ ﻣﻦ ﺯﻣﺎﻥ ﺑﻨﺴﻰ ﺍﻱ ﻭﺟﻌﻪ
ﻣﻘﺎﺑﻞ ﻓﺮﺣﻪ ﺻﻐﻴﺮﻩ ﺣﻴﺎﺗﻲ ﻓﻲ ﻣﻨﺘﻬﻰ ﺍﻟﺘﻔﺎﻫﺔ ﻭﺍﻗﺼﻰ ﺃﺣﻼﻣﻲ ﺑﺘﻌﺘﺒﺮ
ﺍﺻﻼ ﻭﺍﺣﺪﻩ ﻣﻦ ﺍﻟﺤﻘﻮﻕ ﻋﻨﺪ ﻏﻴﺮﻱ ﻳﻮﻡ ﻛﻨﺖ ﻓﻲ ﺍﻟﻤﺤﺎﺿﺮﻩ ﺳﺮﺣﺎﻧﻪ
ﺗﻠﻘﻮﻧﻲ ﺩﻗﺎ ﻭﺍﻧﺎ ﻗﻠﺒﻲ ﻭﻗﻒ ﻗﻠﺖ ﺧﻼﺹ ﺣﺎﺗﻄﺮﺩ ﻟﻤﻦ ﺷﻠﺖ ﺷﻨﻄﺘﻲ ﺍﻟﺪﻛﺘﻮﺭ
ﻗﺎﻝ ﺻﻤﺘﻮ ﺍﻟﺘﻠﻔﻮﻧﺎﺕ ﺩﻱ ﻟﻮ ﺳﻤﺤﺘﻮ ﻋﺎﻳﻨﺖ ﻛﺪﺍ ﻳﺪﺍﺏ ﺍﻧﺘﺒﻬﺖ ﺍﻧﻮ ﺩﻛﺘﻮﺭ
ﺍﻟﻬﺎﺩﻱ ﻳﺎﺥ ﻋﺜﻞ ﻋﺪﻳﻞ ﺍﻟﺪﻛﺘﻮﺭ ﺩﺍ ﺑﻘﻴﺖ ﻣﺮﻛﺰﻩ ﻣﻌﺎﻩ ﺗﻌﺎﻣﻠﻮ ﺭﺍﻗﻲ ﺷﺪﻳﺪ
ﻭﻣﺒﺘﺴﻢ ﺩﺍﻳﻤﺎ ﻭﺗﻠﻘﺎﺋﻲ ﺑﻌﺎﻣﻠﻨﺎ ﺯﻱ ﺍﻭﻻﺩﻭ ﻣﺎ ﺑﺤﺴﺴﻨﺎ ﺍﻧﻨﺎ ﺟﻴﻞ ﺗﺎﻓﻪ ﺯﻱ ﻣﺎ
ﺑﻌﻤﻠﻮ ﺍﻏﻠﺐ ﺍﻟﺪﻛﺎﺗﺮﻩ ﺑﻌﺪ ﺍﻟﻤﺤﺎﺿﺮﻩ ﻣﺸﻴﺖ ﻟﻔﺮﺡ ﻓﻲ ﻗﺎﻋﺘﻬﻢ ﻭﺣﻜﻴﺖ ﻟﻪ
ﻭﺍﻟﻠﻪ ﺧﺎﻟﻜﻢ ﺩﺍ ﻋﺴﻞ ﻋﺪﻳﻞ : ﺍﻧﺘﻲ ﺷﻔﺘﻲ ﺣﺎﺟﻪ ؟ ﻭﺍﻟﻠﻪ ﺑﻌﺎﻣﻠﻨﺎ ﺍﺣﺴﻦ ﻣﻦ
ﺑﺎﺑﺎ : ﻋﺎﺩ ﺣﻈﻬﻢ ﺍﻭﻻﺩﻭ : ؛ ﻣﻊ ﺍﻻﺳﻒ ﺭﺑﻨﺎ ﻣﺎ ﻗﺴﻢ ﻟﻪ : ﻻﺣﻮﻻ : ﺧﺎﻟﻲ ﺩﺍ ﻣﻊ
ﺍﻧﻮ ﺍﻟﺒﻜﺮ ﻓﻲ ﺍﺧﻮﺍﻧﻮ ﻭﺍﻭﻝ ﻭﺍﺣﺪ ﺍﺗﺰﻭﺝ ﺑﺲ ﻣﺎ ﺟﺎﺏ ﺍﻭﻻﺩ : ﺳﺒﺤﺎﻥ ﺍﻟﻠﻪ :
ﻫﻮ ﺭﺍﺿﻲ ﺑﻘﺴﻤﺘﻮ ﻣﻌﺘﺒﺮﻧﺎ ﻧﺤﻦ ﺍﻭﻻﺩﻭ : ﻣﺎ ﻓﻜﺮ ﻳﻌﺮﺱ؟؟ : ﻭﻳﻴﻴﻦ ﺑﺤﺐ
ﻣﺮﺗﻮ ﺷﺪﻳﻴﻴﻴﻴﻴﻴﻴﺪ : ﺍﻧﺸﺎﺀﺍﻟﻠﻪ ﺭﺑﻨﺎ ﻳﻘﺴﻢ ﻟﻬﻢ ﺑﻌﺪ ﺩﺍ : ﺍﻧﺸﺎﺀﺍﻟﻠﻪ : ﺍﻧﺘﻮ ﻛﻠﻜﻢ
ﺳﺎﻛﻨﻴﻦ ﻓﻲ ﺑﻴﺖ ﻭﺍﺣﺪ؟؟ : ﺍﻳﻮﺍ ﺍﻣﻲ ﻭﺍﻡ ﻫﺎﻟﻪ ﺍﺧﻮﺍﺕ ﺍﺗﺰﻭﺟﻦ ﺍﻭﻻﺩ ﻋﻤﻬﻦ
ﺍﺧﻮﺍﻥ ﻭﻛﻠﻬﻢ ﻋﺎﻳﺸﻴﻦ ﻓﻲ ﻧﻔﺲ ﺍﻟﺒﻴﺖ ﺍﻟﺒﻴﺖ ﺍﻟﻜﺒﻴﺮ ﻭﺍﺳﻲ ﺍﻋﻤﺎﻣﻲ ﺑﺮﺿﻮ
ﻋﺎﻳﺸﻴﻦ ﻣﻌﺎﻧﺎ ﺍﻣﺎ ﻋﻤﺎﺗﻲ ﺍﺗﺰﻭﺟﻦ ﻭﺭﺣﻠﻮﻫﻦ : ﻣﺎ ﻓﺎﻫﻤﻪ ﺷﻲ : ﺍﻣﻤﻢ ﻋﺎﻳﻨﻲ
ﺟﺪﻭ ﺍﺑﻮ ﺍﻣﻲ ﻭﺍﺑﻮ ﺍﺑﻮﻱ ﺍﺧﻮﺍﻥ ﻭﺳﺎﻛﻨﻴﻦ ﻓﻲ ﺑﻴﺖ ﻭﺍﺣﺪ ﺑﻴﺖ ﺍﺑﻮﻫﻢ ﺟﺪﻱ
ﺍﺑﻮ ﺍﺑﻮﻱ ﻋﻨﺪﻭ ﻭﻟﺪﻳﻦ ﻭﺛﻼﺛﻪ ﺑﻨﺎﺕ ﺍﻟﺒﻨﺎﺕ ﺍﺗﺰﻭﺟﻦ ﻭﺭﺣﻠﻮﻫﻦ ﻭﺍﺑﻮﻱ ﺍﻧﺎ ﻭﺍﺑﻮ
ﻫﺎﻟﻪ ﺍﺗﺰﻭﺟﻮ ﺑﻨﺎﺕ ﻋﻤﻬﻢ ﺍﻟﻠﻬﻮ ﺍﺑﻮ ﻣﺎﻣﺎ ﻭﺧﺎﻟﻮ ﺍﻟﻬﺎﺩﻱ ﻭﺍﻡ ﻫﺎﻟﻪ ﻓﻬﻤﺘﻲ ؟؟
ﻭﻋﺎﻳﺸﻴﻦ ﻓﻲ ﻧﻔﺲ ﺍﻟﺒﻴﺖ ﺑﺘﺎﻉ ﺍﻟﻮﺭﺛﻪ ﺩﺍ : ﻳﺎ ﺳﻼﺍﺍﺍﻡ ﺣﻴﺎﺗﻜﻢ ﺣﻠﻮﻩ ﻣﻊ
ﺑﻌﺾ : ﺷﺪﻳﺪ ﻭﺍﻟﻌﺠﺐ ﻟﻤﻦ ﻧﺘﺠﻤﻊ ﻛﻠﻨﺎ ﻗﺮﻳﻪ ﻛﺎﻣﻠﻪ : ﻣﺎﺷﺎﺀﺍﻟﻠﻪ : ﻳﻼ ﺍﻧﺎ ﺑﻌﺪ
ﺍﺗﺰﻭﺝ ﺣﺎﺍﺳﻜﻦ ﻣﻌﺎﻫﻢ ﺑﺮﺿﻮ ﺍﻟﺒﻴﺖ ﻛﺒﻴﺮ ﻭﺑﺸﻴﻞ ﺍﺻﻼ ﺍﻟﻄﺎﺑﻖ ﺍﻟﻔﻮﻕ ﻣﺎﻓﻴﻪ
ﻏﻴﺮ ﺷﻘﺔ ﺧﺎﻟﻮ ﺍﻟﻬﺎﺩﻱ ﻭﻏﺮﻓﻨﺎ ﻧﺤﻦ ﺍﻧﺎ ﺣﺎﺍﻛﻮﻥ ﺟﺎﺭﻭ : ﺍﻧﺖ ﻭﻳﻦ ﻭﺍﻟﻌﺮﺱ
ﻭﻳﻦ : ﻗﺮﻳﻴﻴﻴﺐ ﺍﻛﺘﺮ ﻣﻤﺎ ﺑﺘﺘﺨﻴﻠﻲ ﻣﺸﻴﺖ ﺧﻠﻴﺘﻮ ﺑﺤﻠﻢ ﻋﺮﺱ ﺷﻨﻮ ﻛﻤﺎﻥ ﻟﻪ
ﺍﻟﺸﺎﻓﻊ ﺩﺍ ﻳﺪﺍﺏ ﻋﻤﺮﻭ ١٧ ﺳﻨﻪ ﻳﻼ ﺩﻛﺘﻮﺭ ﺍﻟﻬﺎﺩﻱ ﺭﻗﻮﻩ ﻟﻌﻤﻴﺪ ﻛﻠﻴﺘﻨﺎ ﻭﻋﻤﻠﻮ
ﻟﻪ ﻛﺮﺍﻣﻪ ﻛﺒﻴﺮﻩ ﻓﺮﺡ ﻭﻫﺎﻟﻪ ﻋﺰﻣﻮﻧﺎ ﻛﻠﻤﺖ ﺍﺑﻮﻱ ﻗﺎﻝ ﻟﻲ ﺍﻣﺸﻲ ﺑﺲ ﻣﺎ
ﺗﺘﺄﺧﺮﻱ ﻣﺸﻴﺖ ﻣﻊ ﻧﻬﻰ ﻭﺧﺎﻟﺪ ﻃﺒﻌﺎ ﺑﻴﺘﻬﻢ ﺩﺍ ﻛﺎﻥ ﻣﻔﺎﺟﺄﺓ ﺑﺎﻟﻨﺴﺒﻪ ﻟﻲ ﻳﺎﺥ
ﻗﺼﺮ ﻋﺪﻳﻞ ﻭﻃﻮﺍﺑﻖ ﻋﺸﺎﻥ ﻛﺪﺍ ﺷﺎﻳﻠﻬﻢ ﻛﻠﻬﻢ ﺍﻧﺎ ﺍﻧﺪﻫﺸﺖ ﻣﻦ ﺍﻟﺒﻮﺍﺑﻪ
ﻭﺍﻟﺤﺪﻳﻘﻪ ﺑﺮﺍﻫﺎ ﺍﻛﺒﺮ ﻣﻦ ﺑﻴﺘﻨﺎ ﻭﺣﻮﺽ ﺍﻟﺴﺒﺎﺣﻪ ﺩﺍ ﻭﻣﺴﺎﺣﻪ ﻛﺪﺍ ﺧﻀﺮﺍﺀ ﻣﺎ
ﻋﺎﻓﻪ ﻟﺸﻨﻮ ﻭﻓﻲ ﺳﺎﻗﻴﻪ ﻭﻣﺮﺟﻴﺤﻪ ﻭﺗﺮﺍﻣﺒﻮﻟﻴﻦ ﻗﺮﺑﺖ ﺍﺟﺮﻱ ﺍﻟﻌﺐ ﺩﺧﻠﻨﺎ
ﻓﻀﻠﻮﻧﺎ ﻓﻲ ﺻﺎﻟﻪ ﻛﺪﺍ ﻛﺒﻴﻴﻴﻴﺮﻩ ﻣﺎﻓﻲ ﺣﺎﺟﻪ ﻣﺎﻓﻴﻬﺎ ﺍﻟﻤﻜﻴﻔﺎﺕ ﺩﻱ ﻭﺍﻟﻤﺮﺍﻭﺡ
ﻭﺍﻟﻔﺮﺵ ﺩﺍ ﻣﺎ ﺷﻔﺘﻮ ﺍﻻ ﻓﻲ ﺍﻟﺘﻠﻔﺰﻳﻮﻥ ﻭﺍﻟﺸﺎﺷﻪ ﺟﺎﺑﻮ ﻟﻴﻨﺎ ﻣﻮﻳﻪ ﺷﻜﻼ ﻣﻮﻳﺔ
ﺻﺤﻪ ﻭﻋﺼﻴﺮ ﻟﻴﻮﻡ ﺍﻟﻠﻴﻠﻪ ﻣﺎ ﻋﺮﻓﺘﻮ ﺣﻖ ﺷﻨﻮ ﺑﺲ ﻗﺸﻄﻮ ﻓﻲ ﻧﻔﺲ ﻭﺍﺣﺪ
ﻭﺍﻟﺤﻼﻭﻩ ﻏﻠﺒﻨﻲ ﺍﻣﺴﻚ ﻧﻔﺴﻲ ﻣﻨﻬﺎ ﻛﻞ ﻣﺎ ﻳﻐﻔﻠﻮ ﻋﻨﻲ ﺍﺷﻴﻞ ﻭﺍﺩﺱ ﻓﻲ
ﺍﻟﺸﻨﻄﻪ ﻻﺧﻮﺍﻧﻲ ﺍﻟﺼﻐﺎﺭ ﻃﺒﻌﺎ ﻛﻞ ﻣﺎﺍﻣﺸﻲ ﻣﺤﻞ ﻭﻳﻀﻴﻔﻮﻧﻲ ﺣﺎﺟﻪ ﺑﺠﻴﺐ
ﻟﻬﻢ ﻓﺮﺡ ﺑﺲ ﻗﺎﻋﺪ ﻣﻌﺎﻱ ﺍﻧﺎ ﻭﻳﻬﺎﻇﺮ ﻓﻴﻨﻲ
ﺷﺎﻳﻔﻪ ﺧﺎﻟﻮ ﻓﻲ ﺍﻟﺒﻴﺖ ﺩﻣﻮ ﺧﻔﻴﻒ ﻛﻴﻒ؟؟ : ﺑﺴﻤﻌﻚ ﺍﺳﻜﺖ : ﻣﺎ ﻣﺸﻜﻠﻪ
ﺍﺻﻼ ﻫﻮ ﺻﺎﺣﺒﻲ ﺑﺸﺒﻬﻨﻲ ﻭﺍﺗﻮ ﻛﺪﻱ ﻋﺎﻳﻨﻲ ﻟﻪ ﻓﻌﻼ ﺑﺸﺒﻬﻮ ﺷﺪﻳﺪ ﺗﻘﻮﻝ ﺍﺑﻮﻩ
ﻣﺎ ﻋﺪﺍ ﺍﻟﺸﻴﺐ ﻭﺍﻟﻠﻮﻥ ﺩﺍﻙ ﻟﻮﻧﻮ ﺍﻓﺘﺢ ﺑﺴﺒﺐ ﺍﻟﺘﺮﻃﻴﺒﻪ ﺍﻇﻦ ﺍﻟﺸﻤﺲ ﺩﻱ ﻣﺎ
ﺑﺘﻌﺮﺽ ﻟﻬﺎ ﻗﻠﺖ ﻟﻔﺮﺡ ﻣﺮﺗﻮ ﻭﻳﻨﺎ : ﺍﻻ ﻟﻮ ﻣﺘﺨﺎﺻﻤﻴﻦ ﻛﻤﺎﻥ ﻣﺎ ﺑﺘﻔﺎﺭﻗﻮ
ﺧﺎﻟﺺ
ﺍﻟﻤﻬﻢ ﺟﺎﺑﻮ ﻟﻴﻨﺎ ﺍﻟﻐﺪﺍﺀ ﻋﺎﺩ ﻭﻻ ﺍﻛﻞ ﺍﻟﻤﺎﺳﺒﺎﺕ ﺍﻧﺎ ﺍﺗﻌﻘﺪﺕ ﻓﻲ ﺣﻴﺎﺗﻲ ﺩﻱ
ﺑﺴﺒﺐ ﺍﻟﻨﺎﺱ ﺩﻳﻞ ﺍﺳﻲ ﻫﻢ ﻧﺎﺱ ﻭﻧﺤﻦ ﻧﺎﺱ ﺑﻌﺪ ﺧﻠﺼﻨﺎ ﻭﺻﻠﻮﻧﺎ ﻟﺒﻴﻮﺗﻨﺎ
ﺑﻌﺮﺑﺎﺗﻢ ﺍﻟﻮﺍﻗﻔﺎﺕ ﺯﻱ ﺍﻟﻤﻌﺮﺽ ﻗﺪﺍﻡ ﺍﻟﺒﺎﺏ ﺍﻧﺎ ﻭﺻﻠﻨﻲ ﻓﺮﺡ ﻭﺍﻫﻠﻲ ﻳﺴﺄﻟﻮ
ﻓﻴﻨﻲ ﺳﺎﺍﻱ ﻭﺍﺩﻳﺘﻬﻢ ﺍﻟﺤﻼﻭﻩ ﺍﻣﻲ ﻗﺎﻟﺖ ﻟﻲ ﻭﺍﻟﻠﻪ ﻏﺎﻳﺘﻮ ﺍﻟﻠﻪ ﻳﻮﻋﺪﻧﺎ ﺑﺲ
ﻗﻠﺖ ﻟﻬﺎ ﻓﻲ ﺍﺣﻼﻣﻨﺎ ﺑﺲ ﻧﺤﻦ ﻭﻳﻦ ﻭﻫﻢ ﻭﻳﻦ ﻧﺒﺮﺍﺱ ﻗﺎﻟﺖ ﻟﻲ ﻟﻴﻪ؟؟ ﻭﺍﻟﻠﻪ
ﺍﻧﺎ ﺍﺟﻴﺐ ﻟﻜﻢ ﻋﺮﻳﺲ ﺍﻏﻨﻰ ﻣﻨﻬﻢ ﻭﺑﻴﺘﻲ ﻳﻜﻮﻥ ﺍﺣﻠﻰ ﻣﻦ ﺑﻴﺘﻬﻢ : ﻫﻮ ﺍﻧﺘﻲ
ﺷﻔﺘﻲ ﺑﻴﺘﻬﻢ؟؟ ﺍﻣﻲ ﻧﻬﺮﺗﻨﻲ ﻣﺎﻻ ﻣﺎ ﺑﺘﻠﻘﻰ ﻗﺎﻳﻼﻫﺎ ؟؟ ﻣﺎ ﻫﺪﻱ ﺳﻤﺤﻪ ﺑﺘﺸﺒﻪ
ﻫﻴﻔﺎﺀ ﻭﻫﺒﻲ ﻭﺍﻟﻌﺮﺳﺎﻥ ﻣﻄﺮ ﺍﻧﺎ ﻃﻮﺍﻟﻲ ﺯﻋﻠﺖ ﻭﻣﺸﻴﺖ ﺍﻟﻐﺮﻓﻪ ﺍﺑﻜﻲ ﺍﺗﺬﻛﺮﺕ
ﻋﺎﻣﺮ ﻭﺍﻟﺤﺼﻞ ﻣﺜﺎﻧﻲ ﺟﺎﺕ ﺩﺍﺧﻠﻪ ﻣﺴﺤﺖ ﺩﻣﻮﻋﻲ ﻗﺎﻟﺖ ﻟﻲ ﺩﺍ
ﻓﺮﺡ٣ﺍﻟﻮﺻﻠﻚ ﺻﺢ؟؟ : ﻓﻲ ﻣﺸﺎﻛﻞ ؟؟ : ﻟﻤﻦ ﺍﻗﻮﻝ ﻟﻚ ﺑﺤﺒﻚ ﻣﺎ ﺑﺘﺼﺪﻗﻲ :
ﻋﻠﻴﻚ ﺍﻟﻠﻪ ﻣﺎ ﺗﻔﻮﺭﻱ ﺩﻣﻲ ﺑﺮﺍﻱ ﺯﻫﺠﺎﻧﻪ : ﻭﻟﻴﻪ ﻳﻌﻨﻲ ﺍﺳﻲ ﺧﺎﻟﺪ ﺩﺍ ﺑﻬﺘﻢ ﺑﻚ
ﻛﺪﺍ؟؟ : ﻧﺤﻦ ﺍﺻﺤﺎﺏ ﻣﺎ ﺍﻛﺘﺮ ﻭﺑﻌﺪﻳﻦ ﻫﻮ ﺍﺻﻐﺮ ﻣﻨﻲ ﻭﺑﺮﻟﻮﻣﻲ :ﻋﺎﺩﻱ
ﺍﻟﺴﻴﺪﻩ ﺧﺪﻳﺠﺔ ﻛﺎﻧﺖ ﺍﺻﻐﺮ ﻣﻦ ﺍﻟﺮﺳﻮﻝ ﺑﻜﺘﻴﺮ ﺧﻠﻲ ﺍﻧﺘﻲ ﺍﻟﺴﻨﻪ ﻭﻻ ﺳﻨﺘﻴﻦ
ﺩﻱ : ﻋﻠﻴﻚ ﺍﻟﻠﻪ ﺍﺗﺨﻤﺪﻱ ﺩﻱ ﺷﻨﻮ ﺍﻟﻤﺎﺑﺘﻔﻬﻢ ﺩﻱ ﺑﻼ ﺣﺐ ﺑﻼ ﺯﻓﺖ ﻋﺮﺱ ﺯﺍﺗﻮ
ﻣﺎ ﻋﺎﻭﺯﻩ ﺍﻋﺮﺱ : ﻣﻌﻘﺪﻩ
ﺍﻧﺎ ﻓﺼﻠﺖ ﻓﺮﺡ ﻭﻫﺎﻟﻪ ﻭﺍﻟﺸﻠﻪ ﻛﻠﻬﺎ ﻟﻔﺘﺮﻩ ﻋﺎﻭﺯﻩ ﺍﺑﻌﺪ ﻣﻦ ﻓﺮﺡ ﺷﻮﻳﻪ ﻋﺸﺎﻥ
ﻣﺎ ﻳﺠﻲ ﺯﻭﻝ ﺗﺎﻧﻲ ﻳﺴﻢ ﻟﻲ ﺑﺪﻧﻲ ﺑﻜﻼﻡ ﺯﻱ ﺍﻟﻘﺎﻟﺘﻮ ﻣﺜﺎﻧﻲ ﺩﺍ ﻭﻓﺮﺡ ﻗﺪﺭ ﻣﺎ
ﻳﺤﺎﻭﻝ ﻳﺘﻜﻠﻢ ﻣﻌﺎﻱ ﺍﺗﻬﺮﺏ ﻣﻨﻮ ﻭﻟﻤﻦ ﺍﺟﻲ ﻃﺎﻟﻌﻪ ﺍﺧﺮ ﺍﻟﻴﻮﻡ ﺑﺼﺮ ﻳﻮﺻﻠﻨﻲ
ﺑﺲ ﺍﻧﺎ ﺑﺮﻓﺾ ﻭﺩﻛﺘﻮﺭ ﺍﻟﻬﺎﺩﻱ ﺑﺮﺿﻮ ﺣﺎﺳﺎﻩ ﻋﺎﻭﺯ ﻳﺘﻜﻠﻢ ﻣﻌﺎﻱ ﻓﻲ ﺍﻟﻤﻮﺿﻮﻉ
ﺩﺍ ﻻﻧﻮ ﺻﺎﺣﺒﻮ ﺷﺪﻳﺪ ﻭﺑﻜﻮﻥ ﺩﺧﻠﻮ ﻭﺍﺳﻄﻪ ﻳﻮﻡ ﻛﺎﻥ ﺷﻐﺎﻝ ﻣﻌﺎﻧﺎ ﺑﻌﺪ
ﺍﻟﻤﺤﺎﺿﺮﻩ ﺧﻠﺼﺖ ﻭﻃﻠﻌﻨﺎ ﻭﻗﻔﻨﻲ
ﺍﺳﺘﻨﻲ ﻳﺎ ﺳﻤﺮ ﻋﺎﻭﺯﻙ ﻓﻲ ﻣﻜﺘﺒﻲ ﻋﺎﺩ ﺍﻧﺎ ﺍﻟﻨﺎﺭ ﻭﻟﻌﺖ ﻓﻴﻨﻲ ﻭﺻﻠﺖ ﻣﻌﺎﻙ
ﻟﻠﺪﺭﺟﻪ ﺩﻱ ﻳﺎ ﻓﺮﺡ ؟ ﺍﺣﻴﻴﻴﻨﺎ ﺍﺳﻲ ﺍﻟﻄﻠﺒﻪ ﻳﻘﻮﻟﻮ ﻋﻠﻲ ﺷﻨﻮ ﻣﺸﻴﺖ
ﺍﻻﺳﺘﺮﺍﺣﻪ ﻏﺴﻠﺖ ﻭﺷﻲ ﻭﻣﺸﻴﺖ ﻟﻪ ﻓﻲ ﺍﻟﻤﻜﺘﺐ ﺩﻗﻴﺖ ﺍﻟﺒﺎﺏ
ﺍﺩﺧﻠﻲ ﻳﺎ ﺳﻤﺮ : ﺧﻴﺮ ﻳﺎ ﺩﻛﺘﻮﺭ : ﺍﻗﻌﺪﻱ ﺳﻠﻢ ﻋﻠﻲ ﻋﺎﺩﻱ ﻭﺳﺄﻟﻨﻲ ﻣﻦ ﺍﻫﻠﻲ
ﻓﺠﺎﺀﺓ ﻗﺎﻝ ﻟﻲ ﺍﻧﺘﻲ ﻣﺮﺗﺒﻄﻪ ﻳﺎ ﺳﻤﺮ ؟؟ : ﺍﺟﻲ ﻳﺎ ﺩﻛﺘﻮﺭ ﻋﺎﻭﺯ ﺗﺪﺑﻞ ﺑﻲ ﻭﻻ
ﺷﻨﻮ ؟؟ ﻗﻠﺘﻬﺎ ﻓﻲ ﺳﺮﻱ ﻃﺒﻌﺎ ﻭﺭﺩﻳﺖ ﻟﻪ ﺑﻼ ﻗﺎﻝ ﻟﻲ ﻃﻴﺐ ﻣﻦ ﻏﻴﺮ ﻟﻒ
ﻭﺩﻭﺭﺍﻥ ﻓﻲ ﻋﺮﻳﺲ ﻋﺎﻭﺯ ﻳﺘﻘﺪﻡ ﻟﻚ ﻭﻗﺐ ......... ﺍﻧﺎ ﻃﻮﺍﻟﻲ ﻗﺎﻃﻌﺘﻮ ﺍﻧﺎ
ﻓﻌﻼ ﻣﺎ ﻣﺮﺗﺒﻄﻪ ﻭﻻ ﻣﻔﻜﺮﻩ ﻓﻲ ﺍﻟﻤﻮﺿﻮﻉ ﺩﺍ ﻭﻋﺸﺎﻥ ﺍﻛﻮﻥ ﻭﺍﺿﺤﻪ ﻣﻌﺎﻙ ﻳﺎ
ﺩﻛﺘﻮﺭ ﺍﻧﺎ ﻣﺎ ﻣﻮﺍﻓﻘﻪ ﻭﺍﺻﻼ ﺩﻱ ﻣﺎ ﻃﺮﻳﻘﻪ ﻳﺘﻘﺪﻣﻮ ﺑﻬﺎ ﻟﺒﻨﺎﺕ ﺍﻟﻨﺎﺱ :
ﻭﺍﻟﻄﺮﻳﻘﻪ ﻛﻴﻒ : ﻣﺎﻓﻲ ﺯﻭﻝ ﻣﺎ ﺑﻌﺮﻑ : ﻃﻴﺐ ﻳﺎ ﺳﻤﺮ ﻧﺤﻦ ﺟﺎﻳﻨﻜﻢ ﺍﻟﻴﻮﻡ
ﻧﻄﻠﺒﻚ ﻛﻠﻤﻲ ﺍﻫﻠﻚ : ﻧﻌﻢ ؟؟ : ﺯﻱ ﻣﺎ ﻗﻠﺖ ﻟﻚ ﻭﻃﻮﺍﻟﻲ ﻗﺎﻡ ﻭﻗﺎﻝ ﻟﻲ ﻣﻤﻜﻦ
ﺗﺘﻔﻀﻠﻲ : ﺩﻗﻴﻘﻪ ﻳﺎ ﺩﻛﺘﻮﺭ ﺗﻄﻠﺒﻮﻧﻲ ﻛﻴﻒ : ﺑﻌﺪ ﻧﺠﻲ ﺑﺘﻌﺮﻓﻲ ﺍﻧﺎ ﻃﻠﻌﺖ
ﻣﻬﺒﻄﻪ ﻣﺎ ﻗﺎﺩﺭﻩ ﺍﻣﺸﻲ ﺯﺍﺗﻮ ﻣﺸﻴﺖ ﺍﻟﺒﻴﺖ ﻭﺍﻧﺎ ﻣﺘﻮﺗﺮﻩ ﻭﺧﺎﻳﻔﻪ ﻭﻣﺎ ﻋﺎﺭﻓﻪ
ﺍﻋﻤﻞ ﺷﻨﻮ ﻛﻠﻤﺎ ﺍﻗﻮﻝ ﺍﻛﻠﻢ ﺍﻣﻲ ﺍﺧﺎﻑ ﻧﺒﺮﺍﺱ ﺣﺎﺗﻘﻮﻡ ﺍﻟﺪﻧﻴﺎ ﻭﻣﺎ ﺗﻘﻌﺪﺍ
ﻃﻴﺐ ﺍﻋﻤﻞ ﺷﻨﻮ ﺍﺣﺴﻦ ﺣﺎﺟﻪ ﺍﻛﻠﻢ ﻣﺜﺎﻧﻲ ﻻﻻ ﺣﺎﺗﺸﻤﺖ ﻓﻴﻨﻲ ﻓﻲ ﺍﻟﻨﻬﺎﻳﻪ
ﻋﻤﻠﺖ ﻧﻔﺴﻲ ﺭﺍﻳﺤﻪ ﺍﺻﻼ ﺩﻱ ﺣﺮﻛﺎﺕ ﻣﻦ ﻓﺮﺡ ﻋﺎﻭﺯ ﻳﺨﻮﻓﻨﻲ ﻭﻟﻮ ﺣﺘﻰ ﺟﻮ
ﺑﻌﻤﻞ ﻧﻔﺴﻲ ﻣﺎ ﻋﺎﺭﻓﻪ ﺍﻟﻤﻐﺮﺏ ﺍﺑﻮﻱ ﺟﺎﺀ ﻭﻗﺒﻞ ﻣﺎ ﻳﺸﺮﺏ ﻟﻪ ﻣﻮﻳﻪ ﺳﺎﻱ
ﺳﻤﻌﻨﺎ ﺻﻮﺕ ﻋﺮﺑﻴﻪ ﻭﺍﻟﺒﺎﺏ ﺩﻗﺎ
ﻗﻮﻡ ﻳﺎ ﺳﻌﺪ ﺍﻓﺘﺢ ﺍﻟﺒﺎﺏ ﺩﺍ ﻭﺍﻧﺎ ﺑﻘﻮﻝ ﻓﻲ ﻧﻔﺴﻲ ﻳﺎﺭﺑﻲ ﻣﺎ ﻳﻜﻮﻧﻮ ﻫﻢ ﺳﻌﺪ
ﺟﺎﺀ ﻗﺎﻝ ﻻﺑﻮﻱ ﻓﻲ ﻧﺎﺱ ﻭﺍﻗﻔﻴﻦ ﻟﻚ ﺑﺮﺍ ﻃﻠﻊ ﻭﺳﺎﻣﻌﺎﻩ ﺍﺗﻔﻀﻠﻮ ﺍﺗﻔﻀﻠﻮ ﺑﻌﺪ
ﺷﻮﻳﻪ ﺟﻮ ﺩﺍﺧﻠﻴﻦ ﻓﺮﺡ ﻭﺍﺑﻮﻩ ﻭﺩﻛﺘﻮﺭ ﺍﻟﻬﺎﺩﻱ ﻗﺮﺑﺖ ﺍﻏﻤﺮ ﻭﺍﻧﺎ ﻗﺎﻋﺪﻩ ﺑﺘﻮﺏ
ﺍﻣﻲ ﺍﻟﻘﺪﻳﻢ ﺍﻟﻤﺸﺮﻭﻁ ﻣﻦ ﺍﻟﻨﺺ ﻭﻏﺒﺸﺎ ﻭﺭﺍﺳﻲ ﻣﻨﻜﺶ ﻓﺮﺡ ﻳﻌﺎﻳﻦ ﻟﻲ
ﺳﺎﺍﺍﻱ ﺷﺎﻓﻨﻲ ﻣﻬﺠﻮﻣﻪ ﻭﻣﻘﻠﻌﻪ ﻋﻴﻮﻧﻲ ﻏﻤﺰ ﻟﻲ ﻃﻮﺍﻟﻲ ﺟﺮﻳﺖ ﺍﻟﻐﺮﻓﻪ ﻭﻻ
ﺳﻠﻤﺖ ﺯﺍﺗﻮ ﻣﺜﺎﻧﻲ ﺟﺎﺕ ﻻﺣﻘﺎﻧﻲ ﺗﻀﺎﺣﻚ ﺩﻱ ﺧﻄﻮﺑﻪ ﻳﺎ ﺍﺧﺘﻲ : ﻣﺎ ﺗﻔﺘﺤﻲ
ﺧﺸﻤﻚ ﻣﻌﺎﻱ ﻧﻬﺎﺋﻲ ﻧﺒﺮﺍﺱ ﺟﺎﺗﻨﻲ ﺗﺼﺮﺻﺮ ﻗﺎﻟﺖ ﻟﻲ ﺩﺍ ﺍﺧﺮﻙ ﺗﻬﺒﻠﻲ ﺑﻨﻔﺴﻚ
ﻛﺪﺍ ﻋﺸﺎﻥ ﺍﻟﻘﺮﻭﺵ ﻭﺍﻟﺒﻴﺖ ﺍﻟﺴﻤﺢ : ﻣﺎ ﻗﻠﺖ ﻟﻪ ﺗﻌﺎﻝ ﺍﺧﻄﺒﻨﻲ ﻭﺍﺻﻼ ﻣﺎ
ﻣﻮﺍﻓﻘﻪ : ﻳﻌﻨﻲ ﻛﻨﺘﻲ ﻋﺎﺭﻓﻪ ﺍﺳﻲ ﻣﺎ ﺷﺎﻳﻔﻪ ﻓﺮﻕ ﺍﻟﻌﻤﺮ ﺑﻴﻨﺎﺗﻜﻢ ﺍﻟﻨﺎﺱ ﺍﻻ
ﻳﻀﺤﻜﻮ ﻓﻴﻚ ﻭﺍﻧﺎ ﻳﺪﺍﺏ ﺍﺳﺘﻮﻋﺒﺖ ﺍﻧﻮ ﻓﺮﺡ ﺟﺎﺏ ﺍﺑﻮﻩ ﻭﺧﺎﻟﻮ ﻋﺸﺎﻥ
ﻳﺘﻘﺪﻣﻮ ﻟﻲ ﺍﻣﻲ ﺟﺎﺕ ﻓﺮﺣﺎﻧﻪ ﻗﻮﻣﻲ ﻳﺎ ﺑﻨﺖ ﺍﻟﺒﺴﻲ ﻟﻚ ﺣﺎﺟﻪ ﺣﻠﻮﻩ ﻭﺗﻌﺎﻟﻲ
ﺳﻠﻤﻲ ﻋﻠﻰ ﺍﻟﺠﻤﺎﻋﻪ ﻋﺎﺩ ﻟﻜﻦ ﻃﻠﻌﺘﻲ ﻓﺎﻟﺤﻪ ﻭﺟﺒﺘﻴﻪ ﺑﺲ ﻛﺎﻥ ﺗﻮﺭﻳﻨﺎ ﻋﺸﺎﻥ
ﻧﻌﻤﻞ ﺣﺴﺎﺑﻨﺎ ﻳﺎ ﺣﻴﻮﺍﻧﻪ ﺍﺳﻲ ﺷﻮﻓﻲ ﻓﺎﺟﺌﻮﻧﺎ ﻛﻴﻒ ﻭﺣﺎﻟﺘﻚ ﺑﺎﻟﺒﻼﺀ
يتبــــــــــــــــــــــــــــــــــــــــــــع.